ابو ناب يمهد لزيارة أهل الكويت

[ابو عارف]

ربــــــــــــي خـــلـــقـــنـــي مــــــثــــــل أبــــــازيـــــــد بــــالــــهـــــده
عــلــى الـصـحــن مــاهــو مــلاقــى الرجـاجـيـلـي
لـــــــي مـــاكــــل لـــــــو تــجــيـــب الــبــشـــت مـــاســــده
تسمع ضريس الناب و الناس تصغيلي
عــاشـــت يـمـيـنــي كـــمـــا الـمـخــطــاف مــــــا رده
تـخـطـف الـلـحـم مـــن ركـــن جــــاري وتـدنـيـلـي
تــدلـــي كــمـــا ســـكـــود يــــــوم الـــحـــرب والـــشـــده
وتـــرجــــع كـــمــــا الــــحــــر والــصـــقـــار يــومــيــلــي
وتــقرط بــغـــار كــمـــا الـمــرمــى عـــلـــى الـــقـــده
مـــابـــه ســــــواء الـــنـــاب كــالــحـــارس يـراعــيــلــي
خـمـسـيـن لـقـمــه قــبـــل اســمـــي كمل عـــــده
ثـــــــم أتــــربــــع وأســــمــــي وشــــــــوف الـتـهــاويــلــي
مــثـــل الـجــمــل يـامـنـعـتـه عـــــن الـعــلــف مــــــده
نـــــقـــــراء لـــــكـــــم مـــــوجـــــزه قـــــبـــــل الـتــفــاصــيــلــي
أخــــــوك أبــــــو نـــــــاب يامنصور ويـــــــش نـــــــده
آكـــــــــل خـــروفـــيـــن شـــــــــرط كـــــبـــــار بالحــيـــلـــي
إذا تـــبـــي تـــشـــوف فـــعــــل أخـــــــوك قـــــــم غـــــــده
وإلا العشاء حاشي وخمس من الحيلي

[منصور الغايب]

الله محييك .... يابوعارف


وابرك الساعات يوم نشوف نابك :)


بس قبل لا تجي بلغنا ... عشان ناخذ قرض ... ونسويلك عشاء :) <<<< مبين من القصيدة

ننتظرك واذا لك جية تواصل معي عبر الخاص خلنا نشوفك ونقوم معك بالواجب

[ابو عارف]

الله مار يبقيك يالعزوة

بكيفك لك الخيار إن بغيت العشاء أو الغداء أنت ومحمد الشمري أما الفطور فيوم عند المطنوخ ويوم عند أبو ثوب وكلها 35 يوم فقط.

إلا كم طبق البيض عندكم؟


شكراً لك يالغالي أبو عبدالله

[الشمـــ نور ــــري]

:7ayyoh:



:7ayyoh:


بتنّور الكويت فيك :)

[أبو فهد]

لحضة




وين تبي يبو ناب





ياخوي الجبيل على دربك




و على قولتهم




اللي دربك عليه لا تدربك عليه :)





فلو تكرمت




لنا حق نتصور مع الناب




<<<<فاهم الناب غلط




اوكيشن سير ؟





----------------
أبو فهد الهمزاني

[منصور الغايب]

خل الريوق عندي ياخي انا اقعد من الساعة ستة :)


طبق البيض 695 فلس


حياك ياغالي

[عبدالرحمن]

خـمـسـيـن لـقـمــه قــبـــل اســمـــي كمل عـــــده
ثـــــــم أتــــربــــع وأســــمــــي وشــــــــوف الـتـهــاويــلــي

طيب انا عازمك على هوامير في كورنيش الخفجي
بس خايف عليك من العظام :315r:


إلا كم طبق البيض عندكم؟
يابو عبالله هو قصدة كم بيضة بطبق البيض وليس سعره
لان الرجال ياكل مية بيضة مع طلعة السحر:a:!
بأنتظارك على مفرق ابو حدرية
ومعي خمسين كدرية مشوية:315r:

[بنت الجبل آخت القصيد]

اذا بنات الركيب معك الله حيك وحياهن من ملفاك لملقاك :)


.
.


ماسكتن علم السعوديه عند باب الصناعيه

<<محد يجي للكويت الا يمر الصناعيه

[ام الرغفان]

حيا الله عمووو

الا ابو حسن معاك؟؟


اذا معك


خذ معك ابو حسن وقطوه بالكويت ولا بطريقك قطوه بشوارع الجبيل الصناعيه صدقن بيضيع لان الشوارع تشابه




منووور عمووو

[ابو عارف]

الله يحييك ويبقيك يانور شمر

أثري كل ربعنا هناك ماشاء الله

الكويت منورة بكم يانور

شكراً على الترحيب والحفاوة لاهنتي

[ابو عارف]

هلا أبو فهد ومرحبا

تصدق قبل الليلة كنت أتصور إنك بين حايل وسلمى مادري ليش أفكر تسذا

أثريك هنيا عندي بالجبيل كل يوم وأنا عند أخوان سلمى بالجبيل والقابلة عندي عشاء برأس تنورة المعمورة شرفنا وجب كاميرة للتصوير مع الناب وإن بغيت صوت وصورة أثنا الأكل.


عسى ماتحق عليكم أنتم قريبين بالمخباء.

شكراً لك

[ابو عارف]

ريوق أبو ناب تيس حشاء هذا ذئب

طيب الريوق ثم الفطور بعده نذهب للغداء

695 كم يصرن بالدولار

مرة أفطرت ب 900 دولار

[ابو عارف]

كفو والله بك وبأهل الخفجي عزالله إن لي أصحاب عزيزين شرواك بالخفجي وإن مريت يبون يعطلونن أخاف يفوتن ريوق أبو عبدالله


السمك هو غرض روق والعظام ماحوله شيء تهف هفة خشيت ورشاوه مع هالقدة.


لي فيكم إعادة نظر يا أهل الخفجي

شكراً لك ماعينت أبو طروق

[ابو عارف]

معي أم الركب أم عارف تشبه جدنا الأول ركبان بس إن خاوتن تختلف الميزانية هي بنت شيوخ جدتها سلمى الرومية وجدها مطير بن رومي لازم لها ذبيحة لحالها.

عمار يالكويت أثري كلكم فيه يمكن نمر الصناعية نأخذ ركب ماهن لنا للسيارة.


شكراً عطر شمر على الدعوة

[بنت الجبل آخت القصيد]

نأخذ ركب ماهن لنا للسيارة.


:315r:



:315r:

[ابو عارف]

أكيد إنك عاشقة أبو حسن يا أم الرغفان كلمهذا تسألين عنه وهو بعد يحب الرغفان

مرة قال أبي أفطر عندك فشريت 10 كيلو طحين وقلت رغفان يالأجواد وتف ال 10 كيلو في ضحاء.

مايغدي مركبينن بعلباوه ماجللان وبرقبته جرس وبرجله خيط مثل الطيور والغرب بالحج ياضاع يلاقي من يجيبه

قوليلي كان تبين نظرة شرعية من أبو حسن حتى تحرمين النظرات وحتى النظارات أشوفه غز خشمه زعلان يقول ليش تكتب عني تسذا يمكن فيه نصيب هو يقول.


شكراً لك أبو حسن يسلم عليك

[ابو عارف]

طبعاً للسيارة أجل لنا وإذا هن اصليات ناخذ لنا 4 سبيرات الدنيا واحواله يذكرون الرماتيزم عاثي بهالركب.

[ابو عارف]

أشوفكم قلبتوها مزمزة على أبو ناب

خلاص هونا من هالسفرة

[ام الرغفان]

خلااص اسال عن ابو حسسسن من البر والذارابه اللي فيني:)

[ابو عارف]

إستأنس أبو حسن من كلامك متى عاد يسري

يا أبو حسن طس أذلف لهلك عسى مالك والي

تر أم الرغفان هذي مثل ظلمى تأكل الناس

كل يوم تغداء رجال وتعشاء حرمة أكثر شحم

ههههههههههههههههههههه هج أبو حسن

[شرهه]

ابو عارف ما تبي خوي :)




يلزمك حراسه مشدده .... فأبي اخاويك و اباخذ معي كم نفر من شان نضمن سلامتك وسلامة نابك طال عمرك وعمره على طاعته ...






احترامي سيدي

[ابو عارف]

مشكورة العميد ركن شرهه على الإهتمام في ناب أبو ناب لاهنتي

لا لايهمك مع إني مؤمن عليه ب 100 الف دولار رايح أخليه عند أبو حسن حتى أعود.


شكراً لك على هالبادرة الطيبة يالطيبة .

[غالب]

صحيح إنت إنسان مستهدف

لازم نصور وجه يوسف ونلصقه على قزازة سيارتك




اضمن لك الطريق أكا اليوم مابه ولا كائن حي هههههههههههه

[ابو عارف]

ويوسف مستهدف أيضاً ماتشوفه كل يوم يغير صورته ثلاث مرات

لا نحط صورة وجه روح حايل هي المحبوبة ومالها عدوان.


شكراً على الإهتمام بأبو ناب ياغالب.

[منصور الغايب]

منصور داخل قطية يبي يجمع حق ريوق ابوعارف :)


هل من مساعد ؟!

[ابو عارف]

أدخل في جمعية تتكون من خمسين موظف من كبار الموظفين وإذا جاء دورك في إستلام الغلة خبرني اتجوع وأجيك صائم حتى أفطر عندك بارك الله فيك.

تر أبو ناب يحب المقبلات قبل الريوق مثل الرغفان والعدس والفول والحمص والبطاطس والفلافل وأنواع العصائر توه طايح بالفلافل الله يجيرك وبعدين تنفتح شهيته للفطور.

المقبلات هذه خذها بالجملة أصرف لك مع العلم إنني سإختصر إقامتي عندك إلى ثلاث إسابيع فقط إلا إن طابت لي العيشة بكسر العين,

شكراً لك أبو عبدالله بارك الله فيك على التحضير للزيارة المرتقبة لاهنت

[منصور الغايب]

منتظرين تشريفك ...


وبدينا نجمع الطلبات من هالحين


لاهنت

[ابو عارف]

عساك تسلم يالذيب

الهدف كان غشمرة وعرض هالكقيدة الفلاوية لأبو ناب فقط.

الله يحفظك لاهنت

ابو ناب فنية التغذية حاجبته على نص خبز بر ونص بيضة مسلوقة وربع تفاحة و حبتين فستق فقط.
وهو هذا كل يوم ينقص من وزنه نصف كيلو والخوف إنه يختفي خلال كم شهر من النحافة بسبب نظام هالحمية الصارمة وهو أعلى وزن وصل له في حياته 74 كجم عندما كان في يعمل في المناطق النائية والأكل يقدم على شكل بوفيه مجاني .


شكراً لك لاهنت.

[قـــوت]

يقولون الكويت يبي يجيه عج




:)

[ابو عارف]

هاه يا أهل الكويت حافظوا ريوق أبو ناب عن العج.

لايكون أنتي كويتية يالذهب؟

إن كنتي كذلك أدخلي في جمعية منصور للضيافة.

Thank you to you the Gold

[أبو رغد]

يا ربعنا واحلو كذب الأميري**واحلو كذب مفصفصة شهب الأصياخ:goooood:

ههههههههههههه

ما شاء الله عليك يابو عارف ، منا زين هالقصيدة أعجبتن أوي أوي:)

تحياتي

[يـــوسف]

خالي ماعليك من حتسي غالب ماني مستهدف ولا شين :)


تبي جوازي تسافر بوه ؟؟ والله ماش ياخالي انا اغترح عليك لو تحول مسار الرحلة لأيران اصرف لك يعني منه تشوف لنا الاوضاع هناك







ومنه تاخذ لك بوسه من قبر الخميني وتجي هنا وتشيخ على القطيف وماحوله :)

[راعي الوقيد]

عــاشـــت يـمـيـنــي كـــمـــا الـمـخــطــاف مــــــا رده
تـخـطـف الـلـحـم مـــن ركـــن جــــاري وتـدنـيـلـي
تــدلـــي كــمـــا ســـكـــود يــــــوم الـــحـــرب والـــشـــده
وتـــرجــــع كـــمــــا الــــحــــر والــصـــقـــار يــومــيــلــي

حي والله هاليد ماهي يدي

ابوعارف ماله اخت نتعرش به مع الجماعه:)

خـمـسـيـن لـقـمــه قــبـــل اســمـــي كمل عـــــده
ثـــــــم أتــــربــــع وأســــمــــي وشــــــــوف الـتـهــاويــلــي

اقول بحل ياجعرور عندك اليامنك تربعت:qannaj:

اول نسمع يقولون ناب ضاري وهالحين ولله الحمد نشوف بالعين فعل ناب ابوعارف:thumb:

اقول يالعزوة المسلوق مايمشي معك:)

توصية !!

انتبه للطقم بس لايقع من افمك انت ونابك اللي لجنا بضريسه

انعم الله عليهم

[ابو عارف]

عــاشـــت يـمـيـنــي كـــمـــا الـمـخــطــاف مــــــا رده
تـخـطـف الـلـحـم مـــن ركـــن جــــاري وتـدنـيـلـي
تــدلـــي كــمـــا ســـكـــود يــــــوم الـــحـــرب والـــشـــده
وتـــرجــــع كـــمــــا الــــحــــر والــصـــقـــار يــومــيــلــي

حي والله هاليد ماهي يدي


انعم الله عليهم
-----------------------------------
الله يكفينا شر راعي الوقيد هذا آمين

أنتم تعرفونه هو نحوت؟

البارحة طاحت لقمتي من يدي وكسرت يد خويي أبو حسن.

حسبنا الله ونعم الوكيل

تعال أقر على يدي يراعي الوقيد

شكراً لك يالعزوة