المساعد الشخصي الرقمي

مشاهدة النسخة كاملة : قصيده للشاعر ميسر الهوري الشمري


الصايحي
04-09-2002, 02:51
بسم الله الرحمن الرحيم


اعجبتني هذي القصيده للشاعر ميسر الهوري الشمري وحبيت ان اضعها في المضيف:


العين مانامت والقلب ســــــهران = هـــــواجس بالقلب دايم تحكيه

هواجس ماشافها فلان وفــــلان = تلعــــب بقلبي وين وده تودية

همي كبر حايل ورفحا وجــــازان = واكبــــر من الخفجي وجده تباريه

كبر الرياض وكبر ابها ونجــــــران = وكـــبر الحفر وعداد من ساكن فيه

شكيت همي للقمر صاح تعبان= مقدر على هـــــم كسر يد راعيه

وشكيت همي للبحر صاح مرضان= والكــــــــل منا فيه هـــم مكفيه

وشكيت همي بكل مجلس وديوان= والصمت خيم يوم سمعوا معانيه

وشكيت همي لمنزل الدين برهان= مـــــا غير ربي يمحي الهم يمحيه


الشاعر \ميسر دويب الهوري الهضباوي الخريصي الشمري

[/poet]
البتار
04-09-2002, 04:54
الاخ ا لصايحي مشكور على ما كتبته لنا عن :ميسر دويب الشمرى
ولا تقاطعنا من القصايد الحلوه.

اخوك البتار
عبدالله الجعيثن
04-09-2002, 07:50
صح لسانك ولسان الشاعر

وقصيده جميله جدا.
الداعيه / براك الفريسي الجربا
04-09-2002, 12:14
تسلم اخوزي على هالقصيدة الرائعة


وتستاهل التثبيت


وياهلا