يلعبون بفلوسنا !!

[محمدالشمري]

في يوم وليلة منذو مبطي جلست مع أحد التجار نسولف عن اخبار الديرة قال لي سالفة لم تخطر ببال أحد في يوم من الايام ..

يقول بوجاسم تعرف فلان قلت اشلون في احد ما يعرفه الله يرزقنا وياه من اكبر التجار ..
قال تصدق يا بوجاسم اني انتقدت وضحكت عليه طلع مو هين وضحك علي ..
قلت اشلون ؟؟ قال شفت القسيمة الصناعية اللي مستاجرة من الدولة 120دينار بالسنة قام وبناها محلات تجارية فخمة ويوم شفته قلت له شكلك مو صاحي تبني على ارض مو لك فضحك علي وقال لي شايفني مجنون ؟؟
الفلوس يا حبيبي مو فلوسي رحت واخذت قرض بخمسة مليون دينار من البنك الصناعي " بنك حكومي 100% " مليون بنيت فيه القسيمة واربعة طلعتهم برى اشتغل فيهم والقسيمة راح ابيع المحلات قفليات وايجارات راح تكون قيمة ايجاراتها 12000 دينار بالشهر ادفع منها 120دينار بالسنة وبالتالي
اشتغلت بفلوس الحكومة وشوف هالارباح اللي جتني ..
صاحبنا يقول انصدمت اشلون يعطونك كل هالمبلغ وعلى شنهو ؟؟
ضحك وقال الله يهديك ما تعرف ابو فلان عقب ما طلع من الوزارة " كان وزير " حطوه مستشار بالبنك يبون ينفعونه وهو اللي خلص الموضوع ..

قلت لصاحبنا لو رحت للبنك يعطوني مليون ما ابي خمسه ضحك وقال لي يا معود سالته هالسؤال قال ما يعطون الا ربعهم !!!

شوفوا يا جماعة اشلون تكبر ثروات هالناس من فلوس الشعب ؟؟؟

يعني صاحبنا تاجر وعنده خير بس ما هو مستعد ان يشغل فلوسه قام واخذ من اموال الدولة واستثمرها لحسابه الخاص ، والفقير يبي يشتري سيارة أو بيت اقساط يعزرون فيه كفيل وراتبك كم وفوائد متلتلة ورهن وغيرها ويمكن يعطونه والا ما يعطونه ..

يعني بالعربي المشرمح غالبية هالتجار الا من رحم ربي شغالين بفلوسنا وعلى حسابنا وحنا ياغافلين لكم الله ..

[أبو فهد]

اعذرن يابو جاسم عن المشاركة



و سجل حضوري




السبب : حنا لا نقدر نتاجر لا بفلوسنا و لا بفلوس أحد :)




----------------
أبو فهد الهمزاني

[ابو عارف]

تقول منذ مبطي وشلون تو هالسالفة طرت عليك أبو جاسم ؟

ماتسمع المثل القائل التجارة شطارة؟

الرجال مستأجر القسيمة ومن حقه إستثمارها وطلب قرض وبنى محلات وسر ياساري ؟

أين تكمن الغرابة هو مستفيد والبنك الصناعي أكيد مستفيد من فؤائد القرض ولامشكلة

وخويك هذا قل له من راقب الناس مات هماً


شكراً لك أبو جاسم ماتخبر قسيمة نبي نتقاسمها انا وإياك يا أبو قاسم ههههههههه.


تقبل تحياتي وتقديري

[منصور الغايب]

يقولون .... حلال على الشاطر :)


ومن جاور السعيد يسعد !!


هي فئة ... شعارها .. نفعني وأنفعك .... ولاتظن أن ذاك الوزير السابق سهل له الحصول على خمسة ملايين لوجه الله !!

نسأل الله أن يرزقنا الرزق الذي يكفينا ... ولا يطغينا ..

وودي ألقى واحد بالبلد ... يقول الحمدلله :)


لاهنت يابو جاسم ..