سواليف تسذبان 2

[أبو فهد]

السلام عليكم و رحمة الله و بركاته




أسعد الله أوقاتكم أعزائي القراء و الحضور الكريم




في وقت من الاوقات و زمن من الازمنة كان محدثنا (العمدة :) ) ماسكن المايكروفون



ليظهر لنا ما ابدعته قريحته <<<<لاحظوا ما ابدعته



فقال أبو نهته رحمه الله رحمة الاحياء



" بسنة من السنين ذبحنا القيظ لما تيبست تسبودنا


فقلنا نبي ننهج يم أكا الديار قراح و برد ماء يداوي العلايل<<<ديار ليلى على غفلة و ليومكم ما ندري وشي الديرة





المهم و انا انشد الربع تسان لهم خاطر بالسفرة



قال أبو سميراء أنا رفيدزك بهالسفر



قلنا توكلنا على الله



و حنا نروح يم موقف رحيمة



و ننشد عن اكا الديرة



يما شفنالنا اكا المركب اللي يهول




تقل طير ألا يا ربي دخلك



طير و لوه كفراي و لوه بجنوبوه مكاين كبر الموتر معلقتن على حديد لمنيوم <<<أموت على ألمنيوم


و حنا ننشد قالوا هذاتا الموتر يقال لوه كنكرد



و حنا نرتسب باكا الموتر يمار والله فرق عن ددسن أبو سالم



أبوك يالفقر


شرح و بوه غرف و مطابخ و ديوانية و بوه درايش



يوم والله إني تحسفت ما جبت معي الشوزن




وهي تطير بنا و حنا نراعي من اكا الدريشة يما غدن الدداسن تقل فصم




يما بارينا الطيور




يوم أراعي و هذا أبو سميراء جايبن فروتوه



قلت لوه يملا الماصع اللي يمصعك هالحين هاجينن من القيظ و الحر و انت متحضن هالفروة أجدعه يا ملا اللده



وهو يقول والله يبو نهته موتر منا زينوه



راحت والله على أبو سالم و الشبة :)



مار حنا لا نصيناهم وش نقول لهم عن هالموتر



قلت : اقول ليه ما تعض لك رضمة هالحين شلون موتر يطير سالفة اللي قال الداب باض لوه نعام



ما درينا إلا الموتر قام يتراجف و يهتز و انا اقضب القاع



يوم يثير الصياح : وين النشاما يا ويل اللي ماله والي


و أنا أقضب سيفي و اصيح اليوم يومك يبو نهته



قالوا الموتر طفى و يبيلوه تحضير



قلت انا ابوووووو نهتتتتتتتتتتته


وخرو وخرو



و انا امسك الدركسون و ادعس البنص يمار طافين موترهم



و انا اعشقوه بالأول و انتعه يما اشتغل


و انا ارجع لبو سميراء يمار وجهة غادين عكرة ضب من الذلة



و شوين يوم سمعنا قرقشة هالموتر و قالوا الحمد لله عالسلامة



وصلنا جنوب اغريقيا


الديرة أسمرة



يوم نزلنا ولا ناسن شهبان عبادن يخرعون

و لا هي ديرتي اللي جيتها من سنين



الرعيان بغنمهم تحت الكنكرد و التسلاب اللي تنابح و عيشة الفقر




قال أبو سميراء هذي الديرت اللي براد و وجيه سمحه يا ملا القرادة



والله ما غير عدي بقندهار



نكسنا يم ديرتنا أبو السفرة اللي انت خوي به




و حنا نودزف عند محطة ساسكو



أبوهم حتى باغريقيا لهم فروع



و عبينا الموتر لما سمعناه يتارغ



و حنا ننكس لديرتنا

و لا عادت عليتس يا أسمرة (أغبره)


و يا دار ما دخلتس شر "





:3ajeeb:




----------
أبو فهد الهمزاني

[ابو ضاري]

وعليكم السلام



وش السالفه للحين مااستوعب

[أبو فهد]

سبحان الله يبو ضاري توافق قولي مع قولك



يوم يحتسي علينا انا ما فهمت من حتسيوه شين



و بعدين ترجموا لي بعض الأخوان :)



الرجل لقى لوه طيارة بموقف تكاسي رحيمة (رأس تنورة)


و ركبه و فزع معهم يوم طفت عليهم بالجو و وصلوا ديرة اسمها اسمرة (عاصمة اريتيريا)


و لقى حال الديرة متغيرة



و نكس للشرقية



و سلامتك :)





-----------------
أبو فهد الهمزاني

[الاصمعي]

هههههههه

عسى ما للتسذبان والي

أجل ينتعه بهالخضيرا عشير أبو سميرا

ألا ملاحظين ان التسذبان ما يعرفون يختصرون بنوب:(

يطوله ويعرضه ويمغمغه لين مار تمله لو هي صحيح شلون وهي ثراميد ماله أصل..

على طاري التسذبان البارح قام يفسر علينا هكالتسذوب قال ان فيه وادي بالدولة الفلانية مدري وش أسمه طوله ثلاث آلاف كم ، قالوا بعض الربع بس يا فلان الدولة من أقصاه لأقصاه ما تجي هالمسالفة قال لا الوادي هذا يسايف ويفتر بقدرة الله قبل يصب بالبحر:3ajeeb:

قال هكالواحد ايه هذا معروف وحنا نلتفت له قلنا وش أسمه قال الوادي المسايف وهي تغدي للمجلس طخات ، والتسذوب يضحك معنا ولا كأن الساتلفة عليه :3ajebni:

يعطيك العافية يابو فهد

[أبو فهد]

هههههههه

عسى ما للتسذبان والي

أجل ينتعه بهالخضيرا عشير أبو سميرا

ألا ملاحظين ان التسذبان ما يعرفون يختصرون بنوب:(

يطوله ويعرضه ويمغمغه لين مار تمله لو هي صحيح شلون وهي ثراميد ماله أصل..

على طاري التسذبان البارح قام يفسر علينا هكالتسذوب قال ان فيه وادي بالدولة الفلانية مدري وش أسمه طوله ثلاث آلاف كم ، قالوا بعض الربع بس يا فلان الدولة من أقصاه لأقصاه ما تجي هالمسالفة قال لا الوادي هذا يسايف ويفتر بقدرة الله قبل يصب بالبحر:3ajeeb:

قال هكالواحد ايه هذا معروف وحنا نلتفت له قلنا وش أسمه قال الوادي المسايف وهي تغدي للمجلس طخات ، والتسذوب يضحك معنا ولا كأن الساتلفة عليه :3ajebni:

يعطيك العافية يابو فهد




ههههههههههه عز الله انك تعرف لهم يبو خالد




انت ملاحظ شغلة تمطيط الغلاك و تمغيطوه




تغدي لك السالفة ستريتش :)




لاهنت يا مللي



-----------------
أبو فهد الهمزاني

[قـــوت]

حلوه نباري الطيور :)


خخخخخ


هذا اللي سحب السياره من الشعيب هكالمره



يعطيك العافيه ابو فهد على هالسالفه

[غالب]

هذا لو يتبارى مع مسيلمه وألا ألا يصك مسيلمه 4-0 هههههههه

[أبو فهد]

حلوه نباري الطيور :)


خخخخخ


هذا اللي سحب السياره من الشعيب هكالمره



يعطيك العافيه ابو فهد على هالسالفه




إيه هو اللي انقذ الددسن من الغرق :)



لاهنتي اختي




------------------
أبو فهد الهمزاني

[أبو فهد]

هذا لو يتبارى مع مسيلمه وألا ألا يصك مسيلمه 4-0 هههههههه




مو يصكه 4 - 0 إلا يقشعه هو و فريقوه برى :)



لاهنت أخوي غالب




----------------
أبو فهد الهمزاني

[يـــوسف]

الحظيظ اللي ماعرفه يابو فهد :)







هذا حاجز تذكرة ذهاب وحجز اكيد ..... استغفر الله بغيت اعجن :)










لآهنت يابو فهد

[أبو فهد]

الحظيظ اللي ماعرفه يابو فهد :)







هذا حاجز تذكرة ذهاب وحجز اكيد ..... استغفر الله بغيت اعجن :)










لآهنت يابو فهد




توك انا ما سمعتش حاقه



:)




لاهنتش متكيش في أفى الشمس :)




----------------
أبو فهد الهمزاني