المساعد الشخصي الرقمي

مشاهدة النسخة كاملة : % كثر الله خيرهم %


الشبث
21-09-2010, 13:52
سلوم القبايل



تختلف السلوم والعادات والتقاليد من قبيله الى قبيله

ومن منطقه الى منطقه



وفي كل سلم وقبيله خير


المقصد هو اكرام الضيوف واظهار الكرم والطيب والتقدير





واكيد الوالدين لهم دور كبير في تعليم اولادهم العادات والتقاليد



او


ان الدنيا تعلم الصغار لان الدنيا مثل ما تعرفون مدرسه





والواجب على الواحد انه يعلم عياله واخوانه التقاليد الطيبه












انتهى كلامي رحمني الله




.............................................................








بسنتن من السنوووون



يوم انا صغير ( يعني بتشا او بيبي او دونكي ) << بزعوه عندوه لغات






كنا معزومينن عند واحدن من الربع


كان عندوه عشاء لضيفن عندوه



ونتكي ننتظر العشاء


يوم قلطوا الذبيحه وهو يقلط الضيف والرجال


عاد انا بصم الله علي قمت معهم


<< طاقوه الهمسمسي من الجوع





واقوم اندف


واندف





يوم خلصت




وانا اقوم


كثر الله خيرهم << مسوي رجل ابا الخايبات






وانا عند المغاسل مافطنت الا المعزب جاني يمشي الفين



قال شفيك ( مطيرن عيونوه علي )




قلت انت وشفيك << بكل براءه وبرود




وهو يغولن


قال اقول وش فييييييييييييك



انا مدري وش السالفه

قلت مافيني شي



قال ليش قمت ؟


قلت شبعت << بالعن ام العافيه يا حياتي




قال بالله !!<< فيه شرار يتطاير من عيونوه



قال وش تبي تسوي هالحين


قلت ابغس وابي اجلس عند الرجال


<< مسوي رجل




وهو يدفن قال الله لا يقبلك



قلت الله لا يقبلك انت



وهو يخطف النعله ( الله يعزكم ) يبي يعدل واجهيتي



وانا الوذ بالفرار









ولحد الان مدري وش السالفه


طبعاً رحت للبيت بكل اريحيه





شوي ويجي ابوي


قال تعال يالبريعصي


قلت انا


قال ايه انت


قلت ليه بريعصي بالذات يبه

قال لان كل ضربتن لك بأجر



انت وش مسوي مشوين


قلت يبه فلان ملعوون ضربن


قال لا والله انت الملعون


ليه تقوم قبل الضيف



هنا عرفت الخلل وينهو





والرقابه قطعت اللي صار عقب


يعني كم ركبه على كم كف



بس الله يهداوه يضرب بدون ما يشوف وين مضربوه



حط ركبتوه بفرتي يا هادن واجهيتي






















ياربي هم ليه ما يعلموننا قبل يضربوننا



وتقلدوا تحيتي
صعوة فسفورية
21-09-2010, 13:58
حنا جيل علمنا انفسنا

ماغير ندور بالهشوارع ونلعب ونروح المدرسة

المراد ضرب بالمدرسة وبالييت

قالك سلوم قالك ههههه
عبدالله الجعيثن
21-09-2010, 14:00
وجهن يستاهل




ليه يوم شبعت ماندفت الضيف بكوعك


وقلت...قم تسان شبعت




انا ب تمايم...وبلشت مادري وش اقول


وكل من قام يحتسي للمعزب عند الباب...ولا اسمعهم


يوم قمت قلت ... عاد عيدهم ماحلا عيدهم
الشبث
21-09-2010, 14:03
صعوه



انتي جيلتس يختلف عن جيلي


انتي ضارباتن فيوزتس خخخخخخخخخخ




وتقلدي تحيتي
قـــوت
21-09-2010, 14:10
يعني ماعلموك انك ماتقوم قبل الضيف هذي عرفناها

بس ماعلموك انك ماتقلط بالقلطه الاولى



يعني تراني حجرت لك ههههههههه

الوغد بس يتحرا يقال اقطلو ويجيك بقو عين بعد ويتخير مكان زين قدامه ببسي وحلا هههه
واذا قام ياخذ ببسي ويكتشف انه تقل مشتهي سفن بعد ويمد يده بكل خفه وكل استدلاخ وياخذ ويقوم وماكانه سوى شي << ترا كل هالاشياء ماكنت اسويهن بس يعني اشوف الوغدان <برا هههههه



على فكره
كثر الله خيركم :)
عبدالله الجعيثن
21-09-2010, 14:13
الوغد بس يتحرا يقال اقطلو ويجيك بقو عين
:)



يضجك... بقووووه
ســـعود
21-09-2010, 19:16
هههههههههههههههههههههههههههههههههه

ياخي احمد ربك انك قلطت معهم با القلطه الاولى مايخالف حتى لو حصل به مخمس با العلابي

قبل يوم حنا صغار مايقلطونا معاهم القلطه الاولى حشر لاخر شي عاد يبدى هجومنا يا الصغار

ابو ماجد تحياتي لك
ريال الفسحه
21-09-2010, 21:21
هههههههههههههههههههههههه


مرتن من المرات كان عندنا عشاء ومجتمعين الشيبان
وكلن يقول يازين زمان اول وزمان اول ...الخ

قام واحد من الربع قال وشو عليه يازينه ؟

الا ما اطقع من زمان اول

يقول

شيباننا يذبحون الذبيحه وتطبخ وياكلونه وحنا
نراعي ولياخلصوا كلن خذالوه عظم وسواوه
سبيل هههههههههههه

يقول التسلاب اشوا منا على الاقل يحصل لهم العظم



:)



شبوثي

ياعساء يفداك مقاهي النعيريه والي بوسطه :)
حيل حليل
21-09-2010, 22:40
هههههههههههههههههههههههههههه
وجهاً يستاهل :)

والله ياخوك انا متعود على القلطه الثانيه
اطفح من هالعيوش لين ماقول للعنز ياخاله
اما الشغلات اللي تصير في القلطه الاولى
ما أعرفهاشي :)

شبيثان بعد وجه
من ركبت معي اكا اليوم وانا ماعينت خير
كل يومين القى سيارتي مبنشره
الله العالم ان حته صغيره من قرادتك لصقت في الكشن
مار ولم عمرك ابمرك
غديك تتفل بوجهي :)

لاهنت ياجدي خوالك
بالمختصر..
21-09-2010, 22:58
هههههههههههههههههههههههههههههههههههههه

يعني شبعت و قمت ما عليك من أحد :)

شعرفك بـ السلوم و إنت ما غير تدوج بـ الحواري :)




تبي الصراحه .. والله مسكين أكلت علقه و إنت برئ , كسرت خاطري :(




.
.
ريال الفسحه
21-09-2010, 23:04
8

بريئ؟


جالس يتخيل وجه الشبث

اويطي وينوه وين البراءه وجهه عباره
عن كتله من القرد ودزل التوفيق على
شوين ردات حظ:)
أبو فهد
21-09-2010, 23:53
ياربي هم ليه ما يعلموننا قبل يضربوننا



باللهي


يعلمك قبل يضربك


يقولون الخباز ابخص بعجينوه :)



---------
أبو فهد الهمزاني
ابو ضاري
22-09-2010, 00:02
ابو ماجد ترن اتصلت عليك بالعيد ولا رديت
تصدق يابو ماجد تعجبن بتصرفاتك البريه المشكله مايفهمون عقليه الشبث خلاص يعني شبعت وليه تحرى الضيف الضيف بكيفه عمره ماخلص
عبدالرحمن
22-09-2010, 00:14
طاقوه الهمسمسي من الجوع

يا اخي بديت اشك اني اكبر منك بسنة ههههه
انت منين اطلع هالمفردات اللي نسيناها يملا السميري هههههه
ايه فطنت ابي اطلع بسرعة من موضوع المقرد هههه

لا هنت يابوماجد.
شمس آلع ـآلمي
22-09-2010, 08:37
يوم انا صغير ( يعني بتشا او بيبي او دونكي ) << بزعوه عندوه لغات







ههههههههههههههآآآي الله يرجك :)


تكبر وتآكل غيرها :d:


لآهنت شبيثآن الله يسعدك
سلطااان السويري
22-09-2010, 08:48
ابو ماجد انت شبعت هذا هو المهم
انت شبعت وغير هذا مايهم:)

ذكرتن يابو ماجد مره معزومين بكمب الهباس

يوم نعومت اظافري على طاري الاظافر حولكم مقراض:315r:

المهم يوم جيت ابي اقوم مسوي فيها الولد علوم الرجال

اسمع الي يقوم يقول الله ينعم عليهم والمعزب يقول عوافي

وقلت ليه مااصير احسن منهم واقلب الجمله:a:

وانا اقوم قلت عوافي:)

ويقوم يضحك المعزب قال الله ينعم عليهم:)
دلع الاتي8
22-09-2010, 14:26
ياااااااي وش ذا التعقيـــد؟؟>>:a:

أنــا لــو كنـــت مكــانــك يا الشبــث كــان ســوًيـــت مثلـــك


أستغفر الله وش انتظر الضيف>>يعني لو خلًصــت اجلس بالغصــب عشان الضيف


والله ما كنــي جلـســـت >>:)

(( بس حلوة بريعصي ))>>اجل وش رايك نآخذ كم حسنه منــك>>أمــــــزح:315r:


















أقتراااح بسيط..((ليش ماتدمجوون مضيف فلة حجاج مع الترفيهي))>>كلهم نفس الشئ



















ســ you ـــي
شموخ شمالية
23-09-2010, 09:15
وهو يدفن قال الله لا يقبلك



قلت الله لا يقبلك انت

الله ستر عليك ...


تصدق بقولتك هذي تذكرني ببنتي لاهاوشتها ترد علي نفس الكلمه :)



وكلامك صحيح المفروض يعلمون الصغار قبل عقابهم ..



ياشين التفشيله قدام الناس
<< مجربته أكثر من مـرّه :)




الله يسعدك على الموضوع المضحك والمهم بنفس الوقت
دائمآ مميّـز ياأخوي
الشمـــ نور ــــري
23-09-2010, 11:53
الأهم من هذا أنك اكلت والحمد الله :)



عزالله ما يعلمونا بشي بس لو سوينا الغلط يمصخرونا ههههههههههههههه
إبراهيم الشميلي
23-09-2010, 12:02
ههههههههههههه





بعدي والله


نعم


شبعت وانتهى



اطلع من نفوخي يالمعزب


اضحك الله سنك يابوماجد



لاهنت على هالسالوفه
جبرني الوقت18
23-09-2010, 20:52
الله يابعد فرتي هالفرره يالشبث من زماان عنك

قال شفيك ( مطيرن عيونوه علي )هههههههههه
والله انك جبت العيد يالشبث
الشبث
26-09-2010, 12:16
ابو غازي


اشوا انت قلت شين


وقمت عقب الربع


انا قمت اول واحد ولا قلت شين تقل بالبيت خخخخخخ



وتقلد تحيتي
الشبث
26-09-2010, 13:45
الذهب


ولا فيه كبار يقولون لنا جب ببسي ولا مرندا



ونروح عادي نزرف خخخخخخخخخ




وتقلدي تحيتي
الشبث
27-09-2010, 08:29
سعوود


ما عليك ادبر روحي هههههههههه


قالط بالقلطه الاولى قالط الله لا يعوق بشر خخخخخخخخ





وتقلد تحيتي
الشبث
27-09-2010, 08:30
ريالي


ياخوي تبي تنكبن انت مع اهل النعيريه خخخخخخخخخ



وتقلد تحيتي
الشبث
27-09-2010, 08:39
حلحووولي


ياخوي جب سيارتك لي خلن اسعبل بالرديتر خخخخخخخخ



ما شاء الله تبارك الله



تفففف عليك انت وسيارتك خخخخخخخخ



وتقلد تحيتي
الشبث
27-09-2010, 08:40
يالله حي اختي بالمختصر


خخخخخخخخخخخخخخخ



ايه هين بريئ هههههههه



بس تريني هالحين عقلت مانا راعي دوجه خخخخخخخخخ





وتقلدي تحيتي
الشبث
27-09-2010, 08:44
ابو فهد


ياخوي شايفن عجينة جمريه خخخخخخخخخ





وتقلد تحيتي
الشبث
27-09-2010, 08:46
اويطي يابو ضاري


محد فاهمن مثلك خخخخخخخخخ



وانت صادز وشوله انتظر الضيف


يمكن يبي يطول


وانا رجالن عندي شغل خخخخخخخخخ




لاهنت يالذيب على هالمرور



وبالنسبه لاتصالك

تروه واصل بدون ما تقول


بس والله جوالي نسيتوه بالسياره وماع خخخخخخخخخخ




وتقلد تحيتي
الشبث
27-09-2010, 08:49
ابو يووووسف


احترررم نفسك


منهم المقرد هاااه ؟؟




خخخخخخخ



ياخي لا تصغرن


انا اكبر من عمرك هاللي حاطينوه لك خخخخخخخخ



يالشاااايب




وتقلد تحيتي
الشبث
27-09-2010, 08:50
يالله حي العالميه وشمس العالمي


حيالله اختي شمس العالمي



وربي يسعدتس دوم


وبالتوفيق للعالمي هههههه



وتقلدي تحيتي
الشبث
27-09-2010, 09:06
سليطين


ياخي عليك وجه ياقطع المطر خخخخخخخخ





انا مره قمت قلت السلام عليكم خخخخخخخخ





وتقلد تحيتي
الشبث
27-09-2010, 09:09
حيالله اختي عاشقة المرنقي


بالنسبه لاقتراحك


اختي العزيزه مضيف الفله يختلف عن النادي الترفيهي


لان الفله يختص بالقصص الطريفه


اما النادي الترفيهي يختص بالالعاب الترفيهيه



واقتراحك جميل


والله لا يهينك على مرورك الطيب اختي




وبالتوفيق للمرينقي والنمور



هههههههههه



وتقلدي تحيتي
الشبث
27-09-2010, 09:13
يالله حي ام شرين


قصدي ام خالتي قماشه خخخخخخخ




يالله حيه


وشهاده اعتز فيها




الا على طاري

ماتبينا نقبسه مع الرجيلي ابن الرجيلي << يعني يموه خخخخخخخ




وتقلدي تحيتي
الشبث
27-09-2010, 09:14
يالله حي اختي نووور


تصدقين اقراء الاسم


ياولد هي ولا مهي هي خخخخخخخخخ



حياتس اختي على هالمرور الطيب




وتقلدي تحيتي
الشبث
27-09-2010, 09:16
يالله حي خالي ابراهيم


تو نور الموضوع ولاهو قصورن بالربع < ذل يطرحونوه


والله انك صادز


اطلع من مخي يالمعزب مسوي فيها اتيكيت خخخخخخخخ



لاهنت يالخال على هالمرور


ولا تقاطع ترن فاقدن هالطله من غير شر



وتقلد تحيتي
الشبث
27-09-2010, 09:18
يااااهلا وغلا باخوي جبرني الوقت


حيالله اخوي حمود الغالي



والله انه ابرك الساعات اللي اشوفك به



الله لا يهينك على هالمرور



وتقلد تحيتي