الصندوق الاسود
31-03-2010, 23:32
هذه قصيدة مؤثرة للشاعر (جحيش بن مهــــاوش الهشّال) والتي دعــــى فيها على أولاده الذين أهملوه
وتبِعوا نسائهم ورغباتهم فتــــركوه وحيـــداً.
القصة بدأت بوفاة زوجتة ولم يتزوج بعدها و تفرغ لتربية أولاده،
وكانت المعيشة صعبه في ذلك الوقت يو ماً يجد طعام له ولأولاده،
ويوم لايجد مايكفي إلا لأولاده ويكتفي بشرب الماء،
وكبرو أولاده وقام بتزويجهم واحد تلوى الآخر بعد ذلك رحل أولاده مع نسائهم
في مرحلة حرجةٍ من عمر أبيهم،
فهو بأمس الحاجة إليهم نتيجـة لكبر سنه فأخذ يبحــــث عنهم في كل مكــــان فكـــانوا
يرحلون كلمـــا علموا بقـــدومه فلا يجد إلا ما تبقى من آثارهم
وعنــــدما أدرك هذا الأمر قال هذه القصيـــدة،
ويقال أنها القصيدة الوحيدة له أو اليتيمة وعلى كل حـال
القصيدة لقت صداً واسعاً نتيجة لموضوعها المؤلم،
قـال الـذي يقـرا بليـا مكاتـيـب= يا للي تقـرُّون العمـى مـن عناكـم
يا عيال يا للي تشرفـون المراقيـب = تريضوا لي واقصـروا مـن خْطاكـم
خوذوا كلام جحيـش مابـه تكاذيـب = مثل السنـد مضمـون للـي وراكـم
ويا عيال وان صرتوا ضيوف ومعازيب = ترى الكـلام الزيـن مِلْحـت قراكـم
وترى البلاسة مـن كبـار العذاريـب = تـرى البلاسـه مـا تطـول لحاكـم
يصير بعيـون الرفاقـة تقـل شيـب = ليـا منَّـه اقبـل قيـل هـذا بلاكـم
المذهب المذهب ترى المذهب الطيـب = وترى ردى المذهـب يبـوّر نساكـم
ياعيـال مـا سرحتكـم للمعـازيـب = ياعيال مـا عمـر المعـزب ولاكـم
يا عيال مـا ضربتكـم بالمشاعيـب = ولاسمعـوا الجيـران لجَّـة بكـاكـم
ياما تسعـرت الخلايـق تقـل ذيـب = أريـد مـن صيـد البـراري غذاكـم
وياما قطعت من الفيـاض العباعيـب= من خوف لا يقصر عليكـم عشاكـم
أحفيـت رجلينـي بحامـي اللواهيـب = وخليت لحـم الريـم يخالـط غداكـم
واليوم شوفوا لحيتـي كلهـا شيـب = وشوفوا محل تخوضعي فـي ذراكـم
قمت اتوكّا فـوق عـوج المصاليـب = وقصرت خطايه يوم طالـت خْطاكـم
ياعيال يـا عيالـي عليكـم مطاليـب = عطوني القرضـه جـزا مـا وتاكـم
خوالكم ياعيـال هـم ماكـر الطيـب = ولـو تتبعـون الجـد ماحـدٍ شناكـم
ياعيال ياعيـال الخنـا كلكـم عيـب = ياعيال مادري هالردى منيـن جاكـم
ياعلكـم فـي حاميـات الاصاويـب = ياللـي علـى الوالـد خبيـث لغاكـم
قصيتكـم واسْنَـدْت وادي سلاحيـب = ولقيـت بالصبخـا مدافيـق مـاكـم
ياعيـال بعتونـي بصفـر العراقيـب = ماهـي حقيقـة سـوَّد الله قـراكـم
يالله عسى عَماركم شمسهـا تغيـب = ويعتـم قمركـم ثـم يظلـم سماكـم
وعسى نساكم..لا تحمـل ولا تجيـب = ولا حْدٍ من الورعان يمشـي وراكـم
شفت الجفا والحيف والغلـب والريـب= باطلوعكـم لابـيـض الله قـراكـم
لابد ما هـو عـاويٍ دونـي الذيـب = بالقبر مافْـرق طيبكـم مـن رداكـم
مانـي بفاضحكـم بوسـط الاجانيـب=باعمالكـم يـدرون كــل قْربـاكـم
لوكـان تـدرون الـردى والمعاييـب =صرتوا مع المخلـوق مثـل خْوياكـم
قيل انقطعت بهم الاخبار ولم ينجبوا أبناء من دعاء أبيهم عليهم.
وتبِعوا نسائهم ورغباتهم فتــــركوه وحيـــداً.
القصة بدأت بوفاة زوجتة ولم يتزوج بعدها و تفرغ لتربية أولاده،
وكانت المعيشة صعبه في ذلك الوقت يو ماً يجد طعام له ولأولاده،
ويوم لايجد مايكفي إلا لأولاده ويكتفي بشرب الماء،
وكبرو أولاده وقام بتزويجهم واحد تلوى الآخر بعد ذلك رحل أولاده مع نسائهم
في مرحلة حرجةٍ من عمر أبيهم،
فهو بأمس الحاجة إليهم نتيجـة لكبر سنه فأخذ يبحــــث عنهم في كل مكــــان فكـــانوا
يرحلون كلمـــا علموا بقـــدومه فلا يجد إلا ما تبقى من آثارهم
وعنــــدما أدرك هذا الأمر قال هذه القصيـــدة،
ويقال أنها القصيدة الوحيدة له أو اليتيمة وعلى كل حـال
القصيدة لقت صداً واسعاً نتيجة لموضوعها المؤلم،
قـال الـذي يقـرا بليـا مكاتـيـب= يا للي تقـرُّون العمـى مـن عناكـم
يا عيال يا للي تشرفـون المراقيـب = تريضوا لي واقصـروا مـن خْطاكـم
خوذوا كلام جحيـش مابـه تكاذيـب = مثل السنـد مضمـون للـي وراكـم
ويا عيال وان صرتوا ضيوف ومعازيب = ترى الكـلام الزيـن مِلْحـت قراكـم
وترى البلاسة مـن كبـار العذاريـب = تـرى البلاسـه مـا تطـول لحاكـم
يصير بعيـون الرفاقـة تقـل شيـب = ليـا منَّـه اقبـل قيـل هـذا بلاكـم
المذهب المذهب ترى المذهب الطيـب = وترى ردى المذهـب يبـوّر نساكـم
ياعيـال مـا سرحتكـم للمعـازيـب = ياعيال مـا عمـر المعـزب ولاكـم
يا عيال مـا ضربتكـم بالمشاعيـب = ولاسمعـوا الجيـران لجَّـة بكـاكـم
ياما تسعـرت الخلايـق تقـل ذيـب = أريـد مـن صيـد البـراري غذاكـم
وياما قطعت من الفيـاض العباعيـب= من خوف لا يقصر عليكـم عشاكـم
أحفيـت رجلينـي بحامـي اللواهيـب = وخليت لحـم الريـم يخالـط غداكـم
واليوم شوفوا لحيتـي كلهـا شيـب = وشوفوا محل تخوضعي فـي ذراكـم
قمت اتوكّا فـوق عـوج المصاليـب = وقصرت خطايه يوم طالـت خْطاكـم
ياعيال يـا عيالـي عليكـم مطاليـب = عطوني القرضـه جـزا مـا وتاكـم
خوالكم ياعيـال هـم ماكـر الطيـب = ولـو تتبعـون الجـد ماحـدٍ شناكـم
ياعيال ياعيـال الخنـا كلكـم عيـب = ياعيال مادري هالردى منيـن جاكـم
ياعلكـم فـي حاميـات الاصاويـب = ياللـي علـى الوالـد خبيـث لغاكـم
قصيتكـم واسْنَـدْت وادي سلاحيـب = ولقيـت بالصبخـا مدافيـق مـاكـم
ياعيـال بعتونـي بصفـر العراقيـب = ماهـي حقيقـة سـوَّد الله قـراكـم
يالله عسى عَماركم شمسهـا تغيـب = ويعتـم قمركـم ثـم يظلـم سماكـم
وعسى نساكم..لا تحمـل ولا تجيـب = ولا حْدٍ من الورعان يمشـي وراكـم
شفت الجفا والحيف والغلـب والريـب= باطلوعكـم لابـيـض الله قـراكـم
لابد ما هـو عـاويٍ دونـي الذيـب = بالقبر مافْـرق طيبكـم مـن رداكـم
مانـي بفاضحكـم بوسـط الاجانيـب=باعمالكـم يـدرون كــل قْربـاكـم
لوكـان تـدرون الـردى والمعاييـب =صرتوا مع المخلـوق مثـل خْوياكـم
قيل انقطعت بهم الاخبار ولم ينجبوا أبناء من دعاء أبيهم عليهم.