الشوق كافر

[نافع بن طواله]

كتبتها بعد ان عودني ابني الصغير / مهيب على سؤال يردده لي اول ما يسمع صوتي : بابا أنت وينك ؟
وبعد ما اجاوب
يسأل سؤال ثاني
متى تجي ؟


لاجيت ابكتب جف حبرك يالاقلام
..................... حتى الحبر عيّا يعبر كنيني
هذا فراق ايام ماهو بالاعوام
..................... كتمت عبرات الوله وسط عيني
لا قلت صبرك والفرج دوم قدام
..................... متى على الله يالفرج بس تجيني
اوله على اللي صوتهم صوت صيّام
..................... بابا انت وينك ؟وآتحشرج بــ ويني
اسهل سؤال اللي غدى مثل الالغام
..................... واصعب اجابه رطّبت لي جبيني
ياكيف اجاوب جعل يسلى بالاحلام
..................... وانا هنا ليل السهر يحتريني
لا قلت امريكا بطواريف الاهرام
..................... متى تجي ...؟ باذني غدى له زنيني
حظي ولا يدري بحسابات الايام
..................... يومين صارت عندنا بالسنيني
والشوق كافر دام ما يرحم غلام
..................... لاقال اسمه مادرى السامعيني
ياشوق وجدي وجد وصّال الارحام
..................... عقب الكبر اصبح وحيدٍ حزيني
وجدي عليهم وجد مقبل على اعدام
..................... ذباحـتـه ربـعـه ولاله عـويني
وجدي عليهم وجد مسكين منظام
..................... عـزيز قـوم ٍ بـالـمذله غـبـيـني
الموت والفرقا غدن سرج وخطام
.................... يوم الفراق الموت منّك مكيني

بهذه اللحظه

1-5-2010

نافع بن طواله

كاليفورنيا




اسمحوا لي ما اتوقع اقدر اعقب على الردود

[ام الرغفان]

ربي يخليييك لعيالك ويرجعك سالم غانم


حظي ولا يدري بحسابات الايام
..................... يومين صارت عندنا بالسنيني
والشوق كافر دام ما يرحم غلام
..................... لاقال اسمه مادرى السامعيني

[بالمختصر..]

صـــــــــح لسانك .,

الله يخليهم لك و يحفظهم من كل شر و يردك لهم بـ السلامه ..














دمعت عيني و أنا اقرآه ..




.
.

[هواوي نجد]

وجدي عليهم وجد مقبل على اعدام
..................... ذباحـتـه ربـعـه ولاله عـويني
وجدي عليهم وجد مسكين منظام
..................... عـزيز قـوم ٍ بـالـمذله غـبـيـني

قصيدة معبرة صح لسانك

والله يرجعك بالسلامة وتفرح بشوفتهم

[ابوهجرالويباري]

نافع انت شاعر جزل بما تحمله الكلمه من معنى ..
الله يجمع شملكم بخير .. ويرجع كل غايب لذويه بالسلامه ..
لك التقدير..

[بنت الجبل آخت القصيد]

صح لسانك

ترجع لهم سالم غانم باذن الله

.
.
لاهنت

[ريم شمر]

صح لسانك يابو طواله وعسى ربي يجمعك فيهم ويسعد قلوبكم

[هايس الشمري]

ياشوق وجدي وجد وصّال الارحام
..................... عقب الكبر اصبح وحيدٍ حزيني



هنا بيت رائع جدا..!




مليء بالاحساس..!





ترجع بالسامه اخوي نافع.. باذن الله.





و صح لساانك بلا عدد..




اخووك

[بتول آل علي]

اوله على اللي صوتهم صوت صيّام
..................... بابا انت وينك ؟وآتحشرج بــ ويني
اسهل سؤال اللي غدى مثل الالغام
..................... واصعب اجابه رطّبت لي جبيني

،


شاعرنا القدير / نافع بن طواله


أبيااات صااااادقه حتى النخاع

هذا الشعور الأبويّ المفعم بالحنان و الشوق .. عظيم و عظيم جدا !

قد لا تتمكن من التعقيب على الردود

و لكننا لا نستطيع أن نمرّ مرور الكرام




المضيف يشتاق لهذه الشاعرية كشوق مهيب لـ والده !




صح فكرك

الدهور

[الكاتم]

صح لسانك


ترجع لهم قريباً ان شاء الله سالماً غانماً


دمتم بحفظ الرحمن

[عبدالله المهيني]

اسهل سؤال اللي غدى مثل الالغام
..................... واصعب اجابه رطّبت لي جبيني




تفرج يابعدي

تعدي وتصير من الذكريات





الله يجمع شملك يابو طواله

وصح لسانك

[ســــارا الرياض]

الله يوفقك نافع ويردك لديرتك سالم غانم
صح السانك

[بشير اللويش]

لازال اجمال متدفقا في شعرك

ترجع سالم / غانم يابطل

ودمت بود

الراسي

[صدر الشمال]

وجدي عليهم وجد مقبل على اعدام
..................... ذباحـتـه ربـعـه ولاله عـويني
وجدي عليهم وجد مسكين منظام
..................... عـزيز قـوم ٍ بـالـمذله غـبـيـني

صح لسانك ولا هنت

ويدك لعياك وخليهم ذخر لك


اخوك صدر الشمال