مبروك العرس يابو يوسف

[الاصمعي]

الأخ العزيز عبدالرحمن طلب مني بالأمس رايي بالتعدد وحيث ان موضوعه عن التعدد طونه صفحات العام اخترت أن اهديه هالأبيات هنا مبيناً بها رأيي حول الموضوع:)


يلي نشدت وتطلب الشور والراي
....................مدري تبي التأييد فيما نويته


عطني انتباهك واقرب شوي لي جاي
....................لايسمعون الرد بعض الشميته


منهو بغى المورد فلا يكدّر الماي
....................وبالعرس ما يشاور مضاوي بصيته


وكانك تعد خطاك وتطالع خطاي
....................تبطي على الملِّيك ما زرت بيته:thumb:


دزد كان لي تفكير واصغيت للناي
....................الي عليه تعزف لحنٍ شديته


قبل يعرض لي عارض ويوصف دواي
....................بالمستحيل الرابع الي هويته


واليوم لو جتني هديه بمخباي
.........رميتها ولا رميت الجاكيته<<تسانه نشبت بالمخبى:)


يعني التعدد هالزمن ضد مبداي
....................حسب الضروف الي قريت ورأيته


لو النسا أس السعادة والاغواي
..................... وزهور نورٍ من خيالي سقيته


وليا تصارع سحرهنَّه وتقواي
....................ميل المشاعر صوبهن ما نفيته


مار اني جزت وودي تسوي سواي
....................تمشي على نهج بحياتي مشيته


لا للتعدد والتمدد والارجاي
....................وحِّد وشل هم الضنا لا تهيته


عندي ليا قالت لي رغيِّد أغغاي
....................وتبسمت مع بسمتي له فديته


آتي لك الله يبو يوسف من أقصاي
....................وانسى البشر حلوه وحيه وميته


تحياتي

[سلطااان السويري]

عندي ليا قالت لي رغيِّد أغغاي
....................وتبسمت مع بسمتي له فديته


آتي لك الله يبو يوسف من أقصاي
....................وانسى البشر حلوه وحيه وميته




الله يخليك رغد ويحفظه


صح لسانك يابو خالد وجزله من جزل


لا لا للتعدد:)

[الاصمعي]

هلا هلا والله بسلطان

حياك وهالحضور السريع والرائع:7ayyoh:

صح بدنك يالغالي

[ابو ضاري]

صح لسانك


ونعم للتعدد مع ابو يوسف

<<<<<مخطط على الثانيه

[الشبث]

صح لساااانك يابو خالد



وانا معك في عدم التعدااااد


<< البارح مفلوق بحدا القدور





وتقلدوا تحيتي

[ابو خليف]

صح لسانك يابو خالد

[بتول آل علي]

و شهد شااااهدٌ من أهلهاااا


>>> ودها تثبت القصيدة وتبروزها بالذهب :)


/

\

/


هذا الشعر ولا بلاش :)



صح لسانك ترليووون يا ابو خالد :)





اختك

الدهور

[عبدالرحمن]

وش سويت يابو خالد الله يخرب بيت النتن ياهو!
انت تبارك لي بالعرس الثاني اللي صار لو ثلاث سنين :)
ولا على العرس الثالث اللي باقيلوه مدة قصيرة:a:

صح لسانك وسلم بنانك العزيز ابوخالد



وكانك تعد خطاك وتطالع خطاي
....................تبطي على الملِّيك ما زرت بيته

ابشرك المليك زرته............ وانا فارد اخطاي!
ماني مثل من يتعذر....... بغفوته....... بنيته!
نتبع سلوم الشرع لو برطمت ترفة وبنت سراي!.

عربون سلام والعودة ستكون بيان تنويري
لمزايا وفوائد التعدد ولكل الجنسين وللامة الاسلامية!.

لك لك تقديري على الهدية الراقية.

[عبدالله الجعيثن]

تكفووووون خلوا الدبا يمرح:)

[الاصمعي]

صح لسانك


ونعم للتعدد مع ابو يوسف

<<<<<مخطط على الثانيه
صح بدنك ابو ضاري

ويعله مبارك مقدما :)

[الاصمعي]

صح لساااانك يابو خالد



وانا معك في عدم التعدااااد


<< البارح مفلوق بحدا القدور





وتقلدوا تحيتي

هههههههههه

يا هلا ببو ماجد صح الله بدنك

وخير الرجال رجلٍ عروف:thumb:

تحياتي

[الاصمعي]

صح لسانك يابو خالد
صح بدنك ابو خليف

يا مرحبا بك والله

[الاصمعي]

و شهد شااااهدٌ من أهلهاااا


>>> ودها تثبت القصيدة وتبروزها بالذهب :)


/

\

/


هذا الشعر ولا بلاش :)



صح لسانك ترليووون يا ابو خالد :)





اختك

الدهور
يا هلا بالدهور

صح لسانك وحياك الله وبرواز الذهب تعليقك:)

شفتك تقرين الموضوع وانخرعت قلت هالحين تخانق ليه ما نشرته بمضيف الشعر ومولمٍ العذر أبي أقول رواد النبطي يمكن ما يفهمون مقصود القصيدة لأنهم مهم خابرين أول السالفة :)<<تسنه خوش عذر قبل أكتبه:wallah_hoo:

[الاصمعي]

ابشرك المليك زرته............ وانا فارد اخطاي!

كفو كفو:goooood:
أجل خذ العنوان وخل لغيرك القصيدة:mabrook:
تحياتي

[الاصمعي]

تكفووووون خلوا الدبا يمرح:)
ماهو ممرح بنا وبليانا:)


حياك الله ابو غازي

[ســـعود]

هلحين نبارك لبو يوسف على الثانية اللي مبطي خذاة او على الثالثة اللي يبي ياخذه:)


يا الربع والله وحدة تكفي واللي توهق وخذا الثانية عاد لازم يخربها ويتممهن اربعة:)

وتحياتي لكم

[شموخ شمالية]

صح لسانك والله أخوي ابوخالد
وعلا شانك يالطيب

أيــه هذا الكلام اللي يفرح القلب ...أسمعوا ياالمطالبين بالتعدد :)





عندي ليا قالت لي رغيِّد أغغاي


....................وتبسمت مع بسمتي له فديته



الله يحفظها ويسعد قلبها ويخليك لها ويخليها لك

[ريم شمر]

اييييييييه هذي القصايد التي تستاهل انها تنقرأ وتستحق( صح لسانك ) من قلب :7ayyoh:

نبيك تشيلها يابو خالد
حتى يحفظها الزمان وتنتقل بها الركبان
وتسكن كل جوال ولاتمحى من البال :thumb:

قل آمين يابو خالد ياعل يفداك كل من عاداك
ويخلي لك ام خالد وبقية الشعب


صح لسانك مليون ولاهنت
واما راعي التعدد يبي له قدر مثل قدر ابو ماجد:)

[شموخ شمالية]

اييييييييه هذي القصايد التي تستاهل انها تنقرأ وتستحق( صح لسانك ) من قلب :7ayyoh:

نبيك تشيلها يابو خالد
حتى يحفظها الزمان وتنتقل بها الركبان
وتسكن كل جوال ولاتمحى من البال :thumb:

قل آمين يابو خالد ياعل يفداك كل من عاداك
ويخلي لك ام خالد وبقية الشعب


صح لسانك مليون ولاهنت
واما راعي التعدد يبي له قدر مثل قدر ابو ماجد:)






وش رايك نثبتها بكل مضيف :)


وين راعية حملتنا الشيخة الجازي نبيها تستانس بهالابيات الاكثر من رائعه


صح لسانك مليون والله يابوخالد

[الاصمعي]

هلحين نبارك لبو يوسف على الثانية اللي مبطي خذاة او على الثالثة اللي يبي ياخذه:)


يا الربع والله وحدة تكفي واللي توهق وخذا الثانية عاد لازم يخربها ويتممهن اربعة:)

وتحياتي لكم
يا هلا ومرحبا بك سعود

ما عندك حل وسط وعلى قولة المثل ليا سرقت اسرق جمل:)

تحياتي

[الاصمعي]

صح لسانك والله أخوي ابوخالد

وعلا شانك يالطيب

أيــه هذا الكلام اللي يفرح القلب ...أسمعوا ياالمطالبين بالتعدد :)






عندي ليا قالت لي رغيِّد أغغاي




....................وتبسمت مع بسمتي له فديته





الله يحفظها ويسعد قلبها ويخليك لها ويخليها لك




صح الله بدنك

يا هلا ومرحبا بشموخ الشمالية

أجل جازن لك:)

بارك الله فيك على هالدعوات ولك مثلهن أخية

أسعدني تكرار حضورك الجميل أسعد الله أيامك

تحياتي

[الاصمعي]

اييييييييه هذي القصايد التي تستاهل انها تنقرأ وتستحق( صح لسانك ) من قلب :7ayyoh:
صح بدنك أم طلال بس لا تفرحن حيل خليت لي خط رجعة:)



نبيك تشيلها يابو خالد
حتى يحفظها الزمان وتنتقل بها الركبان
وتسكن كل جوال ولاتمحى من البال :thumb:
ماهنا صوت بس يذكرون أبو يوسف صوته منا زينه بالشيلات اغديه يتبرع ويسجله لنا شيله:thumb:
وش هقوتك يوافق:)




قل آمين يابو خالد ياعل يفداك كل من عاداك
ويخلي لك ام خالد وبقية الشعب

آمين آمين



صح لسانك مليون ولاهنت
واما راعي التعدد يبي له قدر مثل قدر ابو ماجد:)

صح الله بدنك وشكرا لهذا الحضور العطر

[أهداااب]

مبروك العرس يابو يوسف




انا من قريت العنوان قلت سواها ابو يوسف جد و خذا الثالثة :a:






الأخ العزيز عبدالرحمن طلب مني بالأمس رايي بالتعدد




هههههههههههه


شكل عبدالرحمن ينام و يحلم بالتعدد :)


دامك مقتنع بالتعدد هالكثر لا تقعد تشاور أعقلها يا رجل و توكل :)








واليوم لو جتني هديه بمخباي
.........رميتها ولا رميت الجاكيته







الفروه صارت موضه قديمة هاه يا ابو خالد ههههههه


يخلي لك الجاكيته :)








عندي ليا قالت لي رغيِّد أغغاي
....................وتبسمت مع بسمتي له فديته


آتي لك الله يبو يوسف من أقصاي
....................وانسى البشر حلوه وحيه وميته







يا ربي يخلي لك رغوووده و تشوفها دكتوره أد الدنيا :d:



يا هلابك مليوووون يا الاصمعي و بقصيدتك التي تحكي وجهة نظرك و قناعتك الشخصية حول قضية التعدد



صح لسانك و تستحق التثبيت:thumb:





و عقبال ما نبارك صدق لـ أبو يوسف بالثالثة :)

[متفاائل]

هههههههههههههههههههههههههههههههههواليوم لو جتني هديه بمخباي
.........رميتها ولا رميت الجاكيته
ههههههههههههههههه
يعني اني

يالاصمعي قل الحقيقه وبحماي
ارفد بجاكيتك ولو ما..كويته
من استشارك خش ذمتك بالراي
ومن الخوف بعت بذمتك واشتريته

صح لسانك ابوخالد وبارك بابو يوسف اللي خلانا نستمتع بالبيوت

وعقبال الاربع يابو يوسف سر ونحن معك قلبا وقالباً

[ريم شمر]

شموخ يالغاليه لو بيدي صلاحيات تسان مابقى بالمضايف الا هالقصيده :)



ابو خالد

عاد ماعلينا من خط الرجعه ....حنا بخط الروحه ويازينه من خط :315r:

واما ابو يوسف فيقولون انه من نزلت القصيده وهو صاكه راسه

والضغط عنده عالعالي ......وحزبه بيسوي عليه انقلاب

وبيانه التنويري يكتب ويمسح فيه :)


بس احتمال اكيد انه يشيلها من باب الحسره والتوجد والندامه

الا ضاقت به الدنيا بعد مايكمل النصاب :a:




تراني جاده ابو خالد ......نبيها بصوتك عاد على ماتحب

القاء او شيله .....لأن مثل هذي بتنتشر في جولات الجنس الناعم كالنار في الهشيم

وبيجيك دعوات مالها عدد ....لاتبخل على روحك وعجل علينا :thumb:


.
.

[المشرف العام]

/

صح لسانك يابو خالد

قصيده تسطر بماء الذهب

/
/

بس ياخوفي من تالي هالقصيدة ، اذكر شاعر كان كل قصايدة ضد التعدد ومادار عليه الحول إلا هو متعدد :)

قلت له وين قصيدك ، قال لي الظاهر انها عين وصابتني :(


الله يجنّبك إن شاء الله ماتكره


وابو يوسف ، ماهقوتي حوله تعدد .. بس الظاهر آخذنا بالصياح وحنّا انخرعنا :)

[بشير اللويش]

الف مبروك يابو يوسف

والله يسعدك بحياتك يالغلا


ومع الاصمعي

لا للتعدد :)

الراسي

[ريم شمر]

^
^
انا شاكه ان هالاثنين

ابو سلطان الكبير وابو سلطان الصغير

مسروقه معرفاتهم من قبل وزراة الداخليه حفظهم الله :)

وان هالتصريحات الخطيره
لاتعود لاصحاب المعرفين المذكورين :a:

[عبدالرحمن]

ماعليك زود يالذيب


أجل خذ العنوان وخل لغيرك القصيد
طيب انا شايف انك عميت بقية الاعضاء الموحدين>تقل يحرش عليه:)
وبهذه الحالة راح تجيش الجيش بين المعددين والموحدين
وسيكون اغلب جيش الموحدين من النساء!
اذن ستكون هناك مفاجات في النتائج:)!.

لك تقديري.

[عبدالرحمن]

واما راعي التعدد يبي له قدر مثل قدر ابو ماجد:)

لو الله يهدي ابو طلال ويعدد الا قدر ابو ماجد يمر عليك:)

ا
بو سلطان الكبير وابو سلطان الصغير

مسروقه معرفاتهم من قبل وزراة الداخليه حفظهم الله

وان هالتصريحات الخطيره
لاتعود لاصحاب المعرفين المذكورين
انا كنت شاك بس هالحين مبصم بالعشرين
ومعهم اثنين واحد اسمه بالميم والثاني ابو ف:)
لانهم دايم يمرون على مثل المواضيع بروس الاصابع:thumb:
اما خويتك ام رشاش فاتركيها تهيجن حول برزان احس له:)

[شموخ شمالية]

اما خويتك ام رشاش فاتركيها تهيجن حول برزان احس له:)


:fear: .....:fear:


تصـــــــــــــوّت للجـــــــازي

[لوليتا]

*
*


ما شاء الله عليك ابو خالد
جبتها صح
صح لسان وطاب قلمك
وربنا يخلي لك رغد ويحفظها لك من كل شر
وما يرزقها الا بزوج من الموحدين مثلك لا المعددين مثل ابو يوسف


عبد الرحمن


مبروك بالثلاثة :)
وعقبال الرابعة
والله يعينك عليهم ويعينهم عليك
بس لا تنسى تعزمنا المرة الجاية
مو كل مرة كذا نعرف اخر الناس
ولا خلصت فلوسك وما عاد فيك تعمل حفلات وتعزم الناس ؟؟

تحيااتى:d:

*
*

*
*

[الاصمعي]

انا من قريت العنوان قلت سواها ابو يوسف جد و خذا الثالثة :a:




لا بس من باب الفال:)









هههههههههههه


شكل عبدالرحمن ينام و يحلم بالتعدد :)


دامك مقتنع بالتعدد هالكثر لا تقعد تشاور أعقلها يا رجل و توكل :)







من كبر المهداد ذل:)








الفروه صارت موضه قديمة هاه يا ابو خالد ههههههه


يخلي لك الجاكيته :)







الفروة مهي لنا:thumb:


ذكرتيني بفروةٍ لي منا زينه خذيته للمغسلة يوم اطلعته الا منكمشة وصايرتن عظام الله لا يبلى وكل ما حركته غداله خرفشة تكسر :(
وهذاك علمي بالفرا:3ayyen_khair:








يا ربي يخلي لك رغوووده و تشوفها دكتوره أد الدنيا :d:



يا هلابك مليوووون يا الاصمعي و بقصيدتك التي تحكي وجهة نظرك و قناعتك الشخصية حول قضية التعدد



صح لسانك و تستحق التثبيت:thumb:






و عقبال ما نبارك صدق لـ أبو يوسف بالثالثة :)



وبك المهلي لا هنتي ثبتنا الله وياك على طاعته


آمين على الدعوات الطيبة الله يخلي لك غواليك


أشكرك للحضور والتعليق الرائع وتثبيت القصيدة ولو ما به منه دام انه وافقت هواكن يالمخينيقيات :)


تحياتي

[الاصمعي]

هههههههههههههههههههههههههههههههههواليوم لو جتني هديه بمخباي
.........رميتها ولا رميت الجاكيته
ههههههههههههههههه
يعني اني

يالاصمعي قل الحقيقه وبحماي
ارفد بجاكيتك ولو ما..كويته
من استشارك خش ذمتك بالراي
ومن الخوف بعت بذمتك واشتريته

صح لسانك ابوخالد وبارك بابو يوسف اللي خلانا نستمتع بالبيوت

وعقبال الاربع يابو يوسف سر ونحن معك قلبا وقالباً
ههههههههه

ما غشيت والله:)

يا هلا ببو عمر

والموضوع المبارك الي جاز لك

أسعدني حضورك هنا وهناك يالغالي

تحياتي

[الاصمعي]

تراني جاده ابو خالد ......نبيها بصوتك عاد على ماتحب

القاء او شيله .....لأن مثل هذي بتنتشر في جولات الجنس الناعم كالنار في الهشيم

وبيجيك دعوات مالها عدد ....لاتبخل على روحك وعجل علينا :thumb:

.
طيب طيب

دام فيها دعوات بس أخاف تجيني دعوات معاكسة من الطرف الآخر:thumb:

خلاص برسلها لك على الخاص وأنتي بصرك فيها نزليها بالاهداءات ولا بالسامريات ولا باليوتيوب:)

تحياتي

[الاصمعي]

/

صح لسانك يابو خالد

قصيده تسطر بماء الذهب

/
/

بس ياخوفي من تالي هالقصيدة ، اذكر شاعر كان كل قصايدة ضد التعدد ومادار عليه الحول إلا هو متعدد :)

قلت له وين قصيدك ، قال لي الظاهر انها عين وصابتني :(


الله يجنّبك إن شاء الله ماتكره


وابو يوسف ، ماهقوتي حوله تعدد .. بس الظاهر آخذنا بالصياح وحنّا انخرعنا :)

صح الله بدنك أبو سلطان

هههههههه

أجل تقول خويك ما كمل سنة من حربه للتعدد الا هو مستسلم ومنضم للمعددين:(

الله يكفينا شر العين يبو سلطان مار تسانه أصابتنا حيل الله أقوى الأجاويد والأجوديات يعذرون:thumb:

أبو يوسف شعاره الصيت ولا الغنى:)

تحياتي

[الاصمعي]

الف مبروك يابو يوسف

والله يسعدك بحياتك يالغلا


ومع الاصمعي

لا للتعدد :)

الراسي
يا هلا حي الله الراسي

شكراً للحضور والتعليق والمعيّة:)

تحياتي

[الاصمعي]

ماعليك زود يالذيب



طيب انا شايف انك عميت بقية الاعضاء الموحدين>تقل يحرش عليه:)
وبهذه الحالة راح تجيش الجيش بين المعددين والموحدين
وسيكون اغلب جيش الموحدين من النساء!
اذن ستكون هناك مفاجات في النتائج:)!.


لك تقديري.



تسانه تجييش ما حولك صبح مار امسك العصا من الوسط يابو يوسف تراك بطرق متفائل ولا تدري متى يتملص من يديك ههههه:)

والمفاجئات واردة من الجهتين وأنا بديت أذل من العين عقب سالفة أبو سلطان:thumb:


أسعدني حضورك وتعليقك لا هنت


تحياتي

[عبدالله الجعيثن]

ابوخالد تسمحلنا نجاريك



فزعه لعبدالرحمن ...



على بنات مخيندز



http://www.shmmr.net/vb/threads/76971


بالنبطي:)

[الاصمعي]

:fear: .....:fear:


تصـــــــــــــوّت للجـــــــازي
ههههههه

والله الي ناوياتن نية ببو يوسف:)

انتبهن يمكن أقلب معه تسان كثرتن شماته به:3ayyen_khair:

[الاصمعي]

*
*


ما شاء الله عليك ابو خالد
جبتها صح
صح لسان وطاب قلمك
وربنا يخلي لك رغد ويحفظها لك من كل شر
وما يرزقها الا بزوج من الموحدين مثلك لا المعددين مثل ابو يوسف

هههههه لا تجي دعوتك يسرا وتاخذ مى آل جنبلاط ولا الأطرش:)<<الدروز يطلقون على أنفسهم (الموحدين)

صح بدنك لوليتا

وشكراً لحضورك وتعليقك الرائع

تحياتي

[الاصمعي]

ابوخالد تسمحلنا نجاريك



فزعه لعبدالرحمن ...



على بنات مخيندز



http://www.shmmr.net/vb/threads/76971


بالنبطي:)
نتشرف أبو غازي

بس انتبه ترى شاعري المفضل خليل الشبرمي:)<<يعني يمكن نمدد اللعب لأشواط اضافية واللياقة 100%:thumb:

[الشبث]

<< يراعي لفلقتوه بالمراه






ابوووك يالعز


والله ياللي يعدد انوه هو الوليده



تحس انوه حاكمن لوه ولايات


اما اللي بس وحده اووووه بس


تحس ان عيشتوه كله خساره



تف عليتس يالطقاااعه




وتقلدوا تحيتي

[الجازي]

بعدي يارغيّد :thumb:

هذا وهي توها تغاغي قلبت راس أبوها وغيرت رايه :)

وشلون باتسر لو حتست :)

صح لسانك يابو خالد

ولو إن خط رجعتك يخوف !!

بس يالله كود رغودة تسوي له تحويله:thumb:

عندي سؤال بخصوص هالبيت..

دزد كان لي تفكير واصغيت للناي
....................الي عليه تعزف لحنٍ شديته


قبل يعرض لي عارض ويوصف دواي
....................بالمستحيل الرابع الي هويته


العارض ماراح أسألك عنه :)

بس وش المستحيلات الثلاث اللي قبل هالرابع :7ayyoh:

<<<<<< تحس انها قلق هالآدمية :)

وعندي اقتراح

بما إني انضميت لحزب التعدد الجديد

ماودك تكتب لنا كم بيت بهالخصوص نفتتح بها هالحزب :7ayyoh:

وصح لسانك مرة ثانية

[عبدالرحمن]

الكاتب الجازي
بما إني انضميت لحزب التعدد الجديد

اعلان تتشرف به رابطة نعم للثانية خاصة وانه اتى من هرم له مكانته في نفوس وقلوب كثيرة
لذلك نكتفي بهذا الانضمام الكبير ونؤجل البيان التنويري فرحة واحتفاءا بهذا الهرم الكبير:thumb:

[عبدالرحمن]

وأنا بديت أذل من العين عقب سالفة أبو سلطان

يجب عليك ان تذل :a: تقول الحكاية انوه فيه واحدن كل ماجابو سالفة الزواج
قال عوذا عندي ام فلان وبس عن الف مرة
وفيه يوم من الايام>تدري هونت ماني مكمل السالفة لانه توجع القلب:a:
لكن الله العالم ان سالفتوه >بلاش منه:)
المهم يابوخالد العذر والسموحة
وودي اسئل سؤال واحد بس!
اللي مايبي التعدد يعني انوه مكتفي بزوجة واحدة
وهذا يرجعنا منطقيا انه يحب امرأة واحدة ومسعد واحدة
طيب من افضل اللي يحب يسعد واحدة ولا يسعد اربعة:a:

[الجازي]

اعلان تتشرف به رابطة نعم للثانية خاصة وانه اتى من هرم له مكانته في نفوس وقلوب كثيرة
لذلك نكتفي بهذا الانضمام الكبير ونؤجل البيان التنويري فرحة واحتفاءا بهذا الهرم الكبير:thumb:


كان ودي يابو يوسف

بس معليش

أنا من هواة تأسيس الأحزاب الجديدة بأفكار خارجة عن المألوف

وتعددي أقشر يخوف

شعاره (( ياروح مابعدك روح )) :7ayyoh:

مو مثل تعددكم يجمع في هالارواح :)

تسان ودك تنضم لحزبي الله يحييك

بس لازم تكتب وصيتك :)

[عبدالرحمن]

نحن من مؤيدي الافكار الجديدة وماهذه الرابطة الا افكار شابة لهموم شباب اليوم
وخاصة خواتنا اللواتي تم حبسهن وراء جدار الاسمنت والعادات البعيدة عن روح احياء الارواح واسعادها
ونعم نبصم ونكتب الوصية فنحن قوم لا نخشى الاخرين بل هم من يخشانا لهشاشة موقفهم وصلابة موقفنا!
فنحن لسنا ثلج يذوب عند اشعة اول ضو بل نحن نار علم تنجذب اليها الوية القوم وبيارقها لعدالة ما ننادي به!.
بيان انقلاب عسكري في بلد عربي ما قبل عصر التمن:)

[فرانسيسكا]

مساك الله بالخير أخوي الأصمعي
ربي يخلي لك رغد ويخليك لها
صح لسانك قصيدة جميلة

ولكن يتبادر إلى ذهني سؤال
هل كتبتها وأنت بكامل إرادتك ؟
أم كنت تحت ضغوط كالأسير
يجوز ينطق بالكفر
وقلبه مطمئن بالإيمان :puzzled:

[ليلى بنت عبدالعزيز]

صح لسانك وعلا شانك

[بعد ملي]

صح لسانك ياابوخالد
ومبروك العرس ياابويوسف:thumb:

[الاصمعي]

بعدي يارغيّد :thumb:




هذا وهي توها تغاغي قلبت راس أبوها وغيرت رايه :)


وشلون باتسر لو حتست :)



تشوفين عمايل هالمفعوصة:)


مار اغديه لياكبرت أتسثر عليه الذُهبَّا وتصير لي "تساني قلبت النية" عون وعلى أمه فرعون يقولون ما يلعب براس الحوائية الا الذهب:thumb:



صح لسانك يابو خالد





ولو إن خط رجعتك يخوف !!


بس يالله كود رغودة تسوي له تحويله:thumb:



صح بدنك أختي الجازي ولا عليك من خط الرجعة ما غير تخفيف الوقع على حزب عبدالرحمن :)



عندي سؤال بخصوص هالبيت..






دزد كان لي تفكير واصغيت للناي

....................الي عليه تعزف لحنٍ شديته



قبل يعرض لي عارض ويوصف دواي
....................بالمستحيل الرابع الي هويته



العارض ماراح أسألك عنه :)


بس وش المستحيلات الثلاث اللي قبل هالرابع :7ayyoh:


<<<<<< تحس انها قلق هالآدمية :)


بالعكس ألق هالآدمية على حظ الترفيع والعارض ما ينسئلش عنه والمستحيلات الثلاث معروفة الأولى أن النصر ياخذ الدوري والثانية عبدالرحمن ما يطري التعدد والثالثة الجازي ما تستخدم هالمملوح (( :) )) :3ajebni:


شكراً لحضورك وتعليقك الجميل


تحياتي