راكان العياده
02-09-2002, 11:23
هذه قصيدة للشاعر الكبير محمد بن عون يرسم للحظ ودوره في حياة الناس ..... وهذه القصيدة تعتبر من الدرر التي تكشف موهبة الشاعر الفطرية ..... قرأتها فاعجبت بها ..... واستفدت منها ..... واحببت ان تستفيدو منها ...!!!! فهاهي بي يديكم ..
يالله ياللي كل حي يسألك = يا واحد كل يخافك ويرجيك
ياقاسم انوال الملا من نوالك = وقبضة نواصي الخلق كله بأياديك
تفك عقد حبال عبد شكى لك = مستبرم حبله بعقد الشرابيك
بعيد عن الداني دعا والتجا لك= يا من هو المالك وحنا المماليك
ارمي بحالتي لذيك التهالك = تفرج عن القلب اللي فيه تشكيك
ماله من الحرفات الا الدعا لك = والحيل قصر الايادي مفاليك
فلا اقتضى عسري بحسن الرضى لك = فاجعل لنا الصبر على العسر يرضيك
ناشدت داعي البين مالي ومالك= من كل صوب كاثرات دعوايك
قال ان هذا الامر لا لي ولا لك = امر قضاه الرب اللي مسويك
لا تعترض امر القدر في جدالك = ولا تحسب ان اللي يصيبك بيخطيك
قسمة حظوظ الخلق قسم السوا لك = ومكتوب حظك يالفتى في نواصيك
جف القلم باللوح فيما اقتضى لك = اما سعيد الحظ والا مشقيك
وانا اشهد اللي كتب لك ينالك = يالعبد ربك باسم حظك يناديك
كل بتقدير الولي طاب فالك = اصبر على ما قدر الله ياتيك
ولا تلوم النفس فيما جرا لك = تبور غالي سلعتك بين اياديك
ويلومك اللي مادرى عن احوالك = ولادرى ويش الدهر محدثن فيك
محد درى وش الذي صاب حالك = ومجرى لك مع صديق معاديك
بمكايده يبلن الايام حالك = وعن الموارد قاصرات مداليك
ماشام بك عن ديرتك عن عيالك = وما عرضك درب الخطر والتهاليك
وين انت والاقدار يوم ارتحالك = في وسط غابات بها الموج عاليك
مرة يمين ومرة عن شمالك = والعرب من التريك تاخذ باياديك
ان قيل رد البوش واربط حبالك = ضاقت عليك احرارها والمماليك
فاعزم وشم ولا تضيق المسالك = ولاتسوي يا فتى شومة الديك
وافهم نبا ما اقول لك طاب فالك = سعود الفتى بالحظ من غير تشكيك
وإن جاد حظك باع لك واشترى لك = فوايده من كل الابواب تاتيك
وان بار بك دلا يهزل حلالك = باردى ثمن لزم يبيعك ويشريك
وان جاد حظك بالمجالس حكى لك = وصدق مقالك كل من لك يحاكيك
وان بار بك دلا يكذب مقالك = وتصير كذبات الملا كلهن فيك
وان جاد حظك بالمنازل بنى لك = بيت رفيع شمخ الطول يذريك
وان بار بك خلاك تنقل عيالك = من دار الى دار ودار تجليك
وان جاد حظك كل شي صفا لك = قرايب الخلان كلن يصافيك
وان بار بك بيّن الجميع العدا لك = وصار المحب اعدا عدو يعاديك
وان جاد حظك كل شي عنا لك = ويباشرك عند المودة ويعطيك
وان بار بك ضليت محد بحالك = ولا فنجال من البن يسقيك
وان جاد حظك قام واطلق عقالك = ومشى معاك في كل درب يباريك
وان بار بك جود متين الثنا لك = وعن كل درب يعقلك ثم يثنيك
وان جاد حظك كل شي زها لك= حلاياه باروح المجالس تزهيك
وان بار بك شيّن حلايا خيالك = ليا اقبلت تغضي كل عين تراعيك
وان جاد حظك كل شي اضاء لك = يشبه فم القنديل نوره يقديك
وان بار بك عزي لحالي وحالك = ارذل رذيل هافي الجد يوذيك
يالعبد لو كثّرت حث ارتحالك = وعرضتها درب الخطر والتهاليك
تسعين عام يافتى ما بدى لك= ولا لاح في بالك لزوم يصافيك
قل ول ياحظي على ما جرى لك = ليا قل عونك ما اجتهادك يغنيك
اكتب مكاتيب الشقا والعنا لك = قل ول يا حظ الشا اتعبت راعيك
يا حظ لو ذيب المفالي عوى لك= في مجلس حاويه صوت يعاويك
يقول لو حظك سعيد نما لك = من عشرة اولادك عضيد يكفيك
واليوم لاتأمن يمينك شمالك = يخونك اصدق صديق يماليك
ولايغرك ان لقاك وحكى لك = ولو عطاك من المواثيق يرضيك
احذر الحذر كل الحذر لو صفا لك = عيب على انك تأمن الخصم ياليك
تحصّن بسوء الظن وابصر بحالك= واحذر جليس صايع الرأي يعميك
من سوء طبعه ان حكى بك حكى لك = يرضي عدوك بالنميمة ويرضيك
راعي المكر والكذب والبوق سالك = وراعي الثنا ضاقت عليه المساليك
يمشي ورأيه ضايع بالمهالك = لاشاف من دونه على الوكر عاليك
ماتنظر الاقدار فيما جرى لك= شيوخ القبايل يتبعون المماليك
فاعزم بعون الله على مابدا لك= واقصد ولي العرش حسبك ويكفيك
ياقلب هيّد عن تذكر احوالك = واصبر عسى رب الملا يعتني فيك
اصير عسى تعطى خلف ما غدا لك = رجل ليا سامتك الايام يشريك
يارب تجير واحد قد رجا لك = عند الشدايد مزبن اللي يواليك
في يوم ماتعطي يمينك شمالك = مثقال حبة خردل من حسانيك
تعطيني مقصودي وانا اللي اسألك= ياسامع من جا لبابك يناديك
واختام ملفوضي لنا في مقالك = ازكى صلاة على هادي الرشد هاديك
وتقبلوا تحياتي!!!
اخوكم راكان العيادة
يالله ياللي كل حي يسألك = يا واحد كل يخافك ويرجيك
ياقاسم انوال الملا من نوالك = وقبضة نواصي الخلق كله بأياديك
تفك عقد حبال عبد شكى لك = مستبرم حبله بعقد الشرابيك
بعيد عن الداني دعا والتجا لك= يا من هو المالك وحنا المماليك
ارمي بحالتي لذيك التهالك = تفرج عن القلب اللي فيه تشكيك
ماله من الحرفات الا الدعا لك = والحيل قصر الايادي مفاليك
فلا اقتضى عسري بحسن الرضى لك = فاجعل لنا الصبر على العسر يرضيك
ناشدت داعي البين مالي ومالك= من كل صوب كاثرات دعوايك
قال ان هذا الامر لا لي ولا لك = امر قضاه الرب اللي مسويك
لا تعترض امر القدر في جدالك = ولا تحسب ان اللي يصيبك بيخطيك
قسمة حظوظ الخلق قسم السوا لك = ومكتوب حظك يالفتى في نواصيك
جف القلم باللوح فيما اقتضى لك = اما سعيد الحظ والا مشقيك
وانا اشهد اللي كتب لك ينالك = يالعبد ربك باسم حظك يناديك
كل بتقدير الولي طاب فالك = اصبر على ما قدر الله ياتيك
ولا تلوم النفس فيما جرا لك = تبور غالي سلعتك بين اياديك
ويلومك اللي مادرى عن احوالك = ولادرى ويش الدهر محدثن فيك
محد درى وش الذي صاب حالك = ومجرى لك مع صديق معاديك
بمكايده يبلن الايام حالك = وعن الموارد قاصرات مداليك
ماشام بك عن ديرتك عن عيالك = وما عرضك درب الخطر والتهاليك
وين انت والاقدار يوم ارتحالك = في وسط غابات بها الموج عاليك
مرة يمين ومرة عن شمالك = والعرب من التريك تاخذ باياديك
ان قيل رد البوش واربط حبالك = ضاقت عليك احرارها والمماليك
فاعزم وشم ولا تضيق المسالك = ولاتسوي يا فتى شومة الديك
وافهم نبا ما اقول لك طاب فالك = سعود الفتى بالحظ من غير تشكيك
وإن جاد حظك باع لك واشترى لك = فوايده من كل الابواب تاتيك
وان بار بك دلا يهزل حلالك = باردى ثمن لزم يبيعك ويشريك
وان جاد حظك بالمجالس حكى لك = وصدق مقالك كل من لك يحاكيك
وان بار بك دلا يكذب مقالك = وتصير كذبات الملا كلهن فيك
وان جاد حظك بالمنازل بنى لك = بيت رفيع شمخ الطول يذريك
وان بار بك خلاك تنقل عيالك = من دار الى دار ودار تجليك
وان جاد حظك كل شي صفا لك = قرايب الخلان كلن يصافيك
وان بار بك بيّن الجميع العدا لك = وصار المحب اعدا عدو يعاديك
وان جاد حظك كل شي عنا لك = ويباشرك عند المودة ويعطيك
وان بار بك ضليت محد بحالك = ولا فنجال من البن يسقيك
وان جاد حظك قام واطلق عقالك = ومشى معاك في كل درب يباريك
وان بار بك جود متين الثنا لك = وعن كل درب يعقلك ثم يثنيك
وان جاد حظك كل شي زها لك= حلاياه باروح المجالس تزهيك
وان بار بك شيّن حلايا خيالك = ليا اقبلت تغضي كل عين تراعيك
وان جاد حظك كل شي اضاء لك = يشبه فم القنديل نوره يقديك
وان بار بك عزي لحالي وحالك = ارذل رذيل هافي الجد يوذيك
يالعبد لو كثّرت حث ارتحالك = وعرضتها درب الخطر والتهاليك
تسعين عام يافتى ما بدى لك= ولا لاح في بالك لزوم يصافيك
قل ول ياحظي على ما جرى لك = ليا قل عونك ما اجتهادك يغنيك
اكتب مكاتيب الشقا والعنا لك = قل ول يا حظ الشا اتعبت راعيك
يا حظ لو ذيب المفالي عوى لك= في مجلس حاويه صوت يعاويك
يقول لو حظك سعيد نما لك = من عشرة اولادك عضيد يكفيك
واليوم لاتأمن يمينك شمالك = يخونك اصدق صديق يماليك
ولايغرك ان لقاك وحكى لك = ولو عطاك من المواثيق يرضيك
احذر الحذر كل الحذر لو صفا لك = عيب على انك تأمن الخصم ياليك
تحصّن بسوء الظن وابصر بحالك= واحذر جليس صايع الرأي يعميك
من سوء طبعه ان حكى بك حكى لك = يرضي عدوك بالنميمة ويرضيك
راعي المكر والكذب والبوق سالك = وراعي الثنا ضاقت عليه المساليك
يمشي ورأيه ضايع بالمهالك = لاشاف من دونه على الوكر عاليك
ماتنظر الاقدار فيما جرى لك= شيوخ القبايل يتبعون المماليك
فاعزم بعون الله على مابدا لك= واقصد ولي العرش حسبك ويكفيك
ياقلب هيّد عن تذكر احوالك = واصبر عسى رب الملا يعتني فيك
اصير عسى تعطى خلف ما غدا لك = رجل ليا سامتك الايام يشريك
يارب تجير واحد قد رجا لك = عند الشدايد مزبن اللي يواليك
في يوم ماتعطي يمينك شمالك = مثقال حبة خردل من حسانيك
تعطيني مقصودي وانا اللي اسألك= ياسامع من جا لبابك يناديك
واختام ملفوضي لنا في مقالك = ازكى صلاة على هادي الرشد هاديك
وتقبلوا تحياتي!!!
اخوكم راكان العيادة