قصة سهر

[قبلان الخمسان]

خلوني اسهر واقضي الليـل مانـام


لي مع سـواد الليـل قصـه قديمـه

قصة سهر عمره يجي سبعة اعوام


انا اشهد ان سـود الليالـي عظيمـه

خلوني اسهر وش تحقق من احـلام


وش شفت من فعل الزمن غير ضيمه

عشت الحياة جروح واحزان وألام


ودفعت عمري في سماء الحب قيمـه

حبيت حتى انـي تعـودت مانـام


وسهرت وعيـون المخاليـق نيمـه

واليوم ياقلب الشقـا عـد الاوهـام


وعد الجـروح المسمـلات المقيمـه

استرجع الذكرى لو الوقـت مـادام


واكتب على صدر الليالـي ضليمـه

مدام راحت وانقسـم قلبـي اقسـام


تبي الكويت اللي ربـت فـي نعيمـه

ياليتني ميت وانا وسـط الارحـام


ولاعشت لحضات الفـراق الاليمـه

يوم الوداع اللي ماهو مثـل الايـام


ساعاتهـا كنـه تـرقـب جريـمـه

كن الزمن يزرع وسط قلبي الغـام


وكـن الدقايـق والثوانـي سقيـمـه

وداع لاكنـه تقـل ساحـة اعـدام


وتنفيـذ حكمـي باليديـن الكريمـه

راحت ولا اعرف له عناوين وارقام


والمملكـه عقبـه تغـيـر نسيـمـه

وخسرت كل اللي بنيته من احـلام


وكسبت من سـود الليالـي هزيمـه

[الكاتم]

صح لسانك قبلان


دمتم بحفظ الرحمن

[ام الرغفان]

صح لسلنك اخووي ولاهنت

[عبدالمجيد الشمري]

يا سلام عليك يا بطل صح كلك

والعوض عند الله يالذيب


تقبل ودي ووردي

[شموخ شمالية]

صح لسانك شاعرنا المحترم


ولاهنت الله يسعدك

[بتول آل علي]

أخي الراقي / خمسان القبلان


رغم السوداوية في الابيات و الحزن الحالك

إلا أن الشاعرية يشع نورها بين كل ذلك



ألف صح فكرك




أختك

الدهور

[جمران]

صح لسانك

لاهنت