%%%حــــائل %%

[ابو ضاري]

السلام عليكم ورحمة الله وبركاته ..!
هذا قصيدة لـ عبدالله البكر .!
ـــ


إنحدر نور السماء كن البحر جر النهـار لوسـط غبـه
وأظلمت كن السواد إبل ٍ مجاهيم ٍ تعدى فـوق راسـي


لي ثلاث أيام تشغلنـي هواجيـس الشعـر ليـن آتنبـه
بأني أشغلت الورق بالحبر وأبعدني عن أحبابي وناسـي


ديرتي يوم أرضها ينبـت بهـا دلال وفناجيـل ٍ نصبـه
للغريب اللي هقى بأن ماله أقراب ولقانـا تقـل ناسـي


يا عروس ن وقفت عند المرايـه قالـت بميـن آتشبـه
قلت زيدي حمرتك صيري مثل شمس إغربت قبل النعاسي


ريحها قيصوم لا هب الهواء فاح وطعمهـا تمـر جبـه
عشبها ينبت فخر وأمجاد وسلوم وكرم قـوم متواسـي


السماء تمطر على الساكن غلا والطرقي سرور ومحبـة
والصدور وساع والخوه على وضح النقا والراس قاسـي


والكلام أحيان ما يوفي حقوق ديار واللـي ينكتـب بـه
هاجس ٍ راود خيال الشاعر اللي داخلي وأشعل حماسـي


كل ما طالت سوالفنا على حايـل وهـي سبحـان ربـه
تورق غصونه حلى والورد ينبت لي ما غطـى مداسـي


يا أجا سلم على سلمى وقول إني علـى منـت بتحبـه
راجع لديرة هلي حايل بعد حيي وأنـا فـي قـو باسـي


الشاعر / عبدالله البكر

[صلفيق]

يا أجا سلم على سلمى وقول إني علـى منـت بتحبـه
راجع لديرة هلي حايل بعد حيي وأنـا فـي قـو باسـي


انتم السابقون .. ونحن اللاحقون


يعطيك العافية يالعشير على هذا النقل الرائع والأختيار الأروع

[عبدالله المهيني]

عبدالله البكر


ماذا تتوقع أن يخرج من ذلك الجميل ؟

الجميل لا يخرج منه إلا الجمال



عبدالله البكر كـ شخص جميل جداً

عبدالله البكر كـ شاعر جزل جداً



وهذا النص الموجود خير شاهد له بالجزالة

نجم قدمه شاعر المليون ولكن بنظري لحد الآن لم يأخذ مايستحق من ضوء إعلامي



يستحق مساحات ومساحات هذا الجميل




.
.
.




ابو ضاري

نقلت فأبدعت



لا هنت يابعدي

[ابو ضاري]

يا أجا سلم على سلمى وقول إني علـى منـت بتحبـه
راجع لديرة هلي حايل بعد حيي وأنـا فـي قـو باسـي


انتم السابقون .. ونحن اللاحقون


يعطيك العافية يالعشير على هذا النقل الرائع والأختيار الأروع


الله يعافيك يالعشير

لا واهني من سكن حائل

[شموخ شمالية]

هلابك أخوي الضاري

وتسلم يمينك والله على القصيده الرااائــعه بعروس الشمال

ياأخي لاشفت الكل يمدح حايل أشعر بالفخر أني من اهلها

أن شاءالله ترجع لها أنت والشاعر الرائع البكر وكل محب لعروس الشمال

الله يحفظك ولاعدمت حضورك

[ابو ضاري]

عبدالله البكر




ماذا تتوقع أن يخرج من ذلك الجميل ؟


الجميل لا يخرج منه إلا الجمال




عبدالله البكر كـ شخص جميل جداً


عبدالله البكر كـ شاعر جزل جداً




وهذا النص الموجود خير شاهد له بالجزالة


نجم قدمه شاعر المليون ولكن بنظري لحد الآن لم يأخذ مايستحق من ضوء إعلامي




يستحق مساحات ومساحات هذا الجميل





.
.
.





ابو ضاري


نقلت فأبدعت





لا هنت يابعدي


ولا انت يالغالي

حضورك تشريف لنا

[شام]

اختيار راقي
شكراً لك أخي الفاضل
كلك ذوق

[ابو ضاري]

هلابك أخوي الضاري

وتسلم يمينك والله على القصيده الرااائــعه بعروس الشمال

ياأخي لاشفت الكل يمدح حايل أشعر بالفخر أني من اهلها

أن شاءالله ترجع لها أنت والشاعر الرائع البكر وكل محب لعروس الشمال

الله يحفظك ولاعدمت حضورك

شكرا لتس مشرفتنا الفاضله
الله يسلم غاليتس

وحائل بقلوبنا