قصيده بن رشيد بأبنائه مهنا وسالم

[ALWLHAN999]

الســــــــــــــلام عليـــــــــــــكم

وهذه قصيده ايضاً لحمود عبيد الرشيد عندما فقد ابنائه سالم ومهنا وهم شيوخ وفريس وبكاهم ويناعهم وقال فيهم .
قال في مهنـــــــــــا :
* يا مصيبتي ما ينطرابه (مهنــــــا) ياكبره ياجلها من مصيبه

* يا فارس الفرسان من غبت عنــا الشمس غابت قبل حزة مغيبه

* لو الحزن ينفع عليكم حزنـــــا حزن الحبيب اللي مفارق حبيبه

* لا شك مايجلي شب الهم عنـــا ما سر حسكي وهو خشقي نحيبه

* بكو الي ماعيونهم بزرنـــــــا ولا حصلوا عقب البكاء غير خيبه

* صبرت لآجل الصبر حق وسنـه ومن لاصبر برضاء يصبر غصيبه

* يالله تجمعني بهم جـــــوف جنه ولا العلوم الباقيه وش نبيبــه
************
وقال في ابنه الاخــــــــــر ســــــــالم
* اما عني يابوك ماني بناسيك ما طول ماحطت علي النصايب
* ماكنه الا غايب وابي الاقيه وانا به اهبل من زعوج الهبايب
* اطلع الى جاء طارش قلت اغديه يبي يبشرني براعي الجنايب
* الله اكبر كل ماحل طاريـــــــه اوجس بقلبي مثل خفق الهبايب
* واستغفر الله كان قولي انا فيه انا عن اللي يغضب لله تـــــــــايب
تمت بحول الله وقوته


وهذا ماعرفته عنهم ونا قيد الدراسه والبحث عن بطولاتهم ......................




اخوكم / فيصل بن عبدالله بن نجيفان ALWLHAN999

بالغصب مانعطي عدال الرغيفي _________ وعند الرضا نعطي كبار العطايا

[سلايل عبيد]

قصيدة رائعة للأمير حمود العبيد العلي الرشيد.......

الشكر كل الشكر لناقلها الأخ العزيز فيصل........ولكن هناك تنويه بسيط؟!

القصيدة الثانية قيلت في أصغر أبناء الأمير حمود وهو (( عبد الله )) الذي توفي

صغيرا وليس كما ذكرت أنها قيلت في الأمير سالم الحمود الذي استشهد هو

واخوه الأمير منها الحمود في معركة الصريف الشهيرة وذلك حينما كانا يقودان

الصخريات (الابل التي كانت في مقدمة الجيش) فرموهم البواريدة ببنادقهم

فاستشهدوا على الفور-رحمهم الله جميعا-.



أخوكم............ سلايل عبيد.........

[طلال صعفق الحافظ]

حبيت اضافه للموضوع

ابيات لقيته في كتاب (من اخلاق الروله وعاداتهم)


بان النوري بن شعلان .. روى للاجنبي مؤلف الكتاب

ان الامير حود عبيد الرشيد قال يوم انه شاف العبد صنقور يركض ويضرب الطار




يا ليت قلبي داله مثل صنقور = ما همه الا الطار واللي شقا به

ما همه اللي حطو العصر بقبور = او كنه بيض تلاعج عذابه



وصنقور هذا كان بشبابه عبد جميل....عشقته حد بنات حايل

ودرى ابوه بعشقه للعبد

زعل وقام دور العبد وضربه وانتم بكرامه مع (محاشمه)

وانعطب العبد وهو ينهبل ومنه فقد عقله

ودايم معه طار ويركض بالشوارع ويركضون وراه الوغدان(الاطفال بلهجه شمر)

وشكرا لكم

[سلايل عبيد]

للعلم فقط فهذه القصيدة للأمير حمود العبيد الرشيد قيلت في أبنائه بعد حرب القصيم، يقول فيها-رحمه الله- كما ذكرت :

هـنـيّ قـلـبٍ دالـهٍ مـثـل صنـقـور*
************************ مـاهـمّـه الـدمّـام واللي سعـى بـه
ماهـمّـه اللي حطّـوا العصـر بـقـبـور
************************ ولابـكى بـيـضٍ تـلاعـج عـذابـه

وصنقور هذا كما ذكرت ياأخي طلال من معلومات وافية عنه.


أخوكم .......................سلايل عبيد..............
---------------------------------------------
*الدمّـام هو الطبل كما هو معروف.