جمران
13-11-2010, 00:28
http://www.shmmr.net/vb/mwaextraedit5/extra/07.gif
العيد عيد الله على الناس ينعاد
وانا ترى عيدي بشوفت عيونك
مع العيد وخصوصا عيد الضحيه له سواليفن كثيره معي
ولعلمكم انا مواليد عيد الضحيه
نزغه
حتى بالعيد ماخليت امي الله يرحمه تعيّد
يعني المّح لكم
اللي وده يهديني بهالمناسبه تورته او كيكه مع شموع
والا سياره آخر موديل
ماعندي مانع ولا دوّاس ولا فتون
ماطوّل عليكم
هذا سنتن من السنين وحنا صغار
رحنا يالعايله الكريمه نعيّد يم خوالي بالقرية اللي مهي بعيده عنا
جيناهم الضحى
وعايدناهم ووافقنا عيدن عند خالي مسويه عند غنمه شمالي الديره
وانا ياخوكم كاشخن بشماغ العقل وعقال المرعز هكاللي تقل مصير دجاجه
لا ومن زين الحلايا
شرى لي ابوي ساعة سيكو ام صنقل وبازّن به قدام الناس
ولابسه باليمين عشان تلفت الانتباه وبس هذا انا اتقمّز
يوم جا حول اذان الظهر قالو اركبوا نبي نروح للغدى
عاد خالي عنده له جنر سياره اظن انكم تعرفونه
اللي مفتاح تشغيله يسار
عمار يالجنر
وحنا نتطابق بالحوض له هنقلين
منوة اللي يتجود بحناياه هكالحين وين راسه
الوكاد اني صرت حظيظ وارتسب اول واحد
واصير باليمين على زاوية الحوض من قدام
علشان الاعب الهوى بقذلتي:315r:
رتسبوا الجماعه كلهم وحرك بنا خالي
وانا لك من زود القراده
اقوم المس بيدي الاثل اللي على جال الردميه من توالى المزارع
واغني طربان
وش علام الخط قولي ياهنوف
اتصل دايم ولاحدن يرفعه:puzzled:
مادريت يالربع
اثري حدى غصون اثله دخلت بين يدي وصنقل الساعه
واحاول افكه من يدي عجزت والسياره ماشيه والعالم لاهيه
اثري الغصن قوي ولا انكسر
وهو يجرن يمه وانا لكم اتدودل من على الاثله
والعرب مشو وخلونن واصيح لهم ماش ماسمعونن
المشكله هالحين متعلق فوق يجي مترين او ثلاثه بالهوى
وان فكيت الصنقل اخاف اقع يصير لي شين
العرب روحو ولا انتبهو والظاهر انهم وصلو للغدى
وانا متدودلن بيدي بغصن هالاثله
الغصن الملوي ثقلت عليه وبدى ينكسر
مافطنت الا انا على راسي بالقاع
وانا انصفر واغيب عن الوعي
ماصحيت الا عقب حول المغرب
العايله الكريمه تغدو وعيدو ولعبو الوغدان وانا منصفر بمتساني
يوم جو مروّحين والا هاللي نيمن على جال الردميه
وهو يوقف خالي يحسبن حدى صخالهم طالعن من الشبك
وهو يصيح واويلي هذا جمران وشبلاه
وهو تقمز امي من الخرعه
وتشيلن وترشرش على من الماء
ياما وعيت وانا اعلمهم بالقصه
وتصير سالفتهم هكالليله علي
وسلامتكم:)
العيد عيد الله على الناس ينعاد
وانا ترى عيدي بشوفت عيونك
مع العيد وخصوصا عيد الضحيه له سواليفن كثيره معي
ولعلمكم انا مواليد عيد الضحيه
نزغه
حتى بالعيد ماخليت امي الله يرحمه تعيّد
يعني المّح لكم
اللي وده يهديني بهالمناسبه تورته او كيكه مع شموع
والا سياره آخر موديل
ماعندي مانع ولا دوّاس ولا فتون
ماطوّل عليكم
هذا سنتن من السنين وحنا صغار
رحنا يالعايله الكريمه نعيّد يم خوالي بالقرية اللي مهي بعيده عنا
جيناهم الضحى
وعايدناهم ووافقنا عيدن عند خالي مسويه عند غنمه شمالي الديره
وانا ياخوكم كاشخن بشماغ العقل وعقال المرعز هكاللي تقل مصير دجاجه
لا ومن زين الحلايا
شرى لي ابوي ساعة سيكو ام صنقل وبازّن به قدام الناس
ولابسه باليمين عشان تلفت الانتباه وبس هذا انا اتقمّز
يوم جا حول اذان الظهر قالو اركبوا نبي نروح للغدى
عاد خالي عنده له جنر سياره اظن انكم تعرفونه
اللي مفتاح تشغيله يسار
عمار يالجنر
وحنا نتطابق بالحوض له هنقلين
منوة اللي يتجود بحناياه هكالحين وين راسه
الوكاد اني صرت حظيظ وارتسب اول واحد
واصير باليمين على زاوية الحوض من قدام
علشان الاعب الهوى بقذلتي:315r:
رتسبوا الجماعه كلهم وحرك بنا خالي
وانا لك من زود القراده
اقوم المس بيدي الاثل اللي على جال الردميه من توالى المزارع
واغني طربان
وش علام الخط قولي ياهنوف
اتصل دايم ولاحدن يرفعه:puzzled:
مادريت يالربع
اثري حدى غصون اثله دخلت بين يدي وصنقل الساعه
واحاول افكه من يدي عجزت والسياره ماشيه والعالم لاهيه
اثري الغصن قوي ولا انكسر
وهو يجرن يمه وانا لكم اتدودل من على الاثله
والعرب مشو وخلونن واصيح لهم ماش ماسمعونن
المشكله هالحين متعلق فوق يجي مترين او ثلاثه بالهوى
وان فكيت الصنقل اخاف اقع يصير لي شين
العرب روحو ولا انتبهو والظاهر انهم وصلو للغدى
وانا متدودلن بيدي بغصن هالاثله
الغصن الملوي ثقلت عليه وبدى ينكسر
مافطنت الا انا على راسي بالقاع
وانا انصفر واغيب عن الوعي
ماصحيت الا عقب حول المغرب
العايله الكريمه تغدو وعيدو ولعبو الوغدان وانا منصفر بمتساني
يوم جو مروّحين والا هاللي نيمن على جال الردميه
وهو يوقف خالي يحسبن حدى صخالهم طالعن من الشبك
وهو يصيح واويلي هذا جمران وشبلاه
وهو تقمز امي من الخرعه
وتشيلن وترشرش على من الماء
ياما وعيت وانا اعلمهم بالقصه
وتصير سالفتهم هكالليله علي
وسلامتكم:)