حكم علي القاضي ..ودخلت السجن ..

[سلام]

السلام عليكم ورحمة الله وبركااتهـ ..


....

في مرحلهـ ,,دراسيهـ ..من عمري ..


قمت انا واحدى من صديقااتي ..بمهمهـ ..صعبهـ ..وخطرة ويبيلهاا قووة قلب وانا بيني وبينكم مامن قلب قووي بس احب المغاامرهـ ,,>>اللقافة قصدك


قمنا بزياارة للسجون ..النساائية ..والرجاليهـ ..

نشووف الحالااات واقساامهاا ونوع جراائيمهم ..ونششوووف نفسياات النسااء ..وهل السجون مربية ام مخربهـ ؟؟


طبعاا دخلت ا قسم الرجال بخدااع وتزييف ..


لان كان في مرااة عندناا كان ولدهاا محبووس في السجن وهو صغير وزوجهاا مانع عليهاا زياارتة ..

يوم من الايام كانت تسوولف للحريم ومن ضمنهم امي ...


قالت لها امي ..وبعض الحريم رووحي بدون لايدري وحاولي تأخذين كرت العيالة منة ..بدون لايدري ..


وقالت لهاا انا اخلي ولدي يودييك ..

انا صرااحة هنا استاانست ..لانها جت بوقتهاا ,,


قلت لاامي برووح معها ومع اخووي ..

امي رفضت ..قالت وش يوديك بيني وبينكم كذبت عليهاا وقلت لها بس بكون بسياارة بدون انزل ..


وكان وقتها زياارة حريم ...


بعد محاولااات رحت بالغصب والملعنة ,,


قلت لااخووي بنزل معهاا رفض هو الاخر ..لانة خاايف يقوول ماتقدرين يخووفوون داخل والمكان مو مناسب لك ,,ولا لك غرض ..


وكلة رجال ..وشررررطة ..

جلست اقنع باخووي بعد لين وافق وقلت للمراة ياخالة انا بنزل معك يعنني بنتك ..واختة ..,هي فرحت ياحيااتي لانها تناافض تبين عوون وانا والله قبل ادخل ارجف رجف ,,بس لقاافتي قووية ,,
ونزلت الله وكيلكم وانا اتناافض هي تنافض ..لان اول مادخلت ..شفت الشرطة قريبين مني والعسااكر ..واول مرة اكون بجنبهم .واقفين حرااس وسيارات الشرطة ..والعالم ..دخلت ام الولد ..وقال لنا الحارس هاتي كرتك ومن ولدك وهذي منهي واسئلة كثيرة وتعقيدات وخوذي رقم واشياء كثيرة وندخل عند المفتشة ..وتفتشني ..وتفتشهاا ..وتدخلناا ,,اقسم بالله اني شووي واترااجع ,,وارجع لخووي ,,اول ماطلعنا من غرفة التفتييش .. وانااظر .,,مكان الزياارة وكيف منظر الحريم وعيالهم وازواجهم ..منظر يقشعر البدن منة وربي ..شبوك كثيرة وصفووف كثيرة كانها شبوك حمام وبالعكس الحمام مأخذ راحتة وسعتة ..ونقرب شووي وتدور ولدهاا ماشاافتة بينهم وبيني وبينكم مانشووف أي شي ابداا من كثر طبقات الشبووك ,,ولانسمع شي لان قريب ولامن بعيد وزحمة حريم ,,واصوات وضجيج ..ومنظر الحريم وهم يكلمونهم منظر يخووف حسيت بخووف شدييييييد وربي بغيت ابكي واكسر الحواجز بينهم وبينهن ..تمنيت اني اقدر ادخل .جوالي واصوور نظامهم الحقير ..اللمهم الام مالقت ولدها بينهم ورحت للشرطي طلبتة ينادي علية قال انة نايم ..وراح يناديه تخيلواا جااء يركض ركض اقسم بالله ..منظرة كسر خاطري ..بقووة وهو يقوول وربي ماني مصدق يوم قال اهلك براا..
الام تناافض وانا ماني قاادرة امسكهاا وعجزت تشووفة ..زين ..كسر خاطري يوم قال من الي معك هذي اختي ,,


قالت زي اختك ,,هذي بنت جيراناا ..جت معي اللمهم ..شافها فررح هي شافتة بكت زيادة ...بخاطري .اطلب لها زيارة خاصة ..بس ..ولدها ممنوع من الزيارة مدري عشان لازم ولي امرة ,وولي امرة مايبية ,,حسبي ع الظالم في كل مكان ....

اللمهم طلعناا ..وقلووبناا ترجف ,,وهي تبكي كسرت خاطري ..وانا منخرشة وسااكتة قال اخوي وش صار ؟؟

وانا سااكتة يوم كامل وقلت ..لها لاتخبر امي ..

لاني في صدد الزياارة الثاانية لقسم النسااء ..

كان هنالك سجانة نعرفهاا ..واخذت موعد منهاا .مع انة ممنوع بس قالت تجين كانك زايرة وتشوفين لانة مسوؤلية علي ونتي طالبة مش صحفية ولامعك امر صريح .وجيتها انا وصديقتي ...

اللمهم زرنا قسم النسااء ..وهنا خفت اكثر من قسم الرجال ..لان المراة رقيقة ..وماتخيلها قاتلة وسفاحة لكن حسبي الله على من كان السبب في كل مكان ووصلهن الى هذة الحالاات ..


طبعاا ..في حالاات خطرة وخفنا نقرب منهاا,,بس نشوفهن ونسألها هي عنهن وعن حالااتهن ..؟؟

ومن فيهن تاب ومن فيهن مازالت بجرمهاا ؟؟

وقربنا قريب منهن ..حسيت في عصااباات .وفية اللي الندم واضح ع وجيهن وفية اللي مظلومات ..وفيهن اللي تعودن ع الجرايم .....

وسألنهاا واجابتنا ع اسئلتناا

بس ..مجمل موضووعي وكلااامي ..المقصد منة ..استفساارات الناس العاديين ..وابي اجوبة منكم يالمجتمع ..؟؟

ابي اجوبة مالقيت لها حل لافي زيارتي ولا في السجن ؟؟


هل السجن ؟؟ حل ؟. للمجرمين والامن ؟؟

هل الحواجز واالشبووك ..الكثيرة اللي يالله تشووفون عيونهم ؟؟ هل صحيح وضعها هكذا ؟.؟

مدة الحكم اللي تترواح مابين شهور وسنييين ؟؟ هل هي توضع ع منهج الله وسنة رسولة ؟؟

السنين هذي ..تفيد المجرم وتجردة من ذنبة وتساعدة في عدم العودة للسجون مرة اخرى ؟؟

هل المدة توضع بذمة وضمير بعيدا عن الواسطات والغش والتزيف وبيع الضمير ؟؟

براايكم من خرج او خرجت من السجون تايب وتيابة ؟؟

سجون الحدث والصغر والاحكام اللتي تصدر في حقهم هل هي حل ام ظلم وتسااهم في خروج مجرمين لانهم في الاحداث يعاشرون المجرمين والقتلة بدلا من خروجهم اطفال افعال وقلووب يخرجون متشبعين جرم وجراايم ؟؟

هل القضااة الان يحكمون بشرع الله ؟؟

الا تلاحضوون ان القضااة يبعون ويشرون في ضميرهم ويحكموا عكس ماشرع الله ويحكموا بحكم العلاقات والمصالح ..؟؟

لان اسااس الجرايم والسجون هم القضااة ؟؟؟

هم من يضعوون ويخرجون في المجرمين ويحددون المدة ؟؟
سمعت ب لجنة تشكيل القضاة من فترة وبدت في مدن معينة من المملكة ..؟؟

اعتقد بأن ماوضعت تلك اللجنة الا من سوء القضااة واحكاامهم ؟؟ومايفعلووة في كل مكان ؟؟
..اتمنى من اللجنة سرعة تشكيل القضااة وتضع من يضع مخافة الله امام اعينهم ..وتخرج المسببين للجرايم بدل من الحد منهاا ؟؟
................................................................................ ....................................

ملاحظة :: هذا جزء بسيط من مجمل البحث ..وتراا الحقووق محفوووووووووظهـ ..
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,


حسبي الله ونعم الوكيل ..على من تسبب في ظلم مسلم ومسلمة في هذة الارض


حسبي الله ونعم الوكيل على من ساهم في نشر الجرايم والقتل في كل مكان ؟؟


حسبي الله ونعم الوكيل على من بااع الذمة والضمير في كل مكان ؟؟


اللهم فرج هم المكروبين في كل مكان اللهم فرج هم كل المظلومين والمظلمات في كل مكان

اللهم عجل بفرجهم وفرج اهلهم وذويهم ..

اللهم امين ..



عذرا ع الاطاالهـ ,,


في ختام كلاامي هذاا ..



اذا صار خصيمك القاضي من تقااضي ؟؟

[أبو فهد]

أبد مالي حاجة




بس جيت لاجل اشوف هل بوه مختصر للموضوع ما لقيته :)




----------------
أبو فهد الهمزاني

[أبو فهد]

اختصر بجواب واحد للمئة سؤال



وهو الغاية من السجن هو العزل الاجتماعي حتى يراجع المرء نفسه ليرى ما إذا كان على خطأ


يفترض بالسجن أن تكون لهم برامج توعوية و اخصائيين نفسيين و اجتماعيين


لكن الشكوى لله




---------------
أبو فهد الهمزاني

[منصور الغايب]

هل السجن ؟؟ حل ؟. للمجرمين والامن ؟؟

بالتأكيد هو حل ... ولكننا نسئ استعماله ... عزل المنحرف عن باقي أبناء المجتمع حتى يتم اصلاحه وتهذيبه وتأهيله للعيش مع مجتمعه مرة أخرى هو القصد من السجن ..

هل الحواجز واالشبووك ..الكثيرة اللي يالله تشووفون عيونهم ؟؟ هل صحيح وضعها هكذا ؟.؟

هي اجراء أمني .. ليس كل السجناء جيدين ومتوجهين للتوبة ...

مدة الحكم اللي تترواح مابين شهور وسنييين ؟؟ هل هي توضع ع منهج الله وسنة رسولة ؟؟

أعتقد أنها من حق القاضي ... وتسمى تعزير بحسب الجرم ودوافعه ...

السنين هذي ..تفيد المجرم وتجردة من ذنبة وتساعدة في عدم العودة للسجون مرة اخرى ؟؟

من يفعل ذنب وينال عقوبته في الدنيا يكون كفاره له يوم القيامة ...والله أعلم

هل المدة توضع بذمة وضمير بعيدا عن الواسطات والغش والتزيف وبيع الضمير ؟؟

هذا ما نظنه ونحسن الظن بالقضاة ... فهم يحكمون بحسب ما يرون .. وقد قال صلى الله عليه وسلم :
(القضاة ثلاثة قاضيان في النار وقاض في الجنة) كان الله في عون القضاة .

براايكم من خرج او خرجت من السجون تايب وتيابة ؟؟

ليس الكل ...

سجون الحدث والصغر والاحكام اللتي تصدر في حقهم هل هي حل ام ظلم وتسااهم في خروج مجرمين لانهم في الاحداث يعاشرون المجرمين والقتلة بدلا من خروجهم اطفال افعال وقلووب يخرجون متشبعين جرم وجراايم ؟؟

هنا يكون بحسب إدارة السجون التي ينبغي أن تسخر هذا السجن للاصلاح والهذيب لا للعقوبة المجردة ...

هل القضااة الان يحكمون بشرع الله ؟؟

نحسبهم كذلك والله حسيبهم ..

الا تلاحضوون ان القضااة يبعون ويشرون في ضميرهم ويحكموا عكس ماشرع الله ويحكموا بحكم العلاقات والمصالح ..؟؟

ما تخلو ... لكنهم قلة والحمدلله ... لو وجدوا ...

لان اسااس الجرايم والسجون هم القضااة ؟؟؟

من أين لك هذا .... هذا تجني وظلم .. ينبغي أن توردي عليه دليل ..

هم من يضعوون ويخرجون في المجرمين ويحددون المدة ؟؟

بحسب اجتهاداتهم ومعطيات القضية ... ودوافعها ....

سمعت ب لجنة تشكيل القضاة من فترة وبدت في مدن معينة من المملكة ..؟؟

لا .. لم أسمع بها ....

اعتقد بأن ماوضعت تلك اللجنة الا من سوء القضااة واحكاامهم ؟؟ومايفعلووة في كل مكان ؟؟

قد يكون السبب آخر ....

..اتمنى من اللجنة سرعة تشكيل القضااة وتضع من يضع مخافة الله امام اعينهم ..وتخرج المسببين للجرايم بدل من الحد منهاا ؟؟

كلنا نتمنى الخير لبلاد الحرمين ...


اذا صار خصيمك القاضي من تقااضي ؟؟

ذكرتيني بقول ابي فراس لسيف الدولة :

يا أعدل الخلق إلا في محاكمتي = فيك الخصام فأنت الخصم والحكم


شكرا لك ... سلام .. تقبلي الاحترام ...

[رضا الزميلي]

مثل هذه الزيارات .. للسجن للمستشفى للمقابر .. لها القدرة على أن تعيد عقولنا من جديد إلى جادة الصواب ..

لأنك سترى ما فقده غيرك .. وسترى ماذا حدث عندما فقده ..!

الواسطة .. لا يكاد يخلو منها مكان ..!

السجون قد تكون مكان مناسب ليحكـــّــــم الشخص عقله .. ويعود صالح مصلح ..




النقيّــــة .. سلام

شكري وتقديري يا مبدعة





رضا الزميلي

[صلفيق]

حسبي الله ونعم الوكيل ..على من تسبب في ظلم مسلم ومسلمة في هذة الارض


حسبي الله ونعم الوكيل على من ساهم في نشر الجرايم والقتل في كل مكان ؟؟


حسبي الله ونعم الوكيل على من بااع الذمة والضمير في كل مكان ؟؟


اللهم فرج هم المكروبين في كل مكان اللهم فرج هم كل المظلومين والمظلمات في كل مكان

اللهم عجل بفرجهم وفرج اهلهم وذويهم ..

اللهم امين ..



عذرا ع الاطاالهـ ,,


في ختام كلاامي هذاا ..



اذا صار خصيمك القاضي من تقااضي ؟؟


خير دعاء لمثل هذه الحالات..

يفترض أن تكون السكون تهذيب وتأديب تحت اشراف اخصائيين نفسيين واجتماعيين
وتكون البرامج كفيلة بإعادة كل الى حالته الطبيعية السوية .


شكرا سلام

[طلال الاسلمي]

احفظ القران كامل و ياتيك عفو نصف المدة :)


والسجن مكان لاعادة التأهيل وليس الظلم

تبون السجن بدون شباك صار فندق وبعدين لازم السجن يكون فيه كذا

لان مو كل المسجونين ناس محترمة وطيبة في مساجين الاجرام عندهم شيء عادي


فالظالم هو من خالف القانون اما بجريمة او جناية

[سلام]

ابو فهد حيااك ربي ياخيي ..نوورت بحضوورك ولو اني ماعرف اختصر ليش تعب نفسك تدور اختصاار ..؟؟


احتراامي ..




منصووور ..هلا بك خيي ..



اشكرك ع حضوورك واجااباتك برد رد مختصر وسريع بخصووص نقطة



لان اسااس الجرايم والسجون هم القضااة ؟؟؟

من أين لك هذا .... هذا تجني وظلم .. ينبغي أن توردي عليه دليل ..

......



هذا مو اتهاام ,,هذا تعريف بأن القضااة هي اللي يصدر منها كل شي سواء حق او باطل ماقصدت اتهاام اقصد بأن الامر اول واخير يكون في يد القضااة سواء بأفراج او اداانة ,,فقط حبيت التووضيح





شكراا الغاايب ..





هلا بك خيي صلفييق ..الف شكر لحضوورك ,,فعلا اكثر شي يستحقووة الدعااء ,,




شكرا لك ..






هلا بك الزميلي ..




.حيااك ربي ياخيي... صحيح هذي الامااكن تخلينا نرااجع انفسناا مليوون مرة كفاانا الله جميع ,,,





طلاال الاسلمي .هلا ومية هلا ,,,

[حلوم]

الله يعطيك العافيه موضوع شيق بس لا تعودينها ماحنا نقصين خرشه n)

[سلام]

حييييي الله حلوووووووووم ..



شكلتس مانتي راعية خرشة هههههه



منوورة الموضوع فديتك ..

[سلام]

للجميع ..


سأجيب ..عن اسئلتي معكم وكاني مشاركة ولست صاحبة الموضوع ..



اعترف بأن هنالك الكثيير من المجرمين ...وهنالك من يستحق الاعدام مليون مرة ..


بالنسبة ..لنظام الحمام اللي اسمية انا كذا ..


اعتقد مش ظلم لهم لكن ظلم لذوويهم ..



كان في امكانهم ..يصنفون المجرمين وكلن يحطون شبكة ع حسب خطورتة او يحددون وقت للزيارة لكل صنف منهم ..


او يحطون شبوك وواضح وقوووية ..بس اهم شي تكون واضحة والله منظر اهاليهم يكسر الخاطر ..


اما السجن ..مربية ..من اراد التربية ترباا ..ومن مابغااها ماترباا ..بس البعض منهم ..من فقدانة للاامل ..مايتوب ع قولتهم هي خاربة خاربة ..



..

ام سجون الحدث ..

احسها اشد شيء واخطرها وتطلع مجرميين ..واخطر من العادين ,,



يعني في امكانهم يخلونها دور رعاية مش تجمع كل المجرمين ..


واصلا اصلا ..مالة داع سجن الاحداث من اسمة احداث يعني ماتجاوزا 18 ..اعتقد انة يخرب مايصلح وزمان سووا كثير تحقيقات عن الاحداث واظهرت انها تخرب ماتربي ..


مدة السجن ..



الين وبكل صراحة .الاحكم ..مو ع شرع الله ..




لاحد يقول لي ع شرع الله ..



مروج مخدرات ..



سجن سنة ..او 6 شهور ..



سارق بقالة او بطايق شحن ..



سجن سنة او 3 سنين ..



تقدرون تعلموننا وش الفرق هناا ؟؟



من الاخطر من اللي يجر سمووم ومن اللي خطرة ع نفسة ..مايضر ابنااء البلد ..؟؟




القضااة ثم القضااة ثم القضااة ..



المسوؤل الاول ..والريئسي ,,



لان القاضي .

بعد تحقيقات المحقق ..



وبعد ..


دخول المحاميين ..



وبعد رفوعها للتمييز ..



يجي القاضي هو اللي يحكم ..؟؟



طبعا مراجعة سريعة ...



بس علية يصدر سنة سنتين مؤبد شنق ذبح ..



يعني ..



شغل التحقيق ..والتمييز ..والمبااحث ..والمحاميين ..



اخر شي القاضي هو اللي يحكم ..




تلقون ذولي قدموا ادلة ..والقاضي ..من نظرة حكم ..



هنا قصدي بأن الامر اولا واخير يرجع لسيادة القاضي ..



..



حكم بشرع الله او حكم يغضب الله




..


اقسم لكم ..


فترة من فترات تدريب اخوي ..



كان في المحاكم ..ومع القضااة ..



يقول اقسم بالله ..

دخلت المحكمة ..



لقيت حالاات وقضااياا



بس لفت انتبااه ..شيئن ..




يقول واحد ,يسولف بالجوال ..وبصوت ..عالي ..


يقول قبل اكون داخل صالة الحكم ..



ويوقول فلان ..لا ابد ماعليك ان شالله انة بيطلع .ولاشين يبي يدينة ..ابدا ماعليك خووف ..

يقول اخوي انا بس اشوف ظهرة ماشفت وجة ..لفت انتبااهي كلامه ..

يقوول انا ابعدت منشان مايشوفني ...




ويوم دخلنا المحكمة ..


الا اللي يجلس ع الكرسي ..ويجلس جنبة اثنين ..



يقول دريت انة القاضي ..


اللمهم يقول بدت الجلسة ..وانا اتابع شغلي ..واتابع قضيتهم .



الا القضية قضية ..ترويج ..ويقول اخوي ..ترويج كبير موب هيين ..وكمياات كبيرة ..



بدت الجلسة وكلن قدم اوراقة ,,


بداء الدفاع والرد وهات وخذ ..


وقبل الحكم ..


قال القااضي للمرووج ..




// سمعنا انك مهتدي ,,يافلاان ..ماشاالله ..دامنا سمعنا اكيد انك اهتديت وعشان كذا تستااهل البرااءة :// والله هذا نص كلام القاضي بلسان اخوي ,,



وعطوووة برااءة ..





وحكم القااضي .........





وش رايكم ..بالاشكال هذي ..؟؟



وغير كذا ..


يوم الي حكى اخوي السالفة لااخوياة يقول يحلف واحد من اخويانا ان واحد علية البصمة الحمراء ..يعني مسجل خطر ..



يقوول اقسم بالله ان القاضي ..دايم يحكم لة بشهر شهرين والا مايحكم لة ..





وين الذمة والضميير هناا ؟؟





لجنة تشكيل القضااة ..هذي تووة جديدة في المملكة ,,وبدت في المدينة وجدة اعتقد ,,وان شالله قريب ,,ع مناطق المملكة كلها ..



ماتشكلت هذي اللجنة من عبث ....؟؟؟؟؟؟؟؟؟


شكراا جمييع ..انرت الموضوع وكفانا الله جميع الظلم ..وفرج هم المكروبين ..




مودتي ,,