يااااقشر عرضت يا حيل حليل بغيت اهفي يا الربع

[ســـعود]

السلام عليكم ورحمة الله وبركاتة

ياقشر عرضتك يا حيل حليل

امس العصر العب مع حيل حليل بلياردو لعبنا وسولفنا وعلى ما خلصنا وتوي ابي اطلع

الا اسمع بريكات وصوت دوريات ولهم صياح بمكرفوناتهم عند بيتنا وانا اقمز ابي اشووف وش السالفة هي مداهمه والا وشي :)

وانا اطلع الا فرت اي فورد دورية و جيب دورية يلحق لوه واحد وصادموه قدام بيتنا ابد عند الباب

واللي بسيارة انحاش هو وخويه لنهم اثنين عللى قوول العسكري

اللي بسيارة يالربع تسيف طبو على بيت جيرنا ومن بيت جيرانا للبيت اللي وراه وهجووو تقل بساس :)



المهم وتجمع حوول خمس دوريات با الحارة وانا اسولف مع العسكرى وجالس يشرحلي المطاردة وهو يجي واحد والله ما اعرفه ولا ادري هو با الحارة او لا

الوكاد انه انسان قادح بايعهاا بقشر بصلة

وهو يقوول للعسكر انتم وش تبوون اشبهتو الحارة واشبهتونا يا الله حركو

وهم يكرشونه يا الله روح بيتك بس يقولون له شوي وهو يطلع قناع من مخباه اقسم با الله العظيم يا الربع هههههههههههه انا مستغرب الموقف

المهم وهو يلبس القناع يمار بس عويناتوه مفاليص وهو يطلع سكين من مخباوة وهو يقوم يصيح عليهم يا الله حركومن هنا ويقرب يمهم والعسكر يرجعون ورى

وتندبل تسبدحدى العسكر وهو يطلع سلاحوه ويصوب على الرجال قال المهوي اطلق هنا كانك رجال ويشر على قلبوووه ويصيح على العسكري ارم اطلق يا الرخمة قال العسكري ترى بحطهااا برجلك والله

وهذا الخبل يصيح اطلق المهم حووول عشر دقايق على ها الموال

طفش المهوي وهو يمر على الدوريه وفجر كفرهم بسكينوة وهو يروووح

اشوي الا الحارة كله دوريات ولا خمسين دورية وخلق الله تجمعت بعد يا سلام سلم

المهم على جيت الضابط وهوينصاني من بين كل ها البشر قال بيت فلان الفلان وينهو وانا اقوول منهو هذا قال اللي يتهدد على العسكر من اليوم

وانا اضحك هههههههه قلت والله ما ادري وين بيتوه واصلن توي اعرف اسموه منك

قال قوول لا تكذب ترى كل الحارة راح تنظر وانا اطني وانا اهتش وانا ازعل تسيف يكذبن وتسيف يقوول كلكم راح تنظروون
وانا اقوم اهايط

قلت الرجال لوه ساعه بهذا يتهدد ولا واحد من عسكرك مسكوه والا جاه وبعد ما مشى من كيفة جاي تسألني وين بيته دامك تعرف اسموه وين المباحث الجنائيه عنه
عطهم بس الاسم ويجيبونه لك

والا بس تتشطرون علينا حنا ها المساكين

وهو يصد شنق ويصوووت ياحمدان حطو هذا با الجيب :a::a::a:

بغيت ابتسي ليه انا وش دخلن

وهم يتسفتوني با الجيب ياااااااااوه موت حر يا الربع وخنقه

بس الحمد لله شيبان الحارة ما خلوني قامو يطا لبون بي :)

وهو يكلمون الظابط ويقولون لوه ها الرجل مالوه دخل ولا قال غير الصحيح

المهم حوول عشر دقايق بها الجيب يوم فتحو لي الباب وقالو لي يا الله انزل

وانا اعض ثووووبي وركض على البيت وماطلعت من امس يارب لك الحمد هكا الجويب اللي يدخله مفقوود واللي يطلع بس رجلوه منوه مووووولوووووود

والحمد لله على سلامتي هههههههههههه تحياتي لكم

ورجاءاااااااااا لحد يتشمت بي ههههههههه

[جمران]

اولا الحمد له على السلامه



وثانيا



هذي مو عرضة حيل حليل




بس انا متاكد انكم تعرضتولي بشي




لان خيك عرضته قشرا





ههههههههههههه

[عبدالله الجعيثن]

مالهم حق ينزلونك من الجيب

[الشمـــ نور ــــري]

حجز...


<<شخبااري:d:

[عبدالرحمن]

الحمد لله على السلامة
بس تراك لازلت ملاحق:a:
نعم انت قمت بنشر احداث شغب
وانت تعلم ان هذا من الاسرار:puzzled:






لاهنت ياشوق النشمية

[الشمـــ نور ــــري]

حمدالله ع السلامه
بغيت تروح فيها وانت مالك شغل لحووول:a:


هههههههههههه


يالله تكبر وتنسى ماعليه :)

[عبدالرحمن]

^
^
بعذرك يبوفارس ببعض الناس:)

[الشمـــ نور ــــري]

^
^
^
ههههههههههههههههههههههه


اوووبس:315r:


و أنا عبالي عدلتها قبل اأحد يشوفها


ياااخوي استر علي ولا تعلم بوفارس قاعد ويتصيد علي :d:

[عبدالرحمن]

^
^
تم بس اخاف ابوفارس شاف الدرس العربي:)

[الشمـــ نور ــــري]

لا لا ما شااف



<<الله يستر بس:puzzled:

[ابو ضاري]

الحمد لله على السلامه

بس ياسعود انتبه لنفسك اذا جونا ابي اعلمك عليك :)

[ابو ضاري]

يتصل على اخوه بالشرطه يعلم على سعود

تصدق احيانا احس بنوعيه الشبث من ناحيه القراده

[حيل حليل]

حيلاً بك وجهاً يستاهل

ولا وين تبي تلهيني بالسوالف وحنا نلعب بلياردو
وعثيت بي عثي
ماغير تصقع بي وانا مصدق عمري وجالس اقرق معك :)

يالربع
سعود هذا اكبر نصاب
قسم بالله يوم خلص قيمنا
اول ماطرى علي
سالفة ملهي الرعيان :)

حلولاة بس لو هم زاخينك بأكا الجيب
وجالدينك لياما تعض القاع :)


سعود
بيتك هينا << يؤشر على قلبه :)

نش لي رهف اذا جيته
وقله عمو احمد يسلم عليك :)

[عبدالله الجعيثن]

لا لا ما شااف



<<الله يستر بس:puzzled:



هههههههه..الاملاء مشكله


راعي للحروف مرّ ثانيه:)

[عبدالرحمن]

^
^
السالفة مهي سالفة املاء:a:
اكبر اكبر من الاملاء اكبر:)>اعلمك بس وش لي:315r:

[عبدالله الجعيثن]

يسكتوووون


ترن اداري واقرا اللي قبل التعديل هههه




بس شف ابو فارس تره دقيّع:)

[جمران]

وقله عمو احمد يسلم عليك :)


سوال بارك الله فيك


هالحين انت حيل حليل


والا احمد




والا لؤي بادريق


هههههههه





وانت ياسعود اي الاسامي تعرض له به


تخبر فيه فرق:315r:

[عبدالرحمن]

ابوفارس يفول انوه غسل يدوه فبل العزيمة بأسبوع :)

[حيل حليل]

راعي الجمريه

كل الطرق تؤدي الى روما

بعدين ترى الشغله تمويه
يمكن اجيب العيد واتخانق مع احد
ولما يدورن يبي يعرف من انا
يلقاني شخصيه غير موجوده في العالم الحقيقي
انما مجرد يوزر الكتروني ليس الا
<<< ابوتس يالتناحه :)

[الشمـــ نور ــــري]

أحم أحم...

عبدالله الجعيثن..
عبد الرحمن...
n)

ترى فضحتووني وربي هههههههههه


بلاااش فضآاايح:)

[عبدالرحمن]

اسكتي لا اعلم ابوفارس> عرب ومسكو ممسك:)

[ابو فارس]

^
^
بعذرك يبوفارس ببعض الناس:)
زييييييييييييين


واخيرا عذرتوني بالابلة نور



صحيح ماشفت شئ بس هقوتي ماتخيب



سعود يامال العافية

وش تبي بالبلياردو

لقيت لك لعبة احسن منها

بس تبي اربع
يقولون ربعنا --
مدري هم يقصدون اركب معنا جيب الربع مدري بصراحة-- يذكره بالجيب بس

[عبدالرحمن]

ربعنا- ولا ربعنا!
الاولى تشديد على الاحرف الثلاثة الوسطى والثانية ارتخاء كل الاحرف:)
فاذا كان القصد الاول فأذهب الى اهل الخمس والثانية ابشر اذانا اربعة:thumb:

[الشمـــ نور ــــري]

عبد الرحمن..

لا بسكت وما تكلم بالمره..:(


آامرني بس تبي شي
أطلب وتمنى بس لا تحطني بلسان بو فارس:d:

[ابو فارس]

وش رايك نخلي الاختيار على نور


لانها ابلة عربي
وراح تعرف الفرق





واذا عرفت بعطيها جايزة لغزك اذا حليته

[الشمـــ نور ــــري]

بو فارس<<

الله حيوو الله حيوو
هلا وغلا عاش من شافك شلونك وشخبارك وش الدنيا فيك :)



حنا ربع صح ماراح تحط علي قدامهم وتفشلني صح







<<تقردنه:)






تبي عصير الربيعn)

[ابو فارس]

عصير الربيع؟



ومن نور؟


بصراحة شئ مغري
خابرك ماتفرطين بالربيع الا وانت بورطة


هاتي علومك بس خليني نشوف وشلون جبتي العيد؟

[عبدالرحمن]

خلاص يابو فارس ترا الابلة ماقالت اي شي>الظاهر تقردنت وانا ما ادري:)
بس انت وشرايك عقب عصير الربيع توجس ما اوجس:a:

[ابو فارس]

قمت اتخيل ان نور هي المشرفة العامة





بغيت اقدم استقالتي من المضايف

[ريال الفسحه]

وجهن يخفا


انت والشبث ماهي غريبتن عليكم جيوب الدوريه هههههههههههه


الشبث يفرون بوه على الحوادث وهو راتسب ورا خخخخخخخ


صار يخطط معهم




سعود


اقطع علاقتك بالحول :)

[الشمـــ نور ــــري]

ااااااااه لو إني المشرف ياا بو فارس..

أاعذبك تعذيب ع اللي تسويه فيني:wallah_hoo:



عبد الرحمن<<أانت صديقي الجديد خلاص بو فارس خربت العلاقات بينا بس يتصيد علي بدليات و أخطاء:(

[الشمـــ نور ــــري]

<<تعطي عبد الرحمن عصير االربيع :)

[ابو فارس]

اجل بكرى بتقهوى عند ابو سلطان او ابو غازي


واخليهم يرجعون كلامك



وبحطه كله بتوقيعي -- بتصير سوالفك على كل لسان


انا بغيت اسوي لك دعوة صداقة
بس خلاص هونت

[الشمـــ نور ــــري]

دعوه صدااقه<<<امممم


بو فارس هااك عصير الربيع و لوزين بعد :)

[ليلى بنت عبدالعزيز]

الحمدلله عالسلامه

[عبدالله الجعيثن]

سعود



احمد ربك مافتشوا البيت :puzzled:

[بالمختصر..]

ما ندري منهو المقرود ..

و الظاهر اثنينكم مقرّد :)




.
.

[سلطااان السويري]

الحمدلله على السلامه

وبالحديد ولاهو بالعبيد:)

[ابو فارس]

وبالحديد ولاهو بالعبيد:)
سلطان


مسوي حلف مع الربع انت بعد؟



يا اخي خلهم لابو غازي بس

[سلطااان السويري]

^

جيب منهو الربع خلنا نباركلوه:315r:

[ابو فارس]

الشاص

احلى من الباص :za3lan:

[سلطااان السويري]

^

منهو الي رايح قناص:)

[ابو فارس]

اسأل اللي جالسين بالمشب عندك


http://www.m5zn.com/uploads/2010/9/26/photo/092610230937b1n8xjmxw87.jpg

[عبدالله الجعيثن]

احد شاف ابو جمري؟

[سلطااان السويري]

^

ابو جمري ماسكينه سلاح الحدود :)

[سلطااان السويري]

ابو فارس الصعايده يقولون وش يقصد:)

[عبدالله الجعيثن]

الا مهو هو اللي بوسطهن مشوين:)

[سلطااان السويري]

هههههههههههههههههههههههههههههههههه


يسويه ابو جمري ماينقال عليه

الا وش رايك نسمر مع الربع:)

[شرهه]

^


قدام ..




اسمروا ليه لا

[شرهه]

عمااااااااااار يا الفلة




يا قدمتس

[ســـعود]

اولا الحمد له على السلامه



وثانيا



هذي مو عرضة حيل حليل




بس انا متاكد انكم تعرضتولي بشي




لان خيك عرضته قشرا





ههههههههههههه

الله مير يسلمك

والله ماتعرضناك الا بكل خير <<<< مهو متأكد:)

راع الجمريه اجل ياوخيي الله يكفينا عرضتك ههههههههههههههههه لبا قلبوه


لاهنت يا الغالي على ها المرور وها الطلة

تحياتي لك

[ســـعود]

مالهم حق ينزلونك من الجيب

:wallah_hoo: حرام عليك يا ابو غازي

والله لو انك شايف وجهي وانا با الجويب يحوووول اكسر الخاطر تسني بنقالي ماعندوه اقامة ومقطوط با الدورية

[ســـعود]

حجز...


<<شخبااري:d:

يا الله مبطي ماشفت كلمة حجز :)


نوير اخبارك تمام

شعلومي

[ســـعود]

الحمد لله على السلامة
بس تراك لازلت ملاحق:a:
نعم انت قمت بنشر احداث شغب
وانت تعلم ان هذا من الاسرار:puzzled:






لاهنت ياشوق النشمية



:a::a::a:
لا والله لا أعلم

ابي احذف الموضوووع هلحين <<<< انفضخ قلبوه


اخوي عبدالرحمن الله يسلمك ولا يهينك على ها المرور وها الطلة

تحياتي لك

[ســـعود]

حمدالله ع السلامه
بغيت تروح فيها وانت مالك شغل لحووول:a:


هههههههههههه


يالله تكبر وتنسى ماعليه :)

الله مير يسلمك يا نوير ايه والله بغيت اروووح فيهاا من قلب

ماهقوتي انسى ههههههههههههههههه

اقووول ترين ذبحتن الشفايه ههههههههههههههه وش كتبيتي وش البدليه كلهم يعرفون الا انا

شوفي ارسليهاا لي على الخاص :)

نور لاهنتي على ها المرور وها الطلة
تحياتي لك

[ســـعود]

الحمد لله على السلامه

بس ياسعود انتبه لنفسك اذا جونا ابي اعلم عليك :)

ابو ضاري الله يسلمك يا الغالي

هههههههههههه لا هذا بدال ما تغيبن يا خالي لابا الله رحت وطي:)

[ســـعود]

يتصل على اخوه بالشرطه يعلم على سعود

تصدق احيانا احسك بنوعيه الشبث من ناحيه القراده

هههههههههههههههههه انا اقول اني بروح وطي الظاهر


تصدق يا ابو ضاري اني احس اني انعديت من الشبث:)

ابوضاري الله لا يهينك على ها المرور وها الطلة

تحياتي لك

[ســـعود]

حيلاً بك وجهاً يستاهل

ولا وين تبي تلهيني بالسوالف وحنا نلعب بلياردو
وعثيت بي عثي
ماغير تصقع بي وانا مصدق عمري وجالس اقرق معك :)

يالربع
سعود هذا اكبر نصاب
قسم بالله يوم خلص قيمنا
اول ماطرى علي
سالفة ملهي الرعيان :)

حلولاة بس لو هم زاخينك بأكا الجيب
وجالدينك لياما تعض القاع :)


سعود
بيتك هينا << يؤشر على قلبه :)

نش لي رهف اذا جيته
وقله عمو احمد يسلم عليك :)

هههههههههههههههههههههههههههههههههههههههه

انت ما ينفع بك الا هلون اول قيم لعبناه ثواني الا انت فايز على فا قلت مالي معك الا الحيلة

ومن له حيلة فل يحتال :) اشوى لهيتك با السوالف وفزت عليك وبجدارة بعد:) والله لو انهم شايليني لقول لهم ان المقنع اسموه احمد وعندوه نك نيم بمضايف شمر ويوزره حيل حليل واعلمهم وين ساكن بعد خخخخخخخخخخخ


لبا البك يا الغلا

ابشر يا العزوة والله لايهينك على ها المرور وها الطلة

تحياتي لك

[ســـعود]

زييييييييييييين


واخيرا عذرتوني بالابلة نور



صحيح ماشفت شئ بس هقوتي ماتخيب



سعود يامال العافية

وش تبي بالبلياردو

لقيت لك لعبة احسن منها

بس تبي اربع
يقولون ربعنا --
مدري هم يقصدون اركب معنا جيب الربع مدري بصراحة-- يذكره بالجيب بس


ابو فارس اللحس مخي هلحين اربع هو جيب ربع او مسدس ربع او الربع عنهم ربع :)

لاهنت يا الغلا على ها المرور وها الطلة

ابو فارس تحيتي لك

[ســـعود]

وجهن يخفا


انت والشبث ماهي غريبتن عليكم جيوب الدوريه هههههههههههه


الشبث يفرون بوه على الحوادث وهو راتسب ورا خخخخخخخ


صار يخطط معهم




سعود


اقطع علاقتك بالحول :)

هههههههههههههههههههههههههههههههههههههههه

انا من واجهت حويل بها المنتدى احس اني منا مضبوووط وانواع القرادة

ريال تهقى مالي غير اني اقطع العلاقة:)



رال الفسحة الله لايهينك على ها المرور وها الطلة

تحياتي لك

[ســـعود]

الحمدلله عالسلامه




الله يسلمك

ليالي نجد مشكورة على ها المرور وها الطلة

تحياتي لك

[ســـعود]

سعود



احمد ربك مافتشوا البيت :puzzled:
:a::a::a::a::a::a::a::a::a::a::a::a::a::a::a::a::a::a::a::a::a::a::a:

هههههههههههههههههههههههههههههههههههههههه هههههه

الحمد لله :)

ابو غازي لاهنت على ها المور وها الطلة يا الغلا

تحياتي لك

[ســـعود]

ما ندري منهو المقرود ..

و الظاهر اثنينكم مقرّد :)




.
.
^
^
احترمي نفسك احسلك :):)هههههههههههههههههه << يدور المعامش

انا الحمد لله منا مقرود بس اذا بوه احد حولي مقرود اخذ من قرادتوه شوي :) لازم اعاونوه

با المختصر الله لايهينك على ها المرور وها الطلة

تحياتي لك

[ســـعود]

الحمدلله على السلامه

وبالحديد ولاهو بالعبيد:)

الله يسلمك

بس منهو اللي مسوي حادث :)

سولتان << تسني كاتبة با الانجليزي لاهنت على ها المرور وها الطله

تحياتي لك

[سلطااان السويري]

^


ذكرتن بواحد مايصوتلي الا سولتان هههههههههههههههههههههههههههههههههههه:)

[برد الشمال]

بث تجريبي لعيوني خخخ