ستلايت وفستان عروس

[عبدالواحد]

ستلايت
زارنا وفد ياباني قبل 15 سنه وقتها كنا نمشي في منطقه سكنية وستغربوا الضيوف اليابانيين من شكل اطباق (الستلايت او الدش )..
اللي حاطينه فوق السطوج,
قال ليش كل هذي الاحمال حاطينها فوق سطوح بيتكم . رديت عليه بذكاء كالعاده :thumb:
وكنت اظن بهذاك الوقت ما عندهم ستلايت ..
قلت لا جل نشوف العالم من الفضاء !>
وخيالي راح لابعد ونويت اصدر لليابانيين دشاتنا وصير وكيل لهم

قال الياباني (ادري ) تشوفون فيه محطات العالم , بس ليش ما تحطون شي اصغر ..بدل هالمناظر البشعه ومخربه جمال بيتوكم >> فعلا هو صادق لان الستلايت فوق بيوتنا صار محميات لطيور والحمام وقرفهن ..
رديت عليه
قلت فيه اصغر من هالشي ..:a:
>هونت عن تجارة التصدير واالحين بصير مستورد ..
قال ايه انا عندي وايرلس بحجم القلم !
يجيب قنوات العالم لكها

بعد مرور اكثر15 سنه للحينن ما شفت احد عرض علينا مثل هالتكلنوجيا

..

عروس


باعراسنا تشوف الهوايل واشكال ربعنا تتحول كانهم من اهل الثراء الفاحش ..او اللي يسوون حفلات تنكريه
اشكلهن تتحول وياالله سترك من العواقب تتحول لباربيات والوان اشكالهن شيطانية لكن متمكيجه ..

اما اسعار ثيابهن .. فعدّ ولا حرج
ماكأن هذي اللي لابسه ثوب بالف دينار ابوها أو زوجها انسان علي قد حاله ..
وطاير من عرس لعرس قصب يلحق ويدفع العانيه ..

فعلا تلاقي تناقض فيه فاحشتنا وحياتنا الاقتصاديه ..
الزوجه حياتها كحياة الطغاه تلبس وتشتري ,, وزوجها مفلس يدور احد يسلفه ...
وياليت تشتري شي يفيدها مستقبلا او يفيد عيالها ..
مجرد خامه تلبسها مره وحده وثاني تنتهي صلاحيتها ..


سالفتي قد لا يكون لها شاهد ..او مناسبه

لكن عندي سببين خاصين
الاول
قبل رمضان كنت حاضر عرس ولسوء الحظ صدف سيارتي قريبه من الصاله القريبة من قسم الحريم ..
وهذا العرس الوحيد تاخرت فيه صدفه لان كنت اسولف مع قريب وخذتنا السوالف ..وتاخرنا ..
طلعت اركب سيارتي ,,
لقيت (العريس والعروس) :wallah_hoo: ومعاهم عجايز اثنين ! يحاولون يركبون العروس
السياره ولا قادرين !!!

مو قادرين يدخلون العروس السياره :wallah_hoo:

المنظر كان مضحك تخيلوا شلون يحاولون يحشرونها بالسياره ..وحده تدفع والثانيه ترفع

سبب العطال والموقف المضحك هو (ثوب العروس)

إنا متزوج من 26 سنه , وشي طبيعي هالامور اتسغرب منها> فعلا انا لليوم اكتشف اشياء مو مصدقها تصير
في اعراسنا

نرجع لسالفة الموقف المضحك ..
بصراحه العروس كانت لابسه خيمه !! موثوب عرس ..
الفرق اللي شفته في خيمه العروس هو الرواق كان شفاف :315r:..
نقول خلص الموقف وعدا علي خير ولما
رجعت للبيت سألت الحجيه زوجه عبدالواحد ..ثوب العروس اللي الليله لابسته كم قيمته ..
قالت ما ادري بالضبط ما سألتهم لكن اكيد بحدود 700 دينار كويتي

ما ابي اوصف الموقف بالضبط واقول لكم شلون ركبت العروس لاني بصراحه اضطريت
انتظر تخلص مشكلتهم بحكم القرابه معهم ..
فلان شافنا وخلانا> مقولة نسائية مشهورة

السبب اثاني ..
كثير ما اسمع من الكتاب ووو غيرهم حنا العرب كنا وصنعنا
وقتحمنا الاندلس وخترعنا البنادول واسسنا التاريخ وو
ومن الهكلام الفاضي اللي ما يودي ولا يجيب ..


ابي افهم ..
ستلايت اكبر من بيوتنا حطينه فوق السطح وبعضنا يمكن
للحين ما ركبه ولا يعرفه .
وحرمه تلبس خيمه وتقول عن نفسها عروس ...
بالله عليكم اي اندلس واسبانيا وحضاره تتكلمون عنها !!






..
فكرة الموضوع مشربكه شوي وستعجلت فيها (اذن المغرب) ,سامحوني
وتحياتي

[أحمد]

اليابانيين


قل لو بكم خير ماقمتم تنزلون قطع A و B


هالحين الصين وكوريا تعطي نفس المنتج وبسعر مايقارن بالمنتج الياباني

يعني نقدر نقول ان الصين وكوريا صاروا اشطر من اليابان



ابد ابد لايهمونك جايين يتفلسفون على راسك

:)

اما بالنسبه لسوالف الحريم

:)


لو انا بالفله كان لقيت لك حل ..

:)


تري مكاسي خالي

[وسمي المويس]

إنا متزوج من 26 سنه

معقوله shlwee7

أثريك شايب وأنا أغلط عليك أحيانا ..

سامحنا ياعمي عبدالواحد ..

[عبدالواحد]

لو انا بالفله كان لقيت لك حل ..


اووف:a: منت هين بالجثري
وانت من ربع الفله .> اكيد تعرف ريال الفسحه

سلملي عليه :thumb:

[عبدالواحد]

معقوله shlwee7
أثريك شايب وأنا أغلط عليك أحيانا ..
..
حشااك االغلط يا وسمي ..
ب العكس انت من الكتاب المهذبين !!!
ما شفنا منك الغلط

تقبل تحيات عمووو عبدالواحد:315r:

[صلفيق]

بالله عليكم اي اندلس واسبانيا وحضاره تتكلمون عنها !! <<< قبل الستلايت وخيمة العرس كانت الحضارة !!!




حي الله عبدالواحد
الستلايت اللي بحجم القلم .. ودّي أتكلم ـ بس والله خايف !!!
ابعيّد مع الناس يالغالي :qannaj:


اما خيمة العرس "على قولتك" .. ترا الرواق شفاف بس بالصيف علشان الحر !

الله لايبتلينا ولا يسخط بنا :a:



تشكرات عبد الواحد

[نواف بن محمد]

اصبت كبد الحقيقه

الفكره واضحه عموما مع ان العتب على تنسيق الموضوع و الافكار اللي فيه .

ينقص اليابان شيء واحد فقط ( الهياط ) الذي نتحلى به دائما

تشكرات

عمو عبدالواحد:315r:

[عبدالواحد]

الله لايبتلينا ولا يسخط بنا :a:
تشكرات عبد الواحد

هلا وغلا ...
منور اخوي العزيز ,,, وكل عام وانت بخير

[عبدالواحد]

ينقص اليابان شيء واحد فقط ( الهياط ) الذي نتحلى به دائما
عمو عبدالواحد:315r:
:315r:
منور يا نواف ,,, وتشرفنا بحضورك المميز

[أهداااب]

ليه كذا بس يا عبد الواحد ..؟!


و لا واحد ناقش قضية فستان العرس بذمة و ضمير كلن يفرّك غير عجته ..:)


رغم أن الفستان مو مهم بل اللي داخل الفستان هو الأهم >> و ليت بنات حواء يدركن هذه الحقيقة ..:315r:



بيد أن الفرق يكمنّ بين رواق زمان و الرواق الحالي ليس فقط في السمكّ و الشفافية ..


بل في اللون أيضاً ..

كان أسود و حالياً أبيض و هناك أفكار جديدة ليكون ذهبي و وردي و يمكن مستقبلاً يرجع أسود ..:3ajeeb:




أيضاً بقولك على حقيقة مهمة ..

العلاقة بين الستلايت و فستان الزفاف وطيدة جداّ

فلولا الستلايت و القنوات الفضائية ما عرفنا هذه الموضات و الفوضات ..



فــ على ذمة جدتي تقول :

كانت الوحدة الصبح تسرّح الغنم و فــ الليل يزفوها لبيت زوجها ..

و لا فستان و لا مكياج و لا جهاز - الله و كيلك بعباتها - أو لأكون واقيعة أكثر ..



بثوبها المرودنّ و عصابتها ..:)



/




تطورنا و تطور العالم من حولنا فكان علينا أن ندعي العولمة شكلاً و قشوراً لا مضمون فيه ..!!

[عبدالواحد]

ل

كانت الوحدة الصبح تسرّح الغنم و فــ الليل يزفوها لبيت زوجها ..
و لا فستان و لا مكياج و لا جهاز - الله و كيلك بعباتها - أو لأكون واقيعة أكثر ..
بثوبها المرودنّ و عصابتها ..:)
..!!
اتوقع ان نقاءهن الداخلي كان مولود معهن >> شوفي الحين شكثر يحطون مستحضرات وعطورات تجميل ولا ملحقه علي قرف بعضهن

..
اما ثوبها المرودن وعصابتها ,.
كان يعطيها شخصية لانوثتها اكثر ما يعطي خصال انوثتها ..وب عصابتها كانت شيخه امام ضعفاء النفوس , تلجم نواياهم الشريرة ..
عكس اليوم حتي (النقاب ) لم يسلم من تحريره وجعله احدي وسائل الفتن



منوره اختي اهدااااب ..
ادري شطحت عن مضمون المقال , لانك انتي رجعتيني بالوصف 35 سنه وراء

تحياتي لك

[دلع الاتي8]

يسلموووو خيو عبدالواحد ..

بس الياباني كيف فهمت عليه ..؟ :d:


اما الفساتين فهذا لمواكبت العصر :315r: