يكذبون ؟؟ ويضربون ؟؟

[سلام]

يسعد ربي صبااحكم ..



موضوعي ..صرااحة ..رافع ضغطي من زماان ..



تلاحظوون معي..



ان بعض الاهاالي .. هداهم ربي .. يكذبوون !!


مااتكلم هنا بحكم الكذب ولا مساؤيهـ

بس موضوعي ,,اكبر من كذاا ..


ماتلاحظوون .. احياان كثيرة .. وانتم في عزومه,, او حفلة .. اوعند اهلكم ..


بعض الاولاد ..يكونون جنب اهلهم بالعزايم .. او حتى لو في البيت ..

احيان الاهل يكذبوون .. كذبة ..قدام احد معين ..وتلقون ..اولادهم ..يغلطونهم ..


مثلااا.. ام تسولف مع جارتها خالتها ..اين كان .. وجنبها بنتها او ولدها صغير ..


سأألتها جارتهاا ..وينك ذاك اليوم ادق عليكم الباب ولاانتم فية ..


تقول الام ..والله كنت عند اهلي اوبالسووق ,, تنطق بنتها هنا او ولدها ..

لا كنا بالبيت .. ماطلعناا !!!


>>>>>>>>>>>الام هنا وش ترقع وش تخلي ..


تلقون الجارة اول شاكة ..ويوم قالت البنت .. تأأكدت ..


عاد ممكن الامم ترقعها وممكن ماترقع ..


وبعدها تلقوون الام تطق ولدها او بنتها ليش تكلم ؟؟



المقصوود.. ان الكذب حرام هذا اول .. ثانياا ,,لاتعلمون عيالكم الكذب بعد ..ترا الاولاد مو مسؤولين يوم يقولون الحقيقة ..ويفشلون اهلهم ,,لانهم مايدرون ان هالامور عيب تنقال والا حرام والا فشيلة ,,


الا نااوين يكذبوون .. يبعدون عياالهم عنهم .. ولايخبرونهم .. او يحطون رموز ..لان الاطفال اللحين مو مثل اول اللحين يفهمون واذكيااء ..ويدققون..وملاقيف..


بس مو ذنبهم ,.,في ناس تقول والله بنت فلانة قليلة حيااء فشلت امها ..


بالعكس البنت صادقة ..مو دليل ان الاولاد ملاقيف ,,


هم صادقين وصريحين ..بس البلا في اهلهم .. اذا في نصباات وتصريفات عندهم ,, يقولونة بعيد عن الاولاد ..ولايضربون اولادهم اذا تكلموا هنا يعلمونهم الكذب ,,وللمعلومية النااس في هالمواقف تصدق الاطفال ,,


يعني لايعرضوون نفسهم للفشيلة ويخربون اولادهم ..



وضح موضوعي ,,صح ..؟؟



وش راايكم ..؟؟؟


من المخطيئ فيهم ؟؟


ذنب الاولاد اذا حكوا الصح والا ذنب اهلهم ؟؟

وش رايكم في اهلهم لو يضربونهم ؟؟
.....................................................


دمتم بخيرر ,, وبصدق ..

[عبدالله المهيني]

موضوعك موجه لنقول أن الأولاد على حق

هذا أولاً

وبالفعل الأولاد على حق ولا لهم ذنب بكذب غيره حتى لو كان أحد الوالدين



أما مسئلة الضرب الذي يتعرضون عليه

فليس غريب من إنسان يكذب أن يرتكب حماقة أخرى بضرب الإبن



لذلك كلاهما يحتاج إلى تربية :)

[الشاهري العبيدي]

هذه مشكلة الكبار


لا توهقوا كذبوا



وبعدين تنعكس ولا شك على الجيل الجديد



المشكل من منا يقف ويفكر قبل ان ينقل العادة السئيه هه لأبناءه




أخير اجد هناك من العوائل ما يهتم بهذا الجانب كثيرا




شكرا لك سلام

[سلام]

هلا بك المهيني ..



والله انك صاادقــ ,, بس اعتقد ان اهلهم يبيلهم كوورس مكثف ..



اسعدني حضووووووور جناابكـ ..

[سلام]

حياااك يالشااهري ..


والله مشكلة .. واشين شيء اذا الشخص يتفشل .. ياتركون الكذب والا يكذبون بتخطيط ومهارة خخخخخخخخخ



حضوور كريم من شخصك ..



احترامي

[أسير الليل]

تعويد سيئ من الأهل , بسبب جهلهم لهذه الأمور أو لدرايتهم بها ولكن يستهينون بها فعندما تكشف كذبتهم يضربون الصغار

وهذا هو عين الخطأ و نهى الرسول الكريم صلى الله عليه وسلم في حديث شريف امرأة عن ان تكذب على ولدها، وذلك عندما شاهد امرأة تقول لولدها تعال أعطيك، فقال لها الرسول صلى الله عليه وسلم: وما تعطيه؟ قالت: أعطيه تمرة. فقال لها: لو لم تعطه كتبت عليك كذبة. وكان النبي صلى الله عليه وسلم، يقول للآباء والامهات ألا تكذبوا على أبنائكم، بل اصدقوا معهم حتى يتعودوا على عادة الصدق.


شكرا لكِ سلام وعلى مواضيعك الجميلة ( صايره تجيبين المواضيع من غير مقدمات )

[عبدالرحمن]

هذه النتيجة الطبيعية لمن يكذب!
والله يا اختي ياسلام الاشياء الخاطئة التي يمارسها المجتمع اكثر من ان تعد او تحصى!
فالكذب على الاطفال كثير وعلى غيرهم وفير وتلفظ الاطفال بكلمات بذيئة اصبح جير بالوقفة عنده!
فهذه تصف طفلها ب..........................! وهذه تصفه...................! وذلك يقول لابنه يا ..........!
المجتمع بحاجة الى تربية يربي النشء على الصدق والامور المحببة.

لك شكري.

[سلام]

هلا فيك.. اسير الليل .. ماشالله منور الظهاري ..


الامثلة ..اللي طرحتها ..هذي كذب من نوع ثاني ..ذي يبيلها صفحاات ..


لكن مشكلة ..صرااحة من تفهم ومن تخلي .. بس الفشيلة ..عندهم .. اكبر من ذنب .الكذب ..والضرب ..


شكرا لك ولحضووركـ ,,

[سلام]

حيااكـ .. بو يوسفـ ..



اووووووووووووووة ..كلنا عايبيين ,,من اولنا الى اخرنا .,بس في امور ..تجر الى امور اكبر واخطر ..ومشاكل اكبر واخطر ..


بس في مشاكل..اعتقد حلولهاا ..بدري ..وماتأجل ..وفي مشاكل يمكن حتى لو تأخرنا نتفادهاا ..

بس مشكلة الاهل ذيي مشكلة ..هداهم ربي ..



شكرا خيي ..



احترامي ..

[فرانسيسكا]

مساك الله بالخير اختي الغالية سلام
المشكلة والعيب في الأم والأب
تصرفاتهم تخلي الأطفال يعيشون حالة تناقض
ينصحون أبناءهم بالصدق وهم كذابين
ينصحونهم بالأدب وهم قليلي تهذيب
وصدق المثل فاقد الشئ لا يعطيه
فاقدين للصدق ويحثون عليه
وأبناءهم يكبرون ويعيشون
في بيئة كلها كذب ونفاق
الطفل على الفطرة
لكن أمه وابوه ينكسون فطرته
ويتربى على أفعالهم المشينة
ربي يهدينا ويهديهم
شكرا لك سلام
دمت بعافية

[أبو فهد]

الابناء عوب و المربون منافقون




الغلط من الطرفين



و كل واحد يصلح سيارته


:)




---------------
أبو فهد الهمزاني

[ام الرغفان]

وضح موضوعي ,,صح ..؟؟

وصلللل

وش راايكم ..؟؟؟

امممم ,,,الحين اهله يمنعونه من الكذب ويكذبون قدامه فالطفل لما يشوف اهله يسون كذا بيكون عنده تناقض وصراع بين نصح اهله وسلوكهم


وبيصير يكذب مثلهم ,,الاطفال مثل العجينه تماماا لاشاف اهله متناقضين راح يكون متناقض وبيكبر ع هالصفه..


ومن جانب اخر فيه اطفال يكذبوون وهذا يكون له اسبابه اما خووف او شي اخر

من المخطيئ فيهم ؟؟

الخطاء كله من الاهل,,هم اساس الطفل اذا مانمو مفهوم الصدق بشكل صحيح قولا وفعلاا ماراح يكون الطفل صادق وبيقعد يكذب

ذنب الاولاد اذا حكوا الصح والا ذنب اهلهم ؟؟

ذنب اهلهم ليش يكذبون ..وبعدين الطفل صفحه بيضا والاهل يرسمون عليها



وش رايكم في اهلهم لو يضربونهم ؟؟

بقووول عنهم انهم مريضين نفسيا والتاديب عمره ماكان بالضرب فيه وسائل وطرق اخرى للعقاب والثواب

وبعدين هم ماغلطو عشان ينضربون...




وشكرا سلااموو

[ابورهف العطاوي]

الف شكر اختي سلام

باالفعل ظاهره خطيره جدا

ويتحملها الاباء والامهات ومجتمعنا اللي كله

كذب في كذب

الف شكر اختاااااه

[سلام]

بوفهـد ..



لايكون مير مسوويهاا ومفشلك فهد ...>>اجل وشولة تقوول عوب خخخخ



ياهلا بك خيي ..


بس الاطفال ..ماعندهم سيارات .. خل اهلم ..اول يصلحون سياارتهم .. وهم ان كبروا يصلحون سيارتهم ..



بالعكس بو فهد .. الغلط ع الاهل .. بس ,,



نوورت ياخيي..

[سلام]

يسلم لي هالتواجد ..يام رغووف ...



يسلم ايدينك من النار عزيزتي ...




مشكوورة ع حضوورك وردك ..




لاعدمتك ..

[سلام]

هلا بك بو رهفــ ..


هي خطيرة وكبيرة صراحة ,,



شكرا لك ولحضوركـ ..

[سلام]

يامرحبا بفرانسي وبحضوورهاا ..


صحيح ياخيتي ..


ان صلح الاهل صلح الجييل كلوة ..



يخليك ربي ولاننحرمش ...



محبتي.

[-------]

سلااااااااااااام
مواضيعك دااامة شيقة ومتابعة لك باستمرار

كل التوفيق لك يافراشة المضايف

[سلام]

اايثاار ..




>>>خجلانة مرة



شرفي لي يالغالية ...


واشكرك والله وانا من متابعاتك مواضيعك والله ..وانتي اشييق ..




تسلمين ..انتي الفراشة ..




لاعدمتك

[أبو فهد]

بالعكس بو فهد .. الغلط ع الاهل .. بس ,,



و هل صحيح أنه إذا تكلم الكبار غالطهم الصغار




اللي نعرفه في مجلس الكبار يخرس الصغار



<<< ما صارت لوه هالسالفة أبد أبد :)



---------------
أبو فهد الهمزاني

[سلام]

بوفهد الله يحيييك ..



والصغغاار وش يفهمهم اذا اهلهم مافهمووهم ..


تبي بزر بدون تربية ..يعرف العيب وسكوت في مجلس الكباار ..



مايتعلموون بدون تربية ابدا ابداا ..


يعني العيب على اهلم من راسهم لين ساساهم ..



يربوونهم زيين .. ويعلمونهم ...قبل يروحون اي مكاان ..بعدم تكلمهم ..


هذي اختي ..قبل ترووح .. الى اي مكااان ...اذا كانت مضطرة تأخذ بناتها الصغاار ..



تحذرهم .. اي كلمة ينطقنها .. او اي سالفة يساالفهن .. يايويلهن ..منها .. وتحرمنهن من الروحة ..معهاا ..


يعني ..اذا ولا بد من وجودهم .. يعلموونهم .. ويحذروونهم .. والا لايأأخذونهم ..



وواحيان وهي تسولف معناا .. يعني ممثلااا .. تقوول .. فلان عرسة .. بالعطلة .. والا فلانة .. مخطوبة .. وبناتها عندناا ...تقوول رموز ..ولاتسمي الناس بأأساامي بناتها يعرفونهاا .,.يعني تقول شفتوا فلان ..جارنا البعيد ,, يعني تغير في الاسماء والامااكن .. مو شرط انهاا ,, تكذب ..لكن تقوول .. اخاف بناتي يسولفن ..



واحياان بيناا رموز لابغت تحكي سالفة .. تقوول .. في دجاج يلقط حب ...>>تقصد بناتهاا ...




وبكذاا ..ماتعرض لااحد ولاتضررب بناتهاا .. ولاتفشل ...




والف شكر لك