(( الـرياضــي ... كــافيــــة ))

[أحمد]

السلام عليكم ورحمة الله وبركاتة ,,,


الله يمسيكم بالخير ,,,



هالموضوع يالربع يصير فيه تواصل بيننا ونقاشات بخصوص بعض المواضيع اللي تشوفون انها ماتحتاج موضوع كامل ... مثل حدث داخل مباراة او مناقشة بعض التصاريح المهمة او مناقشة مايطرح في الاعلام مثلاً ,,,



تري مكاسي

[شرهه]

يا منتا كريم يا رب


يقفلون ربع الفله ديوانيتهم من هنا و يفتحون الرياضي قهوه من هنا



موضوع قميل اوي اوي


>>>قبست له زقاره


اليوم قريت خبر ان برشلونه يبون
يجيبون دافيد فيا بعد نهاية هالموسم واتفقوا مع الفيدين هذولاك شفهيا :)






عطنا تكهناتك لها الصفقه يابو حميد

[أحمد]

انا من وجهة نظري المتواضعة جداً اشوف ان برشلونا كانوا يستاهلون ياصلون للنهائي والانتر يستاهل


واللي بقى من الموسم يبي يصير صعب عليهم


الفارق نقطة وعندهم اربع مباريات منهن ثنتين قويات


يمكن يزحلط الدوري بعد



ومن بداية الموسم الجاي


الوضع منتهي بالنسبة لبرشلونا ان جابو فيا او وفروا فلوسهم


ربعنا انسجموا مع بعض


وبيريز المطنوخ يقول باقي عندي مثل اللي صرفتوه الصيف الماضي


نبي نجيب كم قمشة ونرثع بالدنيا


يمكن حتى دوري زين ناخذوهـ وحنا باسبانيا :)




حي الله الشيخة <<<<<<<< بدري :)

[شرهه]

^


يستاهلون رضمه :)



بعدي والله هذي التوقعات اللي تثلج الصدر





اقول امكن واحد شقردي واقنعه انه يخليهم و يجلس على جبلينه ازين لوه لا ينجلط علينا

[أحمد]

شرهه


عممي هالتعلله على اللي تواجهينوة من الزقرت :)

وواحد شقردي لازم يجي ونسوي له استتابه هنا من تشجيع كتلونيا


الجبلين يبي يدحدر لدوري المناطق


والخواجات على كف عفريت ويبي يزحلط الموسم بلوشي :)

[عبدالله المهيني]

^
^



ماني متابع لا لبرشلونة ولا للانتر ولا غيره

<<<< حدي مباراة الهلال والنصر إن كنت فاضي بعد :)








اليوم كنت فاضي

وتابعت حلقة مساء الرياضية وأعجبني ضيوف الليلة

وأتوقع أنها حلقة لن تتكرر



تري مكاسي يالجثري أنت والشيخة الشهبا

[شرهه]

^
الله حي ابو خالد




الجثري ابشر ما طلبت شي تلقى الزقرت باتسر كلهم محضرين :)




أما بالنسبه لواحد شقردي هالولد قاضي ما يشجع الا اللي ما بهم خير .... ما طلعلك



آخ بس انت خله يدخل و نشوف شغلنا معوه ابا القوايل





الزبده من هالهرج كلوه


عظم الله اجرنا بالتحكيم السعودي
:)

[أحمد]

حي الله ابو خالد


شكلك تشجع برشلونا ويوم انهزموا قمت تصرف :)


حياك يابو خالد والموضوع يزهوا بوجود المبدعين امثالك <<<< بالله وش رايك يالعشير متعوب عليه صح :)






الشيخة شرهه


انا ماني مدافع عن الحكام



صح مافيه اهتمام بهم من الاتحاد السعودي



بس هم بالمثل مايبون يطورون انفسهم



الاكيد



انا اللي ابي اقوله :



الجمهور عندنا من يوم يصير عمر اللاعب 30 سنه طالبوه بالاعتزال !!!



اما اذا كان لاعب له قاعدة جماهيرية فتلقى البعض يتعذر له بكل شي



لدرجة انه يمكن يقول:


لاعبي الوسط عندنا لازم يعملون حساب ان فلان عمره كبير مايصير يلعبون له الكور طويلة !!!


طيب اذا افترضنا ان هالكلام معقول وان المشجعين لازم يكونون بصف نجومهم عشان الفائدة العامة وهي مصلحة الفريق ...




طيب الحكام عندنا من شروط الشاره الدوليه ان يكون يبلغ من العمر 30 سنه على الاقل ,,,


ليه نطلب منهم كل شيء بدون نعمل حساب انهم شيبان واعمارهم كبيرة ؟


ليه ماتصير الفكرة اننا لازم نصير بصفهم لان هالشيء فيه مصلحة للرياضة بشكل عام

[شموخ شمالية]

/

السلام عليكم


يعني هالكافيه مابوه سوالف غير الرياضيه :)

انا ماعندي ماعند جدتي بالرياضه ..تبون قصيد ..تبون سوالف عجيزات ابشروا والله




مبارك افتتاح هالكافيه أخوي احمد
الله يحفظك

[عبدالله الجعيثن]

ممكن اهني:315r:





ياخي عندي احساس ان النهائي



نصراوي شبابي

[أحمد]

حي الله الجميع



شموخ


وش آخر اخبار اللي يوقف الناس على السيدين عندكم :)



ابو غازي


المنوهـ انه تصير كذا



بس تسان الله احياك ان النهائي بين الهلال والاتحاد



يالله حيهم

:)

[شرهه]

^

ابو غازي بسراحه ياخي احساسك ناكسن للمرح لا تحس مره ثانيه :)








اتوقعها نصراويه اتحاديه

[شموخ شمالية]

/
\

الجثري

الله يحيّيك ويبقيك

الرجل بخير مادام وصينا عليه شرهه :)




ابي اتابع قنوات الرياضه غدينن افهم شوين للكوره وافيدكم بهااه
لاتسكرونها يما أعرف للانديه




الله يحفظك ويرعاك

[شرهه]

^
خلي بنت اختتس العوابا تعلمتس :)


الليله


مباراة النصر والهلال




الليله ستكون مباراة غير





الليله نصراويه أم هلاليه ؟؟






نصراويه بلا شك :)



بالتوفيق للعالمي

[شموخ شمالية]

هلاليه بلا شك



شرهه
اذا بدت المباراة ابي انام وياويلك اذا فاز النصر تدقين :)

مباراة الهلال والنصر ضغط نفسي وتجيب السكر والصدآآآع من شان هيك ابي اواصل
لين العشاء وادّقه نومه :a:

[سلطااان السويري]

شرهه

تبطين عظم نصراويه



الزعيم يلعب يلعب والنصر يتعب يتعب


:):):)

[شموخ شمالية]

سلطان

لاتقول شئ خلّها بعد المباراة اخاف ننهزم وبعدين تفرح هالعوبا




لكن يبقى الزعيم زعيم مهما سبّت شرهه>> حكمة :)

[شرهه]

يا عيال عايد


الزموا الصمت :)







الليله صفرااااء كصفار وجه سلطان



وقولوا شرهه ما قالت

[شموخ شمالية]

شرهه

وش أبشرك بوه الجبلاوي وصل وجايبن عندي قصيدة تبّكي :za3lan:

يغيب ويجيب معوه هالحزينات :)


وش رايتس بذبحتوه

[واحد شقردي]

^
^


لي دهورك تشجيع هالفريق خخخخخخخخخخخخ



وبعدين كش عليكي انت و الجثري بشماته البايخه هن برشلونه









على فكره ما توقعات المبارات الليله

احسها 2 صفر النصر


ابي شرهه خخخخخخخخخ

يالله حي مديرتنا تسوين دعائيه القسمك الجثري سكه بالحاجه :315r:


مممممممشجع الجبلين :315r:

[شموخ شمالية]

شقردي

:148r:


أنتظر المخالفه مني لانك نقلت قصيدة منقوله قبلك



شرهه

وين مخطر ابوغازي

[واحد شقردي]

اااااااااااااااااااه راسي


:qannaj: متسوينه قلبك حنين

[شرهه]

واحد شقردي بوه احد يشجع الجبلين


ياخي ما ودنا نتسويك مار ما لك علاج الا التسوي :(





قاضي منتهي :(

[واحد شقردي]

:3ayyen_khair:


انا احس فيه فضاووووووووووه في الجمجمه احسه فتق


فكينا من التسوي وهاتي لكي حبل وسوي مربعات براسي

ومانتي الا على اجر :)



وتعالي اذا اخذ هالبطوله هالنصر بترك التشجيع كله


تدرين اذا بس فاز على الهلال بيصير هناك علم اخر

انتي وفريق التسذبان

[سلطااان السويري]

النثر


من الآن يبرر للخساره


وه بث يالزعيم:)

[شموخ شمالية]

شرهه

وشبهم الجبلين :148r:

>>> دخّن كتفه



الجبلين عاد اشوا من التضامن اللي ماعرفته الا منك :solh:

[سلطااان السويري]

الباطن في قلوبنا:)

[عبدالله الجعيثن]

عطن المايك راس هالطحيحي:315r:



بما ان عندي خبره ليست بالسهله بالمجال الرياضي, فقد عاصرت احمد نيفاوي ودرويش سعيد وسعيد النمله:a:. فأعتقد ان المباره سيطغى عليها الحذر وشد الاعصاب من البدايه. وهذا مايخشاه الهلاليين

<<<يراعي لعزيز ورادوي:wallah_hoo:

اما ان كانت المباراه مفتوحه...فالنهائي للهلال

[أحمد]

الفريقيين ماعمرهم لعبوا تحت هالضروف




بمعنى مابتاريخ الناديين صار بينهم مباراة يجب ان يفوز احد الفريقين فيها على الاخر بثلاثة اهداف ليتأهل




ماتتوقعون ان المباراة نتيجتها بالمثل ماصارت قبل ؟


او يصير فيه حدث ماصار قبل ؟


او وش تتوقعون؟

[ابوهجرالويباري]

ادبرت يالنصر >>>
لالا الليله هلاليه وزرقاء (يحتسي وهو يشوف المباراة)
>>>> ماعليه ماعليه .

[منصور الـ ع ـطآوي]

لا لا نفعت قرابت سلمان العوده على النصر :)

[شرهه]

حقيقتا مباراة جميله جدا وممتعه .... مبروك التأهل لفريق الهلال مقدما


يستاهلون

[أحمد]

^

^

مبروك مقدماً هذي وين نصرفة ياشرهه



الربع ضامنين التاهل قبل المباراة


بس عشان مايصيرون منسحبين حظروا اليوم بالملعب :)

[شرهه]

^

ههههههههههه


اطلع برا :(




تحطيم :(

[سلطااان السويري]

^

الاخت نثراويه:) <<<< يلاهد


هارد لتس شرهه

[عبدالله الجعيثن]

شباب مادامنا بالكافيه



وش رايكم بالبلنتي



وشوفوا التعليق اللي حدره


http://www.e-mailaat.com/news.php?action=show&id=2445

[أحمد]

هههههههههههههههههههههه


ابو غازي تشوف اللي يقول الكورة لازم تلمس الحارس اول :)


يعني اذا الكورة ضربت بالقائم خلاص محد يكمل خخخخخخخ





مبروك التاهل يابو غازي

[شرهه]

ايوه وبعد




وش اخر اخبار الرياضه المحليي والعالميي ؟

[أحمد]

اما محلياً الهلال ما خلا شي :)


خارجياً ريال مدريد يبي يجيب مورينهو



لو بس تخريع للربع :)

[عبدالله المهيني]

^
^


الا خلا

الاهلي خطف التعاقد مع كامل الموسى




إن إستمرت إدارة الأهلي على مثل هالتعاقد صدقني راح يكون لهم شأن كبير السنة الجاية

بس الخوف يرجعون للتعاقدات على شاكلة التونسي ابن جلدة الإداري على الفريق







على طاري الاداري

مافيه كوادر أهلاوية سعودية ؟

حتى وهم يستعينون بالتونسي الذي بدون تاريخ إداري لهم تظهر له بصمات على الفريق





:)

[شرهه]

>>>مرورخطافي لنشر الوباء

[عبدالله المهيني]

^
^


يكفينا شرك :)

خلصت منه مبطي :)

[أحمد]

الادارة تخلي مسؤليتها من مغبة التعامل مع شرهه هاليومين حتى تستقر حالتها ...


هذا وتؤكد المصادر ان عدد كبير من المعنقزين في الفله سيرفعون بطلب تعويضات




حيث اشار احدهم الى ان العدوا عاودته للمرة الثانية :)





:)

[غالب]

وقد علمنا من مصادرنا المطلعه أنه هذا العنقز يعمل كنوع من الالغام للحشرات الطائره
فما أن تنزل البقه أو الذبانه على نفره في وجه المعنقز تنفجر هذه النفره مخلفةً وراءها بقايا جنحان الذبانه


نوافيكم بآخر الأخبار في الساعه الثالثه عصراً.



:7ayyoh:

[عبدالله المهيني]

^
^



الاخبار تقول انكم غرقتوا اليوم

هل هذا الخبر صحيح ؟ :)

[غالب]

إيه صحيح

وتمطر علينا هالحين

[عبدالله المهيني]

نسأل الله اللطف

[عبدالله الجعيثن]

يقولون النصر بيلعب بالصف الثاني



خخخخخخخخخخخخخخخخخخخخخخخ




هم كلهم 18 لاعب ....والثنين اللي يعلتسون بالمدرج



صاروا عشرين

[شنقل]

مالت عليكم ليه ماعلمتوني بدكانكم



الجثري

2 فلافل

[عبدالله الجعيثن]

اشي...ابنشّك



وين وديتوا الماطور اكالليله؟

[شنقل]

لاتنشن ولاانشك
العنقز منتشر


الماطور عن راعي الملف الاخضر

[عبدالله الجعيثن]

اشوف السويري


مختفي

[أحمد]

^
^


لاتصرف يابو غازي ؛


ملف الرجال وش صار عليه ؟

[عبدالله الجعيثن]

احترامي الكبير




لما حدث بالامس بمباراة الشباب والايراني



وايضا بمباراة الهلال والاوزبكي




واعجبني تواجد رؤساء الانديه مع ممثلي الوطن




وهذه بادره انبذ الاحقاد...واتمنى من الاتحاد السعودي تبنيها والاشاده بها






الجثري: خل الدبا يمرح

[أحمد]

^
^

يارجال الاتحاد السعودي ماعندهم ماعند الصنوت عمت شرهه :)




مار ادع بسلامة شبيه الريح عبد الرحمن بن مساعد صاحب هالمبادرة ..:3ajebni:













بس اذا تعممت على الانديه ولاصار فيه خناق وصارت الدعوه مزارق طيب وش الفايده من برنامج الجوله وخط السته وباقي البرامج !!!





لا يارجال خلهم هللون يتخانقون والمستفيد واحدن داعيتن له امه يتناشبون عليه النصر والهلال كلن يبيه :)



والله من زرقا تبي تهان :)