شيخة الغيد ..!!

[عبدالمجيد الشمري]

بسم الله الرحمن الرحيم

.

.

الاهداء الى كل عضو او زائر في منتديات مضايف شمر العريقه ..

.


.


يا شيخة الغيد ليه البعد والصده ؟!
______ تركتي النار فوق الكبد وقّااااده !!

الله حسيبك وانا اللي صار لي مده
______ اعلّم العين كيف تفارق سهاده ..!


.

.


عليك انت بس اليا نطقت الحروف تزين
______ يا أول محطة عشق هالقلب جرّبها


أحبك وآعشقك وأطلبك تستحي وتبين
______ ترى غيبتك طالت وأنا اللي محسّبها


تعال التفت لي ما بقى لي بدونك شين
______ حياتي عقب فرقاك . . ماني بطالبها


يابو عين فيها رمح متشطّر .. و سكّين
______ يا كم عين عينك // عوّفتها حبايبها


على وين وديتن وتبغى بحالي وين ؟؟
______ كفايه .. ترى ناري تعدّت جواااانبها


الى الحين وآنا ممّلن بك الين الحين ..
______ ( حبال الأمل ) عندي تراخت مكاربها


وليفي وأنا اللي ما ندهتك بابو وجهين
______ لو ان العبااااه أحيان بقفااااي تقلبها


حالولاه لوّي كاشفك من قبل شهرين ..
______ ما كنت أسكب دموع ٍ على ماش ساكبها


شف العين هذي من سهرها تذوق البين
______ وشف العين هذي كيف تشكي مصايبها


تخبيت عنّي والبشر بالخطأ دارين ؟!!
______ بعد شفت عينك لا تحاااااول تضبضبها


حصل ما حصل والقرم ما يطرد المقفين
______ ( محبة طرف ) نذر ٍ عليّه لأشطّبها ..!


تذكر كلامي يوم أسولف وأهل العين ..
______ وأقول انت ( نجمه ) كل ليله أراقبها


تذكر مكان ٍ ما أجتمع فيه كود اثنين
______ أنا و أنت .. والثالث زواكي هبايبها


وداعتك رد اللي خذيته ترى هو دين
______ بعدها دموعك .. طالبك لا تصبصبها


مشينا مشينا .. ما بقى لي بعدها شين
______ حسيبك عليم ٍ كل نفس ٍ يحاسبها ..!!


.


.


عذرا ً على التقصير ..


محبكم

[ابو فارس]

تقصيرك ليس له عذر

فمن يحمل مثل هذه القصيدة لابد ان نعاتبه كثيرا

حتى لايحرمنا



صح لسانك وعلا شانك


تذكر مكان ٍ ما أجتمع فيه كود اثنين
______ أنا و أنت .. والثالث زواكي هبايبها

لا ادري؟
اذا كانت ابيات القصيدة كلها ورد
فهذا البيت هو جوريها


دمت بخير

[نايف حزوم]

رائع يا سنايدي لا هنت

[ريم شمر]

صح لسانك اخوي عبدالمجيد

ولاهنت

[منصور الغايب]

صح لسانك ... ولاهنت ...

[عبدالرحمن]

صح لسانك شاعرنا القدير عبدالمجيد على هالرائعة.

[بعد ملي]

صح لسانك اخوي عبدالمجيد
وبارك الله فيك

[بشير اللويش]

..
.

البدوي

انا اشهد انك جبت لنا هديه ورضينا :)

لاهنت يالغلا .... ودمت بود


الراسي

[مقبل الضوي]

سبكة شعر خاصة بالرائع عبدالمجيداستمتعت جدآآآآآآآآآآآآآآآآآآآآآآآآآآآآآآآآآآآصحي ت مليون مرة