طالب الخير يحري به( قصيدة مبكية ومحزنه للشيخ الشاعر حفيظ بن عجب الدوسري)

[عازف شجن]

طالب الخير يحريبه
أنا لابغيت اسلا وسولف مع السالين****تجدد على قلبي عذاب(ن) يدويبه
تحاصرني اهمومي وتبخل دموع العين****وصدري من الحسرة شكى من لواهيبه
تذكرت وقت(ن) فات يوم العرب صافين****نواياهم أطهر من غمام(ن) نهلي به
يقومون من عندي وهم بالفرح ماشين****يحسبون بسماتي من القلب تطريبه
لو ان بعضهم يدخل بقلبي وينظر زين**** رثى لي ونوم العين ما عاد يسريبه
مضى لي على ذا الحال عمر(ن وانا في شين**أحمد الله وشكره على الحزن أهذريبه
وانا عارف(ن) العبد ماله سوى الدربين**** وظل الحياة ايزول لو طال ترحيبه
ترى العبد لو طالت حياته سكن قبرين**** نعيم أو جحيم وطالب الخير يحريبه
شعر حفيظ بن عجب آل حفيظ الدوسري

[شموخ شمالية]

حفظ الله الشيخ الدوسري وصح لسانه

وتسلم يمينك اخوي عازف شجن على النقل


الله يحفظك

[ناصر الشمري]

أنا لابغيت اسلا وسولف مع السالين****تجدد على قلبي عذاب(ن) يدويبه
تحاصرني اهمومي وتبخل دموع العين****وصدري من الحسرة شكى من لواهيبه
تذكرت وقت(ن) فات يوم العرب صافين****نواياهم أطهر من غمام(ن) نهلي به

عازف لاهنت والله ابداع الله يحفظك ويحفظ الشيوخ لاهنت بارك الله فيك ويحفظ كل مسلم