تصويت شــــمـــري شــــا ئــــك....قول رأيك.. [الأرشيف]

مشاهدة النسخة كاملة : تصويت شــــمـــري شــــا ئــــك....قول رأيك..

الرهيب 2002

31-08-2002, 00:53

اخواني اخواتي الاعزاء

قد يكون من باب (المونه) اني اتعرض لموضوع شائك ولاكن حبي للاستلاع قد يكون وراء هذه الميانه

واتمنى من الاساتذه المراقبين ((يوسعون صدورهم علي شوي)) حتى نتوصل لنتيجه معينه..

والســـــــــؤال هو ::

انت ماسك منصب وشائت الاقدار انه فيه واحد شاب محتاج لمساعدتك ((يمكن يكون موضف تحتك او محتاج وظيفه وانت تقدر تساعد او يبيك تكلم له احد )) هـــــــل تساعده ام لاء؟؟؟

الاجابه والاسباب لو سمحتو .0....

الفيتو

31-08-2002, 04:08

بكل تاكيد اساعده

اما الاسباب كثيره جدا

ولكن ربما يكون من الاسباب الحاجه اللى لا يحيجنا

فوفو

31-08-2002, 14:02

امممممممممممممممم

اذا اني اقدر اساعده اكيد بساعده .....

اما عن الأسباب...مامن اسباب تستحق الذكر ....بس دامني اقدر اساعد ....ماشوف شي يمنعني اني مااساعده ...ولا يعني اشتغل شغل نحاسه؟؟!!!

امممممممممم

بس يمكن برضوا انت تحسبه يقدر يساعدك وهو بالحقيقة مايقدر....زي مثلاً ...

انا مدير بأحدى الشركات:D :D

ويجيني واحد مخلص الثانويه بتقدير جيد وأدبي:rolleyes:

ومن باب المعرفة يصير ولد خالت مدري وشو .....يقول ابيك توظفن؟؟؟!!!!!:rolleyes:

وماهو هو بس اللى يبيني اوظفه كل الربع فوق راسي....بالوقت هذا وش اعمل بروحي؟؟!!!اوظفهم كلهم؟؟؟!!!

يعني انا اشوف مثلاً واحد صدق محتاج للوظيفة وظروفة ماسمحت له انه يجيب نسبه مو إستهبال طول ايام الدراسة يلعب وبعدين تعال ياخوك وظفن:mad: ....هذا احاول أساعدة وادفه اما اللى يستهبل فهذا اكيد بيكون بالشغل نفس الشي....

تصدق مرة وظفت واحد يقربلي ....طبعاً بعد ايش وظفته ......اول شي دخلته الأمتحان وطبعاً فشل بالأمتحان بس دفيتووووه ....وتوظف والحمدلله ...بعد شهر واحد بالظبط طلع قال ماني مداوم بهاالوظيفة؟؟!! ليه ؟؟ وش صاير؟؟!! الرجال مايبي يكرف يبي جالس على مكتب ومتكي .....يقوووووووول لا انت منت مشتهي لو انك مشتهي كان دخلتن بشي زين اكرف واكرف وبالأخير 3 الاف....مع ملاحظة انه متخرج من الثانوي بنسبة الله بالخير وادبي وطلعت بالأخير نحيس وماني مشتهي أساعده ........لا والا يفوتك بعد 6 شهور رجع لي يقول ابي ارجع للوظيفة:rolleyes:

هاه ناس زي كذا نساعدة ولالا؟؟؟!!!

يعني فيه ناس تنظلم يمكن مايقدر يساعدك وانت تحسبه يقدر .....عنده كل جماعته فوق راسه يبونه يوظف عيالهم وعيال أصدقاه .....صح هو بمنصب كبير ويقدر يساعدك بس فيه عشرة غيرك واقرب له يبونه يساعدهم .....

========تقمصت الشخصية:D :D :D

عسى بس اكون وضحت وجهة نظري صح:)
تقبل تحياتي اخوي ....
وعسى مااكون طولت عليك:)

المطلاع

31-08-2002, 15:10

مكتوب العنوان تصويت شمري وانا خالدي لكن بحكم معزتي لأهل شمر بقول رائي ومهنا فرق بين الخوالد والشمامره وبين جميع القبايل وانا الحين صرت من اهل البيت

نرجع لموضوعك

انا رائي اساعد واكيد اســـــــــــــــــــاعده دامه رجال يبيني اعينه نعينه اكيد
وحنا نعين ونعاون
اما سؤالك ليه اساعده اردعليه بختصار لــــــــــــــــــــــــــــــيه ما اساعده

وتسلم على الموضوع
ولاهنت

أبو فيصل

31-08-2002, 19:47

اخي الكريم
اذا كانت المساعدة لايترتب عليها ظلم لاحد او الحصول على شئ هناك من هو اولا بة
اعتقد انة مافية اي مانع ....
والمثل يقول (((((( الله .... شجرة ماتذري )))))))

اخوي الغالي المطلاع والله انك من اصحاب الدار فانت اخ عزيز وغالي

اخوكم ابو فيصل

الرهيب 2002

01-09-2002, 01:16

بعد شكري لجميع الاخوان اللي شاركو

اقول ياشبـــــــــاب

مايصير كذا والله

انتم سويتو تعديل للمشاركة وتعديلكم اخل بالمعنى والمغزى

بدل مايكون واحد (...) حطيتوه شاب وش جاب لجاب الله يهديكم

على كذا ماحنا متوصلين لنتيجه ابد

ارجو تعديل المشاركة لسابق عهدها فالموضوع خاص بالربع;)

مخيلب

01-09-2002, 01:24

الأخ القدير / الرهــيـــب2002

أعتقد أن سؤالك له مغزى أعمق............ أذا لم يخونني الظن........؟

وأجابتي بأختصار .......

الشــــــــجره اللي ما تـــظـلـل ....... قطعــــــــه أبـــــــــــرك

من لا نفع ربعه ليا أستنفعوا به.......... ما ينحسب بين الرجاجيـل رجال

الرهيب 2002

01-09-2002, 01:32

ونعم والله يامخيلب ونعم والله ماقصرت يالغالي والف شكرا على المشاركة

المهاجر

01-09-2002, 06:53

إذا لم يكن بذلك ظلما لأحد او تعديا على حقوق احد

why not

:)

تحياتي

الرهيب 2002

01-09-2002, 07:23

ياهلا بالمهاجر

وشكرا على الرد|108|

محارش

01-09-2002, 11:24

القاعده تقول :

الصديق اللي ماينفع زي العدو اللي ما يضر :D

ويقول عدوان الهربيد :

ان تسان بالدنيا صديقك يخليك *** مامن ورى عوج النصايب صداقه

سنجار

01-09-2002, 20:12

الرهيب 2002

الناس للناس والكل بالله

واللي ماينفع ربعه وش

ينبغابه.....

اساعده بدون هضم حقوق الاخرين

فلاح السعد

02-09-2002, 10:19

رهيب 2002

الف شكر على الموضوع

وبصراحه ابغض مااشوف العفن

واللي ماينفع وخصوصاً المقربين له

وبعد ذلك عامة الناس يسمى عفن

وقربه ومعرفته خسااااااااااااااره

ونت اعرف وش ينجني من الخساره

طبعاً قلة سنع وماش شيء

افرح لياجاني من الناااس عاني

وعطيه كل اللي معي دون تقصير

تحياتي لك

الشمري محمد فهد

02-09-2002, 13:19

النص الأصلي مرسل من قبل المهاجر
إذا لم يكن بذلك ظلما لأحد او تعديا على حقوق احد

why not

:)

^
^

هذا رأيي أيضـًـا :rolleyes:

تحياتي لك و للجميع

الرهيب 2002

03-09-2002, 23:14

الف

الف

1000

شكرا لجميع اللي ردو وعبرو عن مشاعرهم

لاكن اسمحو لي

مافيه مثل رد الاخ/ فلاح السعد

((افرح لياجاني من الناااس عاني

وعطيه كل اللي معي دون تقصير ))

وكذلك رد الاخ/ محارش

((ان تسان بالدنيا صديقك يخليك *** مامن ورى عوج النصايب صداقه ))

والف الف شكرا