ابيات بمناسبة العيد

[عبدالله الجعيثن]

السلام عليكم ورحمة الله وبركاته



اولا



كل عام وانتم بالف خير
وعسى الله يعيده علينا وعلى الامه الاسلاميه بالف خير


هذا الموضوع منكم ولكم

ونطلب من الشعراء ابيات من كتاباتهم

ويمنع المنقول

ولا يشترط عدد ابيات معين

ابيات بمناسبة العيد سواء جديد او قديم


تحياتي لقلوبكم

[المشرف العام]

/

خطوه جميله منك يابو غازي

بارك الله فيك

/

فضلا .. تزويدي باختيارك لكي اضع من كل قصيده بيتين على رأس المضايف مناسبة العيد إن شاء الله تعالى


متابع :)

[لوليتا]

*
*

بانتظار ابداعات الشعراء
وحروفهم اجمل عيدية

بارك الله فيك ابو غازى
دعوة جميلة

كل عام وانت بكل خير
عيد سعيد

*
*

[منصور الغايب]

لوقال نطلب من الأعضاء .. كان شاركنا ...

بس إنت قلت نطلب من الشعراء ... :)

.
.
.

كل عام وأنتم بخير يابوغازي ...

[عبدالله الجعيثن]

^


^


هلا بشاعرنا منصور...كل من يكتب ابيات من نظمه يعتبر شاعر


وانا قلت شعراء لاني مابي منقول



فأذا عندك ابيات هاتهن....حتى لو قطيّه:315r:

[منصور الغايب]

لاشفت زوله باهي(ن) في ضحى العيد = أيقنت بأن العيد ياناس عيدين
صايم .. ولي شهرين عن شيخة الغيد = واليوم قرب يوم فطر المحبين
ياجعل يفدون الغضي شيخ(ن) وسيد = وياجعل ربي يحفظه قولوا آمين
العيد ماهو شوفة الناس بالعيد = العيد هو شوفة حلا كامل الزين


.
.
.


مجهود فردي ومابه قطية ترى :)

[جمران]

وش عاد لو قالو البشر عاد عيدك


وانا صايمن عن شوفتك عدة سنين



عشرت اعوامن مضن واثنين ازيدك


لمفارقك يمّه وعيدي مابه عناوين

[عبدالرحمن]

تسلم يالذيب على الفكرة الممتازة التي سنرى من خلالها حروف شعراءنا الاعزاء
وعيدك مبارك وكل عيد وانت سعيد انت وجميع الاخوان والاخوات الاعزاء.

منصور قمز فهل يحق لنا القمز كما قمز ام
هو مختصر على مجيدي القمز:315r:
لك الاحترام والتقدير.

[منصور الغايب]

^
^

اقمز يا أستاذ ... فكل على قدر قمزته .. سيقطع من النهر ... وانتبه لا تقصر قمزتك عن قمزتي وتجي على راسك :)

[عبدالله الجعيثن]

يالله تعيد العيد يافارض العيد && عسى الفرح ينعاد ويعود عيده

في كل عام تزود نسبة مواليد && وترحل من الدنيا بشر من عبيده

عسى السلام يعم واسلامنا يزيد && ويعود عز الدين لامّه مجيده

شف فرحة الاعياد ماعادت تفيد && مادامنا للذل صرنا نزيده

[ابو خليف]

تسلم يبو جعيثن على فكرة هالموضوع


وصح لسانك ولسان منصور وراع الجمريه


طيب ينفع لو انقل شي ما قد نشر من قبل

[ريال الفسحه]

8


عني انا سامحن لك




ابوغازي عاد عيدك وعاش حبيبك



لي عوده



مانا جايبن شي بس ارجع اقرا :)

[عبدالله الجعيثن]

تسلم يبو جعيثن على فكرة هالموضوع


وصح لسانك ولسان منصور وراع الجمريه


طيب ينفع لو انقل شي ما قد نشر من قبل



اذا ماقط نشر...نسمح لك يالغالي:)

[حمودالمسلم]

كل عام ونتم بخير والله يعيده علينا وعليكم وعلى كل مسلم بصحه وعافيه

كل ن فرح بقدوم يوم ن سعيدي
وتباشروباالعيد باقطارلاسلام

وناسعادة ياهل العيد عيدي
يوم انظرالبسمه على شفات الايتام

افرح اليافرحو بلبس ن جديدي
كنه يحقق لي يابوغازي احلام

ضحكاتهم كنه تزودرصيدي
ومن لارحم ياعل عمره للاعدام

وهذي هديت عيدكم من قصيدي
وعسى سعادتكم على طول الايام

حمودالمسلم

[رحيل الوهبي]

الى جميع المضيف عموم كل عام و انتم بخير
و لكم من الاعماق لكل عضو
تحياتي الحاره


يسعد صباح الخير و الا مسا الخير

رحيل مفرح بعيدك يهنــــــيك

كل عام و انت بخير و ربوعك بخير

من واحد(ن) لله يحبك و يغليك

[عبدالله الجعيثن]

حمود مسلم...صح لسانك يالغالي


رحيل الوهبي...صح لسانك يالذيب

[لوليتا]

*
*

صح لسان الشعراء الافاضل
ما شاء الله على الرقى والجمال
سعد بكم العيد
وسعدنا بمعايدتكم الرائعة

طبتم آل الشعر


*
*

[عبدالله الجعيثن]

شكرا لكل من شارك هنا




بأبيات او بالحضور



لاهنتوا جميعا

[كبرياء انثى]

الله يعطيك العافيه ع الطرح الراقي



متميز دائما بحظورك واطلالتك



وكل عام وانتم بخير >>> عارفه وايد متاخره عليكم هههههههه




تقبل مروري وحترامي



كبرياء انثى