لاانت ياخاال ولاانت ياعم ..

[سلام]

السلام عليكم ورحمة الله وبركاتهـ ,,














احس اني مبطية عن العاام واحس وحشتني نفسي :)













ياااعساااكم بخيراات رجال وحريم بنات واولاد ,,,













// الخال ,,خلي // العم ,,ولي //







طبعاا ..


بكتب ..جزء بسيط ..عن والدي ..حفظة الله ..بخصوص هذا المثل ..



والدي ..


انسان ..ماهو اتكالي ....انسان ..يأمر ولايأمر علية ..انسان عزيز نفس بقوة ..ولايخلي لااحد علية منة او فضل ..كذا تعلم من ضروف حياتة ..


عندي 2 عمام و2 خوال ..غير اللي بالرضاعة ..حفظهم جميع ..



كان ابوي مايخلي احد من خوالي او عمامي يدخل فيناا ..

كان مايخلي احد من خوالي وعمامي يأمر علينا ..

كان مايخلي احد منهم يتصرف فيناا ..

كان مايخلي احد منهم يودينا او يجيبنا او يخلص مقاضيناا ..

كان مايخليهم يتدخلون بأي شيء ..فيناا ..

كان انسان شديد وصارم ويكرة يكون لااحد علية اي فضل ..او مكرمة ..

يكرة احد يدخل او يتصرف او يتحكم او حتى يتكرم علينا ..



ابوي ..في حيااتة شاف اصناف وانواع من الخوال والعمام يسوون بلااوي ويتحكمون في عيال اخوانهم ..وصارت مشاكل وعلوم وسوالف ..

كان يخلينا نسلم عليهم نحترمهم نسأل عليهم نزورهم بس بشرط اي احد ..يزعلنا او يأمر علينا ..نجي نخبرة ..


طبعاا كلهم يحترمون ابووي ..انا هنا والله ماتفااخر ولااهايط ..انا احكي عنجد ..كلهم ..مايقدرون لابكلمة ولاامر يتحكمون فينا ..بشرط ..اذا اخطينا مالهم خص يهاوشونا يجون ابوي ويعلمونة ..

وطبعا ابوي يحذرنا مانخطي ولا نغلط عندهم ابدا ..عشان مايكون لهم تصرف فيناا ..



البعض فيكم متأكدة بيقوولون ..


هذا غلط خوالكم وعمامكم من حقهم يأمرون وينهون ..







بقولكم ..مو غلط ..



هذا اللي يخلي ..عمامنا وخوالنا يحترمونا ولايتدخلون فينا ..لابكبيرة ولاصغيرة ..الا اذا اخطيناا ..بس بشرط يعلمون ابوي ..وبشرط من ابوي اننا نحترمهم ونقدرهم بدون علي بصووتناا ..بس اي هواش او ضرب مو من حقهم ..

وادري بتقولون ..هذا شيء عادي ومعتاد ..وابوك ..مالة داعي يتحسس او يزعل من خوالك وعمامك من حقهم يأمرون وينهوون ..




بقولكم ..



ابوي ماقاال لاتدخلوون ولاتجون ولاتكلمون او توجوهون عيالي ابوي قالهم ماحد منكم يمد يدة اي واحد من عيالي تشوفونة ع خطاء تعالو خبروني وانا اهاوشهم قدامك بشرط ايدكم ماتجي عليهم بوجودي وبغياابي

قبل كلام ابوي لهم ..

كان واحد من خوالي زمااان وزمااان مرة ..



صارت مشكلة ..في عشااء ..عند ..خالي ..كان ابوي مسافر ..واللي ودانا اخوي الكبير ..




المشكلة ..اخوي مالة علاقة فيهاا ..اخوي كان صغير ..


جاة رجال وعطاة ضرف ..وقال وصلة للرجل المعزوم عند خالي ..وكان الضرف داخلة موب زين .يعني مسبة للرجل..


جا اخوي عطاهم الضرف وقال عطاني ايااة واحد ورااح ..فتحوا الضرف ..وع طوول ..طاحوا ضرب وطق في اخووي ..من اللي عطاك من اللي وصلة كان اخوي وقتها بالابتدائية..


ويجي خالي يكمل علية ..


استغلوا وقتها غيااب ابوووي ..


وكان خالي هنا معتبر نفسة الولي ..على اخووي ...



لما جا ابووي من السفر ..وعلم باللي صاار ..






اقسم لكم بالله ..



كل شنب وحتى خالي مدوا يدهم ع اخوي ..



ابوي ..عاتبهم وهاوشهم




جمعهم ابووي ...واولهم خالي ..وجاب اخووي ..وعاتب وهاوش ..كل يد انمدت وقتها ع اخوي ..


بدون حق ..

لما انطق وقتها اخووي ..ماحد دافع ..عنة .لاعم ولاخال .ولما جمعهم وهاوشهم هاوشهم قدام اخوي الصغير...قال لة ..هذا حق اليوم اللي غبت فية عنك ..واستغلوة ..


واذكر قال لهم ..لا العم ولي ولاالخال ولي على عيالي ..ومن قال لكم هذا المثل ..ضحك عليكم ..


خالي ..انسان محترم ..وانسان ..انا احبة ..بس تصرفة وقتها كان تجريبي ع قولة ابووي للولااية ..وماضبطت معهم ..وكان تصرف منة يعتبرة من حقة ..


ومن وقتهاا ..وانا اكرة هذا المثل ..

اعرف لهم علينا حق ..واعرف انة شيء عادي ومهم ..بس مو كل خال خلي ولا كل عم ولي ..احيان كلهم خلي ..وحتى لو كانوا وليين ..


اكرة ممارست الولااية بوجود الولي حفظة الله لنا ..ابوي ..



واصلا ماهو ضروري الخوال والعمام يمارسون هالدور ..


عندي عيال اختي ..اخواني ..اذا شافوهم ع غلط ..وجهوهم ..ويخبرون امهم او ابووهم ..بدون مايمدون ايدهم ..مع ان اختي مصرحة لهم بهالشيء ..

بس ..حتى الاولاد ..الحين والبنات مايرضوون ..بأن الخوال والعمام يتحكموا فيهم وهذا ابسط حقوقهم ..




وحقوقناا ..








كلامي هذا مايدخل من المشاكل الاسرية ..ولا من مشكلة وابي حلهاا ..


ولا من سوالف نشر الغسيل ولا قلة الاحترام للخوال والعمام ..



بالعكس ...



مفروض العمام والخوال ..يهتمون يدللوون بس بدون تأمر ..او تلقف ..

ويتدخلوون للمنفعة مو المضرة ع قولة ابووي ..او تأمر

وانا اعيب ..هذي الافعال منهم ..



طبعا لاحد يقوول ..ابوك مخطيئ يوم مايخلي عمامك او خوالك يتدخلون ..فيكم

او يقول اخطاء يوم ..يهاوشهم قدام اخوك ..



طبعاا ..ابوي كرش اخوي عندهم..وقالة ..مأتأخذ اي شيء من احد ..وتوصلة لااحد ..


وقالة ..هواشي لهم قدامك ..مو معناة انك تمرد عليهم ..لكن هذا اللي كنت بسووية وقتها ..لك ..وخلى اخوي يحب روؤسهم ..ويعتذر ماعد ينقل اي شي من شخص مايعرفة ..


ورجعت الاوضااع حلوووووووووة ..

لهم كل شي خوالي وعمامي الا الضرب والهواش ..

ومن يومهاا ..لاالخوال ولاالعمام ولاحتى قريبناا يحق لهم حتى الصراخ عليناا ..
لدرجة ..

اذا واحد من عمامي ..الحين ..

اذا غاب عن بيتة ..

او احد من خوالي يغيب عن بيتة ..يوصوون ابوي ..يكون امر وناهي ..للبيوتهم ..او حتى يمر عليهم ..من ثقتهم فية ..بس يرفض ..






..هل تؤيدون تدخل العمام والخوال في التربية ..؟؟بغير حق ..


هل ..العم ولي والخال خلي ..صحيحة ..مع ان الخوال دايم افيد من العمام ؟؟؟


هل تمارسون هذة الادوار على عيال اخوانكم وخواتكم ..؟؟

مع العلم بأن هنالك خوال واعمام افعاالهم ..لاتحصى ولاتعد وافعالهم طيبة ..ويرفع فيهم الراس ..





وكلي فخر بخوالي وعمامي ..لكن ماعيبة فقط لكل العمام والخوال...هو التدخل في التربية ..من البعض منهم ..حتى لو كانت من باب المنفعة والميانة ومن حقهم ..

.................................................................



منعااا ..للااحراج لي ولكم ..



كتابتي ..هذة ..

لااقبل فيها ..التصحيح ..او الاضافات او ابداء النصح بخصوص مايفعلة والدي ..مع ..الخوال والعمام ..فكلي ..اعتزاز لما فعلة والدي ويفعلة لنا ..حفاظا على اولادة ..ووضع مكانة وهيبة لهم بدون اي ابخاص من حق الاقارب ..


.........................................................................



فأأأنتم وش راايكم ..


دمتم بخير ..

[أبو فهد]

أنا بعلق على الموضوع بغض النظر عن الشخصيات التي كرت فيه




متى ما كان الولي قائم على ذويه قوامة كاملة فلن يدع لأي كان و لن يترك لهم مجالا لكي يتدخلوا في شأنه أو شأن من يعولهم




---------------
أبو فهد الهمزاني

[سلام]

بوفهد ..حيااك ربي








وهذا اللي مفروض يصيير للكل ..








خصوصاا اذا انت متأكد من تربيتك ..ومن عائيلتك ..



فلذلك ..ماتسمح لحد يتدخل ..طول مانت تشووف انك ماخطيت او قصرت في حقهم وطول مانك ماعملت شيء يدعي تدخل احد غير وليك ..





شاااكرة لك مرورك ..

[سلام]

ملاحظهـ // .. ممع اني ماحب انقل اي سوالف او شيء اسري للخارج ..او حتى قريباتي وصاحبتي ..بس في عالم النت ..انا لااسيء الى اي منهم .لاني لااسميهم بأسمأأءهم ولااحد هنا يعرفهم ...لكن ..من خلال ..هذا المثل ..تتم ممارسات لاحصر لهاا لي ولغيري ..

ومن خلال مافعلة خالي زمان يفعلة غيرة من الخوال ..والعمام ..






اتمنى ان لااكوون ابخصت من حقهم شيء ..ولااتمنى ان ابخص من حقهم كوني كتبت عن مافعلة احد منهم ..





ولكن وددت ذكر امثلهـ .. وكان اقرب مثال ..للخوال ..والولاية هو لي ..





فقط ..كي لايخرج موضوعي عن صلبة ..

[منصور الغايب]

حياك الله سلام ...


أعتقد أن الخال والعم .. من حقهم أن يقوموا بدورهم في تقويم وتربية الفرد وحثهم على الخير حتى لو بالشدة والتعنيف ...


أنا شخصيا ... كثيرا ما أؤدب أبناء اخواني وأخواتي أمام أهليهم ... وأضربهم أحيانا ... وهذا لايؤثر على العلاقة بيننا ... بل على العكس ...

في كثير من الأحيان ... أسمع أباهم يخوفهم ... ويقول ... ترى أعلم خالك منصور :)

أعتقد .. لا مشكلة ... وإنما المشكلة في أن يكون تصرف الخال أو العم غير سوي ولايقصد منه التأديب ... فهذا يخشى منه على الأولاد ...



شكرا أخية ...

[عبدالرحمن]

منعااا ..للااحراج لي ولكم ..
كتابتي ..هذة ..
لااقبل فيها ..التصحيح ..او الاضافات
او ابداء النصح بخصوص مايفعلة والدي
طيب اذا كان لا تقبلين كل هذا( النصح و...الاضافات) على ماذا نتحاور!.
شكرا اختي الكريمة سلام.

[الحاتميهـ]

معتس حق خيتو سلام الخوال والعمام مالهم دخل بشي بوجود الاب

الله يخلي لتس الوالد ويطول بعمره

[ريال الفسحه]

ماعندي الا خال واحدوعم واحد والان يبعدون عني
الف كيلو متر يعني مافيه مجال للتدخل :)


انتي مكبره الموضوع شوي ..


كل واحد حر بتربية اولاده ولا لاي احد دخل انه يشاركه
بالتربيه .. اذا كانت تربيه سليمه



شكرا

[عبدالواحد]

طيب ياسلام ..
فهمنا شخصية والدك الله يحفظه , وامثاله كثير نعرفهم ونواجههم , رجال عصاميين ومحافظين جدااا
وهؤلاء مثل هالنوعيه دقيقين بكل شي ويتجنبون الاخطاء البسيطه ..

لكن المشكله واللي انا شقتها شخصيا , ان هذا السلوك الصارم مع الاقرباء وخصوصا العمام والخوال راح يولد حاله جفاء وبرود بالعلاقه الاجتماعيه

برأي
تدخل العمام والخوال مو ممعناه تدخل بتربيتهم وتوجهاتهم ,, مثل ما يظن والدك والكثيرين ,,
انما تدخلهم في مرات كثيره حسب الميانه ووضعه الاسري ومسؤوليته !
كثير من المرات تقع مشاكل الابناء علي العمام والخوال , وليس علي والده فقط
اكرر
مهما كان الخال والعم ايضا مسؤؤولين عن ابناء الاخ والاخت في مشاكل ربما تمس العائله كلها
وربما يكون تدخلهم للمصلحه العامه , وليس للمصلحه الشخصية الضيقه التي ينتهجها الاخرين



تحياتي والله يحفظ والدك

[سلام]

هلابك مشرفناا الغايب الحاضر ..


خيي لك انت ولااخوتي من بعدك ..







انا ماعيب ولا انكر ولاارفض تدخل الخوال والعمام ..ابداا







وقلت بسطوري الساابقةة ..يتدخلون ..اذا كان للمنفعة وللتوجية ..لكن بدون اي تصرف او ولااية بغير حق ..






عادي انا اخوي الكبير اعمامي وخوالي معطينة الولاية والتصرف الكامل على عيالهم اذا احد منهم اخطاء ..وشافهم هو علية يؤدبهم



لكن بدون اي تصرف في غير محلة وبدون اي تهجم ..بما ان اخوي الكبير اكبر عيال العمام والخوال ..فهم كلهم يهابونة ..بس عمرة ماتعرض لهم لكن لو يتعرض لة الصلاحيااات ..وبكذا هو يراقبهم كلهم ..ويشووف اصحابهم واصدقااءهم ..ومن يماشوون . بس عمرة مامد يدة ولاصرخ بوجهم ..




اذكر اول ماسكنوا عمامي عندي ..كان عيال عمي يمشوون مع عيال راعيين مشااكل وعيال عمي مايعرفوونهم ..شافهم اخووي ..




مسكهم وحذرهم من فلان وعلان ..ومسك العيال راعيين المشاكل وحذرهم من انهم يخربوون عيال عمامي وعلمهم انهم يقربون لة واي تصرف موب زين من اي منهم يحاسبهم كلهم ..



ويمسك عيال عمامي ويحذرهم ..وكلهم يثقوون فية ولايرفضوون لة كلمة ..




بالعكس هذا شيء حلوو ..



لكن العيب وااضح من تصرف بعض الخوال والعمام تصرفاات مو معقوولة ولاحقاانية ..وبدون اي حق ..هذولي اللي ارفض السماح لهم ..



مو اي خال ..يفهم ولا اي عم يفهم بعضهم يخربون ام الدعوة ..


اوافق وبشدة وجود الخوال والعمام في حالة واحدة فقط ..اذا كان رب المنزل ..ماهو كفوو يكون لة اسرة ولاهو قد المسوؤلية ..كم من زوجة اخوانها يصرفون عليها ويعلمون عيالها ويهاوشونهم وازواجهن خبر خير ..لايهشوون ولاينشووون ..ووجودهم مثل قلتهم ..هذولي بس اللي يحق لهم التدخل ..مالم رب الاسرة يصحى ويتعدل ..




اما الامور الاخرى لالالالالالالالالالالالالالالالالا ..






شااكرة الف شكر لمرورك الغاالي

[سلام]

اخ بو يووسف ..



وعليكم السلام والرحمة ..


وش فيك ياخيي .زماوقفت الا ع هالجملة ..



عندك محاور اخرى واسئلة جاوبها لناا ..




هالنقطة اللي انت اقتبستهاا ..ماهي محور حديث ولا اسئلة ..



قلت بهالنقطة ..ماقبل اي تصحيح بخصوص مافعلة والدي ويفعلة لاني كلي اعتزاز ..بكل مايفعلة ولااحد عمرة غلطة ..فلذلك ماحبيت ادخل في كلام ممكن يسيء لي وللغير ..




فلذلك ..عندك عدة محااور ..واسئلة تحتاج منك الاجاابة ..




تفضل مشكووراا غير مجبورااا ..



شاكرة لك بو يووسف ..

[سلام]

هلا بك الحاتمية ومية هلا منوورة يالغلااا ..مانحرمش ..










ريال الفصحة ..ياهلا ومية هلا الا الريال وش يجيب لك الحين غير العلك ههههه






كيف مكبرة الموضوع شووي ونت تقوول كل واحد حر بتربيتة وماحد يحب احد يشااركة ..








وش كبرت اناا هذا انت تقوول نفس كلامي ..





وين الكبر فية ..؟؟




عشان كذا اقوول ماحد يقبل ولاحتى الاولاد يقبلوون اي عم او اي خال يتدخلوون في غير حق ..




شاكرة لك هالمرور الاول ..

[سلام]

هلا بك عبدالواحد ..



شاكرة لك هالدعووة ..



بالعكس ياخيي ..مافي اي جفااء ولا اي بروود طول مان العمام والخوال ماكبرووهاا ..


عندك اخووي الصغير اللي صارت لة المشكلة ..




اقسم لك ..هو اكثر شخص يزور بيت خالي واكثر شخص فينا يوديهم السوق ويجيب مقاضيهم وكل شو ي خالي يعزموة ..


ماحصل اي جفااء من اي نووع ..ابداا ..



نزورهم ونام عندهم ونكلمهم ..ويحبونا ويشرون لنا هداياا ونشري لهم ..بس بالتربية مالهم خص ..وبكذا مافي مشااكل بيناا ابداا ولله الحمد ..


اي اب لو كان ع غلط ..ماراح يتعرض بس طول ماهو متاكد من تربيتة مايحب احد يتدخل ..في عياالة ..الا اذا اخطوووء بس ..




شاااكرة لك هالمرور الطيب