سواليف تسذبان 3

[أبو فهد]

السلام عليكم و رحمة الله و بركاته



و تنطلق مسيرة المزر و النصب من جديد مع مسلسل أبو نهته الفكاهي




قال رحمه الله <<<<اللي هو أبو نهته



سنة طلعوا الددسن 85 <<<ياخي قل عام 85 ميلادي :)



و أنا أمر على سوق الحمام بالرياض




و أشوف لي طير (شيهانه) و أقول لراعيه




بكم قال : بألف ريال




يقول و أنا أطلع ألف ريال من الصرة



و امده له



و آخذ الشيهانة منوه




و أطيّر الطير <<<<:3ajeeb:




يقول و أنا أشغل موتري و أمشي يم الحجاز




يقول يوم أقبلت على ديراب بحروة الظهر




يمار هكالطير اللي صفق لوه حبارى يمين الخط




يقول و أنا أوقف الموتر و أنزل يمار هذا الطير اللي أنا طيرته بسوق الحمام <<<<<:7ayyoh:




يقول و أنا أمد لوه يدي وهو ياقف عليه




يقول و يوقف عندي راعي هايلكس




وهو يقول هالطير لك




قلت إيه لي




قال هو للبيع




قلت الله الله




قال بكم



قلت عطنا سومه




قال شريت ب 15 ألف




يقول و أنا أبيعه عليه بـ15 ألف


و أنا أحط ال15 ألف بمخباي


و أنا أواصل يم الحجاز


--------------------------------------------------



صراحة يوم قال هالسالفة أنا ودي أصدق و من قوة ما أنا مندمج معوه الله يجزاه خير ضحكت ضحكة طيحت لهاتي بصحن فصم التمر





ودنا نسمع ضحكاتكم :)




-------------------
أبو فهد الهمزاني

[جمران]

الهايلكس اللي مرّته84 او انه نازلتن عام 1984

[عبدالرحمن]

ضحكت ضحكة طيحت لهاتي بصحن فصم التمر
طيب وانت هالحين بدون لهات ولا ركبك طخم لهايات بدل لهاتك:)
ووين ركبت الهات بسوريا ولا بعيادة الاراك بالخفجي:>سن مو لهاة315r:

اضحك الله سنك يابوفهد.

[فهد الجنيدي]

مسا الخير ابو فهد

أتحداك كم مرة قلت
يقول بالموضوع



خويك أشوا كذبه حليل


يا و الله بعضهم ودك تنحاش لا منه كذب
كذبه يصدع بالراس

[صلفيق]

خلهم يعبرون عن مشاعرهم لو بالكذب يابو فهد..

بس عاد انه تطيح لهاة ....
هههههههههههههه
أضحك الله سنك يابو فهد

[عبدالله الجعيثن]

يابن الحلال سوالف الطير حلوات




بلاك من هالخبل اللي كل يوم وهو فادعن بله بس



سوالفه بس بالبساس




ياعلّه للبس اللي يعض اذنه

[-------]

تسذبان << عجزت انطقها وافهمها << ههههههههههههههههههه

[سلطااان السويري]

هههههههههههههههههههههههههه
ههههههههههههههههههههههههه


هذا مهو بعيد خلوف


بس ياخي جلستهم ماتنمل التسذبات قوه تسلخ:)

[الشبث]

ايثار

تسذبان


جمع تسذوب


يعني كذااااب







ابو فهد


ياخوي هذا مهو صاحي


زين اللي بس لهاتك


يارجال لو انا منك تسان حتى اذاني يقعن خخخخخخخخخ












ابو غازي


البساس احسن من مقابل بعض البشر خخخخخخخخخ



وتقلد تحيتي

[عبدالله الجعيثن]

بعض البشر ... احسن بعض البشر




اقووول ياصبر الارض





الا واهني الطيووور

[-------]

[QUOTE=الشبث;1031145]ايثار

تسذبان


جمع تسذوب


يعني كذااااب


-------------------
خلاص الشبث انا نويت اعتزل الفله خخخخخخ

عقدتني ذي الكلمة

حتى بقوقل بحثت عنها ومالقيت لها معنى

هههههه والله و تسمعني وانا انطقها كان رحت فيها

:36_2_1:

[حيل حليل]

اهيب
اي والله اللي ماتعوق معه

ابو فهد
عدي اشوفك مسكت راسك يوم قالك السالفه

قال وش دراك انه تسذبه قال من كبره

خوينا مو بس يبي له ثلاث اجزاء
الا يبي له مجلد كامل

والله ان يحط نوادر جحا بكمه
من قو النصب اللي بمخه

لاهنت ياخلفهم

[ســـعود]

هههههههه:)هههههههه:)ههههههههه:)هههههههههه:)ه هههههههه

ضحكات مهو بس ضحكة:)


ابو فهد لاهنتي يا الغالي

تحياتي لك

[أبو فهد]

الهايلكس اللي مرّته84 او انه نازلتن عام 1984



فيه أيه !؟


:)



ياخي قلنا 85 موب 84




:)




طيب نوضح أكثر



هو يقول السالفة حصلت معه سنة نزل ددسن 85 و الأولى أن يقول سنة 85





حياك الله




----------------
أبو فهد الهمزاني

[أبو فهد]

طيب وانت هالحين بدون لهات ولا ركبك طخم لهايات بدل لهاتك:)
ووين ركبت الهات بسوريا ولا بعيادة الاراك بالخفجي:>سن مو لهاة315r:

اضحك الله سنك يابوفهد.



لا أبشرك راقعن محله بعلكة :)





لاهنت أبو يوسف




---------------
أبو فهد الهمزاني

[أبو فهد]

يا و الله بعضهم ودك تنحاش لا منه كذب
كذبه يصدع بالراس





الله حي فهد


صدقت



لاهنت





---------------
أبو فهد الهمزاني

[أبو فهد]

خلهم يعبرون عن مشاعرهم لو بالكذب يابو فهد..

بس عاد انه تطيح لهاة ....
هههههههههههههه
أضحك الله سنك يابو فهد



أضحك الله سني قبل تركيب طقم و لا بعده :)



سلمت يالقرم




------------------
أبو فهد الهمزاني

[أبو فهد]

يابن الحلال سوالف الطير حلوات




بلاك من هالخبل اللي كل يوم وهو فادعن بله بس



سوالفه بس بالبساس




ياعلّه للبس اللي يعض اذنه




هههههههههههههههه


و حياك الله يبو غازي




-------------------
أبو فهد الهمزاني

[أبو فهد]

تسذبان << عجزت انطقها وافهمها << ههههههههههههههههههه




تسذبان مثل ما قال الشبث



جمع تسذوب أي كذوب و تسذبان من كذبان و هي جمع صيغ منتهى الجموع على وزن فعلان




أما ما عرفتي تنطقينه فهذي كلمة يبيله لسان هدهدي :)



------------------
أبو فهد الهمزاني

[أبو فهد]

هههههههههههههههههههههههههه
ههههههههههههههههههههههههه


هذا مهو بعيد خلوف


بس ياخي جلستهم ماتنمل التسذبات قوه تسلخ:)



اي بالله ما تنمل



بارك الله فيك




------------------
أبو فهد الهمزاني

[أبو فهد]

ايثار

تسذبان


جمع تسذوب


يعني كذااااب







ابو فهد


ياخوي هذا مهو صاحي


زين اللي بس لهاتك


يارجال لو انا منك تسان حتى اذاني يقعن خخخخخخخخخ












ابو غازي


البساس احسن من مقابل بعض البشر خخخخخخخخخ



وتقلد تحيتي





أهلين بعميد الفلة و ضواحيها



مشرف بحضورك و تلميحاتك :)




-----------------
أبو فهد الهمزاني

[أبو فهد]

اهيب
اي والله اللي ماتعوق معه

ابو فهد
عدي اشوفك مسكت راسك يوم قالك السالفه

قال وش دراك انه تسذبه قال من كبره

خوينا مو بس يبي له ثلاث اجزاء
الا يبي له مجلد كامل

والله ان يحط نوادر جحا بكمه
من قو النصب اللي بمخه

لاهنت ياخلفهم



:)



سلمت و لاهنت حيل حليل



منور بطلتك




----------------
أبو فهد الهمزاني

[أبو فهد]

هههههههه:)هههههههه:)ههههههههه:)هههههههههه:)ه هههههههه

ضحكات مهو بس ضحكة:)


ابو فهد لاهنتي يا الغالي

تحياتي لك




هلا بك سعود




مشكور على حضورك



-----------------
أبو فهد الهمزاني

[ابن حزمي]

ماشاء الله يابو فهد راعي طير يعني راعي مقناص عندي سؤال بس
15 الف وش سويتبهن
هل ركبت سنون وعدلت واجهيتك الاماميه ( فرتك )
وماذا فعلت بالباقي
هههههههههههههههههههههههه

[أبو فهد]

ماشاء الله يابو فهد راعي طير يعني راعي مقناص عندي سؤال بس
15 الف وش سويتبهن
هل ركبت سنون وعدلت واجهيتك الاماميه ( فرتك )
وماذا فعلت بالباقي
هههههههههههههههههههههههه




خخخخخخخ 15 ألف خله تجي



هالسالفة مهي لي :)



ما تشوف فهد يقول كم مرة قلت لنا يقول :)




------------------
أبو فهد الهمزاني

[ابو ضاري]

لاهنت يابو فهد

خلهم يسذبون بس على الطيور

يازين سوالفهم

[أبو فهد]

لاهنت يابو فهد

خلهم يسذبون بس على الطيور

يازين سوالفهم




أهلين خيو أبو ضاري



يا حي الله هالطلة



إي بالله منا زين سوالفهم :)



-----------------
أبو فهد الهمزاني