دمه برقبتي :(

[الجازي]

دمه برقبتي :za3lan:

تذكرون موضوعي الأخير أو بالأصح الأول والأخير لأن ماعندي غيره في الرياضي :)

(( لزوجات مدمني الكورة فقط !! ))

كنت جايبة خطاب مناصحة من زوج لزوجته بخصوص فترة متابعة مباريات المونديال !!

وكنت قايلة لكم بكتب خطاب معاكس يعني من الزوجة لزوجها بخصوص تعامله معها في هالفترة عشان يتفادون المشاكل اللي ممكن تصير في هالفترة !!

وللأسف انشغلت بهالحر اللي يصلخ الوجه ليلاً ونهاراً :( عن كتابة الخطاب ونسيت موضوعه أو بالأحرى تناسيت مع أحداث المونديال وكورتهم هالخفيفة <<< ماتلقط أخبار من هنا وهناك أبد :)

اليوم وقع علي خبر كالصاعقة وحسيت بتأنيب الضمير وإني تسببت بموت نفس بريئة كان ممكن أنقذها لو ماتكاسلت عن كتابة الخطاب وترجمته لعدة لغات ونشرته حول العالم :(

الخبر يقول :

أسرة تقتل الأب الذى أراد مشاهدة كأس العالم بدلاً من برنامج ديني

بالتعاون مع أبنائها ضربت زوجة في جنوب إفريقيا زوجها حتى الموت، لأنه أدار مؤشر التليفزيون عن برنامج ديني كانت تشاهده الأسرة، إلى مباراة ألمانيا وأستراليا في كأس العالم.

وقال المصدر : إن معركة نشبت بين الزوج ديفيد مكويا، 61 عاماً، وزوجته وأبنائه، وذلك بقرية "ماكيا" في المنطقة الشمالية من جنوب إفريقيا، يوم الأحد الماضي،

حيث كانت الأسرة تشاهد برنامجاً دينياً، عن المسيح عليه السلام، حين أراد الأب تحويل المؤشر إلى مباراة المانيا وأستراليا،

لكن الأسرة رفضت تحويل المؤشر، أو منحه جهاز التحكم بالتليفزيون، فحول الأب المؤشر بيده من التليفزيون، ما أثار حفيظة أفراد الأسرة، فضربت الزوجة فرانشيسكا، 68 عاماً، زوجها، وساعدها ابنها كولين، 36 عاماً، وابنتها ليبوجانج، 23 عاماً.

وقال المتحدث باسم الشرطة المحلية: "لا ندري ماذا استخدمت الأسرة في قتل الأب، ولكن الواضح أن شخصاً دفعه بقوة، فاصطدمت رأسه بالحائط، وأصيب بجروح خطيرة، وبعدها إتصلت الأسرة بالشرطة، لكن عند وصولنا كان الأب قد فارق الحياة".
*
*
*
*
ياحليلهم مطاوعة :)

بالله وش السواة الحين !!؟

هالشايب صار دمه برقبتي وشلون بيجيني النوم الليلة !! :(

[شموخ شمالية]

*
*
*
ياحليلهم مطاوعة :)

بالله وش السواة الحين !!؟

هالشايب صار دمه برقبتي وشلون بيجيني النوم الليلة !! :(




يخسون عدوان الله ورسوله << كلمة امي


والله المطاوعة ابن باز وابن عثيمين الله يرحمهم




نامي يابعد قلبي وارتاحي ..:)





لي عودة للمناقشه بهذا الموضوع الخطير وتأنيب الضمير عند الغاليه الجازي
:)




احترامي يالطربه

[منصور الغايب]

عليك الدية ...


تدفعين لكل عضو بالمضايف 1000 ريال <<<< مو طماع :)


بس والله العيال مع أمهم .... الله يستر من عبودي بكرة :(



شكرا أختي الجازي

[عبدالرحمن]

لو صار عارفة دموووه برقبتك ادفعي الدية وبلاش البحث عن مخارج:a:
وكان ماتعرفين فقراء بحارتكم يعلمك منصور وشموخ عن فقراء حزم الضامي:)
الظاهر لو نبحث عن جذور هذه العائلة لوجدنا ان لها عرق باهل الحزم والضلع!
تشجيع الالعاب وخاصة لعبة كرة القدم اصبح التعصب والغضب للفريق اداة قتل للنفس!
فكم واحد خسر اصدقاؤه بسبب الاختلاف في هذا الفريق من تلك وهذا اللاعب عن سواه!.

لك التقديري الجازي واروجي ببحثك ومقالك قبل لا تكثر الدماء برقبتك:)

[الجازي]

يخسون عدوان الله ورسوله << كلمة امي


والله المطاوعة ابن باز وابن عثيمين الله يرحمهم




نامي يابعد قلبي وارتاحي ..:)

لي عودة للمناقشه بهذا الموضوع الخطير وتأنيب الضمير عند الغاليه الجازي
:)


احترامي يالطربه

هلا وغلا بشريكتي الاستراتيجية :)

يابعدي سلمي لي على أمتس قولي لها هذولي مطاوعتهم هم :)

مو بس حنا اللي عندنا مطاوعة :)

وبعدين شلون أنام وأنت معلقتني بردتس المنتظر :)

بنتظرك ياقلبي لما توسعين صدري بفتوى سنعة من مطاوعتنا :) عشان أقدر أنام بعدها :7ayyoh:

في انتظارك يالغلا

[الجازي]

عليك الدية ...


تدفعين لكل عضو بالمضايف 1000 ريال <<<< مو طماع :)


بس والله العيال مع أمهم .... الله يستر من عبودي بكرة :(



شكرا أختي الجازي

علي الدية !!؟ :a:

نو بروبلم !!

الشكوى لله دام تأنيب الضمير مايختفي إلا بدفعها :)

بس عاد هالضعيف هو اللي يموت ويروح فيها وأنتم اللي تتربحون من وراه !! :)

ماش فتواك يبيلها فتوى يابو عبدالله :)

*
*
*
دامك خايف من عبودي بكرة ,,


وش رايك أريحك من هالخوف واستعجل في كتابة الخطاب بشرط
.
.
.
.
.
.
.
تدفع الدية عني :)


تذكر ياروح مابعدك روح :7ayyoh:

[الجازي]

لو صار عارفة دموووه برقبتك ادفعي الدية وبلاش البحث عن مخارج:a:
وكان ماتعرفين فقراء بحارتكم يعلمك منصور وشموخ عن فقراء حزم الضامي:)
الظاهر لو نبحث عن جذور هذه العائلة لوجدنا ان لها عرق باهل الحزم والضلع!
تشجيع الالعاب وخاصة لعبة كرة القدم اصبح التعصب والغضب للفريق اداة قتل للنفس!
فكم واحد خسر اصدقاؤه بسبب الاختلاف في هذا الفريق من تلك وهذا اللاعب عن سواه!.

لك التقديري الجازي واروجي ببحثك ومقالك قبل لا تكثر الدماء برقبتك:)

دمه برقبتي صح ومعترفه بهالشيء والا تسان ماكتبت هالموضوع واعترفت عندكم وأنتم اللي ماتصدقون تلقون جنازة تشبعون فيها لطم خصوصا جنايز الجنس الناعم :)


بس أبي حكم الشرع في دية أهل الكتاب :)

كم مقدارها ؟؟

ولمن تدفع ؟؟؟

وهل بالإمكان البحث عن مخرج من هنا أو هنا خصوصا مع فتاوى المخارج اللي صايرة موضة هاليومين :)

عالأقل مخرج تنصرون به مسلمة على مسيحي :)

لاتحدوني أستصرخ : واااااااا مضايفاه :7ayyoh:

[شموخ شمالية]

جدي


تصدقين موضوعك خلاني أفكر ..وأسألكم
:3ayyen_khair: اهل الكتاب لهم ديـه على المسلم



وش رايتس تحولين موضوعك للاسلامي من شان ترتاحين ويرتاح ضميرك :)




احترامي ياملي roooose

[الجازي]

^
^
^
يابعدي ياشوشو

شفتي شلون أهدافي سامية

صدقيني ماهمتني قيمة الدية بس أخاف أدفعها ويطلع مالهم دية ويلحقني إثم :) <<< احلفي طيب :)

عاد يجتمع علي فقر وغلدمة :)

يالله حطي موضوع في الاسلامي وامحطي بالسؤال هناك وخليه برعاية شراكتنا الاستراتيجية :7ayyoh:

وعلميني بالمستجدات قبل ما أتهور وأحول لهم من حسابي قيمة الدية :)

[شرهه]

إن معركة نشبت بين الزوج ديفيد مكويا، 61 عاماً،


فضربت الزوجة فرانشيسكا، 68 عاماً،


هذي ضريبة اللي ياخذون حريم اكبر منهم :)








عز العجوز عز

[شنقل]

ومات

[الجازي]

هذي ضريبة اللي ياخذون حريم اكبر منهم :)








عز العجوز عز

ايه عزنا عز :)

شفتي شلون ياشهشه

مايجيبها إلا حريمها :)

بس والله رحمته حسيت إنهم قاهرينه ومسيطرين على الأوضاع :)

بعد هو الله يخلف عليه مالقى إلا يوم الأحد يناشبهم على هالبرنامج الديني !!

أحدهم تسنه جمعتنا :)

وهم بعد وش هالطوع عندهم !!؟

المفروض إنهم في الكنيسة بدل مايقابلون هالبرنامج الديني :)

يالله هذا يومه

الله يعيني على ديته :)

[الجازي]

ومات

لا
*
*
*
*
*
*
بس يطلبك الحل !!؟

إلا من فاز ألمانيا والا استراليا !! :)

[شنقل]

^
^
^

مادري عن العالم توي قاعد

[الجازي]

عسى هالشايب يشجع ألمانيا أجل :za3lan:

[سلطااان السويري]

الله يرحم الميت ويبقي الحي <<<< فاهم غلط:)


من قالوه يتابع المباراه هو جاب البلا لنفسه:315r:


لاهنتي الجازي

[الجازي]

الله يرحم الميت ويبقي الحي <<<< فاهم غلط:)


من قالوه يتابع المباراه هو جاب البلا لنفسه:315r:


لاهنتي الجازي

حرام عليك :(

الضعيف ماتابع ,, ماخلوه أصلا يتابع :)

بس شكله يبي يشوف النتيجة ,, والنتيجة شاف أجله :)

الله يرحمنا بواسع رحمته :)

[الاصمعي]

هالشايب صار دمه برقبتي وشلون بيجيني النوم الليلة !! :(

أبشري بالفرج يا بنت عمي:3ajebni:

ما هان والله علي انه توخذ بنت عمي بجريرة ماكويا المكياوي:)<<كنهم أخوان هو وديرته:)

ولا أن تلحقين نفسك ملامة بسبب زوالة مصاحبتك منذ نعومة أضفارك بالمضايف ..<<تسنه اعاقة:)

ولا هو والله الاستاذ مخلف الدهام أكثر حمية مني الي فزع لهالشمرية وهي شايله رشاش ولا أنتي منتي شايلة معك الا هالولد المزيون>>:) واذا تهورتي شلتي أخوه هذا>>:thumb:

المهم طال عمرك أني بحثت وبحثت لين وقعت على كتابين تحدثن باسهاب عن حالات مشتبهه لحالتك وبينن الأحكام المتعلقة بها بالتفصيل وهما كتاب ((تحميل الذات دماء ضحايا الجنوب أفريقيات)) وكتاب آخر أسمه ((التضحية بالشيبان من عجايز الأفريكان)) كتاب أجنبي بس مترجم للغة العربية !!

الحكم الصحيح في حالتك هو الامتناع عن حمل هالمزيزن>>:) وأخوه>>:thumb: لمدة تحددها لجنة من رواد المنتدى الي تكتبين فيه:)<<ويا حبذا يكون الأخ سرحان على رأس تلك اللجنة:)<<خابره يحسب الايقونات عليك:)




هذي ضريبة اللي ياخذون حريم اكبر منهم :)

يمكنه مثل واحد قالوا له وش تبي بهالعجوز أو مدري ماحد قال له بس هو يتميلح عند عجوزه الوكاد رد يقول:-
وان لامني عاذل وقال أيش تبْغي**في ذا العجوز الي تقل وجه صيني
أقول ذي عندي تساوي له بني**من كل جنسٍ كفرَه ومسلميني

أو هذاك الي يقول:
قالوا عجوز وقلت وش عاد وش عاد**ما عجّز الي بين الأضلاع ينبض
رفيقتي يوم ابعدوا فلذ الأكباد**قالوا هل الحكمة لمجنونك اقبض

تسنه خربه التالي بس مدحاته الأولات ييزن:)

يعطيك العافية يالجازي على هالموضوع الى ما مذهبه مذهب حجازي:)

تحياتي

[ريال الفسحه]

الحكم والله العالم


تتكفلين بمصاريف عرس عزوبي ويكون عضو هنا :)

[يـــوسف]

^
^
تكفى قله اني صمل والله سجلت دخول علشان ارد :(






<_ لابس البشت وجالس على بلكه براس الشارع :)






















الجازي مثل ماقال صديقي الصمل ريالوه لازم تتكفلين بعرسي :(

[الجازي]

أبشري بالفرج يا بنت عمي:3ajebni:

ما هان والله علي انه توخذ بنت عمي بجريرة ماكويا المكياوي:)<<كنهم أخوان هو وديرته:)



يامال العافية والله

إيه هذا الكلام السنع

بس أنا ما وخذت بجريرة ماكويا !!؟ الضعيف مات وشبع موت :(

أنا انوخذت بجريرة عجوزه المتصابية فرانشيسكا :)

هي اللي ذبحته وأنا اللي رحت فيها :za3lan:





ولا أن تلحقين نفسك ملامة بسبب زوالة مصاحبتك منذ نعومة أضفارك بالمضايف ..<<تسنه اعاقة:)


تسن الفزعة صارت شماته :a:





ولا هو والله الاستاذ مخلف الدهام أكثر حمية مني الي فزع لهالشمرية وهي شايله رشاش ولا أنتي منتي شايلة معك الا هالولد المزيون>>:) واذا تهورتي شلتي أخوه هذا>>:thumb:


ليه هي طلعت راعية الرشاش شمرية !!؟





المهم طال عمرك أني بحثت وبحثت لين وقعت على كتابين تحدثن باسهاب عن حالات مشتبهه لحالتك وبينن الأحكام المتعلقة بها بالتفصيل وهما كتاب ((تحميل الذات دماء ضحايا الجنوب أفريقيات)) وكتاب آخر أسمه ((التضحية بالشيبان من عجايز الأفريكان)) كتاب أجنبي بس مترجم للغة العربية !!

الحكم الصحيح في حالتك هو الامتناع عن حمل هالمزيزن>>:) وأخوه>>:thumb: لمدة تحددها لجنة من رواد المنتدى الي تكتبين فيه:)<<ويا حبذا يكون الأخ سرحان على رأس تلك اللجنة:)<<خابره يحسب الايقونات عليك:)


:( <<< هذا ماينفع بداله :)

ليتنا من حجنا سالمين :)

أنا هونت أبي أدفع الدية وفوقها تذاكر مجانية لجنوب أفريقيا وتذاكر دخول الملعب بعد لكل عضو في المضايف :)

بس كنسلوا حكمكم ,,

هالمزيون :) ماله ذنب بجريمة القتل اللي راح ضحيتها ماكويا :)





يمكنه مثل واحد قالوا له وش تبي بهالعجوز أو مدري ماحد قال له بس هو يتميلح عند عجوزه الوكاد رد يقول:-
وان لامني عاذل وقال أيش تبْغي**في ذا العجوز الي تقل وجه صيني
أقول ذي عندي تساوي له بني**من كل جنسٍ كفرَه ومسلميني

أو هذاك الي يقول:
قالوا عجوز وقلت وش عاد وش عاد**ما عجّز الي بين الأضلاع ينبض
رفيقتي يوم ابعدوا فلذ الأكباد**قالوا هل الحكمة لمجنونك اقبض

تسنه خربه التالي بس مدحاته الأولات ييزن:)


صح لسان هالشايب :) ولو إنه مخربها أول وتالي :)

أجل وجه صيني !! واقبض مجنونك !! :7ayyoh:

بلا والله عجوزه ماهي فرانشيسكا والا تسان عرف يمدحها صح :)





يعطيك العافية يالجازي على هالموضوع الى ما مذهبه مذهب حجازي:)

تحياتي



الله يعافيك يابو خالد ماقصرت والله على هالفزعة الشمرية بس بطلب استئناف وأنقض الحكم ,, إلا المزيون لحد يقربه :)

[الجازي]

الحكم والله العالم


تتكفلين بمصاريف عرس عزوبي ويكون عضو هنا :)

ماعندي مانع

بس الحكم لازم يشترك في منفعته الطرفين

أنتم وعائلة ماكويا لأنهم الورثة الشرعيين لدية أبوهم

عشان كذا يابخت من جمع بين راسين بالحلال

بزوج عضوين من المضايف أنت ويوسف <<< دية مضاعفة :)

واحد ياخذ أرملة ماكويا السيدة فرانشيسكا بس مو الحين بعد ماتطلع من العدة :)

والثاني ياخذ بنتها ليبوجانج

وألف ألف مبروك مقدماً

[الجازي]

^
^
تكفى قله اني صمل والله سجلت دخول علشان ارد :(

<_ لابس البشت وجالس على بلكه براس الشارع :)








الجازي مثل ماقال صديقي الصمل ريالوه لازم تتكفلين بعرسي :(

أفا عليك

من الحين بحجز لكم على أول رحلة لقرية ماكايا وخذ بشتك معك

عرس وحضور المونديال

وش تبي أكثر من كذا :)

[شرهه]

^

وانا ابي معكم تكفون .... خوذوني مبارية العريس


بس ابحضر المودنديال :(


وبعد انفع شاهد

[الجازي]

^

وانا ابي معكم تكفون .... خوذوني مبارية العريس


بس ابحضر المودنديال :(


وبعد انفع شاهد

أبشري ياشهشه

هالمعاريس ماهم أغلى منتس :)

ولتس تذكرتين عشان يروح معتس محرم :) <<<< عاد السكن دبروا أعماركم :)

[ابو ضاري]

وش الخبر الاقشر

ذبحوا ابوهم

[الجازي]

ايه وش فيها :)

من قال له يغير القناة !!؟ :)

[أحمد]

خبيلٍ الله يرحموه :)


هو يوم الله جاب كاس العالم عندوه بجنوب افريقيا



ماذلف للملعب وشاف المباريات وحقن الدماء :)


تسان على الاقل يبون يذبحونوه نشاله ولايدهور مستقبل عيالوهـ



خالتي الجازي عليتس اخبار هههههههههه




تري مكاسي

[الجازي]

خبيلٍ الله يرحموه :)


هو يوم الله جاب كاس العالم عندوه بجنوب افريقيا



ماذلف للملعب وشاف المباريات وحقن الدماء :)


تسان على الاقل يبون يذبحونوه نشاله ولايدهور مستقبل عيالوهـ



خالتي الجازي عليتس اخبار هههههههههه




تري مكاسي

تلقاه تفرك تسبده وده يروح يحضر بس أخاف مايتجرأ يروح وهو يوم الأحد !!

يمكن فرانشيسكا وعيالها المطاوعة مايسمحون له بالطلعة في يوم عبادتهم ,,

راس ماله يوم في الاسبوع مايبون يفسقون فيه :)

المسكين صار شهيد المونديال

المفروض يحطون له نصب تذكاري في ألمانيا وأسبانيا عشانه راح ضحية متابعة مباراتهم :)