% الفزعه تروني وخذت % [الأرشيف]

مشاهدة النسخة كاملة : % الفزعه تروني وخذت %

الشبث

31-05-2010, 11:33

السلام عليكم يا اهل الطبي

تكفون افزعولي يا اخوان

صارلي يومين وبطني مهبلن بي

تقل سكاكين داخل بطني

مع اني واثق اني ما كليت المواعين:)

شربت زهورات

ووووشربت نعناع

وشربت زيت خروع

مابقى الا اشرب زيت فرامل

وبالله لا تقولون لي رح للمستشفى

لاني ديني ودين المستشفى

هلب مي يستر دي >> يعنني اعرف انقليزي

وتقلدوا تحيتي

ابو ضاري

31-05-2010, 11:36

سلامات ابو ماجد

طهور ان شاء الله

انا انصحك تروح لبو غازي

وهو يوصف لك علاج وانت مرتاح بيتك بس اهم شي لا يزعل عليك

ابو فارس

31-05-2010, 12:03

شربت زهورات

ووووشربت نعناع

وشربت زيت خروع

ماقصرت على روحك

يا اخي وش عرف معدتك على الزهورات
اكيد منخرعة اول مرة يجيها هالمشروب

خلك على منقوع البقل وانت تشوف العافية

طهور لا بأس

سلطااان السويري

31-05-2010, 12:38

اشرب ديتول ابو ماجد:315r:

الشبث

31-05-2010, 12:55

الحمد لله والشكر

الرجال موات وهذولا يستهبلون

وقردي وا قل واليي

مالله جابلي احدن يعرف بالطب

ابو ضاري

تبي تذبحن انت تبي توديني لابو غازي

ابو فارس

الا وش رايك بمنقوع الشماغ

سلطان

اطلع برا يا حيوان

جايك العلم ان بطني سيراميك

وتقلدوا تحيتي

شرهه

31-05-2010, 13:24

بحكم ان لي باااااااع طويل بها المجال

اللي هو الاعشاب والطب الشعبي

انصحك بشينن تسقينا اياه عمتي الصنوت يا من بطوننا اوجعتنا

لونه اخضرن يستصفر

بس قهررر نسيت اسمه :)

عبدالرحمن

31-05-2010, 13:32

يجماعة الرجال موات يعني مصبح امسي وانتم تضحكون:315r:!

وشربت زيت خروع
هذا بلا ابوك ياعقاب:)!
اسمع انت بحاجة الى غسيل كامل وليس غسيل المعدة فحسب:a:!
نعم انت شربت زيت خروج منتهي الصلاحية لذلك يجب عليك الذهاب فورا
الى اقرب مشفى للقيام بهذا الغسل الكامل والشامل بالسرعة الممكنة:a:!
وقد تقول ماهو الغسل الكامل والشامل فنقول لك اسعل ابو فارس:315r:!

ماتشوف شر ابو ماجد والله يبارك بالخروج اللي جابك:a:

الشبث

31-05-2010, 13:50

الشهيب

عمتس كانت تسقيكم غسول شرابات ؟

ابو داااحم يالله حيوووه

توي اغليت بطني اللي جابك لي هههههههههههه >> اول كارهن بطنوه

افهم من كلامك يالذيب اني اروح اغسل بستم >> يبي يجيب العيد

وتقلدوا تحيتي

ابو فارس

31-05-2010, 14:24

ابو ماجدتراني ماكنت ودي ارجع
بس عبدالرحمن كأنه وجه الكلام لي

الغسيل هذا الله يكفيك شره
بصراحة فيه مراحل بالشرح ماتصلح للنشر

لذلك برسلها لك برسالة خاصة مع صورة ممنوعة
بس علشان تكون على بينه

انتظرني

الشبث

31-05-2010, 14:40

قصدك رحمة ابو ماجد يابو فارس

وتقلد تحيتي

صلفيق

31-05-2010, 14:45

كلٍ على همّه سرا .... وانا على همّي سريت

صج ان مافيكم فزعه..

لعن ابو بليسكم الرجال يبي يموت ، وانتم تطنزون عليه !!

ياحي الله ابو ماجد
وانا اقول المضيف منوّر لييييييييييه !!!
هلا والله ومليون غلا بشبيثان

سلامتك يابعد حيي
وعساه بالشهبا ولا بك.

والله يابو ماجد انت اللي جبته لنفسك،، والا وش عرّف معدتك للزهورات !
أنت فيدن لهالسوالف !!
حدّك شنين / مريس / عصيدة

بس عاد يوم انك توهقت وسويتها ـ شوف
عليك بمنقوع اليانسون
أو حبة Premperan ـ تلاقيها بالصيدلية.

>>>> انتبه يالغالي لياجيت تغسل لاتنزلق من البستم.

كل التحايا لك،،،

الشبث

31-05-2010, 15:18

اوووه يابعد وجهي انت هالفخوذ

يالله حي طبيبنا

ياخي يوم شفت ردك بغيتس ابتسي من الفرحه

بيدوا حيلي هالمتايحه

خلاص ابشتري ينسون و العلاج اللي انت كاتبن اسموه بربران مدري وشو

وعلى الله

بس تكفى

اذا بكرى ما نفع ابيك تسدحن قدام كل الاعضاء

وتشق بطني وتسوي بي عملية تنظيف معده

تدري شلون

اهااا قلت شلون >> يبي يسولف غصب

تشق بطني بموس خضره

وتلف يدك بمنشفه

وتدخل يدك ببطني

وتفرك معدتي

وبس

اتمنى اكون افدتك >> ول ول يالصيدلاني

وتقلد تحيتي

فرانسيسكا

31-05-2010, 15:25

وعليكم السلام ورحمة الله وبركاته
مساك الله بالخير اخوي الشبث
لا باس عليك ما تشوف شر
اشرب شاي الكاميليا مرة مفيد للمعدة
ربي يعافيك

الحنشل

31-05-2010, 16:56

أنصحك بالبردغوش:)

أبو فهد

31-05-2010, 16:57

أبو ماجد

لا بأس عليك طهور إن شاء الله

عليك بالتفاح لمدة 3 أيام

ثم اعقبه ملح انجليزي صبح و ليل

يا شيخ والله تسلك كل مواسيرك :)

----------------
أبو فهد الهمزاني

الشبث

05-06-2010, 11:21

هلا بالاخت فرنسيسكا

وبصراحه اول مره اسمع بوه الشاي هذا

لكن مو مشكله اجيبه اكيد احصله عند العطارين

وتقلدي تحيتي

عبدالله الجعيثن

05-06-2010, 14:40

ابو ماجد...امسح من مخك كل علاجاتهم

لانه ماتنفع معك<<<خابر وش يدرفس ببطنه

عليك بحلا ام ريال فسحه

ولا اسرق حدى معزا المهيني...وهاته بمزمز عضيماته انا وانت

صلفيق

05-06-2010, 15:23

الجعيثن..
وين حاط معزاو المهيني ؟؟
نبي نسرق لك من هالصخول.

الشبث..
أخاف اذا شقينا بطنك مانلاقي ولا واحد من الأعضاء حولنا..!
ياخوفي كلهم يبون يتسدحون مغمى عليهم !!!
هذولا مايدانون يشوفون الدم.
تصدق ـ الحنشل هكاليوم اغمي عليه يوم انتثر الفيمتو على شليلي ـ يحسبه دم.!

تسلم يالعزوة ، وماتشوف شر
ولو شقينا معدتك أكيد بنلاقي الزهورات ، لأنهم غريبين عليها ، وماراح ينهضمون.

الكاتم

05-06-2010, 21:59

لا بأس عليك يابو ماجد
ان كان معك اسهال شديد وتحس كأن سكاكين ببطنك<< فالظاهر ان معك نزلة معوية ( هواء بارد لافح بطنك )
وعلاجه حبة فيورزال ( مطهر امعاء ) وحبة سكوبينال ثلاث مرات او مرتين باليوم
وان بغيت العلاج الشعبي ملعقة كمون وملعقة لومي اسود وملعقة سكر بكوب ماء بارد خضهن واشربهن لا يترسبن بالكوب
وعلمك بالشر

دمتم بحفظ الرحمن

بعد ملي

06-06-2010, 00:27

لا بأس عليك ياابوماجد
طهور إن شاء الله