المساعد الشخصي الرقمي

مشاهدة النسخة كاملة : }{coffe&tea }{ }{ القهوة والشاي }{ }{ cafa'&the'}{


فوفو
23-08-2002, 18:27
http://www.home4arab.com/members//arts/krooz2/coffeeandtea.jpg

اممممممممم....موضوعنا اليوم ....بعد ماخلصنا من العزاب ومشاكلهم ورفالتهم العجازين اللى رفعووو ضغطي:mad:

طيب مانلقاه جاهز

المهم الواحد ليه ينكد على عمره ويتذكر الماضي:p :p

ايه وش كنا نقول .....اليوم أنشاء الله بيكون موضوعنا عن وقت الشاهي والقهوة .....

"وقت العصريه"==>طبعاً مالي دخل من العزاب ....الا اذا انهم تسنعوhttp://www.plauder-smilies.de/eek2.gif



وش تقدمون مع القهوة والشاي؟؟؟!!!!!!!!

حلا القهوة
المـــقــادير:
2 ملعقه حليب بودرة .... 2 قشطه
2 مغلف (كريم كراميل) .... 2 علبه حليب وادي فاطمه او غيره
2 فنجان سكر ..... 2 ملعقه صغيره كاكاو
ملعقه صغيره نسكافيه .... علبة بسكويت شاي
الطريقة:
1 - نخلط القشطه + الحليب السائل والبودره + السكر بالخلاط ..
2 - نقسم الخليط الى قسمين ..
3 - النصف الاول يوضع على النار في قدر ويضاف عليه 1 كريم كراميل .. وتحرك حتى تغلي .. ثم تصب في الصينيه وتوضع بالثلاجه حتى تجمد ..
4 - نصف بسكويت على الطبقه السابقه .. ونبلله بقليل من الحليب ..
5 - نضع النصف الثاني من الخليط على النار و نضع عليه المغلف الثاني (كريم كراميل) والنسكافيه والكاكاو.. ثم يحرك على النار حتى يبدأ في التماسك .. ويصب في الصينيه فوق البسكويت .. ويوضع بالثلاجه حتى يجمد ... ويقطع

هممممممم همممممممم مجربتة ولذيذ لايفوتكمhttp://www.home4arab.com/members//arts/krooz2/bans3.gif

حلقات السندويتش ....مع الشاي
المقادير:
سندويتش
1 ملعقه كبيره جبن كاسات-
1ملعقه كبيره مايونيز
1 جزره مبشوره
1 ملعقه كزبره مفرومه
1 ملعقه نعناع مفروم

للوجه:
اوريجانو
زيتون مقطع حلقات
علبة جبنة كرافت صغيرمبشور

الطريقة:

يقطع السندويتش دوائر سميكه
تخلط المقادير الباقيه (جبنة الكاسات+المايونيز
+الجزر+الكزبره+النعناع)ثم يوضع مقدار ملعقه فوق قطع السندويتش وتدهن جيدا
ثم يوضع فوق كل قطعه زيتون وقليل من الجبن
المبشور ويرش بالاوريجانو (زعتر)
تدخل الصينيه في الفرن حتى تحمر قليلا

وبالعافية:)

اممممممممممممممممم......طيب انتم وش تسون مع القهوة والشاي؟؟!!وش تحبون تاكلون معهن ؟؟!! غير طبعاً التمر والرطب تسون فيها حركة :D

انتظر مشاركاتكم ....

:)
فيصل اللويش
23-08-2002, 20:01
فوفو وربي شهيتينااا
متى بتعزمينا





:D :D
فوفو
23-08-2002, 20:18
:eek: :eek: :eek: :eek:

مين:eek: :eek:

يالله حيهم بــ خينا فيصل ....

امممممممممممممممممممم

يالعزيمة لاتذكرن بس :(

انا كنت مجهزة سفرتي يوم الأمسية بس انت الله يهديك استعجلت:D

انشاء الله بالأمسية الجايه;)

وبعدين هاه قلت لك من الحين معززززززوم مو تطلع لي الف عذر فلان عازمن اليوم ولا مادري وشو الأمسية الجاية المفطح عندي...

خلالالالالالالالاص

تم

:D :D
البــنــدري
23-08-2002, 21:23
تسلم هالايادي ..

والحلو مايجيب الا الحلو;)


اجمل تحياتي :)
فوفو
23-08-2002, 22:18
الله مير يسلم لي هاالعوينات :D

كل شي فيك انتا حلو .....

شعرك ..عيونك..بسمتك...

شفت القمررر انت القمر ماتشبه هو يشبهك...

وكل شي فيك انتا حلوووووووو

ياحلو....

<img alt src="images/next.gif" border="0" width="6" height="9"><img alt src="images/next.gif" border="0" width="6" height="9"><img alt src="images/next.gif" border="0" width="6" height="9"><img alt src="images/next.gif" border="0" width="6" height="9">كاني ضيعت الموضوع:cool: :cool:

مشكورة اختي البندري على المتابعة :)
مجموعة إنسان
24-08-2002, 01:37
.
فوفوووووووووووووو
اشتقنا لاسلووووبك والله
خاف الله فينا خاف الله
وين غبتي وخليتينااااااااا .... وهذا انا رجعت والحمد لله اللي لقيتك

على العموم عصرياتك تهبــــــــــــل
ومع القهوة والله مايحضرني شئ الحين ببالي وش رايك بالماكنتوش ماتنفع؟
أما الشاهي فسهله خاااااااااااااالص :
كل ماعليك غير تخلطين عجينة فطاير سايله وتصبينه بصينيه مثل الكيكه الرقيقه
ثم ترشين الوجه بزعتر وجبن سايل وتدخل الفرن وبعد ماتخلص تقطع مربعات
وتؤكل مع الشاهي ساخنه . وبالهناء والعافيه هذا ماحضرني الان والعذر
والسموحه .
مهراس
24-08-2002, 01:52
وويلي
فوفو شنوحتس قمتي تخبصين علينا حنا رفل حيفس والله
حنا العصريات شبات رجال
قهوه وقدوع وعلوم سنعه وبليستيشن وطرنيب:D ياملا البعد قام يخور
يامني تقهويت رقيت للسطح وطيرت الحمام همن قمت اصفق لهن واصوفر على شان يقلب :D:D
ايه وترمس الشاهي معاي واتقهوى واصوفر للحمام اغديه يجذب حمام مرطقان < خويه ولا يدانيه :D
انتن عاد جلستكن مانا حليلها الطقم الفلاني والقماش الفلنتان والموديل الخنفروشي ( طلعت من عندي كذا :D ) ياحليلكن والله يستر عليكن

المرعب مهراس
:D
ماكنتوش هذا اخبره نظام كمبيوتري|513|
أبو فيصل
24-08-2002, 03:12
اختي الغالية

اما القهوة والشاهي :D امرهن هين بس الحلا :eek:
السندويتش برضة امرة هين ;)

والله مستحي اقول لك وين نلقاهن جاهزات :)


ادري وين القاهن :D :D :D |17| |17| |17|

وين ؟ وين ؟ هاة :mad:

اووووة ..... نسيت |8| |8|

فعلا حلا رائع وبشرك هالحلا اخبرة زين كليتة من 5سنين


|17| |17| |17| |17| |17| |116| |116| |116| |116|
----------------------
اختي مجموعة انسان (((( كل ماعليك غير تخلطين عجينة فطاير سايله وتصبينه بصينيه مثل الكيكه الرقيقه
ثم ترشين الوجه بزعتر وجبن سايل وتدخل الفرن وبعد ماتخلص تقطع مربعات )))

:( :( :( هذى مامرت على :( :( وين نلقاهن:confused: :confused:
فوفو
24-08-2002, 05:54
ياالله حيهم بالغالية....

والله حنا اللى اشتقنالتس وقصايدتس....

ماوصيتس على العزاب تريهم عملوبي عمل لازم قصيدة هجاء على طول:D :D :D :D

اممممممممم....اثريتس من ربع الماكنتوش ;)

انا من ربع الباتشي:D :D

ايه والله وانا معتس بسالفة المعجنات ....بس مابغيت اكتبة لان ياكثر العجاين ومايعتمد برضوا على المقادير ...متى ماحتاج طحين زيادة وماء زيادة وشلون اقوله هنا:D :D


مهراس الهكرون هنا اويلالاه:D:D
يالله حيوووووه
علوم سنعه والبليه حقتهم ( بلاي ستيشن)هاااااااه :D :D



عاد جلستكن مانا حليلها الطقم الفلاني والقماش الفلنتان والموديل الخنفروشي ( طلعت من عندي كذا ) ياحليلكن والله يستر عليكن

:eek: :eek: :eek:
من ملعب عليك:eek:
حنا اذا ما جلسنا ببيت الشعر ....وجلست فوق الهودج ماصارت جلسة:D
قال كنت وقماش قال:D

ياحي الله اخونا ابوفيصل....

وليه مستحي انا عندي الحين سند قوي ...استنو قصيدة الهجاء بس:p :p
قبل 5 سنوات ماشاء الله .....انا متى خبري به ......يوووووووه يمكن كذا 19 سنة:D :D :D


تـــــــــشـــــــكـــــــراتــــي للـــكل

وانتظر مشاركاتكم:)
الدكتور محمد الشمري
24-08-2002, 20:55
اشكرك بس عاد انا مسوي رجيم

وانا ما احب القهوه ولا الشاهي تضر الصحه
فوفو
24-08-2002, 21:57
:eek: :eek: :eek:

ماتحب القهوة ولا الشاي:eek: :eek:

من ملعب عليك وقايل لك انه مضرة؟؟؟!!!!!

ياكثر فوايد الشاي .....

وبعدين وش سالفة الرجيم؟؟؟!!!

احد من كيفه كذا يحرم نفسة ....ولا بعد مايشرب لاشاهي ولاقهوة:rolleyes:

طبعاً كل واحد حر بتصرفاتة:rolleyes:

يعني العصرية ماتشرب قهوة:eek: :rolleyes:

لو مايسون كل عصر القهوة احس فيه شي غريب صاير بالبيت :D

تشكر اخوي سواح نت على المداخلة:)

تقبل تحياتي....
مفتاح14
25-08-2002, 06:21
اس اس اس السلام عليكو

وليش يافوفو تقولين عن العزوبيه هالكلام؟

عجازين يمكن بس رفلان لا !! (
(( لو سلموا العزوبيه من فزعتك يامفتاح تسان اشوا :p ))

وبعدين انا مضرب عن القهوه والشاهي هاليومين ما هو ( كسل) لكن لانهن يسببن الحرقان :(
فوفو
26-08-2002, 12:29
و

و

و

وعليكيوووووو السلام والرحمة والأكرام........

ايييييييييه لاتذكرن باالعزوبيه بس ....

انت ماجيت على وقتهم ...مادري هو انت زيهم لالا؟؟!!!!:eek:

طيب مانلقاه جاهز


وتقولي اجل مضرب عن القهوه والشاهي .....

جايبين لك الحرقان؟؟؟!!!!!!!

لا صدقني مو منهن ....شف هاليومين وش كنت تاكل اكيد شي منا ولامنا

:D تريهن حليلات مايسون هاالعمول:D

وتشكراتي خيو :)
وميض
27-08-2002, 14:30
أهلين فوفونه ...
مشاء الله عليك .. من وين تجيبين هالأفكار .. >>>> ترينن ذكرت الله
الله يستر عليك من العين >>> عيون العزابية طبعاً |513|

عندي حلا ممتاز .. والله ماسويته .. هالحين بروح أسويه .. إن شاء الله .
لكن شكله رهيب ..
يصلح مع القهوة .. ويصلح حلا عشاء ..

تشيز كيك الرطب >>> لا تحطين في بالك التناقض :cool: غمضي عيونك ..
المقادير :
المجموعة ( 1) : أصبع زبدة ذايبة ،،، بسكوت شاهي مطحون : يخلطن مع بعض ثم يضغطن في صينية ( الأفضل إن الصينية تكون ذات قاع مفكك ) لكن إذا مافيه : معليش .
المجموعة (2) : 4بيضات + علبتين قشطة + نصف حليب نستلة + 6 حبات جبن كيري + 2 كوب رطب منزوع النوى + ملعقة صغيرة دارسين بودرة و منخول .
تخلط جميع مقادير المجموعة ( 2 ) بالخلاط ثم نضعها على البسكوت والزبدة
وندخلها الفرن ( مثل الكيك ... نختبرها بعود أسنان أو بسكينة صغيرة )
وبعد أن تستوي نتركها تبرد شوي .. ثم ندخلها لتبرد بالثلاجة لمدة ساعتين تقريباً ..
نخرجها ثم نزين سطحها بأنصاف الرطب .. ونغطي السطح بالكامل بحركات دائرية ..
يزيّن بالتوفي بحركات متعرجة .. ويرش بالدارسين .
ويترك ليبرد ساعة بالثلاجة ثم يقطع ويقدم .. بالعافية .

ملاحظة ..
البسكوت إذا فركتيه بالزبدة من الأفضل إنك ترشينه بقليل من الماء أو الحليب .. ثم تفركينه مرة ثانية .. حتى يتماسك ولا يتفتت .



فوفو ...
إذا طلع زين .. لا تنسين تعلميني علشان أجيبه لك في عزيمتك ( بتاعة الأمسية ) لأخينا فيصل ..

يالله .. نتركك على خير

------------------------

نسيت .. الشاي ..
اسمعي ..
تعرفين طريقة خلية النحل ؟؟ سويها لكن كبري الدوائر شوي .. ولا تحطين شيرة ..
انصفيها .. مثل خبز الهمبرجر ..
ثم حشيها بجبنة ( أي نوع ، حسب الرغبة ) وشريحة خيار
أو جبنة سايلة مع زعتر ..
أو مرتديلا .. مع خيار ومايونيز ..
وقدميها بالعافية ..

---------
راح أتذكر إذا عندي شي خفيف وحلو .. وسريع ..

نلتقي على خير .

وميض .
فوفو
27-08-2002, 15:36
يالله حيهم بـخيتنا وم م م م يــض;)

وياحيى الله بخيتنا السنعة;)

ياعيون العزابية:( كل ماادخل اقرا على نفسي منهم:D :D

اممممممممممم.....

يم يم يم شكل الحلا خطيررررhttp://www.plauder-smilies.de/happy/xyxthumbs.gifتشيز كيك بالرطب:eek:

يابعدي والله تبين تساعديني http://www.plauder-smilies.de/rotwerd.gif
انت بس يكفينا وجودتس معنا ....وانا بسويه ;)

بس اقول اذا تعرفين تطبخين الخريف:D :D :D


اممممممممممممممممم......نجي لم الشاهي ترينن مافهمت:rolleyes:
خلية النحل حقتنا تكون عجينة اسوية واحشيه جبن وادخله الفرن وبعدين اصب فوقه الشيرة......

بس شكل اللى حطيتيه خبز عادي صح؟؟؟!!!

:rolleyes:

تشكـــــــــــراتي خيتو وميض:)
وننتظرك;)
ضحوي الاسلمي
27-08-2002, 15:56
ياحلوووووووووو هالمشاركه

فيها مالذ وطاب


بس نبي مثلها يافوفو


جعنا يوم شفنا هالمقادرير والله


اخوك


ابو عذاري
وميض
28-08-2002, 00:18
أهلييين فوفونه ..
رجعت لك بعد ما سويت ( تشيز كيك الرطب ) >>> ماعندي وقت
والنتيجة كانت :

*
*

*
*

*
*

*
*

*
*
خطييييير ..
والله أكثر من رائع .. لا يفوتك .. وعليه منظر .. تاكله عيونك قبل ..
بس لا تنسين ..
تسمين على عمرك وتقرين وردك قبل لا تقدمينه لضيوفك ..


----------

وسؤالك عن خلية النحل .. سويها عادي بس لا تحشينها جبن :)

--------
والخروف ... أسويه .. عادي ليش لأ .. تكرم عيونك ..
تبغينه قوزي ..
ولا مشوي ..
ولا عادي ..
ولا ...
حي يثغي .. قصدي يُرزق :D


لا يهمك اطلبي أي شي .. تري أختك طباخة ماهرة . ;)
فوفو
28-08-2002, 02:59
يااااااااحي الله اخونا ابو عذاري(قلت لك اسمي تريني ضحويhttp://www.plauder-smilies.de/happy/xyxthumbs.gif)

وياحلووووو طلتك علينا....

وابشر إنشاء الله بالأمسية انا ووميض عازمين الكل:)



يااااااااااااااجعلى فداك اختي وميض
والله انتس حمستيني للتشيز كيك عاد تريني مدمنة تشيز كيك فراولة عااااااااد لو ادمن على حقتس حقت الرطب بعقد اهلي:D :D

وانا قايله من الأول انتس سنعه....بس خلاص انتي عليتس تقطيع اذاني الخروف وانشاء الله بكمل الباقي...

بس هاااااه

مو تتركيني بروحي...ابيتس تكونين فوق راسي على شان ماحوس الدنيا:D :D
شموخ
01-09-2002, 10:54
ياعيني عليك يافوفو طباخه فعلا هذه العصريه والابلاش

اقول فوفو عطيني عنوانك على طول وانتظريني العصر بسير عليك وعلى فكرة تراني ماحب العويدي اقصد المسمار على القهوة حطي زعفران وهيل لجل اشرب من الد له

وعى قولتك ابشرب من الدله لو كلها سم ..............ماهز فنجالك ولااقول كافي


مادام من يمناك وتقولي سم ...................بسم الله ابشرب كل سمك عوافي


بس شوفي يافوفو اذا جيتي تصبين الدله نزلي الدبدوب اللي ماسكته هذا وبعدين ارجعي عليه وعلى فكره امسكي الد له باليسرى وقدمي الفنجان باليمنى مفهوم


مع تحياتي لك
اختك شموخ
فوفو
01-09-2002, 11:47
ياحي الله خيتنا شموووووخ

وجيتي كلك شموخ وكبرياء ;)


افااااااا وضيعتي بيتي:(

بس يالله دوتس :D

وبعدين تعالي تعالي

تعلمين حسن الضيافه؟؟؟:D :D :D :D

لا يفوتس ذكرتيني بسالفة....

مرة من المرات .....كانت جايتنا وحدة ماهي بسعوديه...اوكي...

وطبعاً حنا لازم القهوة والقدوع والحلى والحركتات هذي.....

المهم هي يوم خلصت خلاص ماتبي تشرب قهوة تقولي لالا خلاص...

فاانا اقوله اسمعي حنا ماعندنا تقولين خلاص ماخلاص ....

امسكي الفنجال وهزيه وانا افهم انتس خلصتي:D

عاد المهم قالت خلاص بتاخذ اجل فنجال على شان اذا خلصت تسويلي الحركه======صارت حركه :D :D :D

المهم وشوى اثريه تهز يده يمين ويسار وانا اناظر اقول وش علمه هذي؟؟!!!وبعدين مصخته ماوقفت قلت عسى ماشر وش به يدتس



قالت خلاص خلصت ....والفنجال حاطته بالطوفريه وماغير تهز بها اليد:D :D :D :D :D

وحياااااااتس اختي شموخ بالوقت اللى يعجبتس فيه قهوه الصبح والعصر والمساء انتي بس شوفي الوقت الفاضيه فيه وانا على طوووول فاضيه ....بس الحقي على قبل 14 يوم:( :(

تقبلي تحياتي:)
شموخ
02-09-2002, 02:41
يالله ابقها ياوخيتي اهم شي العويدي لاتحطينه حطي زعفران وهيل وتشوفيني كل يوم عندك بالبيت وراح اعزمك انا في المزرعه لجل نشم هواء قبل الجامعه ماتجي تكتم انفاسنا المزرعه عنوانها بالخرج دقي جوال واوصف لك الطريق زين

وبعدين الاجانب مايحبون قهوتنا سوى لهم كابوتشينا


وخلهم يكبون فناجليهم

مع تحياتي
اختك شموخ
فوفو
02-09-2002, 12:25
يابعد سبدي

تسلمييييييين والله بس اقول عندكم فرس ؟؟؟

ودي اركبه:D :D

بصير خياله على غفلة:D

اما احط لهم كابتشينو لا هم يحبون القهوه السعوديه او خليناهم يحبونه:D
وبعدين من قال حنا متازمين من الجامعة بالعكس وناسه
:( :( :( :( :( :( :(
سـاهـر الـلـيـل
03-09-2002, 02:39
الله...... دي الست فوفو ....... عاملة على أؤلتها ( حركتات) الآهية اية الحركتات دي....... اية يابخيلة ..... مش سيرتي على المزيف بتاع اللي فؤ..العين ... قيبي معاك اللي بتؤلي علية داة .... الحلا ....
الو اية الو اهوة .... وكما عاوزين فيها هيل وزعفران .... ينهار بنفسقي ...
دي الولية عندينا لما بتمساك الدلة ..... دة يوم اغبر في حيتهية ......
المهيم..... عندنا في الصعيد مانلآشي دي البتوعات اللي بتؤلي عليها ... عشان بدنا
نصلحوة في العيد ..... وكشخ ... اودام اهل الكفر .....بدي يؤلو عليية دة
واد متنور .... ممكن ياست هانم ...... طريئة أكلة محوسينها عندوكوم ... تنفع عندينا .....
ومتشكرين على ...... تعبيك معانية...
فوفو
03-09-2002, 09:34
ايه ده يانهار مش فايت....انتا عاوز الست بتعتك بتبص عليك عندنا ينهار بنفسغي:D :D :D

وبعدين داني مش بخيله ولا حاجه(واخزيااااااه شمر وبخل) بس انت ماعمركش سيرت علينا غير هالنوبة:D ودنا مقهزالك القهوه والقدوع ولا مش عارف ايه القدوع ولايهمك ماتاخزش بخاطرك بنحط لك الحلا والحركتات السنعه .....بس ماتهربش زي عوايدك :D

بتئولي عاوز طريئه اكله محوسنها انتا تامر امر ياسيدي دنا حااعملك حتت حقات تاكل صوابعك :D

وشرفتنا ياسيد المعلمين:D

واييييييييييه حنا مستنين الفطير المشلتت دنا عرفاكم بتعملوه بطريقه جهنميه أسال الست مراتك وأدينا الطريئه

ماتنساااااااااااااااش دنا حااستناك ياسيد المعلمين:D
فرحان
05-09-2002, 14:58
سال اللعاب


اكيد ان كل البيت عندك جثث يعني دببه
فوفو
05-09-2002, 16:15
ياحي الله خينا فرحان

افا عليك بس الواحد مايقدر يتنفس:D :D :D

وعما قريب بيصير لكم نفس الشيhttp://www.plauder-smilies.de/devil/diablotin.gifhttp://www.plauder-smilies.de/devil/diablotin.gif