منصور الغايب ..اقرب جاي

[شموخ شمالية]

rooose2




ابوعبدالله

..هذي لهجة أهل حايل ..أهل عروس الشمال ..
أهل أجا وسلمى ..

هذا الدرس الاول.. وأن شاءالله تنجح بالاختبار :)




يا حيي = اداة ترجي

قردي = الخوف

بهره = شي غريب >>> بضم الباء وفتح الراء

بهاه = هنا >>> بسكون الباء وفتح الهاء الاولى

جو = اتوا >>> بفتح الجيم

غميضه = حسافه

وشبك =وش فيك

ياملي = اداة تقرب >>> بشد اللام

اروج = استعجل >>> بفتح الألف و كسر الواو

انكس = ارجع >>> بكسر الكاف

مقمامه = مكنسه كهربائيه

كنديشن = مكيف

به = موجود >>> بضم الباء

شرّهـ = علقه >>> بضم الشين

دار المحل = المستودع

مطيطه = بطي

تسفتسير = ملعقه كبيرة يؤخذ بها الطعام

طبليه = حافظة طعام >>> بشد الياء

ميقعه = اناء صغير

لا تزمر = لا ترفع صوتك

ألفقه = الزم الصمت

لسنه = مرض يعقد في اللسان

القابله = غدا

الآبـله = بعد غد

جماهو = اليس كذلك ؟

وغدان = اطفال

انطن = اعطني

ازرقه = دعه لي

ارعص = اضغط

كبيباء = ورق عنب

سويق = ممر ضيق

ييزي = هذا يكفي

شنوحك = ماذا دهاك

هيه = اداة نداء

حتسي = كلام

يلْـبد.....................يختبئ او يتغيّب

قوووه: يعني هيا نذهب


فرقى عين جدي: دعوه بغضب يستخدمها العجايز

يالسلوقي الأزرق: دعوه بغضب يستخدمها الشيبان

يامال الهندري: دعاء له بمرض مع تطير العيون

جرحنيط: سبة العجوز على شي قاهرها

يجدع كتر / يعني يكذب





واحترامي للجميع rooose2

[عبدالرحمن]

يامال الهندري: دعاء له بمرض مع تطير العيون


تطيير العيون شي:)

ابو عبدالله اذا تبي مترجم مجاني :)

شكرا لك اختنا القديرة شموخ
بتذكيرنا بكلمات الاجداد والتي بدات مع الاسف
في الاندثار في السواحل الشرقية!.

[شموخ شمالية]

تطيير العيون شي:)

ابو عبدالله اذا تبي مترجم مجاني :)

شكرا لك اختنا القديرة شموخ
بتذكيرنا بكلمات الاجداد والتي بدات مع الاسف
في الاندثار في السواحل الشرقية!.


أهلآ بحضورك اخوي عبدالرحمن

تصدق ان اكثر هالكلمات مانقولها حنا يالجيل الجديد << ركّز ع الجيل الجديد تبي تهرب من شبح العجز




اكثر الكلمات يقولها كبار السن ....

[ابو ضاري]

اسمع يامنصور حول الفلوس على حسابي بالخاص

تبينن اعطيك كلمات بعد


يعني نعلمك بلاش

[شموخ شمالية]

اسمع يامنصور حول الفلوس على حسابي بالخاص

تبينن اعطيك كلمات بعد


يعني نعلمك بلاش


ابوضاري

منصور ماراح ياخذ منك ولا من عبدالرحمن لانكم لستوا من اهل حايل :)

وراح تكون عندكم اخطاء وتوهقونوه ويرسب بأختبار اللغه الحايليّه:)





ودرس اللغه هذا مخصص لمنصور وللجازي


بالتوفيق لهم :315r:

[الجازي]

ههههههههههههههههههههههههههاي

يرج عدوينك ياشوشو

لي نكسة إن شاء الله <<<< يمديتس بس على التطبيق السريع :)

إلا متى الاختبار !!؟ :7ayyoh:

[شرهه]

يا بدو وش الحتسي هذا





ما فهمت ولا هرجه من الهرجات اللي فوق ...





وحتى سألت عمتي الصنوت ... عنهم وانعقدن حجانه



وقالتلي بالحرف الواحد .... يا غبصا ايش تقولي

[أهداااب]

منصور الغايب ..اقرب جاي




غاد و لا جاي ..:315r:







كنديشن = مكيف



أجل داخله بعض المفردات الأنجليزية في لهجة أهل حايل ..:315r:







قوووه: يعني هيا نذهب





حنا نقول : قوطرّ أي بمعنى ذهب ..:315r:







يعطيك العافية شموخ

بس ما قلتِ لنا الحصة الوحدة بكم ..؟!



تنفع مدهنة سمينه لو أجيبها المره الجاية معي ..:315r:

[-------]

ماشاء الله عليك ياشموخ كان راح علي الدرس

هذا وانا ابي اتعلم لغتكم :36_2_18:


:za3lan:

شنوحك ماقلتي لي :36_2_1:

[هند القاضي]

شيء والله :d:

تقريبا فيهم من القصيم http://www.shmmr.net/vb/images/r_smiles/232r.gif


يسلمووو شموووخه roooose

[شموخ شمالية]

ههههههههههههههههههههههههههاي

يرج عدوينك ياشوشو

لي نكسة إن شاء الله <<<< يمديتس بس على التطبيق السريع :)

إلا متى الاختبار !!؟ :7ayyoh:


هلا بالطربه

انتظر رجعتس ياجدي وترى فيه دروس ثانيه لاتغيبين عنها وترسبين :)

[شموخ شمالية]

يا بدو وش الحتسي هذا





ما فهمت ولا هرجه من الهرجات اللي فوق ...





وحتى سألت عمتي الصنوت ... عنهم وانعقدن حجانه



وقالتلي بالحرف الواحد .... يا غبصا ايش تقولي



أحلى يالحضر :)


سلمي على عمتك وقولي لها تحضر الدرس احسن من مقابل المعزا

وانتي لاتغيبين بعد n)

[شموخ شمالية]

غاد و لا جاي ..:315r:










أجل داخله بعض المفردات الأنجليزية في لهجة أهل حايل ..:315r:











حنا نقول : قوطرّ أي بمعنى ذهب ..:315r:







يعطيك العافية شموخ

بس ما قلتِ لنا الحصة الوحدة بكم ..؟!



تنفع مدهنة سمينه لو أجيبها المره الجاية معي ..:315r:


هلا هدوبه

الدرس مجاني ياملي


بس لاتغيبين وترى فيه دروس ثانيه بعد :7ayyoh:

[سلطااان السويري]

وين بوه بالقصيم:)

[شموخ شمالية]

ماشاء الله عليك ياشموخ كان راح علي الدرس

هذا وانا ابي اتعلم لغتكم :36_2_18:


:za3lan:

شنوحك ماقلتي لي :36_2_1:



هلا أيثار

وتسلمين على حضور الدرس الاول وان شاءالله تنجحين لانك تحبين شمـّر وعلشان كذا
لازم تحضرين كل الدروس

الى الامام ايتها الطالبة المؤدبه:315r:

[شموخ شمالية]

شيء والله :d:

تقريبا فيهم من القصيم http://www.shmmr.net/vb/images/r_smiles/232r.gif


يسلمووو شموووخه roooose

يسلم لي مرورك ياجدي

صحيح اكثر الكلمات فيها من القصيم


هااه لاتنسين تحضرين الدرس وهاتي لنا من لهجة القصيم

[شموخ شمالية]

وين بوه بالقصيم:)


شنوحك تقل ماتبي تحضر الدروس :za3lan:

[سلطااان السويري]

^

من قالتس اني مابي احضر الدرس


<<<< معه براشيم:)

[شموخ شمالية]

الدرس الثاني ......:7ayyoh:



ياعزوتى=اى الذى اعتز وانتخى به


بووو ه=موجود وهى تستعمل بالقاموس القصيمى



العردز=دعوه من دعوات العجز >>> الله يكفيكم شرّها مثل ياملا العردز(العرق)



البلش=مثلها



الشربه= دعوه معناها يدخلك البرد بفتح الشين والراااء



طخمه=مزيون



طربه=محترم او اخلاق بفتح الطااااااء




ورس=احمرشفايف(روج)



مبرهج=اى مفتوح ونطقها بضم الميم وفتح البقيه



مجفى=عكس الكلمه التى اعلاه

يجدع=يرمى



ياتسبد أبو من لي تسبدك : تقال تعاطفاً مع الغير زي الولد سوى حادث ولا مصيبه




يالمارج : تقال للداشر يعني الفاسد مثل اللي يشرب الدخان

[شموخ شمالية]

^

من قالتس اني مابي احضر الدرس


<<<< معه براشيم:)


زين أجل أسجل اسمك ضمن الطلاب وشرهه هي العريف :)>> يادزلة عــّزي والله


وانتبه لاتغششك شرهه تراه توهقك

[سلطااان السويري]

ياتسبد أبو من لي تسبدك تسنه جازتلي:)

[المشرف العام]

/

خلني اجرب

انتي عندك سالفه او نسخ ولصق :)


.

.

ترجميلي هالمداعي :) وهي اسماء للبعض الامراض قديما


الشويهيتزه [ تكتب شويهيقه ]

البازخ

البلش

إحميتسزه [ تكتب حميقه ] :)


ابو دمغه


السويدا

/

لي رجعه ان شاء الله تعالى :)

[قـــوت]

انا دكتوراه :)


شموخ اذا بلشتي بشي من مداعي الريّس دقي علي بيجر




يازين الحكي زيناااه خخخ

[جمران]

حسبي الله ونعم الوكيل



كيف اوجعنن حنوكي


ياما افرهن يمين ياما افرهن يسار


شموخ



هذا كنت في زياره لديرتكم حايل بالفتره الماضيه



واذا بي اتفاجئ بواحدن يقول لي


ياملا الهشله


فهلا ترجمتي لي مامقصوده؟

[أهداااب]

فرقى عين جدي: دعوه بغضب يستخدمها العجايز


جرحنيط: سبة العجوز على شي قاهرها



العردز=دعوه من دعوات العجز >>> الله يكفيكم شرّها مثل ياملا العردز(العرق)










شموخ ..


وش نوح دعاوي العجايز عندكم واجد ..:315r:











ياتسبد أبو من لي تسبدك : تقال تعاطفاً مع الغير زي الولد سوى حادث ولا مصيبه









و حنا بعد نقول لتعاطف : يا روحي من روحك ..:315r:





في مفردات واجد عندكم تستخدم عندنا ..


بس حنا أهل الشمالية الغربية داخله في لهجتنا كثير من المفردات

الحجازية و الشامية ..





كوكتيل الله و كيلك ،،:315r:

[منصور الغايب]

الله يعين :(


قاعد اردد الكلمات وحدة وحدة :)


تصدقين الانجليزي أسهل ...!!


عموما ... انا موافق على التعلم ... بس هااااااااااا فلوس ما فيه ...


إذا تبيني أعلمك اللهجة الجشعمية أنا حاضر :)

وأبد اللهجة الجشعمية سهلة ... واسألوا عبدالرحمن عنه :)

ومنها نسوي تبادل ثقافات بين الشعوب !!

مثال يعني :

يملا اليّمدة <<< دعوة

ولَك <<< أداة خطاب إذا احتد النقاش ..

يميل <<< كلمة موهمة تعني شئ معروف بين اثنين .

قبر <<< دعوة بالموت

والأمثلة كثيرة جدا :)

[أبــو عبدالعزيز]

هنالك كلمات دخيله علينا حقيقةً حتى وإن نتحدثها
القصد إن الأباء والأجداد لم يكونوا يتحدثوها
فقد أتتنا من القصيم وغيرها من المناطق

كل الشكر

[ابو ضاري]

ابي البس باكستاني وابي احضر الدرس

ومعي ابو غازي

القيله = طلعة البر

مشراق = مكان تجيه الشمس الصبح ويحبه الشيبان والعجز

انا عريف الدرس

[عبدالرحمن]

ترجميلي هالمداعي وهي اسماء للبعض الامراض قديما



الشويهيتزه [ تكتب شويهيقه ]


مرض يصيب قريب من السعال الديكي:)

البازخ
يسمى اليوم بالخاز باز:)


البلش
الورطة:a:


[ تكتب حميقه ]
إحميتسزة
حالة ربو مصحوبة بتشج الغصبات الهوائية:)


ابو دمغه
يسمى اليوم انهاك حراري او ضربة شمس:)



السويدا
هذي تخلي الواحد الظهر الحمر يعض شليلوه وينحر الطعوس:a:

قلت اجرب نفسي مع مفردات الشيبان :)

[المشرف العام]

ترجميلي هالمداعي وهي اسماء للبعض الامراض قديما




مرض يصيب قريب من السعال الديكي:)

يسمى اليوم بالخاز باز:)


الورطة:a:


حالة ربو مصحوبة بتشج الغصبات الهوائية:)


يسمى اليوم انهاك حراري او ضربة شمس:)



هذي تخلي الواحد الظهر الحمر يعض شليلوه وينحر الطعوس:a:

قلت اجرب نفسي مع مفردات الشيبان :)



اسم الله هذا من وين نقز بحلقي :)

لو ادري انه انت اللي بتصير قدامي .. تسان ياطربتي جب لك مفردات ترجعك 80 سنه ورا :)


/

/

يعني اجابتك نهائيه ؟


انصحك تتراجع :)

[الجازي]

شوشو وش رايتس يابعدي تجين أنت للرياض ونتفاهم بلهجة وسط بيننا وبينكم :)

ماش كأن حماسي لزيارة حايل بدا يخف شوي عقب هالمصطلحات اللي طلعت :)
بالله عسى مو هنودكم يحتسون مثل حتسيكم <<< لو حصل وجيت وضيعت وأبي هندي المحطة يوصف لي :7ayyoh:

[شموخ شمالية]

/

خلني اجرب

انتي عندك سالفه او نسخ ولصق :)


.

.

ترجميلي هالمداعي :) وهي اسماء للبعض الامراض قديما


الشويهيتزه [ تكتب شويهيقه ]

البازخ

البلش

إحميتسزه [ تكتب حميقه ] :)


ابو دمغه


السويدا

/

لي رجعه ان شاء الله تعالى :)


أهلآ بك

بعض الكلمات أخذتها من جدي وأمي وبعضها من منتديات حايليه

اما المدعاي اللي انت جايب لازم استعين بصديق اللي هو جدي او عمي << توهقت :)





شكرآ لمرورك.....وأنتظر رجعتك بس اذا تبي تجيب مثل هذولي لاتجي من غير شر shlwee7

[شموخ شمالية]

انا دكتوراه :)


شموخ اذا بلشتي بشي من مداعي الريّس دقي علي بيجر




يازين الحكي زيناااه خخخ


هلا بتس

تكفين تعالي بجنبي أبيك مدرسه معي :)

[شموخ شمالية]

حسبي الله ونعم الوكيل



كيف اوجعنن حنوكي


ياما افرهن يمين ياما افرهن يسار


شموخ



هذا كنت في زياره لديرتكم حايل بالفتره الماضيه



واذا بي اتفاجئ بواحدن يقول لي


ياملا الهشله


فهلا ترجمتي لي مامقصوده؟


هلابك اخوي سلطان


والله يااخوي اسمع هالمدعاة بس مدري وش معناه

مير راح أرفع طلبك لجدي وهو اللي راح يترجم هالكلمة :315r:

[سلطااان السويري]

متى الدرس الثالث انشالله:)


ريال ياملا ابو دمغه حسب مافهمت بالدرس خوش دعوه:)

[شرهه]

^

يا مشاء ربي عليك ... فاهم حيل





يا ملا التسفتسير اللي يصقعك بالجبهه ... >>>على حسب ما فهمت ان التسفتسير يجلب الحظ

[سلطااان السويري]

^

ياملا والله القناه الي ترنتس بين الحجاجين <<<< على حسب ماسمعت القناه هي تستخدم لمشاهده البث التلفزيوني:)

[عبدالله الجعيثن]

يبحّر لهم



ويقول: لا وادزلت عزي


لاوادزلت واليّي


من وين تنبج عليكم العافيه وهن يتحوّفنكم

مادام " ريا وسكينه " المدرسات



بالحتسي الشمري البحت....عندي دكتوراه:a:....واحطكم على شنق:315r:

[متعجب]

البَلَشْ...الورطة !!!!

/
/

يا عبدالرحمن.. انصحك بالتراجع كما قيل

[شرهه]

^

ايه انصحه اغديه يسمع منك ...

[شموخ شمالية]

الله يعين :(


قاعد اردد الكلمات وحدة وحدة :)


تصدقين الانجليزي أسهل ...!!


عموما ... انا موافق على التعلم ... بس هااااااااااا فلوس ما فيه ...


إذا تبيني أعلمك اللهجة الجشعمية أنا حاضر :)

وأبد اللهجة الجشعمية سهلة ... واسألوا عبدالرحمن عنه :)

ومنها نسوي تبادل ثقافات بين الشعوب !!

مثال يعني :

يملا اليّمدة <<< دعوة

ولَك <<< أداة خطاب إذا احتد النقاش ..

يميل <<< كلمة موهمة تعني شئ معروف بين اثنين .

قبر <<< دعوة بالموت

والأمثلة كثيرة جدا :)


أهلآ بــ منصور الطيب



ياأخي تصدق لهجتنا أسهل :)

ياحليلنا ياحنــّا :315r:



:3ayyen_khair: سجل عندك طالبة جديده لتعلّـم اللهجه الجشعميه


تابع الدرس وانا خالتك لاتاخذ الجازي عليكم الاول

[شموخ شمالية]

شوشو وش رايتس يابعدي تجين أنت للرياض ونتفاهم بلهجة وسط بيننا وبينكم :)

ماش كأن حماسي لزيارة حايل بدا يخف شوي عقب هالمصطلحات اللي طلعت :)
بالله عسى مو هنودكم يحتسون مثل حتسيكم <<< لو حصل وجيت وضيعت وأبي هندي المحطة يوصف لي :7ayyoh:


هلا بالطربه ....هلا بــ ملي ....هلا عزوتي ...

الا شنوح ماتبين تجين بهاه :)

كل هذا علشان صعوبة اللهجه .....تعلـّمي وراح تحبيها أكثر

وتصدقين اكثر اللي مكتوب هنا مانقوله اكثر الللي يقولونه الكبار شيباننا والعجز :)




تعوّي من ابليس وتعالي rooose2

[شموخ شمالية]

هنالك كلمات دخيله علينا حقيقةً حتى وإن نتحدثها
القصد إن الأباء والأجداد لم يكونوا يتحدثوها
فقد أتتنا من القصيم وغيرها من المناطق

كل الشكر


هلابك اخوي ابوعبدالعزيز


اعتقد ان كلام القصيم وحايل نفس بعض ...بس فيه اختلاف بسيط

وبعض الكلمات الموجوده يتكلم فيها اهل الشمال عامة وبعضهم حصرية لعروس الشمال


شكرآ لحضورك

[شموخ شمالية]

عبدالرحمن :7ayyoh:

متعجب :7ayyoh:




سلطان السويري والشهبا

موقوفين بالحوش وارفعوا يديكم ولااشوفكم بالصف الا بعد الاختبارات :)




ابوغازي
ولـّم المخطر ولاترحمهم

[عبدالرحمن]

انصحك بالتراجع
خلاص من شرحنا هونا:)
ومن شرح المفردات الغبصا عزلنا:)
لوصار من الدرس الاول انطردنا!
ولمتعجب والشهبا المتصفح تركنا:)

[ام الرغفان]

الصراحه فيه كلمات. ولامره بحياتي سمعتهن


يعطيك العافيه. أعجبتن الدعاوي بروح ادعي ع خواتي «بسم الله عليهن

[أبــو عبدالعزيز]

حينما يرغب شخص بالذهاب استغفالاً
يقال له لاتنس >>>>> كرة تنس :)
ولو تلاحظون كرة التنس سميت تنس لصغر حجم الكرة ومراوغ اللاعبين لبعض ومحاولة مغافله أحدهما للآخر

وترى لهجتنا قديمة قبل لا تظهر لعبة كرة التنس .

اللي أحب ان ابينه أنه كان عندي زمان مشاريع أيام كنت ادرس ألفية ابن مالك
مرت علي كلامات في الأمثلة اللي اوردها وكأن أحد شيباننا يتحدث بها !

فكثير من الكلمات التي نستخدمها في لهجتنا أصلها عربي قح !

وليس يحضرني الكتاب حتى أتذكرها الآن