ساهر نسائي [الأرشيف]

عطارد

24-09-2010, 17:58

[
w"]
نظام ساهر النسائي ( وليس ساهر المروري )

هذا الإسم الذي أطلقه صاحبي على زوجتيه ( إذ هو متزوج ثنتين )
زارني ليلة البارحه إثنان من أصحابي كلاهما لديه زوجتان
فكنا نتجاذب أطراف الحديث ومررنا على التعدد وطبيعة البيئة التعددية
هما يتكلمان بحرقة ومن معاناة بحكم أنهما معددان وأما أنا فموحد لأن الله يحب الموحدين ( .... ) كنت استمع لحديثهما حول طرائف وغرائب القصص مع هؤلاء النساء وبين برهة وأخرى تقرع أجراس جواليهما فيرد الصاحب الأول أنا عند عطارد ... طيب شوي واجي ... لا مانا متأخر ... طيب ابشري ... ( ما معنا أحد إلا المقرود رقم 2 ) ثم يقوم من عندنا إلى ناحية المجلس جاعلا ظهره إلينا ووجهه إلى الحائط ... ( الظاهر إنه يتلقى العين الحمراء ... ما يبي نسمع صوت ولا انفعالات وجه ) ثم يقرع جرس جوال الآخر ... نعم أنا عند عطارد ... بس أنا واياه ( والمقرود رقم 1 ) ... شوي واجي ... لا يابنت الحلال ماني متأخر ... طيب لحظه ... ( عن اذنكم شوي ) - يختفي قليلا في حوش الرجال ( يميطه روحة وجيه ) ... ثم يعود وهو يخرج من صدره نفسا مصحوبا بتأوه ... قلت له خير ... قال هالحريم ...
خلن اسولف لك سالفة ( ساهر ) قلت وشي بعد ساهر هذي سالفتن جديده ... تفضل .. قال انا قبل البارح كنت جاي من الرياض على سيارتي ومعي رجال شرواكم ... شرواك الطيب ... ويوم وصلت حول الغاط يوم دقت الأولى ( يعني الزوجة الأولى ... اللي عنده الليله ) يقول عاد حاط بجوالي كل وحده له نغمه ... المهم دق الجوال ( اللهم عليك بمن آذى المسلمين ... ) هذي نغمة الأولى ... هلا بالغاليه ( وزززززز ) ... هلا بالطربه ( وززززززين ) وشلونكم ... الحمد لله ... ما معي الا ابو فهد ... ايه بس ... والله بالغاط هالحين ... ايه تونا نازلين من الطلعه الطويله حقت الغاط ... (( ابي أفتح لكم السبيكر نسمع الأولى اللي عنده الليله هذي وش تقول )) ... وين بالغاط . الله توكم تاصلون الغاط ... ايوالله تونا ناصل الغاط ... متى انتم طالعين من الرياض ... حول الساعة ثمان ... ثمان . تسع . ونص . هالحين لكم ساعه ونص ... وش هالمشي تدبون دبي ... لا يابنت الحلال بس ما نقوى نسرع على الطريق رادار ... ليه وين كاشف الرادار اللي جبت لك ( أخسي المره متطوره ) ... نسييته بحايل ... ماش ما تمشون أكيد انك فاتحن افمك مع ابو فهد تهلقون . وتدبون دبي ... لا والله الا امشي ميه وعشرين ... بس ميه وعشرين وين اللي لا صرنا معك صلقعت بنا بين السماء والأرض ... ان شاء الله ما نبطي ناصل ... ايييييه مع السلامه ... طوط .... ( هذي بس لذعات على الهواء مباشرة لجل يحطه على الطبلون ويطير بين السماء والأرض )
أبو فهد : من هذي ... هذي المره يابو فهد ...أيهن .. الأولى يابو فهد ... ياحبيبتي شكله خايفتن عليك ... يا حبيبي إنت يا بو فهد
( اللهم تقبل من واغفر لنا وارحمنا ) هذي نغمة جوال الثانيه ( اللي الليله ما هو عنده ) ... هلا عليكم السلام ... مشغول جوالي قبل شوي أكلم لي رجال ... رجال موصينن على له معامله بالرياض (( نبي نفتح السبيكر . نسمع وش تقول الثانيه اللي الليله ما هي عنده )) إيواه تقولي معامله وين ... معامله بالخارجية حقت عمال ... ومن معك ... معي ابو فهد ... حليلكم ... وين وصلتوا ... تونا تعدينا الغاط ... حليلكم ... متى طلعتوا من الرياض ... الساعة ثمان ... ثمان . تسع . ونص . لكم ساعه ونص ... والله مسرعين على هوينكم الله يستر ينتق عليكم بعير بهالخط ... ولا يضرب عليكم كفر ... لا ان شاء الله ... اشوى لا صار معك ابو فهد يونسك ... ايوالله نسولف ومعنا ترامس هالقهوة والشاهي نمشي ونتقهوى ... وشو له ايقفوا بالطريق وتقهوو وكان بكم نوم نيموا ... لا مابنا نوم ... ما يخالف نيموا اريح لكم ... كيف نسيت اوصيك تجيب لي من الرياض مكسرات من باجا ... ليه ما قلتي لي ... ايه ليا جيت القصيم مر وجب لنا ... اخاف مسكر ... لا ما يسكر . ليا جيت القصيم دق على اوصف لك ... بعيد هو عن الطريق ... لا قريييب جيته مع اهلي العام يوم نروح ... طيب مع السلامة ... طوط
هذا ساهر ياعطارد

ساهر نسائي على كيف كيفك
يتتبعك وين مارحت ( آآآآآه )

لا ووحده تطيرك ووحده تهديك ... حاله ياعطارد ... هالحين هاللي وحده تقول اسرع ووحده تقول نم ... هذولن لأجل راحتي هذولن يتناحرن ويتشاجرن بي حاطاتن حلبة مصارعة

الله يعين أقسم بالله لو دريت إن السالفه هاللون ما خذيت الثانية
( هذه قصة حقيقية مع تحفظي على مسألة التعدد من الناحية الشرعية )

عطارد[/COLOR]

منصور الغايب

24-09-2010, 18:27

حياك الباري أخي عطارد ...

ومتصفح آخر جميل تتحفنا به ...

توقيت موضوعك ... سيفتح لك جبهة نقاش مع الأستاذ عبدالرحمن .... بما أنه قد فتح متصفحا آخر عن التعدد بين مؤيديه ورافضيه :)

يارجال ... انظر للجانب الايجابي بهالموضوع وانت ترتاح ... شوف هالاسد بين هاللبوتين كل وحدة تبي تخطفه من جهة :) عايش ملك ..

شكرا لك ...

ابو ضاري

24-09-2010, 23:35

اولا احمد ربك على ساهرنسائي والتتبع من اجل راحتك

التعدد نعمه انعم الله بها على هذه الامه

لماذا نتضايق عندما نسمع او نرد عليهن عن طريق هذا الساهر

ولماذ لا نمتلك الصراحه في اغلب الامور اذا كانت الاولى على الخط والثانيه تنتظر

شكرا لك

عبدالرحمن

24-09-2010, 23:53

حي الله العزيز عطارد وموضوعه المطارد!
بما انك غير معدد فانت مملوك لشخص فلا يحق لك اللعب خارج حقلك!
وبما اني معدد واملك شخصين واعد العدة لملك الثالث فيحق لي اللعب!
لذلك عد لملعبك ودعني العب بهذا الملعب لاني احق منك به!
وارجع وتحدث لنا لا اقول عن معاناتكم انتم معشر-الموحدين-
وحيث انك انسان ذكي وفطن اعلم انك عرفت قصدي وهدفي!
ودعني اتحدث عن معشر المعددين!
فالمعدد شخص تحسده الملوك!
فعندما يخرج بيته الاول الى بيته الثاني يجد الاستقبال
الذي لا يحصل لسلاطين الارض!
وعندما يخرج في يومه الثاني
يجد توديع الابطال الافذاذ قد اعد له!
هذا من ناحية اما الناحية الاخرى
والتي ارى اننا مسؤولين عنها
وهي البحث وايجاد حل لهذا المشلكة الكبيرة
فرقم العوانس اصبح رقم كبير يهدد اغلب البيوت والاسر
فالتعدد حل ومنع الشباب من الزواج من خارج بنات الوطن حل
وتشجيع الشباب على الزواج المبكر حل
ومنح مكافأت لمن يتزوج من هي اكبر منه سن حل
ومنح قروض ومساعدات للشباب حل
هذه حل قد تحل جزء من المشكلة
وحيث ان العوانس بنات جلدتنا وقبلها عقيدتنا
يجب علينا ان نساهم في حلها حتى وان كانت بسيطة.

لك تقديري اخي العزيز عطارد.

ليلى بنت عبدالعزيز

25-09-2010, 02:30

وربي مت ضحك عليهن اهم شي الا ضغطت السبيكر :)
كل هذا عشان الزوج

امتعنتنا اخي الكريم
وعقبال من اراد ساهر النسائي :)

عطارد

25-09-2010, 02:59

حياك الباري أخي عطارد ...

ومتصفح آخر جميل تتحفنا به ...

توقيت موضوعك ... سيفتح لك جبهة نقاش مع الأستاذ عبدالرحمن .... بما أنه قد فتح متصفحا آخر عن التعدد بين مؤيديه ورافضيه :)

يارجال ... انظر للجانب الايجابي بهالموضوع وانت ترتاح ... شوف هالاسد بين هاللبوتين كل وحدة تبي تخطفه من جهة :) عايش ملك ..

شكرا لك ...

حياك الله أخي منصور

أسعدني كثيرا مرورك العبق

وحيا الله الجميع وأنا أعلم أن كل قضية في الدنيا لها مؤيد ومعارض ( بغض النظر عن الحق والباطل والصواب والخطأ فيها ) والله سبحانه وتعالى قال ( لكم دينكم ولي دين ) وهو يعلم أن الدين الآخر باطل والذي يريد أن يكسب السباق كله ويجني الثمار كلها لصالحه هذا لا يرى في الكون إلا نفسه ورأيه بغض النظر عن خطئه وصوابه وأنا أحترم بكل ما تعنيه هذه الكلمة من معنى رأي الآخرين شريطة أن لا يتجاوز ذلك الرأي الخطوط الحمراء

دمت سالما

أهداااب

25-09-2010, 03:01

[
w"]

خلن اسولف لك سالفة ( ساهر ) قلت وشي بعد ساهر هذي سالفتن جديده ... تفضل .. قال انا قبل البارح كنت جاي من الرياض على سيارتي ومعي رجال شرواكم ... شرواك الطيب ... ويوم وصلت حول الغاط يوم دقت الأولى ( يعني الزوجة الأولى ... اللي عنده الليله ) يقول عاد حاط بجوالي كل وحده له نغمه ... المهم دق الجوال ( اللهم عليك بمن آذى المسلمين ... ) هذي نغمة الأولى ... هلا بالغاليه ( وزززززز ) ... هلا بالطربه ( وززززززين ) وشلونكم ... الحمد لله ... ما معي الا ابو فهد ... ايه بس ... والله بالغاط هالحين ... ايه تونا نازلين من الطلعه الطويله حقت الغاط ... (( ابي أفتح لكم السبيكر نسمع الأولى اللي عنده الليله هذي وش تقول )) ... وين بالغاط . الله توكم تاصلون الغاط ... ايوالله تونا ناصل الغاط ... متى انتم طالعين من الرياض ... حول الساعة ثمان ... ثمان . تسع . ونص . هالحين لكم ساعه ونص ... وش هالمشي تدبون دبي ... لا يابنت الحلال بس ما نقوى نسرع على الطريق رادار ... ليه وين كاشف الرادار اللي جبت لك ( أخسي المره متطوره ) ... نسييته بحايل ... ماش ما تمشون أكيد انك فاتحن افمك مع ابو فهد تهلقون . وتدبون دبي ... لا والله الا امشي ميه وعشرين ... بس ميه وعشرين وين اللي لا صرنا معك صلقعت بنا بين السماء والأرض ... ان شاء الله ما نبطي ناصل ... ايييييه مع السلامه ... طوط .... ( هذي بس لذعات على الهواء مباشرة لجل يحطه على الطبلون ويطير بين السماء والأرض )
أبو فهد : من هذي ... هذي المره يابو فهد ...أيهن .. الأولى يابو فهد ... ياحبيبتي شكله خايفتن عليك ... يا حبيبي إنت يا بو فهد
( اللهم تقبل من واغفر لنا وارحمنا ) هذي نغمة جوال الثانيه ( اللي الليله ما هو عنده ) ... هلا عليكم السلام ... مشغول جوالي قبل شوي أكلم لي رجال ... رجال موصينن على له معامله بالرياض (( نبي نفتح السبيكر . نسمع وش تقول الثانيه اللي الليله ما هي عنده )) إيواه تقولي معامله وين ... معامله بالخارجية حقت عمال ... ومن معك ... معي ابو فهد ... حليلكم ... وين وصلتوا ... تونا تعدينا الغاط ... حليلكم ... متى طلعتوا من الرياض ... الساعة ثمان ... ثمان . تسع . ونص . لكم ساعه ونص ... والله مسرعين على هوينكم الله يستر ينتق عليكم بعير بهالخط ... ولا يضرب عليكم كفر ... لا ان شاء الله ... اشوى لا صار معك ابو فهد يونسك ... ايوالله نسولف ومعنا ترامس هالقهوة والشاهي نمشي ونتقهوى ... وشو له ايقفوا بالطريق وتقهوو وكان بكم نوم نيموا ... لا مابنا نوم ... ما يخالف نيموا اريح لكم ... كيف نسيت اوصيك تجيب لي من الرياض مكسرات من باجا ... ليه ما قلتي لي ... ايه ليا جيت القصيم مر وجب لنا ... اخاف مسكر ... لا ما يسكر . ليا جيت القصيم دق على اوصف لك ... بعيد هو عن الطريق ... لا قريييب جيته مع اهلي العام يوم نروح ... طيب مع السلامة ... طوط
هذا ساهر ياعطارد

ساهر نسائي على كيف كيفك
يتتبعك وين مارحت ( آآآآآه )

لا ووحده تطيرك ووحده تهديك ... حاله ياعطارد ... هالحين هاللي وحده تقول اسرع ووحده تقول نم ... هذولن لأجل راحتي هذولن يتناحرن ويتشاجرن بي حاطاتن حلبة مصارعة

الله يعين أقسم بالله لو دريت إن السالفه هاللون ما خذيت الثانية
( هذه قصة حقيقية مع تحفظي على مسألة التعدد من الناحية الشرعية )

عطارد[/COLOR]

هههههههههههههههههههههههههههه

يا حليلهن ..

تذكرت وضع خالي مع حريمه :)

وحده تقوله أسرع عشان الليلة عندها .. و الثانية تقول : على مهلك لأنها ليلة ضرّتها ..:)

بس ترى ..

الغيرة فطرة نسائية .. مو بس بين الضراير ..

عطارد

25-09-2010, 03:38

اولا احمد ربك على ساهرنسائي والتتبع من اجل راحتك

التعدد نعمه انعم الله بها على هذه الامه

لماذا نتضايق عندما نسمع او نرد عليهن عن طريق هذا الساهر

ولماذ لا نمتلك الصراحه في اغلب الامور اذا كانت الاولى على الخط والثانيه تنتظر

شكرا لك

حيا الله حبيبنا ابو ضاري

وأشرق المكان بنور وجودك

نعم نحمد الله سبحانه على نعمة ( الساهر النسائي ) هذه نعمة عظيمة والمحروم من حنان الزوجه من حرم ذلك
لكن التتبع من اجل راحتك ( هذي يبي له إعادة نظر ... إذا كانن زوجتين فأكثر ... يارجال نساء النبي وش سون بالرسول صلى الله عليه وسلم حتى آلى منهن ... إعتكف وطقن أخبيتهن ... يوم جاء للمسجد والا ها لأخبيه ملي المسجد فقال ... انتبه لما قال عليه السلام ... آلبر أردن ؟ يعني الدعوى مغابش ... فقوض أخبيتهن ولم يعتكف تلك السنه ... ارسلن عدة مرات للرسول صلى الله عليه وسلم يجادلنه في حبه لعائشة ... لا ويقلن انصفنا من بنت ابي قحافة ... لاحظ اللفاظ ... حتى زجرهن عليه الصلاة والسلام وقال هذه الصديقه بنت الصديق لم ينزل علي الوحي الا في ثوبها ... وهذولن أمهات المؤمنين رضي الله عنهن ... تبي هالتاليات يجن مثل عائشة وحفصة وميمونة وصفيه ... تدري إن أمهات المؤمنين صايراتن حزبين وهذا ثابت بالسنه حزب عائشة وحزب أم سلمه ... هل هذا التحزب لراحة الرسول عليه الصلاة والسلام ... رضي الله عنهن جميعا ... حنا ما نتكلم عن أشخاص أمهاتنا رضي الله عنهن ولكن نقول هذي طبيعة المرأة حتى في أسمى وأشرف النساء ... عسى الله يستر على حريمنا )

وأما التعدد فأنا معك بأن التعدد نعمة من الله نسأل الله أن يعف نساء المسلمين هو تعدد معه ما يصاحبه من المشاكل يعني لا يقول المعدد أنا والله سمن على عسل وان قال سمن على عسل قلنا الله يعينك على ( الحراره ) ومثل قول القايل ( من بغى الدح ما قال أح )
والرجال تراه ما هو متضايق لأجل انهن اتصلن لكن اللي مضايقه إن كل واحده تبي تلعب بوه على جهته هي اللي في المقام الأول تناحر به الزوجه الثانيه يعني الزوج بينهن

عطن اذنك

--

--

--

--

--

( ترييب الذلال )

كانت سمعت بهالمثل

واما يوم يقول اكلم رجال له معامله لأن الصراحة تجيب مشاكل لو قال اكلم الأولى صاحت القيامه ( أهل مكه ادرى بشعابها ) وما دام الشرع أذن له في ذلك فما المانع من درء اللجه والصجه

أسعدني مرورك ولك بالغ شكري ومحبتي

عطارد

عطارد

25-09-2010, 04:39

حي الله العزيز عطارد وموضوعه المطارد!
بما انك غير معدد فانت مملوك لشخص فلا يحق لك اللعب خارج حقلك!
وبما اني معدد واملك شخصين واعد العدة لملك الثالث فيحق لي اللعب!
لذلك عد لملعبك ودعني العب بهذا الملعب لاني احق منك به!
وارجع وتحدث لنا لا اقول عن معاناتكم انتم معشر-الموحدين-
وحيث انك انسان ذكي وفطن اعلم انك عرفت قصدي وهدفي!
ودعني اتحدث عن معشر المعددين!
فالمعدد شخص تحسده الملوك!
فعندما يخرج بيته الاول الى بيته الثاني يجد الاستقبال
الذي لا يحصل لسلاطين الارض!
وعندما يخرج في يومه الثاني
يجد توديع الابطال الافذاذ قد اعد له!
هذا من ناحية اما الناحية الاخرى
والتي ارى اننا مسؤولين عنها
وهي البحث وايجاد حل لهذا المشلكة الكبيرة
فرقم العوانس اصبح رقم كبير يهدد اغلب البيوت والاسر
فالتعدد حل ومنع الشباب من الزواج من خارج بنات الوطن حل
وتشجيع الشباب على الزواج المبكر حل
ومنح مكافأت لمن يتزوج من هي اكبر منه سن حل
ومنح قروض ومساعدات للشباب حل
هذه حل قد تحل جزء من المشكلة
وحيث ان العوانس بنات جلدتنا وقبلها عقيدتنا
يجب علينا ان نساهم في حلها حتى وان كانت بسيطة.

لك تقديري اخي العزيز عطارد.

حيا الله أخي الكريم الأستاذ عبدالرحمن
مرورك له مذاق خاص والأذوق أنك معدد

أنا ساكت يا عبدالرحمن ولم ألعب خارج حقلي
إنما سير علي هذان المعددان وهما رجلان شرواك ( شرواك الطيب ... نيابتن عنك ) ويوم جونن يا عبدالرحمن يوم صرنا تقل بلنا صالة أسهم ( الله لا يعيد زمان الأسهم ولا يحل من كلا قروش المسلمين ) هذا قايم وهذا جالس هذا طالع وهذا نازل لا وحديهم معه جوالين حتى سألته عن لي مقطع بلوتوث ابيه قال لي بالجوال الثاني مقفله ما أقوى أفتحه اتصالات ما تسكت قلت الله يعينكم عاد وسولف علي الرجال هالسالفه اللي نقلته لكم ( كان المسألة هاللون خلن على قولتك مملوك ولا ملك ... والله زينه كلمة ملك ... بالله ابي أسألك يا عبدالرحمن صراحة إنت اخو عزيز ولا اظنك تبي تخبي على ... صتق تشعر انك ملك ... )
واما الملعب اللي تلعب به فانا ترن والله ما دخلته يا عبدالرحمن والله اني بس اويق مع لي شطبن بجداره على اللي يلعبون به ... عز الله اني شفت به ناسن كثيرين ... بس ابي انشدك يالعزوه ... اشوف كل شوين شايلين لهم واحد بالنقاله مصاب وطايرينن به ... وين يودونه ؟ قلت يالله سترك إما الملعب يزلق والا اللعب بوه خشونتن اكثر من اللازم ...
واما معاناتنا نحن الموحدون ... اون اون ... ( بيني وبينك ... لا تعلم أحد يا عبدالرحمن ... )

دخخانه ولا هبوب شماله

وابارك لك مقدما الثالثه ... لكن ابي انشدك ياخوي عبدالرحمن ... ليه هاللي يعددون قضوا على هالابكار على هالبنات ... ليه ما ياخذون من هالمطلقات ... من هالارامل ... يخلون هالبنات للشباب ... وين يبون يغابشونهم عليهن ... دام انهم يبون يساهمون بحل هالمشاكل الاجتماعية ... من سألت من هالمعددين ... بكر والا ثيب ... قال لي هالعجز خلهن لك ياعطارد ... أنا صراحة لو ابي اعدد ( آه ترى هالكلمة اللي قلته يالله طلعت ... ولو تبينن اعيده ما قدرت ... هي تعدت يا عبدالرحمن ... الحمد لله ) أقول ما خذيت إلا مطلقة أو أرملة ... نقول ما يخالف في سبيل هالمجتمع لكن ياخذ له بنت وبعد فتره يطلقه ويضيف لرصيد المجتمع من المطلقات والارامل والعوانس ... ولا وبكل مجلس قال التعدد فعل التعدد ... وهو مثل اكالجرذي يقرم ويجدع ... هل هذا معنى التعدد

سلمت أيها الملك عبدالرحمن
جعلنا الله ملوكا مثلك
حبي وتقديري الكبيران لشخصكم الكريم

صلفيق

25-09-2010, 14:05

مرحبا عطارد

هذي حال المتزوج باثنتين
كل وحدة تنتش من جهة..!

بس والله اذا شفت ماشفت .. اصقعهن بالثالثة .

نوى يطينها !!!

تشكرات لك عطارد

عطارد

27-09-2010, 04:17

="4"]وربي مت ضحك عليهن اهم شي الا ضغطت السبيكر :)
كل هذا عشان الزوج

امتعنتنا اخي الكريم
وعقبال من اراد ساهر النسائي :)[/SIZE]

ليالي نجد
سرني مرورك

عطارد

27-09-2010, 04:34

أختنا أهداب

الله يستر على خالك
ويوفق بين نسائه

نحن هنا لسنا ضد المتعددين
ومهما قلنا فنحن في النهاية ندعوا لهم

لكن مبدأ التعدد وعدم التعدد مبدأ مفتوح ومبذول
ولا ننتصر لأننا معددون أو موحدون
ولا نجعل تعددنا علاجا نعالج به نشوز الأولى
بعضهم بل كثير منهم إذا لم يستطع إدارة الزوجة الأولى
وفشل في القوامة عليها ( خذى الثانية ... يعالج به الأولى ... وإذا بلش وزادت المشاكل عليه ... صكه بالثالثه ... )

إذ استشفيت من داء بداء
فأقتل ما أضرك ما شفاكا

دعاؤنا الخالص لهم جميعا

دمت سالمة

عطارد

27-09-2010, 05:59

مرحبا عطارد

هذي حال المتزوج باثنتين
كل وحدة تنتش من جهة..!

بس والله اذا شفت ماشفت .. اصقعهن بالثالثة .

نوى يطينها !!!

تشكرات لك عطارد

هلا بصلفيق

حياك الله

مشكلة بعض المعددين يا أخي الحبيب صلفيق أنهم ينظرون إلى قضية التعدد من جانبهم هم فقط ( هو اللي يتزوج وياخذ الثانيه ... والثالثه ... والرابعه ... ويعلق ... ويطلق ... ) للأسف إن حلولهم وعطاءاتهم الأسريه كلها ( - س - ا - ل - ب - سالب ) نحن نعلم أن هذه الأمور منحهم إياها الله سبحانه وتعالى لكنهم ما رعوها حق رعايتها ( الطلاق مثلا مخرج اذا تأزمت ... صار وسيلة تهديد ... ان فعلتي وتركتي تريك طالق ... تري والله لا اعرس عليك ... يعني صار يكمل بالطلاق والعرس ضعف شخصيته التي لم يستطع بها أن يحسن إدارة الزوجة ... ) وأنا أجزم إنه أكثر من نصف من أخذ الزوجة الثانية لم يكن هدفه تكوين أسرة أو فتح بيت ثاني ( كلها هجمات مرتده )

لكن نقول ( الله يعين المعددين الله يعين )

دمت سالما

طلال الاسلمي

27-09-2010, 13:15

وجهت نظري العيب مو في نظام ساهر النسائي

العيب في الشخص نفسه لو انه ابضاي مثل ابو شهاب اللي باب الحارة <<<<<<<<<<<<< مثل يقتدى به

شكلين ما بحكي هههههههههههههههههههههههههه

كان العالم اللي عنده تنضبط

موضوعك مردرود عليك انا اؤؤيد التعدد وهو فطرة في الرجل السليم الخالي من العيوب :)

ريم شمر

27-09-2010, 14:40

موضوع جميل جداً ومفيد وواقعي ( تعلموا يااهل التأييد :) )

وماخفى اعظم ياعطارد

لكن المعدد سقط في الحفره ويريد ان يسقط بها غيره :a:

(ماتقصد احد ابد :) )
.
.

عموماً ساهر النسائي لايختص بالمعدد فقط n)

حتى الموحد هناك ساهر يترصد له ويعطيه مخالفات بعد

يعني ماكو فكه :055r:

اخي الكريم

حضور رائع في العام اتمنى ان لاتحرمنا منه

عطارد

30-09-2010, 05:54

وجهت نظري العيب مو في نظام ساهر النسائي

العيب في الشخص نفسه لو انه ابضاي مثل ابو شهاب اللي باب الحارة <<<<<<<<<<<<< مثل يقتدى به

شكلين ما بحكي هههههههههههههههههههههههههه

كان العالم اللي عنده تنضبط

موضوعك مردرود عليك انا اؤؤيد التعدد وهو فطرة في الرجل السليم الخالي من العيوب :)

أخي طلال

حياك الله

وجهة نظرك هي الصحيحة

العيب مو في نظام ساهر النسائي

العيب في الشخص نفسه

هذا مربط الفرس يا طلال

واذا صرت مثل أبو شهاب عدد

أسعدني نور مرورك

عطارد

30-09-2010, 06:13

موضوع جميل جداً ومفيد وواقعي ( تعلموا يااهل التأييد :) )

وماخفى اعظم ياعطارد

لكن المعدد سقط في الحفره ويريد ان يسقط بها غيره :a:

(ماتقصد احد ابد :) )
.
.

عموماً ساهر النسائي لايختص بالمعدد فقط n)

حتى الموحد هناك ساهر يترصد له ويعطيه مخالفات بعد

يعني ماكو فكه :055r:

اخي الكريم

حضور رائع في العام اتمنى ان لاتحرمنا منه

حياك الله ريم شمر

وأسعدنيي مرورك

ساهر المعددين غير ساهر الموحدين

الفرق بينهما يا أخت ريم أن ساهر الموحدين ( على الأقل نقول صادق ... لأن ما فيه منافس ... والمخالفات كلها في محلها تقريبا )
لكن ساهر المعددين ( عينه على الزوجه الثانية ... يعني المخالفات على الزوجة الثانية ... واللي يسدد هالمسكين اللي اسمه المعدد )

وانتبهي عن كثرة المخالفات ... :wallah_hoo::wallah_hoo: ... تريها تجعل الموحد يصبح معددا

دمت سالمه