شان ميّه .... فرّاش الجمعية !!

[منصور الغايب]

السلام عليكم ورحمة الله وبركاته



صبحكم الله بالخير جميعا ...




لما توظفت عام 2002 لقيت الادارة اللي انا متوظف فيها ... عندهم فراش بنغالي اسمه :


شان ميّه .... ويدلعونه سالمية :)



لقيت هالبنغالي متسلط عليهم الله يدفع البلا ...


وكل ما قلت لاحد الموظفين القدامى ليش ساكتين !!



يقول يارجال هذا يسويلنا شاي وقهوة ويجيب ماي خاف يكرهنا ينتقم مننا ويحط لنا بلا :(



فذليت مؤقتا مع من ذلوا ...



من سوالف شان مية ... انه يجي لمكتبنا قبل لا نجيب الريوق ويسأل الريوق اليوم على منو ؟! ويوقف على راسه لما يجيب الريوق .. ويقلط مع القلطة الاولى :)



وكل ما طلبناه شاي او ماي .... قال مافيه قلاص .. ما فيه كاسه :)



قلت ياربع ما يصير لازم نجيبله كاسات ... عجل نشرب شاي بالدور :)



رجت وجبتله كاسات للشاي وقلاصات للماي ... ما فطنت الا طاردن برا المطبخ :(



ليه ياسالمية ... ؟!


قالي : لما انته يجيب كاسات وقلاصات ... ويصير واجد .. منو يغسل .. انته والا انا ؟ روح ما يبي فيه ثلاث كاسة كافي :)



طلع فطين هو أصلا ما يبي كاسات ولا قلاصات زيادة :) حتى لايبلش بغسلهن !!



بعد مافارقنا سالمية .... اتصل علي .. به خير ما ينسى ان بييننا عيش وملح وقلاصات :)



سألته : ماتبي ترجع لادارتنا ؟



قال خل يولي .. الحين شغل ادارة تاني كله حريم يعطي فلوس واجد .. روح بقالة يعطي فلوس روح مطعم يعطي فلوس .. انته مافيه يعطي فلوس ..



سويت روحي انقطع الخط من الفشلة :)



لاعاد الله أيامك ياسالمية ....




ما يستفاد من قصة سالمية :


انه هناك ناس واجد متسلطين .. الناس ساكته عليهم خايفين مما يمكنهم فعله من ضرر لا منهم أنفسهم !!





وناس واجد ... تتحجج بعدم وجود فرص للعمل والنجاح والظهور ... وهم اصلا فرحانين لعدم وجود هذه الفرص لانهم يبون يكبرون الوسادة أصلا ... يعني مثل عذر سالمية بالقلاصات .. يومه جته القلاصات ... قطهن :)



تشكرات صباحية لاهل الفلة ولمن يقرأ ...

[ابو فارس]

عندنا وعندك خير

ياكثر شان ميّه بكل مكان

بس عجبتني مفردة ريوق
يا اخي ليا سمعت بها ودي اطلب ريوق علشان اكله
بس ليا جاء طلع فطور مثل اي فطور ثاني

مدري احس ريوق شئ مميز
يعني مدري وش هو بس شئ حلو

----------------
اثري شان هذا ذكي بالحيل

بس ماعليك كلها فترة وياخذ له كم مقلب من الحريم ويرجع لكم


بس لاتستعجل عليه
:) :)

صباحك ورد وريوق يا ابو عبدالله

[منصور الغايب]

ياخوي ترى بيني وبينك .. يمكن 100 كيلو او دون بعد ....


يعني تعال ونسويلك ريوق :) <<< بس لاتكون مثل ابوعارف ... خلنا نأجلها :)


صباحك ترويقة :)

[ابو فارس]

الا على فكرة

ليه انت ماتنقل مع شان مية


ترى الادارة اللي هو فيها
مانازينها


بعدين وانت رايح له كثر له من القلاصات والاستكانات

خل راسه يشيب

:) :)
دمت بخير

[منصور الغايب]

فكرة مش بطالة ...


بس خاف الادارة الجديدة يحطوني بالمطبخ مع شان ميه ... وابلش بغسيل الكاسات اللي جبتهن <<<< طلع مثله :)


على طاري استكانه ... اثاريكم تعرفون الاستكانة ... وانا عاوج حلقي من اليوم اقول كاسة ابيكم تفهمون :)


ذكرتني بالابوذية اللي تقول :

الي موال خلي وبستك آنا
وشكر ذابت شفاهه باستكانه
أمس بالطيف قتله بستك آنا
من أهد ماقتله ماراصي عليّا :)


هيجت الحافظة .. انت وشان مية ...


لاهنت ...

[عبدالرحمن]

شان مية صار سالمية طيب اسمك وش يصير لو نبي نمغطوووه! هههه
فعلا الحريم دفيعة مهو مثل عكفان الاشناب !!
الا وش سالفة شبابنا كلهم مرطان الله يمرط بوش!!
اذا تبي نلحق سالمية انا حاضر بالجاه والوجه!
وابشر بلوري كاسات ماء وشاي وفناييل قهوة!!
وغوري فرفوري وتنور طيني!!!!
بشرط تعزم ابوفارس على الريوق!!
والاكل على ابوناب!!!
نكمل بعد صلاة الجمعة!

[منصور الغايب]

اما نلحقه ... لا ... :)


لان أصلا بعد رحيل سالمية غير المأسوف عليه .... امتلت الادارة من الحريم الدفيعة ... وشي داخل وشي خارج .. وقدوع داخل وحلو خارج ...

ومن جاور السعيد يسعد على ماقيل ... :)

لذلك ... لا يخلو مكتبنا من مطارة قهوة مسوياته ... ذوات الخدور :)

ومن صينية حلا مدفوعة الأجر ... وتدور حلق اللي ياكل :)


لاهنت ياأستاذ :)

[عبدالرحمن]

اثاريكم تعرفون الاستكانة ... وانا عاوج حلقي من اليوم اقول كاسة ابيكم تفهمون

كرا برا كردي شو ملا مصطفى برزاني شقالاوة برزنجي انتيه شمامه كر كركلا:a:!

انتبه بس لا تطيح حنوكك من الانعواج بالبيالة:315r:!

الله يبارك بقريبك البنغالي اللي جابك:a:!

[عبدالله الجعيثن]

اما نلحقه ... لا ... :)


.... امتلت الادارة من الحريم الدفيعة ... وشي داخل وشي خارج .. وقدوع داخل وحلو خارج ...

ومن جاور السعيد يسعد على ماقيل ... :)

لاهنت ياأستاذ :)



ايييييه...ماجنبه الا هالحساويه



واذا تطوّرت ... سيّر علي ريال فسحه


ابغترح على رانكو ... يودوننا للكويت



تبادل خبرات

[منصور الغايب]

يا أستاذ .. أنا وين والكاسة وين :)


يازين الاستكانة ...


أول فوائدها أنها ما تعور الحلق وانت تنطق اسمه :)


ثاني فوائدها أنها بسرعة تخلص ... مو تقعد ساعة تتجغم به ولا يخلص الشاي ... :)


وثالث فوائدها ... إنها خلتك تمر هالمرور الكريم على متصفحي


لا هنت

[ريال الفسحه]

حسبي الله على الي خلاني اتصفح من
الجوال :)

مدزدي بك سالميه

[عبدالله المهيني]

الحين أبي أفهم شلون اسمه إنقلب لـ سالمية

<<<< لي ساعه أحاول أفهم سبب مقنع للتغير هذا :)






ياخوي البلا ماهو من رفيقكم البنقالي

البلا والله من واحد أخبره زين

وبالماريه يوم دخل علينا طفى الكهرب بالحاره كله









:)

[الحنشل]

^
^

ابو سلطان يدورك بالإداري .... الظاهر إنه يبيك تسوي له إعلان << يبي يصرفه







منصور



ما اقول الا هنيك يا شان ميّه .... يخدم على بنات مخيندز

[منصور الغايب]

ايييييه...ماجنبه الا هالحساويه



واذا تطوّرت ... سيّر علي ريال فسحه


ابغترح على رانكو ... يودوننا للكويت



تبادل خبرات


وشتبي تشتغل بالكويت ... فراش والا سايق باص :)


لاهنت يابو غازي ....

[منصور الغايب]

حسبي الله على الي خلاني اتصفح من
الجوال :)

مدزدي بك سالميه


هلا بالخوخ :)

يارجال ... سالمية راضي بقسمة الله ... الفال لك :)


لقيت صوري ؟! :(

[منصور الغايب]

الحين أبي أفهم شلون اسمه إنقلب لـ سالمية

<<<< لي ساعه أحاول أفهم سبب مقنع للتغير هذا :)






ياخوي البلا ماهو من رفيقكم البنقالي

البلا والله من واحد أخبره زين

وبالماريه يوم دخل علينا طفى الكهرب بالحاره كله









:)



أعوذ بالله ... هذي قصته قصة شر :)


أقول لا عاد تقلطه بديوانك ...


وبعدين شان مية صار سالمية كالتالي :

الينغاليين ينطقون الشين سين ... فنقوله شسمك ؟

يقول سانمية .... وبما أن السالمية في الكويت منطقة تعج بكل جميل :)

سموه سالمية تيمنا بأن يأخذ من اسمه نصيب :)


لاهنت يابو كهرباء ...

[منصور الغايب]

^
^

ابو سلطان يدورك بالإداري .... الظاهر إنه يبيك تسوي له إعلان << يبي يصرفه







منصور



ما اقول الا هنيك يا شان ميّه .... يخدم على بنات مخيندز


اذا لك نيه تبدله وتزيده ... ابي اتصل عليه هالحين :)


تسلم يالحنشل ...


سلم على شنقل ...

[عبدالله المهيني]

الحين فهمت :)





اما السالمية انا والله أعرفه شارع شارع وداعوس داعوس :)

ورفيقك ماعاشرك الا وهو مثلك


يعني فاقد الشيء لا يعطيه فوسعوا الصدور :)

[منصور الغايب]

الحمدلله يومنّك فهمت :)


واحذر من السالمية ... وأهل السالمية ... لاتسمع بك المعزبة ... وتهج موليّة :)


لاهنت ...

[عبدالله المهيني]

^
^



يارجال لو ماأدري إنك جهراوي تسان دريت من ردك هذا

يارجال فرق السماء عن القاع السالمية عنكم



وحتى المعزبه يابغينا الكويت قالت للسمالية ماهو الجهراء :)

[منصور الغايب]

يجون من الرياض للسالمية ....


الحمدلله ...


أنا بالجهراء ما ودي أهلي للسالمية ...


صج إني معقد :)

[عبدالرحمن]

أنا بالجهراء ما ودي أهلي للسالمية ...


صج إني معقد

هذا الاسبوع انا عازمك على العشاء
بالسالمية وبمطعم (.......!):a:
ابي افك عقدتك ولا .........!.:315r:

[ابو فارس]

عبدالرحمن

اذا وافق منصور
اعتبرني معزوم
وترى بحضر


بيحرج منصور :)

[متعجب]

وأنا رابعكم على كيس عبدالرحمن

[منصور الغايب]

عجل ماني موافق :)


تسلم يا استاذ ..

[عبدالرحمن]

الله محييك يابو فارس بس انتبه للوقت
ترا المطعم ما يفتح الا عقب الثنعش من الليل!:a:
يعني قبل اذان الفجر والمرواح مع طلعت الشمس انت حول المنفذ!
وترا نظام الاكل بالمطعم معقد شوي باعواد خشبية
و اصبع واحد من اليد اليمنى مع اصبع من اليد اليسرى:a:
ابو عبدالله خلاص ابو فارس حضر بدالك ولا ودنا نعقدك اكثر يابعد السالمية:315r:

[عبدالرحمن]

عجل ماني موافق

عجل ! وماني ! وموافق!
متعجب اخبرك شاطر بالترجمة السرنديبية
وش يقول الريال!!

[منصور الغايب]

الاعواد زينه يابوفارس ...


لاخلصت من الاكل تقدر تحك به ظهرك :)


يعني لك فيها مآرب أخرى :)



كثر الله خيرك استاذ

[منصور الغايب]

عجل ! وماني ! وموافق!
متعجب اخبرك شاطر بالترجمة السرنديبية
وش يقول الريال!!


عجل هو صغير البقر ....

وماني ... اخت كاني في فوازير المصريين ..

وموافق ... يعني متى العشاء الله لايهينك :)

[متعجب]

عجل ماني موافق
عجل ! وماني ! وموافق!
متعجب اخبرك شاطر بالترجمة السرنديبية
وش يقول الريال!!



نعم أخي الحبيب حمنّي << عمرك 29 يالمذهوب !!

أتّفق مع منصور في تفسير كلمة (عجل) وهو بلا شك صغير البقرة ذو اللحم الخالي من الكوليسترول كما يُنصح به وهو مناسب لمرضى السّكري ومن يتبع حمية غذائية فهو قطعاً خير من يُمثّل قائمة اللحوم في منيو المطاعم
باعتبارة (دايت لحم) <<زيرو كوليسترول


وكلمة ( ماني ) هي إشتقاق من كلمة ( مانا )
أو هي علم مُذكّر كون أن ( مانا ) هي علم مؤنّث يُخبرنا به المثل الفصيح
( بين حانا ومانا...ضاعت لحانا )

فهنا منصور يرسل رسالة أنيقة مؤدبة يُعاتبك فيها على عدم جدّية الدعوة للعشاء والتي تُشابه دعوة جحا لأحدهم حيث بلغ به الوصف الجميل للاكل أن سعابيل الضيف قامت تدرج وهو ما زال في طوْر الوصف للوليمة وبعدها طلعت الدعوة فشوووش.

أي أن منصور تاه بين جدّية الدعوة ..وعدم جدّية الدعوة.



وثالثة الأثافي كلمة ( موافق )

أتت بعد موافقة ( ابو فارس ) للانضمام للدعوة ..ومحسوبك اللي ما صدّق وقط وجهه وصار رابعكم

فكأّن الاستاذ / منصور الغايب قد سلّم أمره وزاد إقتناعاً أن الأمة لا تجتمع على ضلالة فكان مع الجماعة ...فوافق.


هذا كما يُتداول في لهجة أهل سرنديب وأرجو أن اكون قد أتممت مهمة فك شفرة منصور .

/
/
/
/
أنت بتعشّينا والاّ ....

[منصور الغايب]

^
^
^

أراك أصبحت مؤهلاى لتشغل منصب السكرتير الشخصي لي :)


لاهنت يابوعبدالرحمن

[متعجب]

سكرتير سكرتير بس نتعشّى

أخشى أن يحق عليه قول الشاعر,,

كانت مواعيد عرقوب له مثلا......وما مواعيده إلاّ الاباطيل

[عبدالرحمن]

الا اعشيكم واعشي اللي يعشيكم واللي مايعشيكم
بس حددو العدد والوقت والمكان وابشرو بالحاشي والمحاشي
بشرط ان توقعو لي على وريقة
تفيد بمناصرتكم لأنصار تعدد الامهار!!>الظاهر اكل عشاي وحدي!

[متعجب]

بس مناصرة !!

أبشر بالتشجيع اللامحدود

[المشرف العام]

/

تم نقله عن طريقي لوجود تحفظ إداري عليه


ثم تم اعادته من قبلي إلى قسم " دردشة الفله "


/


لعلم اخواني المشرفين وصاحب الموضوع جرى التنويه

[المشرف العام]

الا اعشيكم واعشي اللي يعشيكم واللي مايعشيكم
بس حددو العدد والوقت والمكان وابشرو بالحاشي والمحاشي
بشرط ان توقعو لي على وريقة
تفيد بمناصرتكم لأنصار تعدد الامهار!!>الظاهر اكل عشاي وحدي!



اي حاشي يابو يوسف


ما فيه وجبات خفيفه :)

[منصور الغايب]

الحمدلله على عودة شان مية ... فراش الجمعية :)



الفرحة مو بس بعودة الموضوع ...


ولكن ... بعودة النقاش حول العشاء ...


وينك يامتعجب .. الفرحة فرحتين :)

[قـــوت]

عشا عشا عشا <<< غورقن عيونه <<< قامت له جعير



ههههههه



الموضوع تحول من شان ميه الى عزايم وخيرات .... كله بركتن هالشان خمسميه


وين العشا اي مطعم واي يوم ؟

[جمران]

طيب وانا



ماكلف عليكم مشتهي الفقار بس

والبافي لكم

[منصور الغايب]

والله ياربع ننتظر راعي العزيمة اللي يفتقر للعزيمة في هذه الدعوة :)


لكن ابشروا بخير ...


العشاء جاي جاي ...


حتى لو على حساب شان مية :)

[شموخ شمالية]

/
\

تصدق اخوي منصور ان فيه حمايل عندنا يقدرون زوجات عيالهم اللي مايعطنهم وجه
لابشغل البيت او جلسات العائله

والحرمه الحليله معهم مايعطونها وجه ولايقدرونها وكل خطا محسوب عليها...
لان الاولى يخافون منها وليس احترام او غلا



الله يعين بس





اما هذا فراش الجمعيه كش وجه أحس انه متسلّط حييل وفارضن شخصيته ع الكل
عردز ان شاءالله


موضوعك جميل وهالحالة موجوده بكل مكان


شكرآ منصور