العثور على عملات قديمة بالاجفر

[شموخ شمالية]

بدر الهليل الأجفر :


عثر مواطنٍ من أهالي مدينة الأجفر الواقعة على مسافة 170 كلم شرق حائل على عملةٍ نادرة وقديمة تعود لمئات السنين .. ووفقاً لمصادر " إخبارية حائل " فقد عثر مواطن يوم أمس الأول بالقرب من مدينة الاجفر على " جرةٍ " تحتوي على عملةٍ نادرة وقديمة ، حيث قام حينئذٍ بتسليمها لمركز إمارة الأجفر .



(http://www.hailnewsup.com/hail//uploads/images/hailnew-8fdaae0bfe.jpg)


(http://www.hailnewsup.com/hail//uploads/images/hailnew-8fdaae0bfe.jpg)

http://www.hailnewsup.com/hail//uploads/images/hailnew-8fdaae0bfe.jpg (http://www.hailnewsup.com/hail//uploads/images/hailnew-8fdaae0bfe.jpg)

[بتول آل علي]

ليش يسلمها للمركز ؟؟


هذي تجيب له ثروه :)




لو منه ما يشمون حتى ريحتها :)

[شموخ شمالية]

هلابك أختي بتول


أكيد ماراح يخلّونه يبون يعطونوه مقسوم الله


بس والله عنده أمانه هالرجل يشكر عليها



مرورك شرف شاعرتنا الراقيه

[ابوهجرالويباري]

مشكورهـ ع الخبر ..
والله لو انهن طايحاتن بيدي وربي الا احرررج عليهن بالجنادريه ..ههههههههه

[شرهه]

شدينا للأجفر يا عيال



قه قه




او اقول انزلعوا






انا ابرسل لخيتي ام غازي اغديه تاخذن بعطلة هالربيع معه يم اهله :)








مشكوره يا شموخ على هالخبر





تهياتي

[أبو فهد]

^
^
^


برا







عند لي جرة بقل تسان ودتس تصيرين تاجرة و تصيرين من عالية الحيايا :)





مشكورة شموخ على هالخبر




----------------
أبو فهد الهمزاني

[شموخ شمالية]

هلابك أبوهجر

وحتى أنت مثل بتول تبيهن

وش رايك نروح لهم ونقول هذي لجدنا الثامن عشر بس هاااه مو تسرقهن وتهرب للهباس




مرورك شرف ياأخوي ..الله يحفظك

[شموخ شمالية]

هلا وغلا بشرهه

اذا حصلتي شين لاتنسينن ..أنا خويتس :)

وأنتي أغلا خوياتي >>> مصلحه



مرورك شرف ياجدي الله يحفظك

[شموخ شمالية]

هلابك مشرفنا العزيز أبوفهد


اذا عندك خيشة البقل ارسلها لي أنا >>> مدمنة بقل

شرهه ماتبيها ماتشوف أسمها دلوعة الفله يعني ماتآكل الا الجالكسي ماهم راعين بقل :)




مرورك شرف ياأخوي ..الله يحفظك

[شرهه]

^


حتى الجلكسي حق بدو








انا ما اكل الا الحلاو هذاك اللي يجي بطابق و دلاقيم ولونه ذهبي اللي دعايته دايم تجي على ام بي سي اكتن اسمه فريرو روشيه

[شموخ شمالية]

^
^

الحلى ماياكل الا حلى ياحلى :)

[هلآ الآسلميهـ]

والله انه خبل ..


ليه يوموه يسلمهن..؟؟


الحين فيدين الامآره يلهطونهن عليه .. ويقولون له اقضب الباب ...


هو اللي لقآه هو أحق به ..


<< لو وادزعاتن بيده تروح تبيعهن بسويسرا :)

[شموخ شمالية]

هلا والله بـ هلا


لاتصيرين طماعة وانا اختك





وش رايتس بمسيار على أمارة الاجفر نتقهوى عندهم >>طمعت العجوز



مرورك شرف ياجدي

الله يحفظك

[سلطااان السويري]

<<<< يدق على عمه بالاجفر يبي يسير عليه:3ajeeb:


يمكن نلقالنا جره ثانيه



لاهنتي شموخ

[شموخ شمالية]

هلابك سلطان

اذا لقيت شين لاتنسانا حنا خوياك اهل المضايف :)




شكرآ لمرورك يالطيب ..الله يحفظك

[ابو ضاري]

عملات نادره

ياويلك يالجعيثن اثريك بايعهن عليهم

كرا شموخ

[شموخ شمالية]

شكرآ لحضورك أخوي الضاري


لاهنت

واذا هن للجعيثن نبي نطالب بهن :)
هذا ولد المضايف واللي لوه يرجع لجميع الاعضاء




الله يحفظك

[غالب]

<<دااز يم خاله يدور عملات قديمه<<
زين والله
أجل الاجفر به عملات قديمه
لالا الوضع ماينسكت عنه
رايح من باتسر بإذن الله :)

[شموخ شمالية]

هلابك أخوي غالب

وشكرآ لحضورك الطيب

لاهنت

[ام الرغفان]

لو انا مكان الرجال يايعطون مبلغ محترم ياكليت الدراهم عاد اتحداهم يشقوون بطني:)




لاهنتي شمووخ ع الخبريه

[شموخ شمالية]

هلابك أختي الحبيبه أم الرغفان

وتسلمين يالغالية ع المرور الحلو


لاعدمتك

الله يحفظك

[عبدالله الجعيثن]

عطوه كبر راسه....يستاهل



الا سجنوه وبهذلوه




مار ابشركم طلعوا اهل الاجفر حريم ورجال ثاني يوم ولقوا اكثر من جره ب "الابرق" حول الاجفر ولياهالحين والمكان محاصر بالمباحث وقاعدين يحققون مع الاهالي



غميضه ماجيت الاجفر الا والطيور طايره بارزاقه

[شموخ شمالية]

هلابك أخوي ابوغازي


انت ليش ماجلست بالاجفر غديك تلقالك لو نص جره


حتى لو ماسلمها مايقدر يبيعها لانه راح يسألونه منين جابها :)

الله المستعان



مرورك شرف أستاذي القدير
الله يحفظك

[الحيمري]

لماذا هذا
تحذف المشاركه دون ابلاغي ولماذا تحذف هل من سبب
هل حصل فيها نوع من الجنوح عن الصحيح

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟