من هي عبير ..؟! [الأرشيف]

مشاهدة النسخة كاملة : من هي عبير ..؟!

عبير نجد

01-09-2002, 20:44

أهداني هذه الأبيات " أحدهم "التي أعتبرها وسام شرف أعتز فيه ..
شاعر بحق يمتلك سحر شعري فذ ..يجبرني على التصفيق له بحرارة و إعجاب ..يمتطي صهوة الإبداع ..دائماً متألق ..
أدامه الله بخير ..

جبال شمر شوفها وانت تعــرف من هي عبير=اخذت من سلمى الشموخ ولا انحنى راسي لحد

ماهنت نفسي للبشر مهما حصل مهما يصير=إلا لربي خالقي رافع سماه بلا عمد

ولو مت مااشــحذ لقمتي و الاّ اطمع بفضلة امير=عشت بحياتي مسعده والا انت عـــــايش في كَبَد

ولا تفتكرك ليا مشـــيت برمش عيني لك اطير=عـــــين(ن) تلد الطــرف بَك ياعلّه يجـــيها الرمد

وبفوح عطــــــــري ياولــد ما شــــابٍه لنفّاخ كير=وجمرك ترى لو المســـه باطــراف رجــليني جمد

ماكل ناعم ملمــــــسه بيصـــــير ديباج وحـــرير=شفها الســــيوف الناعمه باطرافها مـــوت ونكـد

لو هَبّت رياحي عليك اضحت عبوس(ن) قمطرير=لي عزوة(ن) تاريخها منه المعــــادي يـــرتعد

يوم الحرايب قومهم مابين مطــــعون وكســـير=واليوم طيب اخلاقهم كـــلن مكـــــــارمها حَمَد

شر(ن) جزاه الشر والا الخير يجزى له بخــير=والارض يرويها المطر والا انت طــــــوفانك زٍبَد

جتك الرسالة واضحه برمـوزها عبر الاثيــــــر=لا لا تــزود بالحــكـــي والا تـرى نــزيدك بعـــد

عبير نجد ..

أبو فيصل

01-09-2002, 20:53

اختي الغالية عبير نجد
فعلا ابيات رائعة ..... وتستاهلين كل خير ... وليست كثيرة عليك.
سجلي أعجابي بها ..
والشاعر لة منى كل محبة وتقدير.... على هذا الآبداع....
ماكل ناعم ملمسه بيصير ديباج وحرير**** شفها السيوف الناعمه باطرافها موت iiونكد

بيت اعتبرة قوي جدا .
دمتي اختا لنا .

فيصل اللويش

01-09-2002, 21:31

الغاليه عبير

تستاهلين

وصح لسان شاعر القصيده

اخوك000 فيصل اللويش

بشير اللويش

01-09-2002, 23:13

اختي العزيزه

نعم بك وباهلك

وصح لسان الشاعر

شكرا لك على المشاركه

تقبل تحيات اخوك الصغير

الراسي

الدكتور محمد الشمري

01-09-2002, 23:47

شعر رائع
كلام جميل
شموخ ، علو ، فخر
صفات اكثيره انقالت ومازالت قليله

يسلم الشاعر وتسلمين انتى بعد يا عبير

تحية من الكويت ارسلها لكي

نوف

01-09-2002, 23:57

اختي الغاليه عبير

تستاهلين اكثر من كذا

صح لسان قايلها
وربي ابدع فيها

وتسلمين على نقلها هنا بالمضيف

تحياتي
اختك
نوفه

الداعيه / براك الفريسي الجربا

02-09-2002, 00:27

قصيدة جميلة جداً

وانتِ تستاهلينها

وياهلا

wo0oman

02-09-2002, 00:29

السلام عليكم,,
صح لسان القائل ,, وسلمت يدا الناقل ,,
أكيد تستاهلين أخيّتي كل خير ,,
:)

فوفو

03-09-2002, 14:12

;) ;) ;) ;) ;) ;)

الله الله وتقولين بعد ماافهم بسرعة:p :p

قصيدة رائعة وبشخصة رائعة:D

صح لسان قايله ...وتسلمين خيتو عبوره اللى خليتنا نتعرف عليتس اكثر;)

دايماً متغيبه ورى:cool:

وتستاهلين اكثر ;)

دمتي لنا شامخه:cool:

عبير نجد

05-09-2002, 23:22

أشكركم على تعقيبكم ..
تحياتي لكم إخوتي الأعزاء ..

عبير نجد .. :)