يالله لعبــــنـــــا..

[ســاير الرماحي]

بسم الله الرحمن الرحيم


للي وده يلعب معي..


علشان ماتقولون خلاّ المحاورة وانحاش..


خوذو...



سلام الله عليكم يا مضايفنا بدون احراج=تروني رايحٍ للديرة اللي طاب لقياها

وجودي وجد مسجونٍ تحرّى لحظة الافراج=عليها لاتلوموني خذت قلبي شغاياها



انا متابع لكم وبانتظار الرد

وان شاء الله دوووم معاكم..


مع تحياتي..

[فواز الشبيكان]

أخي ساير فرصه سعيده ///// وصح لسانك واستلم

ألا يامرحباردية(ن)عذبه ماهي هماج=على ساير مراقبناتحيه في بداياها
عسى يشملك عفوالمكرمه ياصاحبي هداج=وعسى ديرتك ياسايرتربع انت وياها

[فواز الشبيكان]

؟؟؟؟؟
























width = 150 height = 100

[ســاير الرماحي]

..


اخوي القديمي

اولا شكرا لقبولك اللعب معي..

ثانياً

اعذرني على تأخري..


فانا في الفترة الحالية ما اطلع على الجهاز الا قليل ولظروفي هاليومين فانا اطلع على شانكم يومياً بس مرة وتكون ليلياً ..

ليلياً اطلع..اتفقنا..ولمدة محدودة فقط

وان شاء الله نستمر ونلتقى على دروب الخير دوماً

لا اطيل عليك ...خذ الرد



أبي اطلع براريها واريّح خاطرٍ وهاج=وابي انزل بفيضة يطرب الخاطر محيّاها

تراها يالقديمي بنّت قصورٍ كما الابراج=بقلبي ساسها يبقى انا وشو بلياها؟!
..
ساير..
الرماحي...

[فواز الشبيكان]

ألأخ ساير الرماحي / أول شي أنا اللي لي الشرف أني ألعب معاك
واتفقنا ليليا انشاء الله

وصح السانك //// واستلم
أنامشتاق أعرف ألديره اللي تطرب المزاج=نبي ساير يجيب اليوم نبذه عن حلاياها

مدام انه بنت قصورفي قلبك وِحبه لآج=أظنك ترخص الدنياوِما تملك فداياها

[ســاير الرماحي]

.....

صح لسانك..يالقديمي


واستلم...




..
ديارٍ شاقته رجلي شعابه أخضر الديباج=بحور العزّ والعزّة تلاطم في زواياها

نسيمه يبري العلة واسمه فوق راسي تاج=ذكرها شاعرٍ بالجاهلية من جلاياها!
..

[فواز الشبيكان]

أخ/ ساير صح لسانك والله عندي رمعه بس الله يستر///// استلم


تراشبه الجزيره كلهاتذكربي هلمنهاج=بهاعزوبهاطيبه وتكثرفي قراياها

مدام الشاعراللي جاهل(ن)شعره معاها هاج=شعرحاتم وفي حايل تغزل في سجاياها

[ســاير الرماحي]

...

تسلم..

رمعاتك..

وحدة صابت ووحدة خابت..
..
قديمي يقطع الكايد ويترك بالصدور فجاج=ولكن رمعة الشاعر ترى خابت نواياها

تراه الشاعر اللي له معلّقةٍ ترجّ رجاج=رحل عن ديرته جالي..دخل حايل بحمياها
..



يالله...!!

[فواز الشبيكان]

تحيه للأخ سايروهذي الرمعه/////// وصح السانك واستلم
عسىديرتك ياساير يجيهاالخيرِدوم أفواج=عساهادايم(ن)ياصاحبي تذكر بعلياها

لقيت الشاعراللي ياعميلي في ربوعه دآج=امرء القيس ياساير تغنى في مزاياها

[ســاير الرماحي]

.....

القديمي صح لسانك..


استلم..




...
رمعت وصابت الرمعة ووضيت اللغز بسراج=ولكن ودّي اعرف حاجةٍ عندك بلاياها

الا منه غزاك الهاجس اللي كنّه المسهاج=وزاد الهم..وش تصنع؟بغيت اعرف خفاياها!!
..

[فواز الشبيكان]

صح السانك //// وسم واستلم




تصيب الرمعه اللي لغزهامايمه اعوجاج=واذالك حاجة(ن)عندي نويت أمسك حناياها=

اليامنه غزاني هاجس(ن)ماأدورالمخراج=سواة الناس ياساير أعدل في سواياها

[ســاير الرماحي]

القديمي...صح لـــــســـــــانـــــــك


على فكرة ترا بصعوبه قريت ردك الاخير..لانه اسود..


استلم..



..
تراني يالقديمي لاغدا همّي كما الامواج=وصارت دنيتي ابرة يضوق السلك ويّاها

ابشرح خاطري واضحك واشب الضو وافلّ حجاج=وأزكّي همي النسيان واشرب في ضماياها!
..

[فواز الشبيكان]

صح لسانك واستلم






ألاياطيبِ قيفانك ألاياطيب المهراج=يجي منك عسل صافي عسل داخل خلاياها

فداك اللاشِ ولد اللاشِ لاحر(ن)ولادجاج=دجاج(ن)ماتهم الناسِ لوكثرت عطاياها

[ســاير الرماحي]

اخوي القديمي..



لك مني خالص الشكر والتقدير على اللعب معي على هالطاروق ..وعز الله انك كفيت ووفيت



لاعدمناك يالقديمي ولا عدمنا طلتك..



ماشاء الله عليك تعسف القاف عسف..اسم على مسمى ماشاء الله عليك..



شرفتنا والله بها الردية ..ولك مني خالص الشكر والتقدير..

مع خالص تحياتي..


ساير الرماحي..

[أبو فيصل]

اخواني الآعزاء
ساير والقديمي

والله لقد امتعتونا بهذة الروائع
لكم كل شكر وتقدير ولا تحرمونا من مثل روائعكم
وشهادتي فيكم مجروحة

سلمت اخوة نعتز بهم

[فواز الشبيكان]

أخوي ساير الرمحي///// الله ايسلمك أخوي ساير وانت اللي أمتعتنا صحيح
بألطاروق الطيب ودائما توصف بألسهل الممتنع
وألحقيقه ياأخ ساير انا من تلاميك

أخوك///// القد يمي

[ســاير الرماحي]

.....



اخوي الصااارم



اشكرك جزيل الشكر على اشادتك..



والذي امتعنا زيادة هو متابعتك لنا من البداية



لك مني كل الشكر يالصارم


اخوك