سعودية تهاجم ابتدائية الذكري بسلاح رشاش

[شموخ شمالية]

خاص ( إخبارية حائل )





ذكرت مصادر إخبارية حائل الخاصة بأن امرأة سعودية تحمل سلاح رشاش برفقة شاب اقتحمت مدرسة قرية الذكري الابتدائية ( بنين ) جنوب حائل صباح اليوم مطالبة بأخذ ابنها من المدرسة التي كانت على خلاف مع والده يوم أمس حيث أشارت _ وفقاً لشهود عيان _ انها تعرضت للضرب والتنكيل من زوجها .. وقد تمت السيطرة عليها وأخذ السلاح منها وإبلاغ الجهات الأمنية التي باشرت الموقع للتحقيق بذلك.
وباتصال إخبارية حائل بمدير مخفر شرطة السليمي لايضاح الامر اكثر الا انه رفض الادلاء باي تصريح ويمكن للصحيفة الرجوع للناطق الاعلامي بشرطة المنطقة





وسوف نوافيكم بالتفاصيل لاحقا في حال توفرها

[شموخ شمالية]

ياهيــك الحريم يابــلا :3ajebni:

[الجازي]

أمحق أم :(

الحين تتطاق مع أبوه

تروح تهاجم مدرسة ولدها !!؟

بالله وش دخل هذا بهذا !!؟ :a:

بعدين مابعد أمداهم توهم من أمس متهاوشين :)

ياقلبي هالولد اللي طاح وجهه عند ربعه ومدرسينه :)

شموخ استري على بنات جنسك يابعدي مو كل شيء تنقلينه ,, هذي فضيحة الله لايفضحنا :)

بكرة يجونك الربع يقولون هذي عقولكم يالحريم :)

تسلمين ياعسل

[عبدالرحمن]

اكيد الولد ما خذه ابوه عنده ومانع المرة من شوفة ولدها!
طيب المرة تبي تشوف الولد والابو معيي وش الحل!
الحل برايي رشه من رشاش فوق مدير المدرسة
واذا مانفع رشه براس الاب عشان تشوف ولدها!.
ايه طلعي لنا خبايا حقيقة الستات وماعليك من الجازي!

شكرا شموخ شمالية.

[ابو فارس]

هذه عقولكم يالحريم - ترى ماهو متأثر
:)






مهما حصل فأن هذه المرأة لابد انها عانت الكثير
لذلك تصرفت بمثل هذا التصرف


نسأل الله ان يهديهم ويستر عليهم

دمت بخير

[جمران]

والله الشقرديه



لاهنتي شموخ

[شموخ شمالية]

أمحق أم :(

الحين تتطاق مع أبوه

تروح تهاجم مدرسة ولدها !!؟

بالله وش دخل هذا بهذا !!؟ :a:

بعدين مابعد أمداهم توهم من أمس متهاوشين :)

ياقلبي هالولد اللي طاح وجهه عند ربعه ومدرسينه :)

شموخ استري على بنات جنسك يابعدي مو كل شيء تنقلينه ,, هذي فضيحة الله لايفضحنا :)

بكرة يجونك الربع يقولون هذي عقولكم يالحريم :)

تسلمين ياعسل


هلا بالجازي

الا من وجع روحه على ولده

اللي سمعت انه مااخذ الولد ولاتشوفه ابدآ

لا حرمنا الله واياكم قرة أعيننا





لاتخافين يالغاليه ماراح يقولون شئ جديد :315r:





اشكرك يالغاليه ع المرور الحلو


احترامي يالغلا

[ابو ضاري]

ليس هكذا تورد الابل ايتها الام الحنون

واخرته خذوا منها الرشاش امحق فزعه

[الجازي]

ايه بس مابعد أمداها تنحرم من ولدها :)

لأنهم من أمس متطاقين بس !!؟

بعدين دامها مخربتها من البداية تسان جابت هالرشاش يوم هالمملوح يضربها :)

إلا شوشو تهقين رشاش صدزي والا رشاش مويه :)

تصدقين أمس جزت عيني ماطاع يجيني النوم من هالقصة قمت وبحبشت في هالنت أدور على تفاصيل وجبت لك معلومات خطيرة :)

يقول لك ياطويلة العمر مدير المدرسة يصير عم الولد يعني أخو هالزوج المتخلف وداري عن مطاقتهم :)

عاد الغريبة إنها عقب الضرب تنومت في المستشفى مدري وشلون راحت للمدرسة ومعها رشاش وهي متنومة في المستشفى ومتكفخة لما قالت بس !! :)

إيه يادنيا العجايب

ياخي تخلي ولده عنده يشبع به !!

وتشوف نفسها ومستقبلها

رجالة آخر زمن <<< صعيدية :)

[أبو فهد]

مرة عوبا





ياعويذة الله من شر هالعوب









----------------
أبو فهد الهمزاني

[شموخ شمالية]

اكيد الولد ما خذه ابوه عنده ومانع المرة من شوفة ولدها!
طيب المرة تبي تشوف الولد والابو معيي وش الحل!
الحل برايي رشه من رشاش فوق مدير المدرسة
واذا مانفع رشه براس الاب عشان تشوف ولدها!.
ايه طلعي لنا خبايا حقيقة الستات وماعليك من الجازي!

شكرا شموخ شمالية.


هلابك استاذي القدير

ان شاءالله بجيب كل شئ بس انت امسك الجازي عني
اخاف تذبحن وتفقدون الاخبار الزينه :315r:





الله يعين قلبها هالمسكينة تبي ضناه :za3lan:




مرورك شرف يااخوي الله يديمك

[شموخ شمالية]

هذه عقولكم يالحريم - ترى ماهو متأثر
:)






مهما حصل فأن هذه المرأة لابد انها عانت الكثير
لذلك تصرفت بمثل هذا التصرف


نسأل الله ان يهديهم ويستر عليهم

دمت بخير


هلابك استاذي القدير


ليه وش بنا حنا >>> ترسل للجازي رساله


بعذر قلبه هالمسيكينه وهي مااخذت الرشاش الا بس تبي تهدد بوه والا المره ضعيفه
وتبي تاخذ ولدها لو بالقوة


الله يهدي الاباء اللي يحرمون الام من الاولاد



مرورك أسعدني الله يحفظك

[شموخ شمالية]

والله الشقرديه



لاهنتي شموخ


هلابك يااخوي

لاتسمعك الجازي تحط الحــّره بي :315r:

لاني بس اجيب السوالف عن الحريم ووده بغولتي :a:




مرورك اسعدني يااخوي الله يحفظك

[شموخ شمالية]

ليس هكذا تورد الابل ايتها الام الحنون

واخرته خذوا منها الرشاش امحق فزعه


هلابك اخوي الضاري


وشنوح خوش فزعه :za3lan:


ياويلك من الحايليات .. على الاقل حملت سلاح :315r: انا لاشفته بالتلفزيون
طفيتوه :a: هذي على الاقل حملته الشقرديه
ويعتبر هذا انجاز عندنا يالحريم ...انا ابي اسير عليه واحب يده :)



اسعدني مرورك يالطيب ..والله يديمك

[شموخ شمالية]

ايه بس مابعد أمداها تنحرم من ولدها :)

لأنهم من أمس متطاقين بس !!؟

بعدين دامها مخربتها من البداية تسان جابت هالرشاش يوم هالمملوح يضربها :)

إلا شوشو تهقين رشاش صدزي والا رشاش مويه :)

تصدقين أمس جزت عيني ماطاع يجيني النوم من هالقصة قمت وبحبشت في هالنت أدور على تفاصيل وجبت لك معلومات خطيرة :)

يقول لك ياطويلة العمر مدير المدرسة يصير عم الولد يعني أخو هالزوج المتخلف وداري عن مطاقتهم :)

عاد الغريبة إنها عقب الضرب تنومت في المستشفى مدري وشلون راحت للمدرسة ومعها رشاش وهي متنومة في المستشفى ومتكفخة لما قالت بس !! :)

إيه يادنيا العجايب

ياخي تخلي ولده عنده يشبع به !!

وتشوف نفسها ومستقبلها

رجالة آخر زمن <<< صعيدية :)



هلا بالغلا وحبيبة قلبي وروحي >>> ذالــّه


ايه سمعت انه المدير عم الولد وهي عمرها 40 ومعها اخوها 16
والضاهر ان هوشتهم قديمه والا شلون جت للمدرسه وهي منومه بالمستشفى :a:

الصراحه القصه غريبه ..بس ان شاءالله لاسمعت جديد راح اجيبه هنا :315r:



تبين الصراحه تعجبني المره اللي تاخذ حقها وافي مو مثل بعضنا يوخذ حقها وهي ساكته :za3lan:


وأخذة الضنا تذبح لو يوم لانها تخاف انه ياخذه منها للابد لان بعضعهم مايخافون الله :za3lan:




الله لايحرمنا واياكم من ضنانا >>> جته البتسوه






مرورك غالي ياغاليه بس تكفين لاتخانقينن مااعود أجيب هالاخبار :)




هاتس ورده rooose2

[شموخ شمالية]

مرة عوبا





ياعويذة الله من شر هالعوب









----------------
أبو فهد الهمزاني


هلابك استاذي القدير



تدري ان مرورك اليوم مهو زين الضاهر تبي المخطر :148r:



شنوح تقول عوب يااخي نبي ننفّـس عن روحنا شوي
والا شنوح الرجال يضرب المره ومااحد يقول شئ ولاصارت حرمه قامت قيامتهم



يااخي مدري ليش معجبتن هالمره الضاهر اني عوبا :315r:





أسعدني مرورك يااخوي الله يحفظك

[الجازي]

يابعدي ياشوشو

جيبي ولا يهمتس

دامي متابعه لتس بصير أفسر وأشرح الأحداث على الطريقة اللي تخليها لصالحنا :)

بس أنا همي إنها ماتسوي شيء مهي قده

يعني جابت الرشاش بس وبعدين !!؟

ما أطلقت على أحد <<<<< سفاحة :)

يعني دام المدير عم الولد تسان أطلقت عليه بالنيابة عن زوجها :)

على الأقل تثبت إنها قد مسكة الرشاش :)

هاه وش رايتس فيني عاد عقب هالحتسي اللي يجمد على الشارب :)

شموخة تراتس غالية والله

تسلمين لي ولمعسكر النساء الشرقي <<<< لحد يسألني ليه شرقي بالذات لأني مدري حسيتها مناسبة وبس :)

[شموخ شمالية]

^
^

ياحبي لتس / ويسلم لي هالمرور ياعسل




انا اطالب انهم يحطونك الدكتور النفسي للمضايف
يااختي عليك تحاليل نفسيه للمواضيع تخلي لها نكهه خاصة





الا ماعندك زيارة لحايل ودي أشبع من سوالفك ياجدي

[الجازي]

آآآآآآآآآآآآآآآآآآآآآآآآآآآآآآه جعل من قال آه تبرى علته <<<<<<<<<< بتقصد بعد شوي :)

شوشو تكفين ماعندتس محرم لي يجيبني عندكم :)

شوفي بإذن واحد أحد تساني جيت لحايل قبل ما أموت <<< بالله فيه أحد يجي لحايل عقب مايموت :)

فأنا بعلمتس عشان أشوفتس لو في مدرسة الذكري :) <<<< نسوي تذكار الحرية (( حرمه معها رشاش )) :)

جايه جايه الله لايعوق بشر وتسانهم ماطاعوا مالنا إلا الرشاش :) <<< تسنها جازت لها سالفته :)

وإلا بكتب في وصيتي يدفنوني في حايل عشان أصير أول وحدة تجي لحايل عقب ماماتت :)

وخلهم يبلشون بي ولا يعيون علي مرة ثانية <<< وين مرة ثانية ياخاله وأنت ميته :)

وه بس ياشوشو هيضتيني وأنا مش أد الهياض ده :)

[الحيمري]

عوبا ماهي عوبا ماعلينا اهم شي انه وليده بنات بنت حصان

تعليق على ضؤ الموضوع
فضخه قلب مدير المدرسه وزوجها ماينام في البيت يروح يم مركز الشرطه وينام عندهم وكان خاطب له حرمه وطلقها قالوله ليه قال العمر ياشامان ههههه

[الأرجوازيه]

كم هو مؤسف في مجتمعاتنا ان المراءه اذا طالبت بحقوقها خرجت عن المألوف ووصفت بالعوابه


والرجل اذا تعدى عليها بالضرب واهان كرامتها وسلب سعادتها واخذ اطفالها
لا احد يقف بوجه ويصير رجال ولد رجال


مجتمع ذكوري مستبد :za3lan:





هي طبقت مقولة ( ما أخذ بالقوة لا يسترد إلا بالقوة ) :2gunsfiri


المسألة واضحه وضوح الشمس الام تبي ولدها :3abrah:


لكن الخطاء الاكبر انها تهجمت على المدرسه بسلاح وعرضت نفسها للمسأله وممكن للسجن

حمل السلاح كما هو معروف جريمه يعاقب عليها القانون وتصبح مدانه بنظره



انا شخصيا لو كنت مكانها

أؤمن بمقولة ( ماأخذ بالحيله والدهاء لايسترد الا بهما ) :188r:




مفروض انها صبرت عند باب المدرسه لين وقت خروجهم واخذت الولد وراحت بيتهم


وساعتها اللي فيه خير يقرب :472r:


شكرا شموخ

[شموخ شمالية]

آآآآآآآآآآآآآآآآآآآآآآآآآآآآآآه جعل من قال آه تبرى علته <<<<<<<<<< بتقصد بعد شوي :)

شوشو تكفين ماعندتس محرم لي يجيبني عندكم :)

شوفي بإذن واحد أحد تساني جيت لحايل قبل ما أموت <<< بالله فيه أحد يجي لحايل عقب مايموت :)

فأنا بعلمتس عشان أشوفتس لو في مدرسة الذكري :) <<<< نسوي تذكار الحرية (( حرمه معها رشاش )) :)

جايه جايه الله لايعوق بشر وتسانهم ماطاعوا مالنا إلا الرشاش :) <<< تسنها جازت لها سالفته :)

وإلا بكتب في وصيتي يدفنوني في حايل عشان أصير أول وحدة تجي لحايل عقب ماماتت :)

وخلهم يبلشون بي ولا يعيون علي مرة ثانية <<< وين مرة ثانية ياخاله وأنت ميته :)

وه بس ياشوشو هيضتيني وأنا مش أد الهياض ده :)


هلا بتس عزيزتي الجازي


ان شاءالله تجين بحايل وانت بكامل صحتك

وحنا وش نبي بك وانتي ميته !!


أنتظرك بالعطلة وتسكنين عندي ياجدي وابي نجلس جلسة الضحى وتقطيع من هالارقاب
ونبي نزور راعية الرشاش >> تبي تدرس عنده


وشوفتك منـُى عيني والله بس عجلــّي بالمسيار




حضورك له نكهتة الخاصة يالغلا / الله لايحرمني هالطــلّه



لكِ حبي وتقديري

[شموخ شمالية]

عوبا ماهي عوبا ماعلينا اهم شي انه وليده بنات بنت حصان

تعليق على ضؤ الموضوع
فضخه قلب مدير المدرسه وزوجها ماينام في البيت يروح يم مركز الشرطه وينام عندهم وكان خاطب له حرمه وطلقها قالوله ليه قال العمر ياشامان ههههه


هلابك اخوي الحيمري

خلــّه ياعله تنام عنده الذيابه !!

بس تصدق انها اعجبتني هالشجاعه وتسلم والله بنت الرجال





مرورك اسعدني يااخوي الله يحفظك

[شموخ شمالية]

كم هو مؤسف في مجتمعاتنا ان المراءه اذا طالبت بحقوقها خرجت عن المألوف ووصفت بالعوابه


والرجل اذا تعدى عليها بالضرب واهان كرامتها وسلب سعادتها واخذ اطفالها
لا احد يقف بوجه ويصير رجال ولد رجال


مجتمع ذكوري مستبد :za3lan:





هي طبقت مقولة ( ما أخذ بالقوة لا يسترد إلا بالقوة ) :2gunsfiri


المسألة واضحه وضوح الشمس الام تبي ولدها :3abrah:


لكن الخطاء الاكبر انها تهجمت على المدرسه بسلاح وعرضت نفسها للمسأله وممكن للسجن

حمل السلاح كما هو معروف جريمه يعاقب عليها القانون وتصبح مدانه بنظره



انا شخصيا لو كنت مكانها

أؤمن بمقولة ( ماأخذ بالحيله والدهاء لايسترد الا بهما ) :188r:




مفروض انها صبرت عند باب المدرسه لين وقت خروجهم واخذت الولد وراحت بيتهم


وساعتها اللي فيه خير يقرب :472r:


شكرا شموخ



هلابك أختي الارجوزايه

وكلامك عين العقل يالغلا بس الضاهر من النار اللي بقلبها ماتدري وش تسوي

بس فكرتك انها تاخذه عند طلعوهم من المدرسة هذي فكره كويسه <<< تبي تسوي دراسه عن هالخطه




يسلم لي مرورك ياجدي / الله يحفظك ويديمك

[غالب]

الشرهه مهي على المره

الشرهة على الرجل اللي وصله معه للمدرسه


المحاكم فاتجتن ابوابه ليه ماتروح تشتكي

[ام الرغفان]

بعديي والله تلقونه مدمي بكبدها

يسلمو شمووخ

[شموخ شمالية]

الشرهه مهي على المره

الشرهة على الرجل اللي وصله معه للمدرسه


المحاكم فاتجتن ابوابه ليه ماتروح تشتكي


هلابك اخوي غالب


من حرقة قلبه على ولده ماتبي تنتظر المحاكم
تموت والمحكمة ماحكمت بشئ


الله يهدي الجميع



اسعدني مرورك الله يحفظك

[شموخ شمالية]

بعديي والله تلقونه مدمي بكبدها

يسلمو شمووخ


هلابك حبيبتي


اكيد ماتنام الليل ..الضنا غالي ومن اجله يرخص كل شئ
الله لايحرمنا واياكم من اطفالنا




مرورك يسعدني ياجدي

[صعوة فسفورية]

بلاويهالدنيا الله يكافينا شرها

لو انها منها اصوب الرشاش ع راس ابوه وماتكفيني فيه 30 طلقة

لمتى هالظلم ياربي :(

[شموخ شمالية]

بلاويهالدنيا الله يكافينا شرها

لو انها منها اصوب الرشاش ع راس ابوه وماتكفيني فيه 30 طلقة

لمتى هالظلم ياربي :(


هلا بالغالية


بعض الرجال الله يهداه مايرحم قلب الام وشلون ياخذ منها أغلى غواليها

الله يعين بس



اسعدني مرورك يالغلا