صدمـه وجتنـي

[رحيل الوهبي]

ماكنت متوقع من اسبابك اضيـق
وماكنت احسب انك تبيع الاماني
اليوم وش تسوى حياة التلافيق
لاصرت انا سبه ضحيه حنانـي
مصعب من انه ينشف الدم والريق
الا اني اشوفك بعيني انـاني
افيق من جرحك !! ولاودي افيـق
احترت مدري كيف اعيش الثواني
وانا تحملتك على قلّ ماطيق
واقـول تغليني وتعـرف مكاني
واثرك تبي توجع احساس المعاليق
وتـهز خـفاقي وتكـسر كيانــي
وتزلّ بيّ من دون سبه وتدقيق
وتضيّق اخلاقي وسخف المحاني
لو شفت ماشافت عيون المخاليق
ماكان قلبك بالسهوله نسانـي
واذا بسيط انك تحل المواثيق
اللـه يعــوضني مثـل مابـلانــي
صدمه وجتني والمحبه توافيـق
من عقب ماني اولك صرت ثاني
ياليت تذكر قبل ماروح وتضيق
كم مره عيونك تباكت عشاني

[عبدالله الجعيثن]

تسجيل حضور




وتشرف لمعانقة الجمال




ولي عوده يالذيب

[قبلان الخمسان]

رحيل الوهبي

انت مجرم شعر يعلم الله من فتره طويله قرات لك واسرتني حروفك

صح قلبك تشرفت واستمتعت وبنتظار قلمك دووووم

تقبلني

[ام الرغفان]

وانا تحملتك على قلّ ماطيق
واقـول تغليني وتعـرف مكاني
واثرك تبي توجع احساس المعاليق
وتـهز خـفاقي وتكـسر كيانــي

رحيل صح لسانك,,,لاهنت

[هواوي نجد]

مصعب من انه ينشف الدم والريق
الا اني اشوفك بعيني انـاني

الاصعب ان الواحد يقرا هذا النص ولا يبدي اعجابه فيه

صح لسانك شاعرنا

[بتول آل علي]

افيق من جرحك !! ولاودي افيـق
احترت مدري كيف اعيش الثواني

وانا تحملتك على قلّ ماطيق
واقـول تغليني وتعـرف مكاني

،


استاذي الراقي

رحيل الوهبي


شعر كالذهب .. برّاق و غالي !

مبدع استاذي كما انت دوما


ألف صح فكرك




أختك

الدهور

[رحيل الوهبي]

الجعيثن لا هنت و انت الابداع

و الله يعافيك
انتظرك من القلب

[رحيل الوهبي]

الخمسان

لا هنت و انا سعيد بأن يكون

مثلك من يستمتع معنا ىهنا في هذا الصرح الكبير

و انا السعيد بقلمك و مرورك

تقبل تحيتي

[رحيل الوهبي]

ام الرغفان

صح بدنك و لا هنت اشكرك من القلب

[بعد ملي]

صح لسانك اخي الكريم

[رحيل الوهبي]

هواوي نجد

اشكرك من القلب

و انا سعيد بقلمك و مرورك الطيب

ولا هنت تقبل تحيتي

[رحيل الوهبي]

بتول العلي

انتي من يعلمنا الرقي في الذوق يا استاذ الحرف العذب
و لا هنتي
و اشكرك على مرورك

[بشير اللويش]

رحيل

اسم / علم في ساحة الشعر

لايختلف عليك اثنان من العقلاء

ثق في كلام اخوك .. بأنك شاعر ذو طرق مختلف

ولك بصمه واضحه .. بصمة رحيل الوهبي فقط

ان كتبت الشعر اجدت فيه

وان استرسلت به اجدت فيه

وان طرقت بابه في كل الاحيان ستجد من خلاله البوح الصدق

فهنيئا لنا ببوحك الشعري العذب

لله درك يالغلا .. وصح لسانك

الراسي

[ناصر الشمري]

اووووووووووووووه يابو خالد ششغل يابو خالد صح للسسسانك يالامير انت تعرف ما اعلق وراك اللي اقوله كلمتين
الى الامام يالامير السسسسسسساحه ساحتك.
صدمه وجتني والمحبه توافيـق
من عقب ماني اولك صرت ثاني
انششهد يابو خالد كبير كبير كبير صح للسسانك الى يوم القيامه

[رحيل الوهبي]

بشير لا هنت
لا تعليق هنا انا استمتع بردودك الجميله
و مرورك العذب هو الشهاده

تقبل مودتي

[رحيل الوهبي]

ناصر الخبر

اشكرك من القلب

تواجدك هو الممتع للمضيف و لي انا

لا هنت

[هايس الشمري]

اااااااالله يا رحيل..



لم اقرا لك قصيده هكذا.. تمر مرورم الكرام..




بل كلها رائعه..





صح لسانك استاذي..





اخووك

[عبدالمجيد الشمري]

ياااااا سلاااااااااااااااام عليييييييييييييك يابو خالد


مبدع مبدع مبدع وشهادتي فيك مجروحه يا كحيلان


بيض الله وجهك على كل حرف قلته ..



تقبل ودي ووردي

محبك

[طلال]

مصعب من انه ينشف الدم والريق
............... الا اني اشوفك بعيني انـاني

ارق سنود يا رحيل ، اسم نتجه له اذا ناوين نقرأ شعر !

صح لسانك بلا عدد

..

[صالح العوكلي]

الي يعيش ياما يشوف
شكرا على هذاالطرح الرائع

[لطيفه الشمري]

صح كلك ..
مبدع .. وكل بوح لك يعانق ذائقتي ترتوي من زلال الشعر ..
لا هنت ..

[ابوعبدالمجيد]

صح لسانك وبيض الله وجهك ونطلب جديدك يالعزوه جعلك ذخر
واحد من محبينك

[صبحي التومي]

لو شفت ماشافت عيون المخاليق
ماكان قلبك بالسهوله نسانـي

واذا بسيط انك تحل المواثيق
اللـه يعــوضني مثـل مابـلانــي



/
\
/

لله درك ثم لله درك
(حبكة معلم ) أبيات في غاية الروعه والإبداع ..!
أتحفت الشعر يا / رحيل
صح نبضكـ

/
\
/




ابو نايف

[رحيل الوهبي]

أخواني و اخواتي الاعضاء


لكم مودتي و انا اسف لضيق الوقت و عدم القدره على الرد لكل منكم على حده

لكن يعلم الله انه بسبب الظروف و لكن صحة ابدانكم جميع و انا اسف مليون مره

تقبلوا ودي و محبتي

[ابوعبدالمجيد]

صح لسانك يابوخالد الى الامام
الله ينصر دينك نطلب المزيد

[رادار الحرف]

رحيل الوهبي ، الله من الجمال والشاعرية في نصوصك
وكنت سعيدا جدا لمشاهدتي اياك في قناة المختلف
قبل اسبوع تقريبا في احدى حفلات شمر
وبالفعل انت شاعر ، شاعر ، شاعر تشرف الشعر والجمهور
والله لا يضرك يا شاعر المضايف
ولي تعليق بسيط على هالمشاركه /

ماكنت متوقع من اسبابك اضيـق
وماكنت احسب انك تبيع الاماني

المطلع لو تاقف وتطيح ضوضاء بعض المجلات على شعراءها (الا مارحم ربي ) مايجيبون مثل هالمطلع
دون مبالغه ودون هضم حق الشعراء المبدعين شرواك

اليوم وش تسوى حياة التلافيق
لاصرت انا سبه ضحيه حنانـي
مصعب من انه ينشف الدم والريق
الا اني اشوفك بعيني انـاني
افيق من جرحك !! ولاودي افيـق
احترت مدري كيف اعيش الثواني


خيالك واسع وصورك الشعريه مؤثره باهل القلوب الخضراء (خاصة الشيبان)
والبيت الأخير مربط الحصان ياحصان الشعر

وانا تحملتك على قلّ ماطيق
واقـول تغليني وتعـرف مكاني
واثرك تبي توجع احساس المعاليق
وتـهز خـفاقي وتكـسر كيانــي


البيت الثاني قد يكون فيه خطأ مطبعي في الصدر لأن في قراءتي له تغير البحر

وتزلّ بيّ من دون سبه وتدقيق
وتضيّق اخلاقي وسخف المحاني
لو شفت ماشافت عيون المخاليق
ماكان قلبك بالسهوله نسانـي
واذا بسيط انك تحل المواثيق
اللـه يعــوضني مثـل مابـلانــي
صدمه وجتني والمحبه توافيـق
من عقب ماني اولك صرت ثاني
ياليت تذكر قبل ماروح وتضيق
كم مره عيونك تباكت عشاني


وتكمن الخاتمه في ترابط الابيات وانتقال القارئ / المستمع من خلالها في الشعر / العطر

ومن وجهة نظري المتواضعه ان مفردة (تباكت) في العجز الأخير ليس هذا مكانها لأن التباكي معناه اصطناع البكاء وظهور الدموع الكاذبه
وانت تقصد في سياق المعنى ان تذكره كم مرة بكى بالحق والحقيقه على شانك

رادار الحرف