المساعد الشخصي الرقمي

مشاهدة النسخة كاملة : المدخنه والناقه والفيمتو


جمران
15-09-2010, 00:42
سلامووووون عليكم


هوايل هالديره ماتنتهي

يالربع عندي لي سالفتن صارت ولو ماوقفت عليه ماأصدقه



يعني لاتتسذبون:)




سؤال برئ:

ماهي العلاقه بين المدخنه والفيمتو والناقه وآخر يوم برمضان؟




اذا ماعرفت الاجابه اقرى موضوعي


واذا عرفت الاجابه لاتحرق الفلم


ههههههههه



الوكااااااااااد


هكاليوم اخر يومن برمضان وانا طالعن عقب العصر بالنفود اللي قبلي الديره



يعنني يبي يشوف هلال العيد




زيييين



يوم مابقي على الفطور وقتن طويل وانا لك ابي ادحدر للبيت


ويالسيارة اللي مرررتن تمشي طبلونه


تصدقون اني ماعرفت نوعه الا عقبين


ياهذا شايبن من الديره جاين من غنمه من غرب


والمسيكين يبي يلحق الفطور




وطايرن على جيب صحن (حوض) موديله 82 من اللي متر حديد صدامه



وبه على مدخل الديره البلديه حاطينن منظر جمالي


يبون يزينن ديرتنا الله يخلي الحكومه


حاطينن مجسم دله ومدخنه يعنني من الكرم



مالك بالطويله




وهو يبي يدخل الديره على سرعته


:3ayyen_khair:



حاول حاول ماقدر


يهدي السرعه مايمديه



وهو يتجشّم المدخنه لابلاكم الله



صارت السالفه وانا اشوف يالربع


وهي تثور غبرتن غطت عين الشمس





وبساع وانا لك آصله ومعي سربتن من الشفايين





سلامات سلامات يابو فلان



والمسيكين يابساتن يديه على الدركسون


ورجله غاديتن مثل الحطبه وداعسن على الفرامل


يالله لاتواخذنا ولاتبلانا



وخشمه يصب دم



طيّب طيّب يابو فلان ماعليك خلاف



وهو يستقعد وش هالناقة اللي اعترضت لي



يحسبنه صادمن ناقه؟


عاد حديهم بوه لقافه قال ماهي ناقتن هذي



هذي المدخنه



قال المدخنه؟


وهو مار يفك اللّطمه ويزيّن الشماغ طيّب الله فالك واعمالك وعلى عرسك



يحسب انهم جايبينن له المدخنه يدخنونه


ههههههه



وانا اضحك وامسك نفسي تقل استحيت



ويعلمه الملقوف ماحنا بعزيمتن يومن انك تبي تدخن



انت تورشعت المدخنة اللي على مدخال الديره



وهو تقل يستوعب الوضع



وانا افزع اجيب المنديل له علشان دمه اللي على وجهه


وانا مار امد له المنديل امحش الدم اللي على وجهك يابو فلان




قال اوييييلي هذا مهو دم هذا شربيت الفيمتو اللي نشربه كل هالرمضان



عاد انا عجزت امسك نفسي من الضحتس



واكخه ضحتسه طول حسّي



عيّن خير يابو فلان


وجهك ضرب الدركسون وارعفت وين انت والشربيت





وهم لك ينهجون بوه للمستوصف ويسعفونه


والحمد لله



عايدتوه ابشركم من باتسر حازمينن خشمه



والرجال تسنه صايرن اشوى






عاد يالربع ماهي شماته بس فعلا موقف يخليك تضحك









وهالحين عرفتو ماهي الاجابه على سؤالي باول الموضوع؟؟؟؟





ههههههههههههههه
ابو فارس
15-09-2010, 00:58
نعم عرفنا
ومن علمك غرفنا

وصح لسانك
وابيات جميلة

طمنا على الشايب عسى حالته زينة؟؟


تبي نسيّر عليه ونسلم عليه ونقول اننا من طرفك؟
جمران
15-09-2010, 01:06
عيادة المريض واجب


وانت راعي واجب يابو فارس





بس تكفى بدون حي خشوم ا




الرجال خشمه محزوم





خخخخخ
ابو فارس
15-09-2010, 01:10
وانت شايفنا بس نعضعض من خشوم خلق الله؟



يا اخي بس نسلم

وبقول اني من طرفك
بقول ياعم تذكر هكالولد المزيون- يرقع لك
اللي بخ بوجك ويضحك عليك

واعطيه عنوانك بس
ســـعود
15-09-2010, 01:13
فالك البيرق :) <<<< وش السالفه


اهاااا الحمد لله على سلامت الشويب بغا يدحدر :)

ابو فارس انا ابي اسير معك غدي يعزمنا راعي الجمريه علي جمريتن طيبه


راعي الجمريه يعطيك العافيه

تحياتي لك
ابو فارس
15-09-2010, 01:16
تم ياسعود
بس انتبه لاتاكل عنده لحم











اخاف يطلع لحم عجل-- بعدين تصير خشتك تقل خشة واحد اكل لحم عجل-
عبدالله الجعيثن
15-09-2010, 07:33
وانتم تخصص دوارات




الله لايبلا




الحكومه تزيّن ... وانتم كل ماهذا متربّعين بهالدوارات
ابو ضاري
15-09-2010, 08:34
شكلك صكيته عين ياراع الجمريه
قـــوت
15-09-2010, 09:08
احس انك اذا شيبت تبي تصير زيه :)
عبدالله الجعيثن
15-09-2010, 10:47
جمريان




نصيحة اخو




لاتروح لقطر



بالشارع الواحد 7 دوارات
قـــوت
15-09-2010, 10:49
راعي الجمريه واهله خطر على ممتلكات الدوله
ريال الفسحه
15-09-2010, 11:36
السر واضح ومعروف


اكيد انوه اكلن من لحمة العجل ؟<--- يقحم العجل باي سالفه :)
جمران
15-09-2010, 15:02
ابو فارس انت وسعود


تسان انتم جيتونن مسيرين



عندي لكم هالعجل اللي مامثله




تشبعون منه لحالكم




ماناكله ياخيويني





لاهنتوش حبايبي
جمران
15-09-2010, 15:06
وانتم تخصص دوارات




الله لايبلا




الحكومه تزيّن ... وانتم كل ماهذا متربّعين بهالدوارات



الربع متراهنين ثريهم




واحدن يقول ان المدخنه مبيتن سمنت وبلك


والثاني يقول كرتون


عاد جاك خوينا مطبق وقشه
جمران
15-09-2010, 15:08
شكلك صكيته عين ياراع الجمريه



يارجل الله والعالم اني صايرن نحوت


لي يومن بهالعيد والوغدان يطرطعون وصواريخ تخبر




ويجي حدى وغداننا ويولع له صاروخ



قلت هلا هالحين يبي يشلع بالخضيرا




وهو مار لك يطفي




ويجوعر الوغد




تولمو ابي اتنحتكم
جمران
15-09-2010, 15:10
احس انك اذا شيبت تبي تصير زيه :)


من ضحك بالثرمان يضحك بلا سن




والله اني خطير مانا بعيدن عنه
جمران
15-09-2010, 15:12
ابو غازي


قطر اللي راح له شنقل مابي اطبه عوع ياجدوع





الذهب



يعنني حنا خطرين على ممتلكات الدوله



انتي وبسطتس اللي مقابلتن الحسون



هههههههه
جمران
15-09-2010, 15:13
السر واضح ومعروف


اكيد انوه اكلن من لحمة العجل ؟<--- يقحم العجل باي سالفه :)




تصدق انه في علاقه بين العجل والمدخنه



تراهم صابغينه بالاحمر



والعجل مايداني اللون الاحمر



ههههههههه
شرهه
15-09-2010, 17:59
يا الله


قسم بالله هوووووووله



شعبكم غريب





سدء اللي ئال عش رجبا تلقى عجبا >>او مهو هلون






>>>بلشت ماهي متهولتن من السالفه عادي عنده..ربعه العن من هلون بس يعنني :)





جمران الله يكتب لك الاجر
عبدالله الجعيثن
15-09-2010, 21:25
بالتوفيق للزعيم
شرهه
15-09-2010, 21:53
ماش يالغرافه


خيبتوا ظني



ما غرفتوهم
عبدالله الجعيثن
15-09-2010, 21:55
والثاني..بس لوماهو الفريدي
شرهه
15-09-2010, 22:04
قاهور
عبدالله الجعيثن
15-09-2010, 23:15
شفتي علم النصر بمدرجات الهلال




هذا اللي عندهم وطنيه ماهم انتي والشبث
جمران
15-09-2010, 23:51
على البركه فوز الهلال على الغرافه






ايه حيلكم بهماموه وربعه
شرهه
16-09-2010, 00:15
ألوطنيه لحايل وللشمال ... بص
جمران
16-09-2010, 00:43
واق واق واق



فاز الزعيم
قـــوت
16-09-2010, 10:32
من فاز
عبدالله الجعيثن
16-09-2010, 10:40
انا فزت وخذيت حقي من ابوسلطان
قـــوت
16-09-2010, 10:46
ألا غيره
عبدالله الجعيثن
16-09-2010, 10:55
لعبت عليه



عطيته عصا عوجا ومشظوم راسه:315r:
قـــوت
16-09-2010, 11:10
ايه تسان هاللون :)
شرهه
16-09-2010, 14:54
لا زعيق الا الزعيم
جمران
16-09-2010, 15:14
خوينا اللي تجشم المدخنه


غرّموه قيمته
شرهه
16-09-2010, 15:24
^


عووووووذا .. عسا ماهي غالية بس
عبدالله الجعيثن
16-09-2010, 18:00
خوينا اللي تجشم المدخنه


غرّموه قيمته




نقط له رضمه
جمران
17-09-2010, 01:04
يالربع يقول عندي المدخنه بالبيت


اعطيكم اياه
ابو فارس
17-09-2010, 01:12
بكم؟؟


ناوي ينقلها للخفجي
جمران
17-09-2010, 17:54
ماهي لحية كم



الرجال عليه غرامه



يبون يزينون المدخنه على حسابه




وهو يقول عندي مدخنتن بالبيت



وحده بدل وحده
ريال الفسحه
17-09-2010, 22:43
وهو صويدز




ابوغازي تقل اسمع احد اطرى قطه ؟
الشمـــ نور ــــري
18-09-2010, 02:43
<<كآأشخه بالنك الجديد :)
ام الرغفان
18-09-2010, 05:10
أي واحد يسوق ددسن أعرف أنوه مظفوق :)
ام الرغفان
18-09-2010, 05:16
نسيت أقولكم صباحكم عصيده
قـــوت
18-09-2010, 09:56
ام الرغفان منين طلعت :: عاد عيدك ياخيه



نور مبروك النك تقل مهي انتي :)
جمران
18-09-2010, 12:14
نور


شعليه



يامعوّد نك جديد



مبروووووك



ويتربى بعزك



وفاله المخالفه


ههههههه
جمران
18-09-2010, 12:15
نسيت أقولكم صباحكم عصيده



الا ماقلتي



عصيده مخرعتن بلبن والا ويش




وين الناس



منذو مبطي
جمران
18-09-2010, 12:16
الذهب


الوقت اللي تدخلين بوه ماقس




قاصرتن طايله




تقعدين تلفتين بالمضايف ماحولتس الوالي





شرايتس



اسمتس الجديد



الذهب الماقس




ههههههههه
قـــوت
19-09-2010, 02:49
الذهب


الوقت اللي تدخلين بوه ماقس




قاصرتن طايله




تقعدين تلفتين بالمضايف ماحولتس الوالي

ياراع الجمريه جيت على الجرح http://smilles.5d5l.com/smile_albums/sad/hzn073.gif

والله ودي ادخل مع الناس مار مايحصل لي تعرف عطله والوقت مهو بالكيف الجهمه ليانوموا هالناس تنسبلت خخخخ


كش عليك http://smilles.5d5l.com/smile_albums/sad/1.gif
عبدالله الجعيثن
19-09-2010, 08:08
^

^


وشوله تنسبلين...انجعفي معهم ونامي
قـــوت
19-09-2010, 08:18
لا الجهمه ندخل نشوف وش يقولون المداومين
بس نبي نلحق بعد وقت الدشير


شفايه ، مانبي السوالف بايته :)
عبدالله الجعيثن
19-09-2010, 08:53
اجل فاتس وش صار مع الشبث مشوين بالاداري



<<<مايحب يلاهد
شموخ شمالية
19-09-2010, 08:57
ابوغازي

ترى بــوه حوايله بهاه ...الا شنوح ماندخل الاداري يعني هو بس للـ الاكباريـّه

<< تفرك تسبدة وده تعرف وشصار
قـــوت
19-09-2010, 09:02
رجائن لاحد يلاهدن http://smilles.5d5l.com/smile_albums/small/83.gif
عبدالله الجعيثن
19-09-2010, 09:06
ابو سلطان والشبث عندهم اجتماع بخصوص فتح الخفجي والسفانيه


ودخولهم بالاسلام


بعد ان تكلل الهجوم على ديار الاصيل وماجاورها...واعلانهم الدخول بالاسلام


وذهاب اخينا العائد للحق الاصيل عمره برمضان
قـــوت
19-09-2010, 10:00
الذين يشاهدون الموضوع الآن: 2 (2 من الأعضاء و 0 زائر)
الذهب* الأصيل

اخينا العائد للحق هاك http://smilles.5d5l.com/smile_albums/other/144.gif
جمران
19-09-2010, 23:18
طيب وش صار على قطّية مدخنة الرجال



جايبن لوه عمال يزينونه اليوم




وتروه يتعطّى
ريال الفسحه
19-09-2010, 23:23
8


ياعمي معي ثنعش ريال وبما اني بكورس هاليومين واتغدا
عند اهلي :) فقسمت الثنعش قسمين

الاول عشره ابعبي به بانزين:(

والثاني وهن ريالين قسمتهن قسمين <-- ههههههههههه وزا

ريال ابشريبوه ماء بزعم ان عندي فلوس قدام الناس باتسر

وريال اخلي طرفوه طالع من مخباي عشان يقولون شف فلوسك
طالعات لايطحن خخخخخخخخخخخخخخ
جمران
20-09-2010, 02:54
خبت عليك ياريالوه







ماوراك عز انت وريالك





الا على فطنه ريالك اللي معك


حاطه بالمخبى القدامي



والا بالقفوي اللي بالبنطلون


هههههههه




فيه فرق
عبدالله الجعيثن
20-09-2010, 07:37
^^


يقول لك بكورس...يعني اكيد لابس ثوب سوداني


اللي يجي وجه وقفى
سلطااان السويري
20-09-2010, 09:12
^

ريال لابس بالكورس برمندا وفانيله كت بزعمه الولد كيوت
عبدالله الجعيثن
20-09-2010, 10:46
^



انت عقب هالخطبه...صاير بك سبيكه:a:


بس تعال عندي انا وابوضاري



ونلذعك بمخيطر صغيرررر:a:
جمران
20-09-2010, 14:43
لا دلهنن رصوغه بالمحلى الحمر



من شان البشره




ياي






ابو غازي



وشنوح السويري مايجي الشقه عندنا





هو انت ليه ماتعزمه
عبدالله الجعيثن
20-09-2010, 14:47
وين يجي...وابورافع عزوبي
جمران
20-09-2010, 15:10
اقول



الله والعالم انه حالفتن عليه ماتجي الا بالبيت الجديد





وهلي مودعه يبي يخلص البيت





الرجال طلع عندي وعندك اسد



بس ياراح لمه غدى مثل اللي مانا قايل




خخخخخ
سلطااان السويري
20-09-2010, 15:18
^


متى تعزموني للشقه يالربع:315r:
عبدالله الجعيثن
20-09-2010, 17:48
ليا جاب ابورافع .. ضبعته
جمران
20-09-2010, 20:59
صدق فيمك يابو غازي











ال تسانك عايفن روحك يالسويري





الحق