حلاق مصري قصه حقيقه حدثت لي [الأرشيف]

مشاهدة النسخة كاملة : حلاق مصري قصه حقيقه حدثت لي

شمالي

24-08-2002, 17:34

الشيخ محارش

لقيتلك حلاق مصري على كيف كيفك

هذا يوم الديار طلبت اهله وجيت ابي اروح قلت خلنا نحلق بالشرقيه انظف يحطون ديتول على الموس مو مثل "راجو" حتى الموس مايغيره الوكاد:

رحت لحلاق 2000 بشارع "رعش" وألقى المحل فاضي مابه الا المصري لحاله
وكان هذا في تمام الساعه التاسعه مساءً وانا اجلس على كرسي الحلاقه ويجيب شرشف عليه صورة بباي وهو يحطه ويجيب المقص وهو يشوف اللحيه ويقول :عاوزه ايه ياباشا
قلت: راس
وهو يبدأ شغله وقام يهذر علي ويبدأ بالكوره والمنتخب ومن ثم يحول على السياسه وعلى اسرائيل والعرب
ودي اسرائيل بنت كلب قلت ايه والله بنت كلب
وقال : انت تزكر حرب 67
قلت : ايه وأنا من ماخلدزت وقته
المهم قال:انا اخوي حارب فيها
قلت : مشاءالله
وهو يبدأ عاد بالتسذب
كانت وئتها 180 دبابه اسرئيليه حتدخل مصر وآم اخوي ومعاه كم قندي وأفوا ادامها وشال اخوي مدفع آر بي جيه ووقهه على أول دبابه وآم فقرها آمت الميه وتمانين دبابه سلمت واستولت عليها مصر
قلت : ماشاء الله اخوك بطل
قال:امال ايه وبمعركه تانيه كانت هناك كتيبه كاوايتيه وانت تعرف الكاوايته مشي حالك مش ولابد
آمت عرفت ألإستخبارات ألإسرائليه إبمكانهم وخططوا لضربهم وفي الوأت نفسه عرفت ألإستخبارات المصريه بخطة اسرائيل آمت شالت الكتيبه الكاويتيه
وحط مكانه كتيبة اخوي آم قاء القيش ألإسرائيلي وحاوط الكتيبه المصريه آم قاء القيش المصري وحاوط الجيش الإسرائلي
واخد بالك
اييه واخد بالي كمل
آه احنا وصلنا فين
وصلنا الثلاث حلقات
أيوه فالكتيبه المصريه اللي قوه معندهمش لا اكل ولا شرب
لاكن القيش الإسرايلي الصليب الأحمر بيمده بالغزاء والقيش اللي برى المصري مش محاصر يأدر يقيب اللي هو عاوزه
لاكن الكتيبه اللي قوه المصريه عطشانين وهم صايمين ولما قه المغرب طلعت عندهم نافوره كبيره زي نافورة الملك فهد بقده"بجده" وآموا افطروا

الحادسه التالته
كان في سينا قبل كبير أوي زي ابها عندكو وكانوا مسيطرين عليه فوء ألقيش الإسرائيلي وأم اخوي ومعاه كم قندي يتسلأو القبل وبص اخوي عن يمينه وشماله ألا قنود لابسين لبس مصريين ووشوشهم قميله أوي يطلعوا بسرعه فوء ولما وصل أخوي لإي الأسرائيلين متكتفين وأسلحتهم أدامهم والقنود اللي طلعوا بسرعه مش موقودين اتريهم طلعوا ملايكه

وهنا خلص الحلاقه وكانت الساعه الحادي عشره مساءً

الوكاد لا يفوتك الحلاق هذا يامحارش وخذ مهراس معك

مهراس

24-08-2002, 22:37

الله يحط خشمه بعلباه هالمصري
ياحبهم للتسرخ يمعطك بصاروخ ارض جو بحر فضاء ( يامرشك الا هالصاروخ وين يلقى )
لاتودوني يمه تروا ان قام يهربد علي همن قمت عفست محله على راسه
ول الله يفقع عينك مابهم الصدوق
هذا يذكرني بمصري تسروخ الله لايبلى به ضربه بوجهه شكلها ضربة سكين يوم نشدته قال ده ضربة مطوه اصلي في سنه حرب 67 خلصت الزخيره من عندي فأفزت من الخندا بتاعي ورحت اركز على اليهود وكان في مؤدمة البوندؤيه مطوه فدخلت على الاسرائيلين ويالله ادبح ده وده هم حوالي 15 اتلتهم كلهم فوأعت على الارض اتاري واحد منهم مامتش آم وضربني بمطوه على وقهي
المهم ابومرش عقب فتره طويله ساله واحد من العيال قال وشي اللي بوجهك هذي قال دي خناقه في حي الباطنيه بمصر مع حتت عيال صيع :D
ياهم يدربون براميل
دا قدي بيحلق وهو مغمض
محارش شرايك نروح يمه مشتهي فرشته ابي امده بلي سوط لما يقذف العافيه :D

الا وش وقع حلاقته:p

سـاهـر الـلـيـل

25-08-2002, 03:54

الله ..... ازاء ياشمالي ... بتوفنيك .... الى ارراقيل ....
مش تستنية لما ..... أيأوص اليك اصتووة ... في حفير اناة السويس ......
الله .... اييية دول الناس .... الي ما اندهاش صبر ......
وما بدهاش ... تسمأء البطولات الأرابية ..........
الا ..... الا فيكريية ... أارررباك..... قرالوة حاقيية ؟؟؟؟ دى الحلاء متحاميس ياكبيد
...... اميتوة ....

أممممم مية دى القدع المصري اللي بتسووليف بية يابو كوميخية ...داة في المريية الآولى .... كلاموة كويس ...... وبعدين اققراء أملية سم كارية في وقهووة ......
وصاريت الؤأة التانيية .... شفت بأأة .... ازاي بتزلموا النااس .....

مفتاح14

25-08-2002, 05:58

هههههههههههههههههههايلي

نعنبوهم واحدهم يجدع التسذبه عيني عينك..ويصلفحه ويزبرقه ويمسطك به بالجبهه:p

لا وبهم حاجه غير التسرخ :) ( اللهم لا شماته) لو تقول لواحدهم تعرف الطياره؟ قال: معرفهاش ليه؟ دنا اعرف اسوءها حتى :p

مره جبت مصري سباك( بصراحه ماعندي شي خربان بس وش اسوي بوه تعلق بسيارتي بالغصب :p ) المهم جا للبيت قلت له ابيك تسوي صيانه .. وهو يرثع بالبيت وما به ماصورتن ما لعب بحسبته:) قلت خلاص يكفي وحنا طالعين وهي ( تمطق) اللمبه :( قلت اللي من بلشه.. قال ما تخفش انا حركب لمبه قلت لا ما يحتاج سهله انا اركبه اذا رجعت..قال : ايوا بس المشكله بالفيش نفسوه مش باللمبه!! قلت اخس الله لا يبعثك :) وش دراك ؟ قال اصلو صوت انفقار اللمبه واضح انو من الفيش المهم انوه صلفح اكالتسذبه وصدقته .. قلت يالله صلحه اشوف.. وهو يفك الفيش ويركبه ثاني قال: خلاص المشكله اتحلت..قلت: امنا بالله!! (صراحه ادري ان ماعنده سالفه بس جاملته :p ).. المهم جيت ابوصله مار السياره عيت تشتغل :( قلت لحوووووول..
قال: ما تشيلش هم دنا كونت موهندس سيارات فمصر !..
قلت: ول يالمذهوب واثريك مانت سهل .. المهم اني فتحت له كبوت السياره وهو يقوم يحربثبه وهذا يفكه وهذا يربطه ليا ما لعن خيّر السويويره:)
وبالاخير اعطيته اجار الليموزين وطس الله لا يرده..
بعدين اكتشفت ان السياره عيت تشتغل لأن البنزين مخلص :D:D:D:D:D

-------------
يمال العافيه ياشمالي على هالقصه بس شكلك تبي تعنيني للشرقيه علشان
هالحلاق..ابي غديني اصلفقه الياما يشين وفقه هههههه
بس عساني اواجه محارش ومهراس عنده .. عشان تلبسهم التهمه كخخخخخخخخ

محارش

26-08-2002, 01:22

هههههههههههههه عز الله مايبحل به المصري

خذ عندك هذي

هاك الحين كان عندنا سباك ومغير قرق على راس اخوي ( عاد اخوي راعي حركات ونكبات ) المهم وطول مهو يشتغل يقرق تسدء بالله ( لا اله الا الله ) دنا كنت في القيش من وانا صغيّر وكنت في الصاعقه كنا بناكل الزلط ياعم ( الزلط عند المصريين الرضم ) ما كناش بنخاااف ابد دنا كنت بامسك التعبان ( الداب ) وأءطعه ( اقطعه ) واكله ( ياكبره ياعبره ) المهم طفش منوه اخوي مع انه يستانس على حتسيهم ونوى نكبته قال اسمع يا حسنين قال نعم يا وائل ( مشوَه لا تدققون ) قال اليوم بوه قصاص وش رايك نروح قال المصري على طول امّال يابيه نروح ما نروحش ليه !!!
وهو يدهّر عقبه امتى حــ نروح واخوي يقول لوه شوي وهو ينشب بحلقه يالله بينا نروح نمسك مكان اوريّب ( قريب ) تقل يبي يشوف مباراه هو ووجهه :D مالك بطويله وهم يروحون ومغير ينوقز السباك يتشوّف متى يجون وهذا عمله ليا ما جو
ويوم بدو يقولون الكلام وهو يسلكه المصيري :D وكل مال علومه تخرب ويوم انهو القصاص ويلتفت لوه اخوي يامار المصيري من صيد امس وهو يحاول بوه اخوي ويساعدونه اللي حولوه ويرشونه بماء ويشيلونه للسياره ويوم صحصح شوين وهو يقول لخوي تسدء بالله !! دنا من يومين ما كلتش :D <<< يصرّف الموضوع :D

السالمي

26-08-2002, 02:49

يا حول الله وش اللي خلاكم تجيبون طاري المصارية الله لا يخلي لهم تالي

ماتدرون انكم جددتوا جروحي وذكرتوني بخسارتي الفادحه مع المصري المروح
هذا المصري لعب علي وقالي انا رايح لمصر ومش عاوز اشتغل عند الحرامي ده وانت ايه رايك تفتح محل وقبات سريعه وانا حخليه يدر عليك دهب لاء مش كدا وبس حخلي الوليد يغار منك ..ونا عاد خبيل وهطف وعلى نياتي !!
عاد انا صدقته وفتحت لكن ما در علي ذهب على قولته در علي الديون وقلت الحيا والى الحين المحل مسكر والمصري قص له على واحد ثاني ونقل كفالته عليه
ملاحظه المحل للتقبيل لعدم التفرغ !!!!! اثر عليه المصري !!!

@صقرسلمى@

27-08-2002, 15:25

وااااااااو واسبدي اللي قطعها واحد مصري زي ماقلتو

أتذكر أني مره من المرات نبي ننهج يم لنا عرس والله واحط رجلي يم
مدحت الحلاق قلت له تكفى يا مدحت أضبط خشتي اللي تقل خشت تكرمون
بقره قال من عنيا وأدهر المصري قام يقلب وجهي تقليب مثل ماتقلب المرأه عجينت
الصبح ........ وطبعا مع التقليب مثل ماصار معكم قام يهذري علي
قلتله يامل صنقير وأبوزنه اللي يطير بهامتك أترك الهذره وشف شغلك
قال فيه كريم جديد يزين وشك أذا انت عاوز منه هديلك منه على الوش
قلت ماتبي مشاوره حط ويوم حطه الحطة القشرا بدا وجهي
كنه نار ,,,,,,,, وأبشركم أني مارحت للعرس هجيت للبيت وتغيبت بالمشب
لأن طاح شعر الحجان والرموش والشنب
حتى أمي يوم شافتن انخرعت وقالت بسم الله يمه وووه وليدي وشبلاك
وش اللي صاير لك والله اني انخرعت يوم شفت وجهك ذكرتني بأمي الله يرحمها
قلت المصِِِاري الله ياخذ عمره نصب علي .......ومن يومها وانا احلق عند ابو هنود
الله يلبسه العافيه|513| |513| |513| |513| :o :o :o :o

بشير اللويش

27-08-2002, 23:32

اخي شمالي

الله يخرجنا على خير

احسن شي لك

help your self

الاكيد الحمدلله على السلامه

لاتعوّده انتبه :D

قبل تحيات اخوك الصغير

الراسي

متجند سيفه

30-08-2002, 00:19

الله يهديك ياشمالي

فتحت باب لها التسذبان كل قام يهذب من يمه:)

والا تسذبة محارش عاد مايصدقه الي ينقله بيده ويبي يمشيه علينا:D

الله يعينك على تسكيره هالبـــــــــــــــــــــــــــــــــــا ب

فتاة نجد

30-08-2002, 02:35

بصراحه يا أخوي شمالي صاحبك هالمصري خطيــــــــــــــــــــــــــــر

سـاهـر الـلـيـل

30-08-2002, 03:17

ايييييييييييييييية ....... داااااااة

مشممكن ..... دي السلافيح اللي بتبعتوها ........ الله اينتوم بأأيتو..... حاققة لينا.....

ماهوة دي السلفوحة بتاعيت محاريييش ......دااااة دربا الكتارايية .....اوي

اعوووووود مين ولا مين ........
اية ياقدعان ....... هوة فية اايييية........
دااة .... فيييية ...... واحيد مصري ....... الله دنا مصري ..... الله دنا اتعديت.....

سالم

08-09-2002, 10:37

الأخ / شمالي ,,,

موضوعك حلو وجميل

وانت ماتعرف المصريين ( البتاع كله ) .......

والمصري مستحيل يقولك مابعرفش ,,,

وانا مااسمحلك تتكلم على حلاقيننا ( سابقا ) ,,,,,,,

وشكرا على الموضوع الجميل ,,, ولاتـــــــروح له مره ثانيه

وتقبل تحيات أخوك المخلص
/// سالم الشمري
الدمـــــــــــــــــام

بحر الحب

01-11-2004, 06:45

مغترب بالشمال

01-11-2004, 16:02

يالعشير لاتصدق المصري ولوهو ابوك خذ نصيحه تروه يتغيفلك يامايجيه الوقت المناسب ثمن لهبك

وانتبه لاقال بص واخذ بالك تروه نوي دبورك

مجربهم ولي وللكمبيوتر معهم عبره

سالم

01-11-2004, 16:40

24-08-2002 ---> تاريخ الموضوع :thumb:

01-11-2004 ---> تاريخ اخر رد :a:

8
8
8

ياحبيبي يابو مها مالك شوفه :g:

تحياتي :awink:

الأصيل

07-11-2004, 11:37

أنا مدري ويني عن هالحتسي اللي يفطر التسبد من الضحتس :)

شمالي ..

هالفلم خذا منك ساعتين

إحمد ربك إن المصيري ماسولف لك عن الحرب العالميه الثانيه

ولاّ تسان للحينك عندوه :d:

نقطـــــــــــه مهمـــــــــــــه

المصري بتاع كله

يعني يعرف كل شي ( مسبوع الجد )

إلا

الكهربـــــــــــاء!!!!

ليه يامدحت؟؟ قال:الكهرباء بتموّت ( يعني مافيش يمّه ارحميني :thumb:

المريشال2003

07-11-2004, 14:13

الموضوع الله يسلمك ماله لا وجه ولا قفا لو أنت سالم منه لك رزق الطير

مشــــعل

23-11-2004, 00:31

ههههههههههههه
عزاللة نضفتوهم من الذنوب

عاد انا ابي احرفة يم الافغانية
من يم التسذب فية افغاني بحارتنا سنونة متكسراة
وانا انشدة قلت وشنوح سنونك متكسراة
قال هذا يوم الجهاد ضد الروس قصفونا بصاروخ وحنا بالجبل وانا اقع وهن يتكسرن
والوكاد صدقتة

يوم فات علية مدة وانا انشد افغاني ثاني
قال يتسذب يوم هو بافغانستان يبيع بصل يوم جاء هكاليوم
وهو يقع من فوق حمارة "اللة يعزكم" وهن يتكسرن

عبدالعزيز

26-11-2004, 14:30

اههههههههههههههه غريبة اللي ماقال لك دنا اشتغلت كوافير لام كلسوم وحلئت لعبعليم عباحافز مثل حلاق.ن بحايل:)

اشك بصبرك يالخطيب عن رشمة هالمصري بغاربوه :)