مااحد ميت قبل يومه

[نواف الشرمان]

مساء الخير \ وكل عام والجميع بالف خير
كـ العاده متواضعي لقلوبكم الطاهره للتواصل








مدخل
امانه وانتم تصومون
تحسوا بـ حاجة الانسان
قسم بالله لـ تشوفون
ياكم بالارض من جوعان






http://www.islamway.com/Basateen/niger/resources/gallery/22.jpg



هنا نام وابد لاتخاف
وانا بـ اخذ معك نومه


ولايغرك بـ أنا ضعاف
مـ احد ميت قبل يومه


كفايه لك سماك لحاف
وانا بـ اتلحف نجومه


وبسولف لك عن الاشراف
ترى قاموا معك قومه !!!


تألم لاجلنا من شاف
وحط العيب في قومه


تأفف شاعر ٍ بالقاف
بعدها ضاعت علومه


عطى كم حاكم ٍ والـ half
وصل قبلك الى رخومه


خطب كم شيخ بالميقاف
وقال إنا من همومه


بكتنا قلوب بيض نظاف
وقالت ناس مظلومه


وحالك ماتغير جاف
محل باين من حزومه


وحتى البرق بك ماراف
سما مااهدت غيومه


ولكن : اششش !!! خلنا عفٌاف
مااحد ميت قبل يومه


انا مااحب منهو خاف
وبلل دمعه كمومه


واذا ماقمت !! للانصاف
تخبرهم بمعلومه :


لو ان الفسق والاسراف
يغيبن مـ احد نلومه


ـــــــــــــــــــــــــــــــــ


ودي وتقديري : للمعلوميه فقط الـ halfتعني النصف بالقصيده



مخرج .. صمت

[عبدالله الجعيثن]

لو ان الفسق والاسراف
يغيبن مـ احد نلومه




هذا هو مربط الفرس



رائع اخي نواف



وصح لسانك

[ابن حزمي]

هلا نوااااااااااااف
تسلم ولا هنت
ابداااااع في ابداااااااااع
وعمري مانسيت بيت اللي يقول
=======
عبده هنا وهذي بها عين سنجار === والاسلم هنا وروحي فدى كل شمر
واهنا القبايل لهم عزا ومقدار === ذيابتا" تقنب اذا الليل سمر

[مقبل الضوي]

صديقي وشاعري وعزيزي واخي ابو عبدالله

صح لسانك ..

الموضوع رااائع .. ومستوى القصيدة اكثر من راائع وهذي هي عاداتك

[عبدالرحمن]

فعلا الصمت هو ابلغ من الكلام وافضل مخرج
نتوارى منه الى نفق انسانية اليوم اللا انساني!.

صح لسانك ورعاك الله.

[الحاتميهـ]

ولايغرك بـ أنا ضعاف
مـ احد ميت قبل يومه


كفايه لك سماك لحاف
وانا بـ اتلحف نجومه

جميله جدآ هذه الابيات

مبدع شاعرنا الشرمان
لافض فوك

[عبدالمجيد الشمري]

بريشة الرساااااااام ..

يظهر دائما نواف الشرمااااااان


صح كلك يابو النوف


محبك

[بشير اللويش]

البدوي

الشامخ

انت مجرم شعر

ماشاء الله تبارك الله

وربي يانواف قريتها وقريتها ولم ولن امل منها

الف صح لسانك

ولا تحرمنا تواجدك الدائم يالغلا

الراسي

[نهير النمش]

نواف الأشرم
نص فاخر يستحق الأشاده والتقدير
صح لسانك لين ترضى وبعد الرضى

دمت كما تحب