ذبحتني ياسيد كل الرعابيب

[مشعل النماصي]

الله من قلبٍ عوى عويـت الذيـب
ذيب عوى لجـت ضلوعـه ولجـي
عليك ياراعي العيـون المهاديـب
سـودٍ مضاليـلٍ وسـاع ٍ وبجـي
سودٍ تشذب بسرة القلـب تشذيـب
طحت بخطرهـن يالله انـك تنجـي
سهومهن تسطي على القلب وتصيب
تخـج صنـدوق المعاليـق خجـي
ياصاحبي حبـك لقلبـي عواقيـب
ارفق علـي شـوي قبـل استلجـي
يا اللي عليك عيون الامه مراقيـب
تقـول بيـن شفـاك درٍ يمـجـي
والخد براق المـزون المهاضيـب
اللي رعوده رجـت القـاع رجـي
يامنوتـي مافيـه شـك ولاريـب
منساك كود انسى صيامـي وحجـي
يابو نهـودٍ شلعـن مقـدم الجيـب
كمشمشٍ عرقه مـن المـاء ينجـي
من فوقهن شقرٍ تغذى على الطيـب
ريح الشمطري في طرفهـن يعجـي
ذيل اشقرٍ ينسف خلاف العراقيـب
تطلـب عيالـه بالمهـر والترجـي
هزت وزرفات السبايـا جناديـب
لوما شليل الصبـر والمـال هجـي
ذبحتنـي ياسيـد كـل الرعابيـب
فجيت قلبي يأريـش العيـن فجـي
فجن مثل مظراب شلفاء تراحيـب
شلفاءاً تخل الـدم الاحمـر يكجـي
لا وردة من كف مـرو المغاليـب
والخيل كاسيهـا ضبـابٍ وعجـي
ياعاذل المشتاق مابالهـوى عيـب
ماذقت لذاتـه عسـى امـك تدجـي
لو ذقت من حلوه ومره تجاريـب
مالمـت طـراد البنـي الغنـجـي
نجل العيون مزعلات الخطاطيـب
شعـوٍ عـذاب مقطعيـن الفرجـي
يم الحبيب اللي هروجـه تعاجيـب
ياعيـن لديلـه ويارجـل سـجـي



الشاعر محمد الخس

[صلفيق]

يعطيك العافية أخوي مشعل
نقل رائع واختيار ذووووق
سلمت وسلم لنا ذائقتك المميزة

نقلت لشاعر كبير يستحق فعلا من يقرأ له ويسمتمعه

صح لسانك وسلمت يداك


كل الشكر لك،،،

[مشعل النماصي]

الله يعافيك والاروع حظورك لاهنت

[شموخ شمالية]

صح لسان الشاعر الخس

وتسلم يمينك يامشعل

نقل ولا أروع



لاهنت

[جمران]

تسلم يمينك مشعل


نقل رائع ومميز يدل على ذائقه رفيعه




صح لسان الشاعر


وصح قلبك

[-------]

سلمت اناملك

تقبل مروري

[متفاائل]

صح قلبك ولسان الشاعر

اختيار قوي لاهنت

تحياتي

[مشعل النماصي]

تسلمين شموخ والاروع حظورك لاهنتي

[مشعل النماصي]

صح بدنك وجزاك الله خير تسلم

لاهنت

[مشعل النماصي]

تسلمين ايثار ولاهنت

[مشعل النماصي]

تسلم متفائل صح بدنك


لاهنت

[بعد ملي]

نقل رااااائع
وذاااائقه ارررروع
اشكرك