من له نظر في الشراء المشاركه [الأرشيف]

مشاهدة النسخة كاملة : من له نظر في الشراء المشاركه

الحيمري

13-11-2010, 10:18

من يبي يشتري شقه ليله عمر تتكون الشقه
من
1-غرفه حارس او سايق كامله --------------------------------------------------
2-درج داخلي يبداء من الدور الارضي وينتهي بالسطح--------------------------
3-مجلس استقبال الدور الارضي 6*5--------------------------------------------
4-صاله طعام 7*3 ----------------------------------------------------------------
5- 2 WC -------------------------------------------------------------------------
6-مطبخ له 2 باب واحد من الداخل والثاني باب السلامه يفتح على الخارج-------
7-فيه بخار سياره اوتوماتيك---------------------------------------------------------

فوق
8- 4 غرف نوم كل غرفه منعزله وكل غرفه فيها WC تكرمون------------------------
9- السطح يوجد فيه مرافق للخدم--------------------------------------------------

السعر مختلف من 1300000 الى 1700000
الموقع في المنطقه الشرقيه
من له نظر في الشراء المشاركه

وهذا نموذج لبعض الشقق
http://store2.up-00.com/Nov10/pPX32525.jpg (http://www.up-00.com/)

أبو فهد

13-11-2010, 10:52

وين بالشرقية يبو منيف ؟ و بأي حيّ؟

وش مساحة مسطح البناء للدوبلكس علوي و سفلي ؟

وش الخدمات المتوفرة ؟

صورة لو سمحت ...لأن الصورة اللي انت حاط مابه دوبلوكسات

كم مساحات غرف النوم ؟

لاهنت

---------------
أبو فهد الهمزاني

الحيمري

13-11-2010, 12:37

ابو فهد
اكيد ناوي تشتري وتغيب مانبيع اللا الوغدان يعرفونه وتجيبهم
عند الافراغ هههههه

ابوفهد
هذي مابه دبلكسات كلها شقق ودورين
واكبر مساحه من الشقق 340 م
وهي نفذت من اجل التجاره والبيع وعندك مكتب في الخبر
والثاني بين الخبر والدمام خلف شركه الكهربا والمكتب الثالث مكتبي
والرابع في جده وهذه الصوره اللي ارسلت لي اما صور من المخططات
موجوده في كل مكتب وسوف ازود في ارقام الهواتف لكل مكتب

سلام

حيل حليل

13-11-2010, 21:38

لو معي هالمبلغ كان امداني احرر فلسطين :)

بصراحه المبلغ حيل مبالغين فيه
الا كان انه بموقع مسكت
هذا شي ثاني

وين الموقع بالضبط؟

ريال الفسحه

15-11-2010, 01:34

ياعمي مليون وثلاثمية الف اشتري به ارض
وابني احسن بيت :)

جمران

15-11-2010, 01:45

الحقيقه اسعار مبالغ فيها

وعسى تنزل الاسعار

الحيمري

15-11-2010, 10:57

شكرا لكم

اللي يبي يشتري عندي له راي ينتظر شوي حتى شركه اعمار الامارات
تبداء في بيع حصتها في السعوديه سوف تنزل الاسعار في البدايه 21%
لفتره وجيزه ثم ترتفع انت اخي العضو المحترم جهز فلوسك في وقت النزول
اشتري وهذا على الاراضي فقط

اما المساكن القايمه واللي هدفها تجاره يعني بيع يتمسكون فيها حتى يكون
الربح لهم 45% صافي دون سعي الوسيط

وتجار العقار عندهم مثل
العقار يمرض ولايموت
بمعني اذا رخص ينتظرون حتى يستعيد عافيته

شكرا

أبو فهد

15-11-2010, 12:47

الجازي

15-11-2010, 15:03

الحين متأكد إنها شقة !!؟؟

لا السعر سعر شقة ولا المواصفات بعد

سطح ودرج داخلي وأربع غرف نوم بحماماتها يعني أربع حمامات غير حمامات الدور الأرضي

غرفة سواق وغرفة خادمة

شكلها فلة بس غلطانين في العنوان :7ayyoh:

بنت الجبل آخت القصيد

15-11-2010, 21:09

مليونين الا ؟

نعمر قصر احسن ؟

مبالغ فيه حيييل
مانلوم الايجارات مرتفعه اذا الشراء كذا ؟

.
.

الحيمري

18-11-2010, 22:09

أبو منيف

لي بيت بحايل ناوي على بيعته

تشور عليّ أبيع أو أنتظر

المواصفات <<<<صاير عقاري :)

دورين بمسطح بناء 360 لكل دور

مساحة أرض 750 متر على شارعين الجنوبي 30 و الشرقي 20

ملحق خارجي مجلس رجال بدورة مياه و مغاسل

غرفة سايق مع دورة مياه

عمر البيت 14 سنة

درج داخلي :(

ديكورات داخلية

الموقع - قفار الغربي الجديد

حر ما عليه بنك

و عطنا سومة عالطاير :)

-----------------
أبو فهد الهمزاني

والله يابوفهد مواصفات البيت طيبه ويجيب قيمه
وقبل رمضان مشترين بيت في صديان نفس المساحه
وشارعين شمالي وغربي والدرج من الخارج والدور الارضي
كامل مع ملحق نسا ومطبخ خارجي وملحق رجال

والدورالثاني شقتين والسطح شقه كبيره المشتراء910000 ريال
صافي والمشتري دفع السعي للمكتب22750 ريال

وانت بيتك طيب لكن ماقدر اعطيك سومه لان المشتري تختلف رغبته
لذلك نعرضه في مكاتب حايل ومكاتب الرياض وانت تقدر تعرضه في الاعلانات
في احد الجرايد اكثر الناس ماتشتري اللا عن طريق الاعلان هروب عن المكاتب

لك تحيه

الحيمري

18-11-2010, 22:28

ياعمي مليون وثلاثمية الف اشتري به ارض

وابني احسن بيت :)

صح اذا عندك مليون وثلاث مئه تشتري الارض

بحدود 600 الف والعمار يبي حدود 750 الى 850 الف

اذا البنيان عادي

اما اليوم العمار الجديد وجع راس
بدل النجار ياخذ منك العضم 85 ريال للمتر
الواحد الانشأ الجديد ياخذ منك المتر الواحد دبل
وهذا ايجار فقط يد بدون مواد عليه خشب الانشا

تنشي ديكورات من الداخل لجميع دواليب
الملابس واسره النوم في هيكل العضم في صبات الخرسانه
وهذا يرسم في مخططات الانشأ وهو اوفر واحسن منظر وبسيط
اذا كتبت عقد الابواب اذا مقنو او سنديان ترفق ابواب الدواليب
ضمن ابواب الفيللا ونكون ريحنا روسنا من اختيار غرف النوم
والسراير بعد النوم تصف على الجدار واذا دخلت الغرفه تشوفها فاضيه
جميع اللي فيها ماهو باين

سلام

المشرف العام

18-11-2010, 22:35

صافي والمشتري دفع السعي للمكتب22750 ريال

ماشاء الله يابو منيف

هذا بس عموله :)

طيب ، يامللي نفتح لك مضيف وناخذ عموله صفقه وحده بس مثل هذه ، يغطي مصاريف سيرفرنا لمدة سنة كامله :)

ابو فهد ..

خل ابو منيف يبيع البيت ، وحوّل العمولة على حساب الفيزا :)

الحيمري

19-11-2010, 11:22

ماشاء الله يابو منيف

هذا بس عموله :)

طيب ، يامللي نفتح لك مضيف وناخذ عموله صفقه وحده بس مثل هذه ، يغطي مصاريف سيرفرنا لمدة سنة كامله :)

ابو فهد ..

خل ابو منيف يبيع البيت ، وحوّل العمولة على حساب الفيزا :)

ههههه
هههههه
ابو سلطان وش رايك نفتح مضيف
ويكون اسمه
مضيف السوق العقاري
ونجبيلك مشرف يحسب
الهلل قبل الريال وانا اعرفه هذا المشرف عندنا
سيارته مازداء مديل 82 وهو منسق بين مكاتب
العقار لو تقول فيه سعي لك 51 ريال هنا وفي خرمشهر
50,75 قال اروح يم خرمشهر لكن انه حقاني مياخذ شي
ماهو له وسوف جميع مصاريف المضيف تكون على هذا
السوق العقاري

وعلى فكره
هذا السعي مشترك فيه ثلاث مكاتب مكتبي من الرياض المنسق
ومكتبين من حايل واحد اللي معروض عنده البيت والثاني الوسيط لنا
وهذا الطريقه جديده والحساب عند كل مكتب اللي بينهم تعاون والتنسيق
عن طريق الهاتف اما الثابت او الجوال والمعاينه من قبل المشتري

تراني
برسم الخدمه للمنتدى واعضا المنتدى اي واحد عنده مشكله
تخص العقار بنا شراء توكيل بيع بشرط يكون عضو في منتدانا
اذا كان شمري او غير شمري لان عضو في المنتدى يكون ضمن
اسره المضايف

والخدمه هذي بدون مقابل
لا سعي ولا بدل اتعاب

اعاد الله العيد على الجميع

ســـعود

21-11-2010, 00:32

يا بلاش