عايد المرعب
24-08-2002, 13:09
ياالله ياعالم بخافي حوالها = رافع سماها دون شدة حبالها
بستة ليالي ركز الأرض والسما = يقدر ولا يعسر وربي قوالها
اودع بها الوديان والرجم والجلد = عقب الجلد نصب نوايف رمالها
وطشر نجوم الكون والثاني القمر = تشوف بالظلما قديح اشتعالها
وعزل نهاره عن ظلامه بقدرته = وارسل مليكه ثم رسى اجبالها
واظهر لنا شمس(ن) غشى الخلق نورها = وليا اكسفت حال الخلايق بجالها
فضله كثير بس نطلب به الثنا = وحبل الثنا لاينقطع عن اوصالها
ثم(ن) خلق آدم وحوى من الثرى = ونفخ بهم من روح جلا جلالها
وصاروا بجنات النعيم وتوافقوا = عن شجرة(ن) شينه منعهم اوصالها
وحداهم ابليس اللعين بطريقته = ودهور انفوس(ن) مطمئنه بحلالها
وجازاهم الخالق وفرق لشملهم = من طاع راي ابليس هذا جزالها
حوى بشرق الأرض وآدم بغربها = وكل(ن) قصد للوجه الآخر اقبالها
آدم ينام الليل والصبح يبتدي = يبي يشوفه مار دون اعتجالها
وحوى تدوس الليل والصبح بالسرى = من لهفته ما لذة النوم جالها
وتقعد على كوم البرد في طريقها = وتشكي سموم القيض واعزتالها
وتقابلوا عقب المسافات والعنى = وتعارفوا بالشاهقه من اجبالها
ويا قادر(ن) في ذا تقدر لحيرتي = بشاكيك شرباك العزيزه وحالها
ياسيدي ياهقوتي يامضنتي = يا مشتكى عيني ويا مرتكالها
بشاكيك الا يالله من جور وقتنا = دنيا تصفقنا على ما طرالها
والحظ يندبنا وبقعا تحوفنا = دنيا تحدتنا وسكر مجالها
بالله ياللي بك غيره ومقدره = خلك فطين بحالنا وشبدالها
لولا الحسد والحقد ماصار وضعنا = مثل فلسطين الذي شفت حالها
بس بكلام الناس نسعى لجهدها = ولااحد(ن) وقف معها ولااحد(ن) سعالها
ماجور ياقلب(ن) تدهورت بالقهر = وعزي لنفس(ن) خبث الوقت بالها
قبل امس وانا عند ربعي وعزوتي = واليوم بديار(ن) صعيب(ن) منالها
وباكر على الدوحه وعقبه لغيرها = والله عليم بحالتي وش نوالها
امشي وانا مالي قرايب على ارضهم = والروح من ماشفت قرب زوالها
ذكرت حكم الله باول قصيدتي = من هب للقبلي يدير لشمالها
هو داير الأفلاك يقدر يديرها = ويطفي لهب كبد(ن) يزيد اشتعالها
تايه ولا ضل لي وطن يااهل الوفا = لي الولي والروح هي واعمالها
والله لو انه على ما مضى لنا = عن نزلكم حالي لدني ارحالها
واعزي الروح الغريمه بودكم = واقول روح مضيعه وش غدالها
ماهو ردى فيكم ولا اسب فعلكم = يا لعنبو نفس(ن) غواها بحالها
قلته وانا راسي تزايد به الطنا = ومن سيد كل الناس ماهم رذالها
أنا لابتي هم خيرة الخلق والبشر = عقب الصحابه لابتي هم اجزالها
زوبع هلي غلبا هلا العف والنقى = وشمر خيار القوم شمر ثقالها
شمر هلا الردات شمر بوقتهم = شمر على كل القبايل افعالها
ولو هي تعود امجاد شمر وعزها = شمر على كل الخلايق ظلالها
شمر هلا النوهات شمرهلا الخطى = شمر طنايا طي شمر اجبالها
شمر اعفاف العرض شمر هلا الخوي = الفكر صخرها ولا احد(ن) قوالها
من غير قاصر بالقبايل وحضرها = منهم مثل شمر على ما مضالها
إذا الناس ارض(ن) وهم شمر رجومها = ومهما زموا بالزود شمر اجبالها
وإذا الناس غيم(ن) زام واستنزل البرد = شمر بحر ما ضايقه باحتمالها
وإذا الناس غيم زام بالجو وانتهض = شمر نجوم ولا وصل مستوالها
والله لولا لابتي ضايع الوفا = ومحمد العوني سبقني وقالها
ويقول فجحان الفراوي بجودهم = منهم مثل شمر رخيص(ن) حلالها
أحبهم واحب منهو يحبهم = وابغض من ابغضهم ولاني بحالها
ويامن يهجعني ويجبر مصيبتي = ويامن يرد للنفس معنى سؤالها
هذه القصيده للشاعر المبدع / علي المحيا
بستة ليالي ركز الأرض والسما = يقدر ولا يعسر وربي قوالها
اودع بها الوديان والرجم والجلد = عقب الجلد نصب نوايف رمالها
وطشر نجوم الكون والثاني القمر = تشوف بالظلما قديح اشتعالها
وعزل نهاره عن ظلامه بقدرته = وارسل مليكه ثم رسى اجبالها
واظهر لنا شمس(ن) غشى الخلق نورها = وليا اكسفت حال الخلايق بجالها
فضله كثير بس نطلب به الثنا = وحبل الثنا لاينقطع عن اوصالها
ثم(ن) خلق آدم وحوى من الثرى = ونفخ بهم من روح جلا جلالها
وصاروا بجنات النعيم وتوافقوا = عن شجرة(ن) شينه منعهم اوصالها
وحداهم ابليس اللعين بطريقته = ودهور انفوس(ن) مطمئنه بحلالها
وجازاهم الخالق وفرق لشملهم = من طاع راي ابليس هذا جزالها
حوى بشرق الأرض وآدم بغربها = وكل(ن) قصد للوجه الآخر اقبالها
آدم ينام الليل والصبح يبتدي = يبي يشوفه مار دون اعتجالها
وحوى تدوس الليل والصبح بالسرى = من لهفته ما لذة النوم جالها
وتقعد على كوم البرد في طريقها = وتشكي سموم القيض واعزتالها
وتقابلوا عقب المسافات والعنى = وتعارفوا بالشاهقه من اجبالها
ويا قادر(ن) في ذا تقدر لحيرتي = بشاكيك شرباك العزيزه وحالها
ياسيدي ياهقوتي يامضنتي = يا مشتكى عيني ويا مرتكالها
بشاكيك الا يالله من جور وقتنا = دنيا تصفقنا على ما طرالها
والحظ يندبنا وبقعا تحوفنا = دنيا تحدتنا وسكر مجالها
بالله ياللي بك غيره ومقدره = خلك فطين بحالنا وشبدالها
لولا الحسد والحقد ماصار وضعنا = مثل فلسطين الذي شفت حالها
بس بكلام الناس نسعى لجهدها = ولااحد(ن) وقف معها ولااحد(ن) سعالها
ماجور ياقلب(ن) تدهورت بالقهر = وعزي لنفس(ن) خبث الوقت بالها
قبل امس وانا عند ربعي وعزوتي = واليوم بديار(ن) صعيب(ن) منالها
وباكر على الدوحه وعقبه لغيرها = والله عليم بحالتي وش نوالها
امشي وانا مالي قرايب على ارضهم = والروح من ماشفت قرب زوالها
ذكرت حكم الله باول قصيدتي = من هب للقبلي يدير لشمالها
هو داير الأفلاك يقدر يديرها = ويطفي لهب كبد(ن) يزيد اشتعالها
تايه ولا ضل لي وطن يااهل الوفا = لي الولي والروح هي واعمالها
والله لو انه على ما مضى لنا = عن نزلكم حالي لدني ارحالها
واعزي الروح الغريمه بودكم = واقول روح مضيعه وش غدالها
ماهو ردى فيكم ولا اسب فعلكم = يا لعنبو نفس(ن) غواها بحالها
قلته وانا راسي تزايد به الطنا = ومن سيد كل الناس ماهم رذالها
أنا لابتي هم خيرة الخلق والبشر = عقب الصحابه لابتي هم اجزالها
زوبع هلي غلبا هلا العف والنقى = وشمر خيار القوم شمر ثقالها
شمر هلا الردات شمر بوقتهم = شمر على كل القبايل افعالها
ولو هي تعود امجاد شمر وعزها = شمر على كل الخلايق ظلالها
شمر هلا النوهات شمرهلا الخطى = شمر طنايا طي شمر اجبالها
شمر اعفاف العرض شمر هلا الخوي = الفكر صخرها ولا احد(ن) قوالها
من غير قاصر بالقبايل وحضرها = منهم مثل شمر على ما مضالها
إذا الناس ارض(ن) وهم شمر رجومها = ومهما زموا بالزود شمر اجبالها
وإذا الناس غيم(ن) زام واستنزل البرد = شمر بحر ما ضايقه باحتمالها
وإذا الناس غيم زام بالجو وانتهض = شمر نجوم ولا وصل مستوالها
والله لولا لابتي ضايع الوفا = ومحمد العوني سبقني وقالها
ويقول فجحان الفراوي بجودهم = منهم مثل شمر رخيص(ن) حلالها
أحبهم واحب منهو يحبهم = وابغض من ابغضهم ولاني بحالها
ويامن يهجعني ويجبر مصيبتي = ويامن يرد للنفس معنى سؤالها
هذه القصيده للشاعر المبدع / علي المحيا