محتاجة طلال .. "سارا"

[ســــارا الرياض]

السلام عليكم وكيفك طلال
عندي مشكلة بواحد من اجهزتي وهي اني لعبت
بالبرامج وتقريبا حذفت شئ من قائمة ازالة البرامج مهم
ومن يومين صرت ما اقدر اشوف اي مقطع فيديو على اليو تيوب
او اي شئ
والسبب يقولي كما في الصورة
والغريب اني كل ما ابي انزل مثلا الادة المهمة والتي تقريبا انا حذفتها ومو متأكدة منها
لكن حاولت انزل اكثر من برنامج يدعم هذا
في صورة مقطع الفيديو يقولي لازم يا سارا تنزلين ذى البرنامج
http://up.z7mh.com/upfiles/i9B82557.bmp (http://up.z7mh.com/)

وبعد الضغط عليه تفتح معي صفحة (مثل الي بالصورة التالية) ويجي فوق شريط
يقول لازم اثبت عنصر التحكم عشان يقبل تنزيل البرنامج
لكن المشكلة انه مو راضي من الاصل ينضغط الشريط !!!!!!!
هذه مشكلتي الاساسية
http://up.z7mh.com/upfiles/dcq82557.bmp (http://up.z7mh.com/)


يالعزيز وش تقترح علي وممكن اتابع معي لين تنحل ذى المشكلة
ومعليه اسفة على تعبك يالقدير
وتراني معزولة بمعنى اذا ما ساعدتني والا ما راح احد اوديه له ويضبطه


عفوا
انا قلت طلال وربما من الاخوات والاخوان يقدر يساعدني

شكرا مقدما

[طلال]

وعليكم السلام ورحمة الله وبركاته

المشكلة ان شاء الله بسيطة ، من خلال موضوع سابق لك اعتقد ان متصفحك " سفاري "

هذي النسخة من المشغل متوافقة مع [ Adobe Flash Player for : Firefox, Netscape, Safari & Opera ]

[ حملي من هنا ] (http://www.shmmr.net/talal/install_flash_player.rar)

أتمنى اني ساعدتك

..

[ملامح شمري]

^
النسخة اللي رفعتها , غلط يا طلال ..

انتظريني ثواني ســار ..

[ملامح شمري]

ســارا
نظامك ويندوز كس بي من الصورة الظاهرة و متصفحك انترنت اكسبلورر ..
بدل ما ندخل و نحوس باعدادات الامان باكثر من خطوة ..

بعطيك الروابط مباشرة :
1- نزلي برنامج (http://download.macromedia.com/pub/flashplayer/current/uninstall_flash_player.exe)ازالة مشغل الفلاش من جذوره بجهازك وشغليه
2- اعيدي تشغيل الجهاز
3- نزلي الفلاش و ركبيه لـ انترنت اكسبلورر (http://fpdownload.adobe.com/get/flashplayer/current/install_flash_player_ax.exe) او للمتصفحات الاخرى (http://fpdownload.adobe.com/get/flashplayer/current/install_flash_player.exe)
وبس ..

تشااو

[ســــارا الرياض]

الله يجزاك الجنة
شكرا طلال على سرعة تجاوبك
وبذى الجهاز فيه متصفحين واحد سفاري والثاني اكسبلورر
وبالنسبة للاول جاري التحميل لكن الثاني كيف الطريقة

الان حمل البرنامج لكن تشتغل بعض مقاطع اليوتيوب الانكليزية
بس العربية مثل القران وغيره فقط صفحة سوداء
لكن مو زي اول يقول لازم احمل اداة او غيره !!

في انتظارك طلال اذا ما عليك كلافة

[ســــارا الرياض]

ملامح انا خذيت الاسم فقط ورحت
حملتها من موقع اخر لما شفته ما ضبط معي

كل الشكر والتقدير يالعزيز

[ســــارا الرياض]

ســارا
نظامك ويندوز كس بي من الصورة الظاهرة و متصفحك انترنت اكسبلورر ..
بدل ما ندخل و نحوس باعدادات الامان باكثر من خطوة ..

بعطيك الروابط مباشرة :
1- نزلي برنامج (http://download.macromedia.com/pub/flashplayer/current/uninstall_flash_player.exe)ازالة مشغل الفلاش من جذوره بجهازك وشغليه
2- اعيدي تشغيل الجهاز
3- نزلي الفلاش و ركبيه لـ انترنت اكسبلورر (http://fpdownload.adobe.com/get/flashplayer/current/install_flash_player_ax.exe) او للمتصفحات الاخرى (http://fpdownload.adobe.com/get/flashplayer/current/install_flash_player.exe)
وبس ..

تشااو


ملامح الله يجزاك الخير وبمشي على الخطوات يالعزيز وبإذن الله يضبط
وماشاءالله عليك سريع البديهة لما عرفت من الصور ان متصفحي اكسبلورر

الله يوفقك ويكتب لك بكل خطوة سلامة

[طلال]

ما شاء الله عليك مرجع واسع و شامل يا ملامح ..

لكن ما اعتقد يجب حذف المشغل من جذورهـ يكفي اختيار نسخه جديده من المشغل متوافق مع المتصفح

هذا اللي ينجح دايم على اغلب الاجهزه

..

وش صار ، ضبطت معك طريقة ملامح ولا لا :) ..؟!

[ســــارا الرياض]

شكرا لكم جميعاً وبالفعل اضبطت طريقة ملامح
والان على المتصفحين شغالة مقاطع اليوتيوب
الله لا يحرمكم اجر سماعي للقرآن بهذا الشهر الفضيل

صراحة اخر ما افكر فيه اني انزل موضوع ويساعدني احد هنا
كون الشرح مرات يعل وصعب توصيل المعلومة
لكن
بعد هالتجربة وسلاسة شرحكم صراحة
عيني عليكم باردة والله يعينكم علي في المرات القادمة ..
بس ابشركم
خلاص هذاني بديت اطلق اجهزة ديل وانظمة وندوز التشغيلية
وصارت شغلتنا وش مكافح الفيروسات الطيب وانواع التعليق

فالحمدلله
بدت رحلتي مع هوس اجهزة ابل الخيالية من اي فون فور
والاي بود والاي باد واخيرا الدسك توب المختلف وفقط مينتور

ما قصرت اخوي طلال والله يكثر من امثالك ومبدع

المستشار كنت خير من استشرته لهذا المساء انت وطلال
عطيتني من الآخر وبشكل احترافي
الله يوفقك ويسعدك يالعزيز

تشكراتي المفعمة بالتقدير
وكم انا ممتنة

[أبو فهد]

طلال و ملامح عفية عليكم و ما لها إلا رجالها



دمتم بخير




-----------------
أبو فهد الهمزاني