بحث موجز عن امر اء وشيوخ واعيان من قبيلة شمر

[ابوتررركي]

بحث موجز عن :


" أمراء وشيوخ وأعيان من قبيلة شمر " : على سبيل الايجاز لا الحصر
لان شمر لايمكن ان نحصي شيوخهم واعيانهم بمجرد بحث متواضع فليعذرني من نسينا ان نذكرهم . فليتفضل من له اضافه مشكورا :


1 - أسرة الجربا وهم أكبر واشهر شيوخ شمر ، نزحوا من نجد الى العراق وأستولوا على ما يسمى بجزيرة شمر وهي من أفضل الأراضي العراقيه الزراعيه نزح مع الجرباعدد كبير من شمر من الخرصه ومن عبده ومن سنجاره .
2 - أسرة ال علي من الجعفر من عبده من شمر هم أكبر شيوخ عبده وشمر وأقدمهم ، ومن العلي ابن رشيد الذي حكم حائل وتوسعت دولة شمر في حكم ال رشيد الكرام حتى شملت نجد كلها .
3-أسرة ال رشيد المعروفه حكام حائل المشهورين من العلي من الجعفر من عبده من شمر وهم ال عبد الله وال عبيد وال جبر .
4- ال طواله ابن طواله من شيوخ وأمراء عشيرة الأسلم من شمر ، ومن زعمائها المشهورين .
5-الشيخ ابن بقار من الاسلم اقدم الشيوخ المشهورين بشمر وعلمه قديم
6- ال هباس ابن هباس من أمراء الويبار في نجد ، ورئيس مركز روضة الهباس في رفحاء
7- التمياط : شيوخ التومان ومن أكبر شيوخ شمر وأشهرها ، ومن زعماء الصايح في نجد .
8- الرمال ابن رمال أهل مدينة جبه وأمرائها ومن شيوخ الغفيله من شمر .
9-الشريم ابن شريم من شيوخ اليحيا أحد فروع عشيرة عبده من شمر ، ومن زعمائها البارزين .
10- العجل ابن عجل من أكبر شيوخ عبده من شمر في العراق ، ومن زعمائها البارعين .
11- الثنيان ابن ثنيان من شيوخ وأمراء الزميل من سنجاره من شمر .
12- القعيط ابن قعيط من شيوخ الخرصه من شمر .
13- الجبرين ابن جبرين من شيوخ المفضل من عبده من شمر .
14- الوبير من أقدم شيوخ العفاريت من الربيعيه من عبده من شمر .
15- الجدي ابن جدي من شيوخ الجدي واقدم شيوخ الربيعيه من عبده من شمر .
16- ال مزيد ابن مزيد من شيوخ وأمراء مدينة المجمعه في الماضي من الويبار من عبده من شمر.
17-الرمان ابن رمان من أمراء مدينة تيماء المعروفه من سنجاره من قبيلة شمر .
18-أبا الميخ من أقدم شيوخ اليحيا من عبده من شمر .
19- ابن غالب من أمراء مدينة موقق ، وأغلب أهلها من الغفيله من شمر .
20- العراك ابن عراك من شيوخ الزقاريط من الربيعيه من عبده من شمر .
21- ابن طلاع من أمراء الزقاريط من عبده من شمر .
22- ابن عمود من شيوخ العمود من زوبع من شمر .
23- الصديد من زعماء شمر ويعد زعيم الصايح في العراق ، من زوبع من شمر .
24- ال غرير أبناء عدي بن حاتم الطائي المشهور .
25-ابن سعدي من كبار عوارف شمر ، من الخرصه .
26-ابن سوقي من أشهر شيوخ العفاريت من عبده من شمر .
27- المجيحيم من أمراء العفاريت من عبده من شمر .
28- السعيّد ابن سعيّد من اشهر واقدم شيوخ الدغيرات أولاد علي من عبده من قبيلة شمر
ومنهم معشي الذيب القصه المعروفه بالطيب والكرم .
29-ال سبهان من أعيان عبده من شمر ، وأبناء عمومة ال علي وال رشيد من الجعفر من عبده من شمر .
30- الربع من أمراء الربعه من سنجاره من شمر .
31- التبيناوي من شيوخ الشريهه من الدغيرات من عبده من شمر ، ومنهم الشاعر والفارس / مبيريك التبيناوي .
32- الوتيد ابن وتيد من أمراء الفداغه من سنجاره من شمر .
33- ابن جبهان من أمراء الجنده من اليحيا من عبده من شمر .
34-الفديد من أمراء الجري من اليحيا من عبده من شمر .
35- ابن رباح من أمراء الغيثه من الدغيرات من عبده من شمر
36-ال نهير ابن نهير من شيوخ وأمراء الويبار في نجد من عبده من شمر ، ومن زعمائها المعروفين .
37-الشيخ وابن حسان من شيوخ الاسلم المشهورين ولهم علم طيب
38- الشيخ ابن عياده من الاسلم ومن الشيوخ المشهورين بشمر
39 -الشيخ واللغيصم من شيوخ الاسلم المشهورين ولهم صيت وعلم طيب
40- الشيخ والوجعان من الاسلم من شمر
41-الشيخ والبرازي من الاسلم من شمر
42- و الشيخ ابن بدر من الاسلم من شمر
43- و الشيخ ابن سراي من الاسلم من شمر
44- و الشيخ القحيص من الاسلم من شمر
45- و الشيخ الكتفاء من الاسلم من شمر
46- الشيخ ابن هزاع من كبار شيوخ الشريهة من الدغيرات من شمر
47- الشيخ ابن رخيص من الزميل من شمر من الشيوخ المعروفين
48- الشلقان من الزميل من الشيوخ المعروفين ولهم قصص طيبه مثل خوة الشلقان من شمر اصبح مثل بالطيب والخوه الطيبه
49- ابن زويمل من القني من سنجاره من الشيوخ المعروفين
50- الهربيد من السويد من الشيوخ المعروفين ومنهم عدوان الهربيد
51- الشيخ ابن دايس من الخرصه من شمر
52- الدوح من كبار شيوخ الحسين المجلى وايضا الدغيرات ومن الشيوخ المعروفين ولهم قصص مشهوره
53-ابن عردان من السلمان من الزميل من الشيوخ المعروفين بشمر
54-ابن غازي من العليان الدغيرات من شمر ومنهم الشيخ مغير بن غازي
55- ابن جندل من الغيثه من الدغيرات من شمر
56- الشيخ ابن شريعيب من الحريره من الصايح من شمر
57- الشيخ ابن مخيدش من الجري من اليحيا من شمر
58- الشيخ ابن عايش من التومان من شمر
59- الشيخ الحدب من الثابت من شمر
60 الشيخ ابن دويهم من الشميله من اليحيا من عبده من شمر
61-الشيخ ابن عقلا من السليط من اليحيا من عبده من شمر
62-الشيخ سالم بن عيد بن حمدان من الهمزان من الاسلم من شمر



قابل للاضافه والزياده وله الشكر


من قول

[أبو فهد]

أخي أبو تركي جزاك الله خير على هالعمل الذي أسأل المولى سبحانه أن يكتبه لك



لي ملحوظة على ما كتبت



فبعض الأفخاذ ليس لها شيوخ يكفونها لا أمس و لا اليوم


و البعض كانت شيخته نوعا من الزعامة


و البعض مبالغ في شيخته نوعا ماء




ككل مجهود مبارك بإذن الله



و اعذرن عن التفصيل في كلامي لأن ذلك سيكون له أثر سلبي على الموضوع و على الإخوة أبناء العمومة




شكرا لك




-----------------
أبو فهد الهمزاني

[الحيمري]

[CENTER][CENTER][CENTER][CENTER][CENTER][QUOTE=ابوتررركي;990099][CENTER]بحث موجز عن :


" أمراء وشيوخ وأعيان من قبيلة شمر " : على سبيل الايجاز لا الحصر
لان شمر لايمكن ان نحصي شيوخهم واعيانهم بمجرد بحث متواضع فليعذرني من نسينا ان نذكرهم . فليتفضل من له اضافه مشكورا :


1 - أسرة الجربا وهم أكبر واشهر شيوخ شمر ، نزحوا من نجد الى العراق وأستولوا على ما يسمى بجزيرة شمر وهي من أفضل الأراضي العراقيه الزراعيه نزح مع الجرباعدد كبير من شمر من الخرصه ومن عبده ومن سنجاره .
2 - أسرة ال علي من الجعفر من عبده من شمر هم أكبر شيوخ عبده وشمر وأقدمهم ، ومن العلي ابن رشيد الذي حكم حائل وتوسعت دولة شمر في حكم ال رشيد الكرام حتى شملت نجد كلها .
3-أسرة ال رشيد المعروفه حكام حائل المشهورين من العلي من الجعفر من عبده من شمر وهم ال عبد الله وال عبيد وال جبر .






الاخ ابوترررركي
مجهود تشكر عليه شمر له شيوخ وفريس كثيره ومعروفه لكن فيه ملاحظه
اولا/ اللي يكف عبده قاطبه

هم العيسى فقط من العلي وحكام حايل قبل الرشيد واسم العلي تجمع عده فخوذ من الجعفر
ثانيا/ صحيح ان الجبر من الرشيد لكن اللي اسس حكم الرشيد
هم عيال علي الرشيد/عبدالله واخوه عبيد عام1250 هـ

ولك الشكر

[الكاتم]

الاخ ابوتركي
اجتهادك تشكر عليه
لكن
ذكرت من الدغيرات اسماء وغاب عنك الشيخ مفتاح الغيثي راعي المناخ المشهور حمّاي السمارين؟!!!!!!!!!!

[هزاع العواجي]

السلام عليكم ورحمة الله وبركاته

ابو تركي يعطيك العافيه مجهود عضيم تشكر عليه


بس انا لي استفسار بسيط عن

القعيط انا ماسمعت انه شيخ فارس ولا فيه كلام بس ماسمعت انه شيخ (ابوتركي)

وكذالك مفتاح الغيثي ايضا ماسمعت انه شيخ فارس ومحنك ولا فيه كلام (الكاتم)

ودي

[الكاتم]

السلام عليكم ورحمة الله وبركاته

ابو تركي يعطيك العافيه مجهود عضيم تشكر عليه


بس انا لي استفسار بسيط عن

القعيط انا ماسمعت انه شيخ فارس ولا فيه كلام بس ماسمعت انه شيخ (ابوتركي)

وكذالك مفتاح الغيثي ايضا ماسمعت انه شيخ فارس ومحنك ولا فيه كلام (الكاتم)

ودي
هزاع العواجي

العواجيه بالذات هم اكثر الناس علم بالقعيط ومفتاح الغيثي
لكن صغر سنك 22 يشفع لك بتساؤلك
انشد شيبانكم ويعلمونك ولا تنتقص الشيوخ يالغالي

[هزاع العواجي]

الكاتم
ما احد جا من بطن امه متعلم ولو مانسأل ماتعلمنا ولا عرفنا والسؤال مفتاح العلم

ووالله انك صادق اي والله حنا اعرف الناس بهايس القعيط علشان كذا انا استغربت يوم تقولون شيخ

لان هايس دوسري وشلون يشيخ على شمر يالكاتم؟؟؟؟؟؟؟

ومفتاح الغيثي ماسبيته قلت لك انه فارس بس ماسمعت انه شيخ راعي دنيا اما انه شيخ ماسمعته حتى عند الغيثه

وهذي السوالف الي عندي يالكاتم

بس ترا انا متأكد لو انا وياك متقابلين ماتتكلم معي في هالاسلوب بس عاد الله يعز النت

[هزاع العواجي]

والله اعلم ان لو اني صغير سن اني اعرف اكثر منك

ويمكن بعد اني اقص لك حتى انت

[الكاتم]

انتبه للاسلوب اخي الكريم واعلم انك بمضايف شمر فاحترم المكان واهله
ان كنت جاي تعلم فأبشر هذا رد منقول للاخ راكان المعجل يوفي ويكفي للتعريف بالشيخ مفتاح الغيثي
*******************
السلام عليكم ورحمة الله وبركاته

عندما ننظر بالشبكه العنكبوتيه نجد كثير من التحريف بالقصص والقصائد ويتم دمج قصيدتين وكأنهن قصيده واحده ويجعلون من قصيده الشاعر الفلاني لغيره وهكذا وعندما دخلت مع أخوي فواز الغسلان في حوار معركه كير كنت أظن أننا سوف نكمل هذا الحوار حتى تغير المسار من معارك مطير وشمر الى معارك عنزه وشمر فحبيت أن يكون موضوع معارك عنزه وشمر مستقل عن معارك مطير وشمر لكي لاتتداخل الامور وأظنه هذا هو الافضل وأردت أن أروي بأختصار جميع مواجهات عنزه وشمر بزمن معين وبلهجه بدويه قريبه من القلب.
بالنسبه لمواقع شمر وعنزه ( العواجيه ) فلم تنتصر عنزه الا بالتنهات وهذا ماجعل مبيريك يصوم عن الرد سنه كامله لين جت قمعه (الخطه) وسوف أرتب الموضوع ليكون أكثر سلاسه وفائده وأعذروني عن التقصير وعن عدم جلب بعض القصائد التي بها شبهه أو تزعل أحد منا ..
بالنسبه لترتيب المواقع فهيا:-
*- سبطر (ذوره)وأنتصره شمر فيها وتم أخذ سيف وفرس عقاب وتم خصي الجروع وهو أحد فرسان الجعافره من عنزه عندما خصاه رحيل الجذل الشريهي بضربه بالبندق مع محاشمه
وقال مبيريك:
بشر عقاب بان وجه المظاهيـر
نبي نقاربهـم ولابـه مـراواه
سرنا تحت حكمات وال المقادير
والعمر مايبقيه كثـر المـداراه
ياما شرينا بالسنيـن المعاسيـر
من بندق غالي ثمنهـا ومشـراه
طبعٍ لهلنا كان جمع العدوا ذير
ونثني الياحل القضا والمثـاراه
وقال مبيريك ويرد على سعدون بعد قمعه:
عقـاب ماسبـه ولاسـب حليـاه
الياجت على ركب المهار الاصايل
مار نجس من الهامه الياحد ماطاه
نجاستـه ماهـي بكـل القبـايـل
شره على اللي نازل مـن تـوالاه
له منكب في رفـه الجـار مايـل
الى أن قال :
وابا الوقي يالبيض خضب(ن) يمناه
أنشهد أنه مـن رفـاع الحمايـل
السيف من يمنـا عقـاب خذينـاه
والخيل بـدل كدشهـن بالأصايـل
من فعلنا بعت أطيب الخيل بـرداه
واحلوا بيع المنسمح يابـن وايـل
والجروع اللي يوم ذوره خصينـاه
خصاه من ربعي مشيـل الثقايـل

*-بيضا نثيل بدون حرب وقد كانت عنزه نازله الجهرا وارسلوا لمسلط التمياط بأن يرحل عن بيضا نثيل .
قال سعدون العواجي:
راكب اللي مالهجها الجنينا
ماهي وحدها ثامنه له ثمانا
تلفي لمسلط ترثه الغانمينـا
تنزحوا عن جوكم صار مانا
الى أن قال:
وعدونا نجيه لـو مايجينـا
ونضفي على عدونا من عيانا
ورحل مسلط وترك نياقه بالفلاه ويوم جاء العصر وهن يطلعن على الماء وهم يتقاطعونهن عنزه ويحلف عليهم سعدون وقال الرجل اللي حقن دم شمر وعنزه مايستاهل أنه يوخذ حلاله وأسقوهن واتبعن شمر..

*-التنهات وهي بعد أزاحه مسلط من بيضانثيل حس بالغبن ومراره الحيف فأراد إسترداد الجو من عنزه ويوم وقع المطر وهو يغير مسلط ومن معه من التومان وبعض شمر على دبش عنزه وهم
يأخذون الحلال وتطلبهم عنزه ويطلعون التومان واللي معهم من شمر من الدبش ويذبح جريس ويوم التفت مسلط يمار هذي راس فرس عقاب عنده وهو يسحب السيف ويضربه وينشب السيف براسه وهي تصطفق وهو يغشاه الدم ويفك الله مسلط .
ويقصد سعدون ويقول:
راكب من عندنا فوق نسـاس
عفون الياما زل حموا القوايل
لولاد وايل مرويه كل عباس
ومكلليـن شذرتـه بالفعايـل
الى أن قال:
ركض علينا مسلط دايـخ الـراس
وجاه العقاب الصيرمي فوق حايل
ورمى عليك السيف وأعذر باللباس
وراحت تقمزبه ضبـي المسايـل
في روضه التنهات جدعن الالباس
وذبـح اليامـا جيـت بيضانثايـل
الى أن قال:
وجريس خلي يوم الارياق يبـاس
وياويل مسلط عقب واف الخصايل
وقالوا شمر ليه يامبيريك ماترد على سعدون قال يالربع والله لو هي على وجه حق أني ما أرده بس وش أقول بيضانثيل وخذه وجريس أنذبح ومسلط ياألله طلع هو وبعض اللي معه وش تبونن أقول ويصوم عن القصيد سنه تقريباً الى أن جت قمعه.
يتبع ...

[الكاتم]

*-قمعه وهي المعركه التي أنتصره بها شمر أنتصار رهيب وهي أن الدغيرات مع مفتاح الغيثي نزلوا الخطه وتجي عنزه يبون الربيع ديارهم محل هكا السنه وهم ينحدرون ويتقشمون طويه ويمار به المرمش زارع له زرع وهم يعذرون الخيل بزراعه المرمش وهم ينحدرون وينزلون بالطوال فوقي الخطه والدغيرات بالحقيبه عند التيم بشرقي الخطه وهو يرسل سعدون عقاب ومعه بعض وجيه عنزه يم مفتاح يطلبونه صحبه يمايقضي العشب والربيع وسكت مفتاح وهو يدري أنه مايقوى لعنزه لان عنزه بقمعه تجمعوا الايدى والمرتعد والعواجيه ومفتاح مامعه غير الدغيرات وقال مفتاح والله حنا ماحنا قايلين لكم شي لكن أن أعرضت لكم من غيرنا ماحنا ساكتين قال مبيريك التبيناوي ليه ياعقاب قبل لاتعذر خيلك بمزرعه المرمش ماأركبت على الشيخ مفتاح وطلبته الصحبه وأنت يوم أنك نزلت عند اروقه بيوتنا جاي تطلب الصحبه قال الله يهديك يامبيريك والله ماهنا نيت سوء والشيخ مفتاح سمح لنا الله يبيض وجهه ويرجع عقاب قال ياعنزه الشيخ مفتاح سمح لنا بس والله أني خايف من مبيريك لايعمل له شي والله أني خايف من كلمته يوم يقول ليه قبل ماتعذر خيلك بمزرعه المرمش ماأركبت لنا .ومبيريك عنده فلاح العصلب من حسين المجلا يمار لفلاح ذلول طيبه ماتلحق قال مبيريك وين فلاح قال عينيك وعين عيونك قال أبيك تركب وتطلع من هنا وياطلعت من خريبه البطن تشوف نزلين اللي يسار تره مسلط اللي بشنق عثامين
والنزل اللي بخشم الفهده شرق منك دون الجل تروه عدوان الطواله والنزل اللي قريب لك حط عباتك على رقبه الذلول ويوم طلع مع البطن وينزل عليهم يامار اللي قريب منه نزل مسلط وهم يفوعون يمه الخبر قال أنا مرسلن مبيريك يقول هذي عنزه نزلت الخطه على التيم وحنا وياهم الرواق على الرواق ويرسل مسلط لعدوان ويجتمعون وش الراي قال عدوان نبي نصول صوله بالمظاهير ويامننا جينا دون التيم نبي نخلي الحلل والدبش والحريم ونبي نصبحهم ويتفقون على هالشي ويوم جو جبله وهم يتركون الحريم والحلال وهم يروحون على مفتاح ومبيريك ويصير مسلط عند مفتاح وعدوان عند مبيريك وهم يتعشون قالوا هاه وش الرأي قالوا أنت يامسلط خلك فوقي الخطه من عند الطوال وأنت ياعدوان خلك من عند الحميمه ومن عند صبروات وحنا يالدغيرات نبي نحفر المتاريس من عند أروقه بيوتهم ونصبحهم وفعلاً ويصير صباح قمعه ولايطلعون عنزه الا على ظهور الخيل ويطردهم مسلط يما عقبهم موقق يبي ثار جريس من عقاب وهم يستولون على عنزه وعلى بيوته وحلاله حتى المعاميل والنساء ولكن مبيريك قال للحريم أنتن بوجهي عن شمر يما تجونا أهلكم ويزملهن ويروحن ويردن على راعي طويه يمار مركبات نوت على البعير اللي عليه الصمالات وهو يضحك عليهن المرمش ويروون من عنده ويوم جوا أهلهن يمار ماعند عنزه بيت وهم بطرحون غراب الصلبي وهم يبنون بيته للحريم ومن ضمن الحريم بنت الضريغط والضريغط عند عنزه هو العارفه ومبيريك أعطى عباته لبنت الضريغط ويوم قالوا ليه يامبيريك تعطي عباتك لبنت الظريغط ليه ماعطيته نوت قال أبي أبوه يتذكر هالعبات ياتطالبنا عند عنزه وفعلن صار بينه وبين شهوان الومد هكا المطالب..
ويقول مبيريك التبيناوي بعد صومه عن القصيد حول السنه لين شاف فعل ربعه بعنزه ويرد على سعدون على قصيدته بروضه التنهات :
ياراكب من عندنـا فـوق نسـاس
عفون اليامـا زل حمـوا القوايـل
ولد ذلول يلهجـه سبعـه أجـلاس
ورى تمـام غـذاه عاميـن حايـل
ياماغداء ماتصطغ الخيل لـه راس
وراعيه لو ياطاء الخطر مايسايـل
كنه ظليم جافـل شـاف الاونـاس
متذيـرن مـن ناقلـيـن الفتـايـل
فوقه صدوق الهرج قطاع الامراس
يـدي لسعـدون علـوم الصمايـل
بالكذب ياسعدون دهويت لك نـاس
طمـع بديـرة كاسبيـن النفـايـل
خمك عشيرك زبن وندات الافراس
زبن الحصان ليـا جـذى بالدبايـل
نزه الشوارب مايقـرب للأدنـاس
ألوى على زمله من البطن صايـل
لياما صبخ راسك براس من النـاس
وتقاحصت صم الأمهار الاصايـل
ياما عزلكم مسلط قاسـي الـراس
عن الطرش والمظهور عزل العدايل
فجاء غرات العداء عقـب الايـاس
على النقاء عزله قـراح الشمايـل
إلى أن قال
في رأي أخو نوره شفاتي من الناس
اللي نقل غيضك ولا هـو مسايـل
وخليت كيف الربع دلـه ومحمـاس
ونجرٍ يداوي عن عمـاس القوايـل
وبنات من فـرق مكانيـز الاكيـاس
دلت تدجـج بـي محـاس القبايـل
والديك خلي صوب مزبور الاطعاس
بالـدو ماحولـه عريـبٍ مسايـل
ومحصنات دروعكم هي والالبـاس
جبناه فـي يـوم يـداوي الغلايـل
الى أن قال:
كان العقاب الصيرمي بينكم داس
خلاك تصلاك الشماس القوايـل
أنا أحمد اللي قادها لك بالأياس
ياما أستردينا الديـون الاوايـل
ولما سمع عقلا الجهيلي بالمعركه وكان عند الجربان هو وصالح الظلماوي وكان يقصد بالجربان يقول:
أجدع يدك مع هاك اليدينـا
على عبيطن دب الايام بيسار
وفي يوم من الايام سلم صالح على الجهيلي ولارد الجهيلي زعلان عقب ماسمع بمعارك شمر بنجد وتقابلوا على العشاء وقال صالح الظلماوي ليه مارديت ياعقلا يوم أسلم عليك قال عقلا:
عجـسـت أهلـيـبـك يـاصـالـح الظـلـمـاوي
ياجـاء الغـداء هليـنـا والحـيـن مـانـى قــاوي
ياسبـع أبـو مـع أربـع ياللـي تصـيـر فــداوي.......

وقال :
مبيريك هي صدق علـوم لفتنـا
ياشيخ ماتاقف وتزعج لنا صـوت
دنياك هـذي بالجزيـره رمتنـا
كسبي ونيني يوم كسبك جمل نوت
ياما على هـاك الجرايـر نهتنـا
وأبن أدم مايشبع الا من المـوت
وقال الجهيلي عقب ضفره ونستشهد به لأنه جاب ذكر الطواله بقمعه:
ياعيال يركاب مثـل الشواحيـف
متوجهينن صوب ديـره عمامـي
ونعم من العصلان واولاد أباسيف
كسايه العيـدان ريـش النعامـي
وكرارة يم الرمـالات وخليـف
خذابها كـن النهـار الظلامـي
زمل الطواليات جنـك هفاهيـف
من واقصه ماهولسوا بالمقامـي
وخليف هو خليف الحدب
وهو يرد على الهقاز يوم يقول :
يادار ابو سميط خلاتس ياحيـف
فرز الوغى ذباح عجفا سنامـي
اقفى ولا خلى بنجـد تحاسيـف
وابوه وجده مخربيـن الطعامـي
يامزنة غرا نشت لـه رفاريـف
تمطر على ظفرة مطرها انهشامي
زبيديها روس المهار المزاغيـف
وعشبه قرون مسيحين الايدامـي
وقال سعدون:
بيضانثيـل منـزل الجعفـريـاه
وأن جيتها يالشمري فأنت عايـل
وعشب الطويه يالوليغي رعيناه
نرعى بحد السيف والعشب طايل
ومنايح الحضران حنا أحتلبنـاه
غصب على دوله قفار وحايـل
والشيخ مفتاح بثركـم حدرنـاه
أقفوا وراكم يارفـاع الحمايـل
وكان يقصد سعدون بالبيت الاخير أننا أنزحناكم يالدغيرات الى شرق الجبل ويتمنى لو يتلون ربعهم اللي بالعراق وهاك الديار.
ورد عليه مبيريك التبيناوي وقد وردت في هذا الموضوع ولكن سوف أقول بعض الابيات منها قال مبيريك:
بيضانثيـل منـزل الشمـريـاه
وأن جيتها يالجعفري فأنت عايل
العقله الفوقـا لنـا يالدغيـراه
حامينهـا بموشمـات الفتايـل
والعقله الحـدرى للزوبعيـاه
وساع العيون منقضات الجدايل
وفعلاً تركت عنزه بيضانثل وهي مارد للبدوا وليست ديره كما يظن البعض وما أخذوها عنزه الا بوقت حكم عبدالعزيز عندما أتي الامعض العواجي من نواحي خيبر وطلبه من أبن مساعد واعطاه مثل ما أعطى وسيط الشعيبه لبن مجلاد وغيره مثل جبه اللي عطاه للفرم وهي من ضمن أملاك الاسلم وصارت علي بيضانثيل ذبحه بين الفداغه وعنزه ولكن الحكومه أعطته لعنزه وأنتهت قضيته وبعد قمعه تقووا عنزه وتجمعوا من جديد ويامار بهم حقد على شمر من يوم قمعه وهو يصير مناخ ضفره ..
يتبع.....

[الكاتم]

*-ضفره قبلة حايل بعد ماخسرت عنزه قمعه حسوا بالضيم وقالوا حتى حريمنا ماسلمن وبيوتنا ودلالنا ودبشنا خذوه كله شمر وبدوا يعدون العده لضفره وأرسلوا لجميع عنزه وحضروا من ينبع ومن خيبر مثل أبن مريخان والايدى والفقير والمرتعد بالأضافه للعواجيه ويوم علمت شمر بهذي الامور أتفق عدوان الطواله ومسلط التمياط وأقطعوا الرأي على أنهم يخلون السوادين ويهوشون هوش ساقه يما يطبون العراق وهم ينزلون على مفتاح الغيثي يبون يقنعونه بهذا الامر وقال لهم مفتاح يالربع حنا يامننا جينا العراق يمار قدامنا رجال مالكين الديره وماهم والله معطيننا ديرتهم وحنا تاركين ديرتنا وهذا نخلنا هاللي يويق علينا.. ديرتنا والله ماحنا مخلينه قالوا مابه مهاش يابن الحلال هذا حنا ذبح الجوع حلالنا وذبحه العطش والخوى والدهر وعنزه هاللي كل يوم نازل عليهم عرب وحلالهم وراهم ويامننا تكيلنا من العراق وتقوينا يمكن أننا ننخا شمر هالعراق يجون معنا ونستعيد ديرتنا مره ثانيه مثل ماأستعدناه بالتيم ..عدوان ومسلط يوم جاء تالي الليل وهم يشيلون يوم شال النزل الاول والثاني يوم راعوا يمار نزل الدغيرات بمكانه وهم ينهجون يم مفتاح يمار كبار الدغيرات هكا اليوم عند مفتاح ويوم أقبلوا على بيت مفتاح قال مفتاح للي عنده يالربع تروهم يبون يقولون والله مانرحل الا أنتم قبلنا لكن حنا نبي نحتج بأننا منشرين بقلنا وماحنا دافقين لبنا وهو يلوذ ورى الذرى وهم يحولون ويقولون وش علمكم مقيمين جلي ماحنا
معطينكم الخبر من أمس قال مبيريك والله الشيخ مفتاح أشوفه ماوده وحنا مابنا تقاسيم قالوا له أرحلوا والله مانخليكم وهو يحط مفتاح على شواربه ولحيته من رغوه البقل ويقول أنا أخو سلمى أنتم جيتوا وأنا أرغى قالوا وش ترغى قال حنا نبقل قالوا كيف تبقل وحنا قشنا على البل ومخلين السمارين نبي يزول لعنزه غديهم مايفزعون علينا بسرعه قال يامنكم جيتوا الجربا وشمر بالجزيره علموهم كان لهم رغبه بديرتهم وحنا ألى حول هالليله على هالهودات وحنا هذا نخلنا اللي يويق علينا مع هالتلاع وعنزه مخلين نخيلهم بخيبر وجايين صولتن علينا يبون ياخذون ديرتنا حنا هالحين نترامى وياهم وأنتطارد على ظهور الخيل وعقب نرد للسلاح الابيض وهمن بالعصيان والحصى وبعدين نتقاضب الشوش وعقبه بالسنون وأنتم مثل ماقلتلكم ياجيتوا شمر بالجزيره علموهم باللي قلت لكم وهم يتلافتون لبعض يمار عدوان ومسلط واحدٍ شيخ الاسلم والثاني شيخ التومان ويقول مسلط هالحين يبينا نهج ونعلم هل الجزيره يفزعون له وحنا عنده قال عدوان وش الراي قال الراي كلن ينزل مكانه واللي يصير يصير وهم يعارضون الجهامه وكلن ينزل بيته ويوم جاء النهار وهم يرجعون لمفتاح قالوا عنزه عندهم بوارديه وحنا ماعندنا اللي يكفينا وأمدهم بالبوارديه ويحفرون شمر متاريسهم ويصير المناخ وينذبح فريح ولدك يامبيريك توغل يم بيوت عنزه ويرمونه بهكا البندق وطاح من فوق فرسه وعلى هكاالطيحه ويستمر المناخ وتنهزم عنزه ويقول دايس الهقاز من حسين المجلا قصيدته اللي ماعجبت بعض شمر لأنه يوم يقوله وهو زعلان على بعضهم ويقول :
يادار ابو سميـط خلاتـس ياحيـف
فرز الوغى ذبـاح عجفـا سنامـي
اقفـى ولا خلـى بنجـد تحاسيـف
وابـوه وجـده مخربيـن الطعامـي
يامزنة غـرا نشـت لـه رفاريـف
تمطر على ظفرة مطرها انهشامـي
زبيديها روس المهـار المزاغيـف
وعشبه قـرون مسيحيـن الايدامـي
ونهجت اسر جموعهـم بالتواقيـف
يامـار وجـه جموعهـم بنخدامـي
ونحرت ربعي عايزين التواصيـف
يمـار بالزهـام والجمـع زامــي
اولاد على ذربت الحرب أهل كيف
حريبـهـم مايهتـنـي بالمنـامـي
ياقل ميـر قشوشهـن والتطاريـف
ردوا لنصـل مصقـلات اللجامـي
وانشهد ان أقلوبهم صمـع ياخليـف
يردون حوض الموت ورد الضوامي
وضرب بعيدان البلنـزي وتنجيـف
ياما أدبروا عنا خـروق الجلامـي
نطعن ونطعن دون هاك الحناجيـف
سلمى ورمان واجـاء والعصامـي
وياما ذبحنا بيـن الاثمـار وهييـف
تسعـرت دونـه عمـارٍ تسامـي

*-مليحه (كحله)وتصير كحله بين الدغيرات والعواجيه وهي أن عنزه قالوا يوم صاروا الدغيرات لحالهم نبي ناخذ الخاوه عليهم ويقول مبيريك التبيناوي
كـان خيـال الشقـاح التـلادي
قفى فحنا اللي نعيي على الـدار
مع غلمتن ماهولسـوا بالقيـادي
الا مايلفظـن عـدلات الاقـدار
أولاد علـي ناقليـن العـيـادي
فطايرن مايقبلن كـود الابكـار
لهادتـن للـي يــدور اللهادي
بنزل من المثلوث كان الدخن ثار
ويصبحونهم الدغيرات وتنهزم عنزه.

*-زبار وريك وهي المعركه التي قادها هايس القعيط من الجزيره وقتل بها فريس عنزه عقاب وحجاب والمرتعد ومزعل وغيرهم من فرسان عنزه الاشداء وبهذه المعركه تطوى صفحه من صفحات التاريخ الحافل للقبيلتين
****************************************
منقول ليعلم العواجي عن بعض تاريخ الشيخ مفتاح فقط والا تاريخ شمر محفوظ والاخوة في المضيف أعلم مني وان كان للاخوة في المضيف تعليق فالموضوع لكم.

[فيصل العنزي]

اسلام وعليكم ورحمة الله
اخوي الكاتم خلال بحثي عن بعض المواضيع في جوجل وجدت هذا النقاش
وحبيت ارد اوضح بعض الشي
فذكرت بأن بيضا النثيل استردوها شمر ولم ترجع الا بعد حكم الملك عبد العزيز{الا تستحي من الكذب} كلامك هذا يفقد الثقه والمصداقيه بقصصك اللتي تسردها ولن اعقب عليها بعد هذا{ الكذب}
وذكرت ايضا ان عنزه لم تنتصر الابروضة التنهات وذكرت بالنهايه ان بمقتل عقاب وحجاب طويت صفحات التاريخ للقبيلتين؟؟؟؟؟؟؟؟؟؟؟؟؟
شمر وعنزة يعلمون بمى حصل بينهم من معارك ولو ذهبت الى منتديات عنزه وشمر لو جدت القصص مو جوده من غير تحريف ولا كذب ولا انتقاص من الاخر
ارجوا من ادرات المنتدى حفظ مصداقيتها والنظر بهذه المشاركه لان قبيلة شمر لها تاريخ عريق وغنية عن الكذب.

وفي الختام تقبلوا تحياتي
اخوكم / فيصل العنزي

[الاصمعي]

يا حيى الله السمي

شف يالغالي أنت محتج ومنبعج وزعلان وتشتكي لإدارة منتدى شمر ليه هالشمري يقول ان ماء بيضا نثيل خذوه شمر من عنزة ليا عهد الملك عبدالعزيز ولو افترضنا انه مهي صحيح فلا تغير بالأمر شي ، لكن يالوايلي وش رايك ببناخيك الشيخ هزاع العواجي هلي مار قام يدربيهن علينا بالجملة:)

فمن حماية عبيد لمدة سبع سنين ومحاربة ابن شعلان على شانه الى المطمة قتلهم للجيش العثماني وجيش الجنازة وأخذهم سلاحه ولو ما أطلعته فرسه تسان متعشيه فارس الزمان ابن نوبان الى وصفه لحكامنا وشيوخنا بالبوق والخيانة والغدر .....

يعني بالله عليك شايف تبجح أكثر من كذا؟؟؟

لا ويحدد لنا حضرة الشيخ هزاع شيوخ شمر ويعلمنا منهو الشيخ من الراعي ومستنكرٍ شيخة القعيط ومفتاح ابن مزيد!!!

وتجي أنت يالسمي وتبحث بقوقل وتطبح عندنا (حياك الله) من شان تحتج على هالسالفة!!!

لا يالسمي سلم على الشيخ هزاع وقله ترى بعض السوالف سماجة

تحياتي

[عبدالله الجعيثن]

البركه بقوقل اللي جابك يافيصل




والسوالف اللي مضت انتهت وانا اخوك



وعنزه وشمر هالحين....اقرب قبيلتين لبعض



الموت والله هتيم صارت بني عبس وصار له تاريخ


وصاروا



طنايا عبس



واما تاريخ شمر وعنزه واحد ... ولا تخاف وانا اخوك

[عبدالرحمن]

مع كامل احترامي لكاتب الموضوع
ارى ان الموضوع لا يستحق النشر لانه يفتقد الى المصداقية لأنه يحتوي على الكثير من الاخطاء!
فهذا شيخ فخذ سمي انه من شيوخ الاسلم ! وهذا اسم فخذ فصف مع الشيوخ!
وهذا اسم لشخص قيل انه شيخ ولا نعرف شيخ لأي فخذ! وهذا الفخذ الفلاني المعروف بشيخهم الوحيد
وضع لهم عدد من الشيوخ !
حقيقة ان الكثير من الناس اليوم اصيبت بداء النقص!
فأصبح همها الكتابة عن مكانتها السابقة وكيف كانوا يفعلون ويصولون ويجولون!
والمشكلة بعضها تذكر اسماء لأشخاص عاصرناها لم يكن بهذه الصورة الكبيرة!
لهذا ارى ان يتم تفعيل قانون المنع الذي يمنع نشر مثل هذه المواضيع
بدون ذكر الاسم الصريح -على الاقل يكون معروف للادارة- حتى نخفف من نفخ النافخين!.

[فيصل العنزي]

الاصمعي
كنت اظن ان استقبال المسير بمضايف شمر يكون ارقى من هالاسلوب{محتج ومنبعج,,,ومطبح} خصوصا وان شمر لها سمعه طيبه مع الضيف حتى ولو كان عدو

اخوي القصه اللي ماتعرف عنها شي قل ماسمعت فيها ولاتقول يدربيهن
لاكن السالفه المعروفه اللي يعرفها القاصي والداني يحرف بها اعتقد هذا مايرضي احد
انا جيت لتوضيح شيء ولم اتي لسرد القصص وبيان القوي من الضعيف او انتقص من احد

[الكاتم]

الاخ فيصل العنزي
حياك الله بالمضايف
كان الأولى أنك تعتب على كلام صاحب المعرف هزاع العواجي ارجع لبداية الموضوع واطلع عليه وشف نصحي له وكيف تمادى بإنتقاص شمر
ردي منقول فقط للتعريف بالشيخ مفتاح راعي المناخ المشهور

بالنسبه لمواقع شمر وعنزه ( العواجيه ) فلم تنتصر عنزه الا بالتنهات
الوقعات كثير وهاذي اللي تخص العواجية ونعم بعنزة قاصيهم ودانيهم لكن التاريخ المثبت بالقصايد معروف للجميع فإن كتبته بيدى او نقلته الامر سيان ووضحت لك انه منقول وبينت مصدره .
فيه مثل يقول يا غريب كن اديب وخويك الله يهديه تعدى الحدود بهذا الموضوع وبغيره فنرجو عدم الانفعال .
ومرة ثانية نقول لك يالله حيه بمضايفنا.

[ابوتررركي]

عبدالرحمن



مع كامل احترامي لكاتب الموضوع
ارى ان الموضوع لا يستحق النشر لانه يفتقد الى المصداقية لأنه يحتوي على الكثير من الاخطاء!
فهذا شيخ فخذ سمي انه من شيوخ الاسلم ! وهذا اسم فخذ فصف مع الشيوخ!
وهذا اسم لشخص قيل انه شيخ ولا نعرف شيخ لأي فخذ! وهذا الفخذ الفلاني المعروف بشيخهم الوحيد
وضع لهم عدد من الشيوخ !
حقيقة ان الكثير من الناس اليوم اصيبت بداء النقص!
فأصبح همها الكتابة عن مكانتها السابقة وكيف كانوا يفعلون ويصولون ويجولون!
والمشكلة بعضها تذكر اسماء لأشخاص عاصرناها لم يكن بهذه الصورة الكبيرة!
لهذا ارى ان يتم تفعيل قانون المنع الذي يمنع نشر مثل هذه المواضيع
بدون ذكر الاسم الصريح -على الاقل يكون معروف للادارة- حتى نخفف من نفخ النافخين!.

حياك عبدالرحمن

الموضوع منقول بعد حيي
ثاني شي مجرد ذكر اسماء واسر وامراء من قبيلة شمر وقلن اللي يعدل الاخطاء نقول له مشكور بشرط يجيب الصدق وبلامجامله
والخطاء وارد ووووالبركه فيك عدل الاخطاء اذا فيه خطاء
وقيل الفلان من شيوخ الفخذ الفلاني لانكم تعرفون حساسية الشيخه عند الجهيل
لو قيل الفلان هو شيخ شمل الفخذ الفلاني ,عارظك الف واحد فلان ماهو شيخ القبيله وطول سالفتهم ويكثر الخلاف

[ابوتررركي]

الكاتم والف نعم بالفارس مفتاح الغيثي من كبار رجالات الغيثه

عتبي عليك الكاتم

خرجت بناء الى موضوع اخر لاعلاقة له بالموضوع وهو سيرة وشجاعة الفارس مفتاح الغيثي

الاخوه من قبيلة عنزه حياكم


لانريد ندخل بتاريخ مضي ولاعلاقه له في موضوعنا

الموضوع مجرد حصر لبعض اسماء وامراء شيوخ من قبيلة شمر

[ابوتررركي]

أخي أبو تركي جزاك الله خير على هالعمل الذي أسأل المولى سبحانه أن يكتبه لك



لي ملحوظة على ما كتبت



فبعض الأفخاذ ليس لها شيوخ يكفونها لا أمس و لا اليوم


و البعض كانت شيخته نوعا من الزعامة


و البعض مبالغ في شيخته نوعا ماء




ككل مجهود مبارك بإذن الله



و اعذرن عن التفصيل في كلامي لأن ذلك سيكون له أثر سلبي على الموضوع و على الإخوة أبناء العمومة




شكرا لك




-----------------
أبو فهد الهمزاني

حياك ابوفهد الهمزاني

ابوفهد الحديث عن الشيخات والشيوخ كلام طويل ولاتنتهي وتكثر الاراء حولها

بس طلتك البهيه شرف لنا يالعزوه

[فيصل دخيل العفريتي]

القعود من العفاريت من عبده وشيخهم علي ابن حريز القعوود ,,,


يالربع هدو التاريخ معروف ...

للتذكير ,,,


الف شكر لكم جميعا":)

[الفضيلي.]

شكرا على الموضوع
البعض شيوخ وزعماء قداما والبعض مع احترمي الكامل لهم
شيوخ حديثين بعد توحيد السعودية
تشكر على الموضوع