يازين التقاعد يالربع والربعات إحذوا حذوا عمدتكم

[ابو عارف]

العود قدم على التقاعد المبكر من شركة ارامكو السودية مبكر كم شهر من أجل يقال ظهر مبكر فقط ويعمل على إعداد هذه الكلمة والحورنية لحفل التكريم ، من يصحح من يعدل ومن يدلي بتعليقه معزومين لحضور الحفل وتناول طعام الغداء الساعة 11:30 من صباح يوم الثلاثاء 4 صفر 1431 هـ الموافق 19 يناير 2010 في الصالة الشرقية لمجمع حي نجمة السكني برأس تنورة - حياكم الله جميعاً.

بسم الله الرحمن الرحيم
إخواني الأعزاء أيها الحفل الكريم
السلام عليكم ورحمة الله وبركاته وبعد
يسعدني بهذه المناسبة الطيبة أن أتقدم لكم جميعاً من داخل أرامكو وخارجها بالشكرالجزيل على حضوركم وتشريفكم حفلنا هذا والذي أقامته إدارة شئون أرامكو السعودية بالمنطقة الشرقية مشكورين.
كما يسرني أيضا بأن أتقدم لرؤسائي عامة ولزملائي خاصة بالشكر الجزيل والعرفان على هذا التكريم وعلى نبل أخلاقهم وطيب خوتهم الأمرالذي جعل من تلك السنين الطويلة التي قضيناها بينهم ذكريات جميلة لاتنسى.
ولم يتبقى أمامي اليوم إلا أن إستودعكم الله الذي لاتضيع ودائعه سائلاً إياه سبحانه وتعالى أن يحفظكم جميعاً ويمن علينا وعليكم بالصحة والسعاده آمين.



سلام للحضور شيب وشبابي ___ في يوم تكـريمي وحفـلة وداعي
خمس وثلاثين طوتها ركابي ___ بين الشئون وبين الأمن الصناعي
سنين مضت مثل ضروب السرابي ___ والطيب يبقى والحقايق تذاعي
ويوم أحمد الصالح تناول كتابي ___ خفت إن ابو بدر يغسل شراعي
في حضرة الوالد عزيز الجنابي ___ وحضوركم ياطيبين المساعي
وكعادة الطيب يجيب الطيابي ___ وبقت فجوج الله أمامي وساعي
وتبقى معزتكم لوأنتم غيابي ___ بقلبي على طول الليالي شعاعي
عسى السعد حليفكم يالحبابي ___ شكراً على الحضور والإستماعي
شكر وتحيه في ختام الخطابي ___ وارجو السموحه ياكرام الطباعي
وصلاة ربي عد وبل السحابي __عدد نـزول الغـيث في كل قـاعي
على رسول الله في كل بابي __ المصطفى محمد للإسلام داعي



والسلام عليكم ورحمة الله وبركاته.

[ابو ضاري]

الله يوفقك يالقائد في حياتك

وتعرس بعد التقاعد


يمكن يقدم تقاعد مبكر


عشاء خاص

[ابوهجرالويباري]

الله يوفقك ..
..

[الحنشل]

اويحي


شايبنا غدى يقط خيط و خيط



ابو عارف ... ويلي وش بلاك يا ماخوذ



عز الله إنك عادزب الشتاء بزربوله ........... ياخوي حنا بشهر آبريل و إنت توك تعزم :)

[ابو عارف]

الضاري
ابو هجر الويباري
الحنشل

الله يوفقكم لكل خير آمين

الحنشل كم مرة شفنا درب الزلق هذه مجرد إعادة وتشجيع على التقاعد الله يرحم والديك

توك تدري إن أبو ناب رايح فيها بعدين أبو ناب مايعزم أحد إلا عن طريق رئيس المراسم خويوه أبو حسن رح له يرتب لك مقابلة مع أبو ناب ويكون خير إن شاء الله.

شكراً لكم كلكم على مروركم المنتاز لاهنتوا

[الحنشل]

^
^

عندك سلف

[هايس الشمري]

اي والله يا زين التقاعد..


أقل شيء تشبع نووم..



الا ابو عارف بحكم خبرتك بالحياة


ما فيه طريقه تنام.. و يجيك راتب :)


<<<<< ما شبع نووم.. و رايح للدوام :(


تسلم يالعمده..

[صعوة فسفورية]

الله يوفقك بكل مجال

اواصيك ببيع الخضرة بعد التقاعد منها تبعد الطفش وماتزهق زوجتك

ومنها دخل ثاني والحرمه تنفك من شرك خخخخخ

بالتوفيئ عمدتنا

[ابو عارف]

آآآآآآآآآآآآآآآآآآآآآآآآآآآه من سلف هالزمان يالحنشل يفرق الأصحاب ويسبب المتاعب والإكتئاب ويوتر لأعصاب فلاتقربوه إلا مع شخص مايهمك أمره زعل أم رضي.

قال أيه قال سلف وليه ماتقول ماعندك قريشات ماتبيهن

[ابو عارف]

مايكفيك شهر الإجازة السنوية تنام شهر براتب

أو أن تتقاعد مبكر مثل العمدة أبو ناب 59 سنة و9 أشهر ويجيك راتب وإنت بفراشك وعلى مركاعك وأنت تسامر أبو حسن وأين ماذهبت يركض وراك هالراتب دون كلل أو ملل.

أرجو أن تكون بصحة جيدة وإن تكون قد إستفدت من خبرة أبو ناب الطويلة.


شكراً لك هايس وتقبل تحياتي وتقديري

[ابو عارف]

وليه ماتصيرين مثل سميي الأطعج وتقولين أعرس لكي تعيد شبابك وتريح بالك وتسلم من شرك أم عيالك؟

الخضرة فكرة جيدة طرت علي بس خايف آكله ثم أخسر وقتي ومالي وبعضها كود طبخ والدفاع المدني يمنع الطبخ في محلات الخضار .


وفكرت بالغنم أم الغنايم لبن ولحم حسبي الله على الكلسترول جعله للورل الي يتوروربه.


شكراً لك صعوة على النصيحة لاهنتي

[شامان]

عمو ابو عااارف

الف الف الف مبروك التقاعد

الا ابي اعرف انت تتقاعد خمس طعش مره بالسنة .

انت مو متقاعد قبل هالمرة . وكاتب التاريخ فوق 19 يناير 2010 !!

على العموم عساك شريت ذود ..ووانيت . وخيمه ومعاها سلاح !!

على العموم بشرنا عن اخر اخبارك ترى صرنا نسمع اشاعات أنك

تبي تشتغل مأذون شرعي بعد التقاعد ؟؟؟

[الحيمري]

]ابو عارف
وفقك الله اين ماكنت ومبروك

[ابو عارف]

الله يفطنك للشهادة صح أثرينن صج منسم الكبر شين العمر ياشامان الله يسلمك أخوك ابو ناب عميل مزدوج بكذا منتدى والتمست عنده الظفيرة وقال في قرارة نفسه لايكون بعض خويانا ماعنده خبر في تقاعد أبو ناب واللاش.

خلاص ما أعوده إلا إذا رجعت للعمل ترونن أبي أخبركم وإلا الإمارة الغفلة.

لخبطن خويي أبو حسن يقول يسألونه ناس عن اتاريخ تقاعد بو عارف يمكن يبون يحطونه في سجل الأحفورات من المنقرضات كالدناصورات

نعم عرضوا علي بين أن أكون مأذون ورفضت قلت أبي أصير خالع أنكحه حتى ياجتني المزيونة بلشانة بزوجه الأهوج أخلعها منه بشرط أن تتزوجني وحتى الآن خلعت ثلاث ضروس.


شكراً لك ياشامان تقبل فائق الإحترام

[ابو عارف]

الله يوفدزنا وياك يالغالي

شكراً لك يالطيب

تقبل تحياتي وتقديري

[يـــوسف]

آطعج ياخالي تبي تضيع مستقبل خلق الله :)







أنا رجال أتفق معك وأنا ابشرك من كم شهر ماداومت متقآعد تقأعد مبكر :)










لآهنت ياخالي

[ابو عارف]

خطأ مطبعي آسف المنطعج وليس الأطعج

هلا بالسمي البناخي العزيز الغالي ومرحبا

ليه ماداومت من كم شهر عسى ماشر؟

ياحبكم للنوم يالشباب يأخي صيروا مثلنا يالشيبان بس نتنقرس

نورت وشرفت يالعزوة

[ابو فارس]

هالحين تصحيحنا لكلمتك قبل كم شهر راحت هباء منثورا؟

تصحيح الاملاء
وتعديل الابيات
وانتقاء الكلمات
ونرشها شوية بلاغة
ونزيدها شوية بيان

كل هذا راح؟
تبغى نبدأ من جديد
لالا

ابو عارف
انا بتوسط لك يمددون لك عشر سنوات بس لاتكتب الخطاب الوداعي هذا

[ابو عارف]

هلا الف بأبا فارس

ماتقول الله يسلمك هكاليوم بالذات تعوذت من الشيطان وبديت أكتب إلا خويي أبو حسن واقف عند رأسي ولخبطني وغلطني.
هقوتي إنه هو الشيطان برأسه بعينه وعلمه وعلمته الله يدفع البلاء يدخل رأسه على الحرف بالشاشة مايشوف وينقلب السين ش وتصير هالحروف تناقز تقل حب فش فاش الله يدفع البلاء.

ليه ويش فيه الخطاب الوداعي؟


شكراً لمرورك وحضورك وتوجيهك بس الواسطة لا


تقبل تحياتي وتقديري

[شامان]

^

^

عمووو ابو عارف

اخر اشاعة سمعنا انك اتجهت لفن القلطه المحاورة .

وانك صرت من ربع ( خلوووهــــــــــــا) يعني معاك مسباح وخيزرانه وربيت الشنب ..

وعندك موال عجيب يا لالالالي لاله يا لا لا لا لي لاله .

واحيان تمسك صفوف وتشيل صفقة وقت الفراغ وانك تقود هذه الصفوف و

وتسوي حركات مع القفز . مع العلم سمعنا انك مكرش .

تقبلها بصدر رحب .


صج عند سلف

[فوق الغمآم ~ْ ْ]

يعني ينفع تقآعد درآسي :d:








مبروووك التقآعد عسآه فآتحة خير عليك



يمدحون مكتب عقآري للتقبيل :d:

[روح حايل]

نعم عرضوا علي بين أن أكون مأذون ورفضت قلت أبي أصير خالع أنكحه حتى ياجتني المزيونة بلشانة بزوجه الأهوج أخلعها منه بشرط أن تتزوجني وحتى الآن خلعت ثلاث ضروس.



هههههههههههههههههههههههههههههه





ياحليلك يابوعارف اقسم بالله مقلع << مقلع فوق السحاب ماهو مقلع ضروس




الله يوفقك




العزيمة للرجال:( وحنا يالولايا :(

[غالب]

مادام إنك تبي تقاعد
ضبط العلاقه مع رؤساءك

أبيك توسط لي عقب 4 سنين بإذن الله
<<:)<<

[سلطان السالم]

الله يوفقك وانت على كل حال ماقصرت ماورى 35سنه تقول مبكر اجل الي مهو مبكر كم سنه يخدم

[ابو عارف]

تخبر قفزتي الأولة يوم أطيح من الكرفاية ماغيره شين هونت من القفز حتى بالحلم أما التكريشة لا أبد ولاشيء كلها إشاعات مغرضة من الجعيثن وخالي ريال تصدق إذا جلست على كرسي ومديت كراعي اشوف رأس بهام رجلي بعض المرات خاصة إذا إنحنيت للامام كلها دعايات وحرب نفسية مامن كروش تذكر إلا إستغفر الله مرة وقف عندي وايت الماء water tankerيبي يعبي يحسبني خزان ماء تبع مصلحة المياه كنت نائم في حديقة البلدية على ظهري.


شكراً لك شامان على ظهر أخوك مليون ريال وين حنا والسلف تر الشويب أبو ناب يتسذب شايل الفليسات بخيشة على ظهرة وكل من جاوه يطلب سلف قال والله إن على ظهر أخوك مليون ريال ثم يهج الي يدور السلف وبعضهم يرد لمخباوه ويعطينن ريال بس نفسي عزيزة أحلف مايجينن الريال.


تقبل تحياتي وتقديري

[ابو عارف]

إذا مايضر ينفع يعتمد على كمية الكاغد

الله يبارك فيك ويوفق الجميع آمين

مكتب العقاري ماهو شين بس أصبحت المكاتب أكثر من الزبائن والكبائن والأراضي

[ابو عارف]

هاه جتك الشفاية والشماته هن ضروسي وبكيفي بهن ياروح حايل روحي لا أقوم وأخلعك.


أمزح بس أبو حسن يحرضني على القشر ومايداني صورتك أنا وإياوه نحب المزين نعم ويش بلاك هاللون ما أنتي هاك.


الله يوفق الجميع وينهي العزيمة منهي عنده هي عيشة أو إيدامات؟

Thank you Rooh Hail

[ابو عارف]

بالعادة متقاعدي أرامكو مايعيشون أكثر من ثلاث سنوات تطقهم في إبرة الموت عند التقاعد من شأن مايغث هله بعد العز


بس أبو ناب جاب أبو حسن عند موعد الإبرة وهذا هو صار وجهه تقل زاجة منقوعة إسبوع بين الرمادي والبنفسج الله العالم إنه يبي يعطيكم عمره ويفنقش كان عنده سبع أرواح وعقب إبرة الرحمة صار بنصف روح



تقبل تحياتي ونشوفك بعد 40 سنة تكون خدمت 35 سنة ومتقاعد إن شاء الله

[ابو عارف]

مبكر يوم التقاعد أما هالحين كمل العداد 180 درجة الله العالم اعود شباب بعد هالحين ماطاب خاطري من هالدنيا للساع

الله يوفقك ويجزاك خير

[alshooli]

وتبقى معزتكم لوأنتم غيابي ___ بقلبي على طول الليالي شعاعي