العوجا.... ياشمر

[بوحميد]

هلا بالربع ..
مسيكم بالخير .. اهل العوجا هم آل سعود والبعض يقول
انها لهم ولاهل الدرعيه والبعض يقول تنقال لـ آل سعود واهل العارض واهل الدرعيه ..
اتفق العرب ان لايتفقو .. طيب وش جاب هالتسميه ؟

[الحيمري]

هذه قصيده الملك فهد بن عبدالعزيز (رحمه الله) عندما كان مريضا

في لندن في شهر شوال من عام

1385هجري بعثها إلى الأمير فهد بن سعد(رحمه الله) يشكو فيها قسوة المرض.

والتي امتدح بها الملك فيصل بن عبدالعزيز.


يابو سعد صارت على اخوك غارات...............
..............شهرين اقاسي من شديد الغرابيـــل

سو المرض يحمل على اخوك حملات..............
.............و مافي يدي حيله ولا في يدي حيل

والله فزع من فوق سبع السمـاوات..............
............وانا احمد الله يوم صارت تساهيـــــل

ماينفع الخايف والايام عجــــــــلات..............
.............والخوف مايمنع ولا القول والقيـــــل

حنا هل العوجا ولا به مــــــــراوات..............
............شرب المصايب مثل شرب الفناجيــــل

لا شك انا مشغول في كل الاوقات..............
............على الذي حنا بظله رجاجيــــــــــــل

ماني على نفسي كثير الحسافات..............
.............لا سلم راسه روسنا رفاع بالحيـــــل

حامي حمانا بالليال المخيفــــــات...............
..............لوصار بالعالم كثير الزلازيـــــــــــل

فخر العروبة بالعدل والمســـاوات...............
.............هذاك هو فيصل ولا فيه تشكيـــــل

يشهد له اللي شاهدوا منه ليــــات..............
..............ويشهد له التاريخ جيل بعد جيـــــل



والعوجا ماهي ناقه مثل مايعرف البعض العوجا المخطي عن الصواب
يقاله هذا عوج والابطال والرجال اللي بهم خير انكانو السعود او غيرهم
ويقدرون بتصحيح العوجا انكانت بالقوة او بالحق هم اهل العوجا

وشكرا

[راعي الوقيد]

حي الله ابو حميد:)

هذا ياطويل العمر ومن يقرا يقولون انه يوم قام الشيخ محمد ابن عبدالوهاب بدعوته السلفية

فيه ناس معارضين لهذه الدعوة فقالوا ان هذي دعوتن عوجا إعتراضاً عليها !؟

عند ذلك قال اهل الدرعية ومنهم الإمام ابن سعود : " حنا هل العوجا "

يقصدون انهم هم اهل الدعوة ـ العوجا ـ وانهم من مؤيدوها !؟

يقول الشاعر الكبير محمد العوني:-

مني عليكم يا هل العوجا سلام ** واختص أبو تركي عمى عين الحريب

وسلامتك يابعدي

ولك التحية والسلام

[أبو فهد]

الأخوين الحيمري و راعي الوقيد



نشكر لكما هذا التوضيح و سرعة الاستجابة



حفظكما البارئ




-----------------
أبو فهد الهمزاني

[بوحميد]

الحيمري بيض الله وجهك ..
راعيها تسلم لنا هالبسمه

ابو فهد سلمت ع التعقيب ولاهنت