من روائع ... ركن أبي ماجد ...

[منصور الغايب]

البارحة ... كنت أتجول في مضيف الركن الهادي

أصول وأجول بين روائع ما يقدمه لنا الزملاء هناك ..


ووقعت عيني على رائعة من روائع أبو ماجد الشبث


كم تمنيت أن تكون قد أدرجت هنا في المضيف العام ...


ولكن أبو ماجد ابى إلا أن يجعل لعرينه منها نصيب ...

بعد استئذانه سمح لي باقتباسها ...

وها أنا ذا أعرضها عليكم ...


======================

ايام الطفوله

ارسلني ابوي اللي هو ( ولي امري ) للبقاله او الدكان


وقال جيب لبن


معروف ان اللبن بـ 4 ريال


وابوي اعطاني عشر ريال




ورحت للبقاله


واخذت اللبن


ورجعلي صاحب البقاله 6 ريال


ورجعت للبيت




وانا في الطريق شفت الفلوس


قلت ليه ما اخذ ريال واحد بس واصرف ابوي




وصلت للبيت


واعطيت ابوي الباقي


ابوي شاف بس خمس ريال


قالي بكم باع لك اللبن ؟

قلت بخمس ريال



قال تعال نرجع له انا وياك وناخذ الريال منه !!!


انا هنا تورطت








كان ممكن لو رجعتهن كاملات يعطيني ابوي الباقي كله

لكن انا استحليت السرقه




















ليت ولي الامر يدقق في المال العام كما دقق ابوي علي

وليت ولي الامر يتابع رعيته كما تابعني ابوي





هل يعتقد ولي الامر انه غير مسئول عن رعيته ؟


ونبينا محمد عليه الصلاة والسلام قال ( كلكم راع وكلكم مسئول عن رعيته )

خصوصاً اذا علمنا ان سيد البشر لا ينطق عن الهوى !











وتقلدوا تحيتي

==========================

[منصور الغايب]

بساطة اعتدناها من أبي ماجد ... يصل بها إلى القلوب ...


نفتقر إلى هذه البساطة ... والدخول دغري في الموضوع ... واللف والدوران أذهب الكثير من المتعة في مواضيعنا ...


فلله در أبي ماجد ...


ونسأل الله الهداية لمن بيده الأمر حتى يحاسب كل راع عما استرعاه اياه ...


شكرا ابو ماجد ...

[ابو عارف]

مشكور أبو عبدالله على هالإيراد الحلو ولاهو غريب على أبو ماجد هالإسلوب السهل الممتنع ولكن إذا صادفته قله كم لولي أمرك من ولد سروق وشلون يبي ولي الأمر يراقب كل سرقان الشعب؟

نبيه بس يراقب ويحاسب سرقان الملايين وإلا أبو ريال وريالين يهون أمرهم.


موضوع هادف ومنتاج من أبو ماجد

[ريم شمر]

صيد سمين يستحق الاقتناص

شكرا لأبو ماجد

والشكر موصول لك يابو عبدالله

[ابو ضاري]

ابو ماجد منا زين كلامه يابعد راسي

لاهنت يابو عبدالله

[الجازي]

أبو ماجد

الله يصلحك

طقتني الشفاية

وش صار في الحلقة الأخيرة

رحتوا للبقالة

كلت لك علقة زي مايقولون

اعترفت بالحقيقة لابوك

والا وش صار :)

*
*
*
فعلا مافيه أحسن من بساطة الطرح

سريع الفهم وسهل الهضم

تسلم يابو عبد الله على هالصيد الثمين

ويسلم أبو ماجد على هالطرح القيم

[هند القاضي]

إسلوب حكيم مع طرح جميل

بارك الله فيك أخوي أبو ماجد

وكل الشكر أخونا منصور ع الإضاءه الرائعه

[شموخ شمالية]

ابوماجد له أسلوب مميّـز بالكتابة وأكثر من رائع

الله يحفظه ويسعده





وشكــرآ لك استاذي القدير

ولكم كل الاحترام والتقدير

[عبدالله المهيني]

حبّك

سبّك


تسلسل وترميز

دخول وخروج




أقل ما يقال إنها مقالة رائعه جداً

قرأتها في ركنه وأعجبتني .. وقرأتها هنا وزاد إعجابي






لـ ابو ماجد ولـ ابو عبدالله

أكاليل من المحبة والود

[الشبث]

الله لا يهينك اخوي ابو عبدالله وجميع الاخوان اللي مروا من هنا


شهاده اعتز فيها من اساتذه










هلا عمي ابو عارف

ابشرك الوالد كل عيالوه سرقان هههههههههههههه


مرور مميز من عم واخ كبير واستاذ لي في هالمضايف


لاهنت عمي







اختي ريم شمر


لاهنتي يا اختي على هالطله









هلا اخوي ابو ضاري

والله يرفع قدرك يالذيب


لاهنت على هالمرور













هههههههههه


ياهلا بأختي الجازي

اصلاً انا داري انتس انتي وعبدالله الجعيثن تقرون وراي

وانتم زعماء الشفايه

واسويبكم هاللون علشان يا تتركون الشفايه ولا تنجلطون هههههههههه


بعيد الشر عنكم


لاهنتي اختي الجازي مرور اسعدني












يا هلا اختي هند

ولاهنتي على هالمرور الطيب

وشهاده اعتز فيها







هلا اختي الشامخه شموخ شماليه

لا رائع ولا شي

انتم اللي كان مروركم اروع


لاهنتي اختي على هالمرور وشهاده اعتز به










ههههههههههههههههههه


ياحبي لطلتك يابو خالد


شهاده اعتز فيها من انسان بقامة ابو خالد

الله لا يهينك يالعزوه












اشكر كل من مر على موضوع اخوي منصور الغالي

ومروركم فخر واعتزاز لي





وبالنسبه لهالمقطع اللي اقتبسه اخوي منصور


اعتقد انها مجرد فكره تعبر عن هم

وهالهم موجود عند الجميع

لو طلب مننا التعبير عنها لعبرنا جميعاً

وكل منا له اسلوبه


اعتقد راح اعجب بأسلوب اي عضو منكم لو كتب عن هالفكره


ومثل ما يقال لولا اختلاف الاذواق لبارة السلع

بأختصار

ماميز ما كتبت هو انكم تتفقون معي في الفكره




وتقلدوا تحيتي

[أبو فهد]

أبو ماجد


كتبت فأمتعتنا فلا تحرمنا وجودك





و الشكر لاخي منصور الغائب




---------------
أبو فهد الهمزاني

[ريال الفسحه]

لياسرقت اسرق جمل <--- يبيك تسرق السته كله :)


بعدين منهو ابوماجد <--- ؟؟:)

[الشبث]

هلا ابو فهد

والله يعز شانك يالغالي


ولا هنت على هالمرور الطيب

















ريال الفلس


ابو ماجد هذا واحد اسموه مقبل العنزي خوين لي


تامر شي




يالنطول




وتقلدوا تحيتي

[أهداااب]

ليت ولي الامر يدقق في المال العام كما دقق ابوي علي

وليت ولي الامر يتابع رعيته كما تابعني ابوي









أنت فرد ..

و الشعب أفراااااااااااااد




والدك قد يكون دخله سبع آلاف بالشهر

و الراعي قد يكون دخله سبع ملايين بالشهر ..!!



فلن يلتفت لريال و الاثنين ما دام الحال مستور على قولتهم




شكراً على الطرح الهادف

و شكراً لمنصور على الجلب الثمين



دمتم ..rooose2

[ليلى بنت عبدالعزيز]

اعترف اني من متابعين الاركان قبل تسجيلي بالمضايف بكثير
كانت هناك اركان تهز الجبال مفرداتها لكن ذهبت .... الى اين لا ادري ..!!

وركن ابو ماجد فيه البساطه ونا متابعينه على انه مقصر بحقه
حتى انت اخ منصور هكذا علمتني المضايف اتابعه وحافظته عندي في مستند



بالتوفيق لكم وللجميع