غــــــــــلابا مســـــــــاكـــــــين

[الصندوق الاسود]

يعني عشان انـا غلابـا مساكيـن

ولا عشان انـا نعـاف القطاعـه

صحيـح حنـا ماملكنـا ملايـيـن

لكـن بحمـدالله ملكنـا القنـاعـه

ننشـد ولكـن ماتبعنـا المقفيـن

نشتاق لكـن كـل ابونـا مناعـه

ياأغلى من الخفاق واغلى من العين

واغلـى غـرام شدنـي باندفاعـه

لك وحشة مدري على ويش ومنين

بس اعتقد شوق وحنين بفظاعـه

مشتاق لك شوق يمـر العناويـن

يفرد على وصل الحبايب شراعـه

مشتاق لك شوق النـدا للرياحيـن

شـوق يهـدد خافقـي بانتزاعـه

وين انت محتاجك مبي منك بعدين

عطني من ايام الهنا ربـع ساعـه

من زود حبك صارت ايامي سنيـن

كنك من اغلى رفقتـي والجماعـه




الشاعر / بدر العــــــرافه

[شموخ شمالية]

رائع مانقلت ياأخوي

وتسلم يمينك والله

ننتظر جديدك يالطيب

لاعدمنااك

[شرهه]

ابجيب لي عدسه مكبره وابجي اقراه



الخط مره صغير واللون مو واضح اخوي

[ام الرغفان]

ننشد ولكن ماتبعنا المقفين
نشتاق لكن كل ابونا مناعه

صح لسانك ولاهنت

[ابوهجرالويباري]

صح لسانك ولا هنت اخوي :)

وهلا بك ثم هلا اخوووي الصندوق:7ayyoh:


تقبل مروري اخوي ولا هنت ع النقل :)

[بعد ملي]

صح لسان الشاعر
وسلمت يد الناقل
الف شكر

[الصندوق الاسود]

الاخت شموخ الشمال كل الشكر على هذا الاطرا الجميل وعسا مانقلته يحوز على اعجاب القراء الاعزا

[الصندوق الاسود]

الشهبا شكراَ على مرورك ( الكبر شين والشوف شجر )

[الصندوق الاسود]

ام الرغفان فتحي الشهي بهذا النك الجميل وشكراَ على مرورك

[الصندوق الاسود]

ابو هجر شكراَ على هذا المرور الرائع

[الصندوق الاسود]

ملي شكراَ على مرورك ودمت

[الصندوق الاسود]

الاخت شموخ الشماليه كل الشكر على هاذا الاطرى الجميل وشكراَ على مرورك الرايع

[صلفيق]

http://www.shy22.com/upfiles/VhI61347.gif (http://www.shy22.com/)
وصح لسانك

ياليت يكون الخط أوضح شوي ..
بس علشان خاطر العجز اللي فوق ..!

لاهنت ،،، وبارك الله فيك