رادوي الشمري [الأرشيف]

سلطااان السويري

30-03-2010, 17:26

السلام عليكم ورحمه الله وبركاته

يمكن البعض منكم رأى في برنامج في المرمى مع بتال القوس

الطفل الذي تسمي على اللاعب الروماني رادوي

لا اريد ان افسد عليكم المقطع

وتجدون التفاصيل كامله في المقطع

الي ابيه منكم بعد الانتهاء من مشاهد المقطع ماهي وجهت نظرك

هل انت مع او ضد هذا الاب ولماذا؟؟؟؟؟؟؟

http://www.youtube.com/watch?v=2IcxYqiDxJ4

هلآ الآسلميهـ

30-03-2010, 20:18

الاسم اعجمي وسمي تيمناً بشخص غير مسلم ..

وعلى هذآ انا ضد هذا الشيء ..

وعل الله يهدي اللاعب الى الاسلام بعد هذه الحادثه ..

لآهنت سلطان ..

عبدالله الجعيثن

30-03-2010, 22:35

ليت والله ماهو شمري

ومن يعرفه من الاعضاء

ينصحه لوجه الله انه يغيره لما اوصى به النبي

او على الاقل لاسم عربي وليس لكافر

غالب

30-03-2010, 23:29

أتوقع أقارب المولود ماهم راضين بهالاسم
وأكيد يبي يغير الاسم

اقترح يسميه
غالب:)

عبدالله المهيني

30-03-2010, 23:34

التسميه غلط وأنا ضدها

.
.
.

بس فعل رادوي صح وأنا معه :)

شرهه

31-03-2010, 01:01

الله كشخه

اسمه رادوي :)

أحمد

31-03-2010, 01:50

مرحبا

حي الله صديقي سلطان

اول شي لازم نعرفة ان الولد توه مولود يعني مااستخرجت له شهادة ميلاد عشان يتسمى رادوي او غير رادوي

والمعروف ان الولد فترة بقاءة بالمستشفى يسمى باسم والدة

لاكن قناة العربية اعدت هالتقرير ليكون لقطة ختام في برنامج بتال ( الرائع )

واكيد ان هالاسم كان لغرض التصوير فقط

اما ان الواحد يسمي باسم الكفار فهذا انا ضدة

ياخي اسم المطنوخ صدام ماقبلوه يبون يقبلون اسم رادوي !!!!

مختصر الكلام هذا نوعية مشجع متعصب وجريدة الجزيره مؤثرة فيه ...

واتوقع ان هاللي سمى هالاسم ابوه زوجه وهو ماكمل 18سنة

عشان كذا انا عمري 30 ولا تزوجت:315r:

يمكن لو تزوجت وانا كبر ابو رادوي تسان سميت ولدي يحيى جاكو :315r:

تري مكاسي يالعشير

شمس آلع ـآلمي

31-03-2010, 04:49

أكيــــــــــد ضــد هالأب ,, هالعقليات مريضه >> لاتبلانا

وهذا مو تعصب رياضي..!!>> هذا ......... رياضي ..!!

هالطفل وش ذنبه يتسمى بأسم من اسماء الكفار..؟

واحتمال يشوفه غيره وتعجبه هالفكره, ويسمي ولده كذا, للشهره ولفت الانتباه

وباالاخير مايآكلها الا والد رادوي, >> هو اللي سـن هالسنـه..!!

..

..

..

آخوي سلطان شكرآ على الموضوع بس لآهنت نبي نعرف رااييك آنت

ومـــع ودي.. rooose2

شمس آلع ـآلمي

31-03-2010, 04:52

وآيه صح,,, لو مسميه غـآلب كان آحسسسن:)

منيف الوبيري

31-03-2010, 08:33

علي الملازيم انه شنب أبن شنب

واسم خجعبي على خندريسي

ياخي يبي يسمي اسمه على هالشجاااع ..

ألف ألف مبروك الولد ..

وعسى الله يصلحه ,,

ومضه // رادوي ,,, قاهر العذال

ومضة اخرى // كش عليك يأيلي عووواد ,,, فضحتنا

ابو ضاري

31-03-2010, 08:33

للحين ماجاء الاحوال تسان ينتفونه

ليته مهو شمري

الله يهديك يالشمري

الشبث

31-03-2010, 09:37

يالربع هذا فلم مدبلج

ولا وش دراكم يالعربيه عن هالسالفة

عشرين مليون وغد ينولدون كل يوم

يا سلااام

ما دريوا الا عن هالمولود

الله لا يبلانا

لكن لا تعليق على عقلية المشجع الهلالي البسيطه كما قلت سابقاً

انا هنا ما اقصد الموضوع وعملة هالخبل

اقصد ردود بعض الهلاليين

مثل رد المهيني

وشهو مسوي رادوي يالحبيب ؟

اذا الضرب بالمباريات مرجله وفعل شجعان اجل وش نقول عن اسامه المولد

وبعدين اخوي منيف

ياخي لو جت من غيرك تسان تهون

هذا وانت مطوع تمدح تسمية مسلم على نصراني

اجل دبووووور

ما اقول الا كش على اعلام الهلال

وتقلدوا تحيتي

ابو ضاري

31-03-2010, 09:54

يالربع

لاتاخذونها من باب الشجاعه

والله لا يشرف هذا الاسم شمري

بعدين وش سوى ناطح القوم

المفروض من الاخوان مايعجبون بهذا الاسم

مانتشرف بهذا الاسم

يـــوسف

31-03-2010, 11:23

يالربع هالشمري وليدة عرب عز الله انه أجودي يوم سمآ ولده بإسم الفارس البطل رآدوي

وانا باتسر إبسمي ولدي جورج بوش ولحد يلبخ ويقول ليه تسمي أهم شي النيه :)

الله يعــز شمر بمثل هالوليدة الأجودي :a:

نافع بن طواله

31-03-2010, 12:47

اعتقد ان الموضوع طلع عن الاصول

ووصل الى مرحلة سب ابو الولد وهالشي مرفوض

الاسم برأيي انه مجرد حروف ترمز لراعيه

ياكثرها الاسماء العربيه التي لا تحمل المعنى ورغم ذلك تسمى

ولا اعرف كيف تنسب للعربيه وهي لا تحمل المعنى العربي اصلا

وما ابي اذكرها حتى ما اكون اجرح باحد

وانتم مرت عليكم كثير من الاسماء التي تنسب الى العربيه وهي مجرد صف حروف

اما بخصوص الاسم الغربي

فأعتقد ان اسم لورنس = اورنس

لم يعيب صاحبه

بل انتقل من لورنس العرب الى اورنس ابن شعلان الى شمر الى باقي القبائل

من سمى لورنس العرب يوم سماه .... ماقيل عنّه مخطي ٍ ليه سميت
وان كانت حروف الاسامي وطرياه .... ما ترفعك مادام نفسك توطيت
والراس ما دامه قدح من مباراه ..... انشهد انه يقدح بذايع الصيت

في النهايه وجهت نظري ان الاسم ليس عباده من العبادات

بل هو مجرد حروف

ترتفع هذه الحروف ان ارتفع سهم تربية حامل هذه الحروف

ايه على فكره استدرك هنا بعض اسماء البنات الدارجه الغربيه عند عربنا

روز - صافيناز - شاهيناز - يارا - سارا - لورا - باسكال - نرفانا - سوزان - ... هذا اللي طرا علي

في النهايه ارجع واذكر ياجماعه انتم اكبر من انكم تغلطون على شمري ما غلط بحق احد

شموخ شمالية

31-03-2010, 12:56

*

لايجوز تسمية المسلم على الكافر
واذا قصدة الشجاعة ليه مايسميه عمر والاخالد ابن الوليد رضي الله عنهم

واذا هو معجبه فعلة رادوي يااخي يروح يعطيه درع ويفك ولده
من اسم عدو الله ورسوله

احترامي لك سلطان

الشبث

31-03-2010, 13:04

اوووما عاد ما غلط على احد

يابو طواله هذا يسمي نفسه شمري

واحنا من هالمنطلق نرد

ثم

هو مهو مجرد اسم

ابوه سماه على هالنصراني

واحب اقول لك قصه قصيره

كان فيه اعرابي ( بدوي ) جاء الى الرسول عليه الصلاة والسلام

وسأله "يارسول الله متى تقوم الساعه ؟

قال المصطفى عليه الصلاة والسلام " ما اعددت لها ؟ "

قال الاعرابي " إني احب الله ورسوله "

قال المصطفى " انت مع من احببت "

واذا عقليت جماهير الهلال كذا

اجل باتسر يجينا واحد مسمي ولدوه ولهامسون

والثاني لي يونق بيو

والثالث نيفيز

عاااادي

وش دخل الاسم صح

ابو طواله

انصحك تبحث بالشيخ قوقل عن حكم التسميه بأسماء الكفار

وتقلد تحيتي

نافع بن طواله

31-03-2010, 13:19

سلم لي على قوقل يابو ماجد

الاسلام ماهو للعرب فقط

يعني لو اسلم ميشيل بلاتيني

هل هو مجبور انه يغير اسمه ؟؟

هل يقصر اسلامه ولا يكتمل حتى يغير اسمه

الاسلام ليس للعرب فقط

الاسلام ليس للعرب فقط

الاسلام ليس للعرب فقط

الاسلام ليس للعرب فقط

الشبث

31-03-2010, 13:42

نافع

علشان ما تزعجن انت وصياحك

فقعت طبلت اذني

هاللي يقول انه شمري ومسمين ولده رادوي

منهو مسمين عليه ؟

على مسلم ؟

ولا على نصراني ابغض ما يشوف الاسلام ؟

خل الاسم ومعناه على جنب

وتقلد تحيتي

نافع بن طواله

31-03-2010, 13:51

طيب خل النصراني على جنب

وتذكر ان هالرجال له حق يدخل المضايف ويقول احذفوا الموضوع اللي يتكلم عني شخصيا وعن حياتي الخاصه

فما بالك وهو يتعرض للسب

يعني في النهايه انتم تسبون شمري ولد عم واحد منكم

ويمكن يكون احد اعضاء هالمنتدى

وفوق هذا فيه من قال عنه انه ماهو شمري

يعني هالجمله بحد ذاتها فيها محاكم وطعن في نسب

الشبث

31-03-2010, 14:04

ابو طواله

حتى حنا لنا حق عليه

شلون بالله ترضى انه يوسخ اسم شمر بهالنصراني ؟

اسم شمر مهو له لحاله

وحتى لوهو عضو معنا راح ننتقده على هالتصرف الناقص

وتقلد تحيتي

نافع بن طواله

31-03-2010, 14:42

ابو ماجد انا قلت رايي بخصوص الاسماء انها مجرد حروف للتعريف

وقلت اسم لورنس ثعلب الصحراء اللي رسم خارطة الطريق لاستعمارنا ماعذريت ابن شعلان

ولا خلة باقي العالم ما تسمي اورنس

انا اعرف اورنس الجربا واورنس العنزي واثنينهم مايرون ان اسماؤهم معيبه ولا انا

الشبث

31-03-2010, 15:04

يا اخي الغالي

ادري ان الاسماء حروف مبعثره

لكن انا اتكلم عن الشخص اللي سمى عليه ولده

مهو نصراني

بعدين العرب اول كلهم جهل

لاعبن القمل بروسهم

ولا يعرفون بأحكام الدين

اما اليوم

فالناس تنورت بالعلم

وعرفنا الاحكام الشرعيه

ياخي بدونا اول كانوا يسوون بلاوي سودا

القتل والحلف بغير الله

يعني اذا كانوا يسوون كذا نمشي معهم

وتقلد تحيتي

الشبث

31-03-2010, 15:12

خلاااااااص يا اخوان انتهى النقاش في هالموضوع علشان ما نطب بالدين ونوخذ

اي واحد يبي يسمي على صهيوني يسمي علشان يصير شيخ عرب

بس قبل يسمي عليه ياليت يجيبه محترف بالهلال لو شهرين ليما يتمم

وتقلدوا تحيتي

المشرف العام

31-03-2010, 15:21

/

طرتوا بالعجّه

عشان تحقيق صحفي ثواني معدوده ؟

مشكلتنا ان كل شيء نشوفه بالتلفزيون .. معناه صحيح ومسلّم به . ولا انستبعد الفبركه الاعلاميه لشد المشاهد .. والمشاهد سبحان الله ، استيعابه يكون على قدر اتساع حدقه عينيه عند تلقي الخبر :)

/
/

اللي افهمه .. ان هناك ضوابط للاسماء ، ولا يستطيع اي مواطن تسمية مولوده إذا كان ضمن الاسماء المحظوره وهي كثيره واغلبها اسماء اجنبيه ، واسماء محليّه تم منع التسميه لاسباب عديده.

/

/

خلونا نشوف بطاقة عائلة ابو الوغد وبعدين نقوم بدورنا في المناصحه ، امّا بمجرد خبر عابر . . يطال الأمر اصله واخراجه من القبيله وقذفه بالقاب لا تجوز شرعا ، فهذا تجاوز لتعاليم الدين .

ياليت يتم التعامل مع اي خبر ، بفلاتر عديده على ان تعبر من فلتر العقل ثم تختار مايناسبك من فلاتر بعدها ..

دمتم بلا رادوي ولا تلفزيوني

هلآ الآسلميهـ

31-03-2010, 15:23

الحين انت يابو ماجد طلعت من الموضوع كله وقعدت تسب الهلالين ..

يعني لو اللاعب نصراوي وصار له نفس الموقف .. تتوقع ان فيه احد بيجي ويسب ابو الولد عشانه مشجع نصراوي ..!!

موضوع اخوي سلطان واضح وصريح ..

هل انت مع ام ضد ..!!

كل واحد يجي ويثبت وجهة نظره من غير انه يتعدى على حدود الناس ..

وترآ سب الناس شي مو زين ..والذب عن اعراض المسلمين وصّى عليه الرسول صلى الله عليه وسلم .. وانا ادافع عن عرض اخوي المسلم من السب والشتم والتشكيك في اصله الذي تعرض له ...:puzzled:

وانك تقعد تقول هذا >>>>>وهذا مادري وشو ...!!

العصبيه القبليه نهآ عنها الاسلآم ..

وانا لمّآ عارضت... عارضت الفكره بتسمية مسلم على شخص نصراني بغض النظر كونه شمري او هلالي او غيره ..

<< مايقرب له الرجال أبد :)

القعيطي

31-03-2010, 15:37

الله يسامحه هذا كله علشان ضرب محمد نور

ومحمد نور شخص مسلم

ورادوي نصراني

وبعدين يانافع يقولك

خير الاسماء ما عبد وحمد

التسمية بالأسماء الأعجمية المولدة للكافرين الخاصة بهم .

والمسلم المطمئن بدينه يبتعد عنها وينفر منها ولا يحوم حولها ، وقد عظمت الفتنة بها في زماننا ، فيلتقط اسم الكافر من أوربا وأمريكا ، وهذا من أشد مواطن الإثم وأسباب الخذلان . وهذا التقليد للكافرين في التسمي بأسمائهم ، إن كان عن مجرد هوى وبلادة ذهن ، فهو معصية كبيرة وإثم ، وإن كان عن اعتقاد أفضليتها على أسماء المسلمين ، فهذا على خطر عظيم يزلزل أصل الإيمان ، وفي كلتا الحالتين تجب المبادرة إلى التوبة منها ، وتغييرها شرط في التوبة منها .

تقبل مروري

تحياتي

الشبث

31-03-2010, 15:39

^
^

عضي رضمه

ابو سلطان

كلامك حلو وميه ميه

تمت مناصحتنا على خطانا اللي وقعنا فيه وهو سب ابو رادوي

ولكن

فيه احد علق او نصح او انكر تأييد الاخون تسمية بأسم الكفر ؟

انا كلام قلته اتحمله

وانا عارف انها فبركه تلفزيونيه

وهالشخص اللي طلع ممكن مهو شمري اصلاً

هنا كان كلامنا وتشكيكنا بأصله

لكن اذا فيه احد يقرب له ويعرفه يعلمنا انه شمري ونقول الله يسامحك ياولد العم سودت وجيهنا

اما اننا نقول له مهو شمري فهنا لا والله ما نقصد وانت تدري يابو سلطان

وحتى لو مهو شمري

لوهو من اي قبيله كانت

وتقلد تحيتي

ابوهجرالويباري

31-03-2010, 15:40

السلام عليكم ..
مسيتو بالخير >>> جاكم هدااااااااااد هههههههههههههههههه
انا ضد التسمية وارفضه رفض تام ولو بكيفي اثور بهالحبيب كثير العرف اللي سمى .
انا معك اخوووي نافع انه ماتوصل للسب وضدك بأنه مجررد حرووووووووووووووووووووووف
اخوووي نافع سؤال وابي ردوهـ
س/ ترضى انك تسمي ولدك كذا (يعني اذا جاك ولد تسميه رادووي ؟؟؟
ارجو الاجابه ...!

الشبث (منصور يقول لك ياليت تسوي الي تطلب فيه من زمان وهو حوار راقي الي ما اشوفه عندك بنقاشك بالسب على جماهير نادي القرن)

هلآ الآسلميهـ

31-03-2010, 15:47

^^

الشبث ..

وش قالوا لك .. أهلي مجوعيني ..:)

المشرف العام

31-03-2010, 15:52

ولكن

فيه احد علق او نصح او انكر تأييد الاخون تسمية بأسم الكفر ؟

هلا بابو ماجد

لاهنت يامللي ..

في ردي .. اشرت إلى مناصحته إذا ثبت صحّه الخبر وتوثيقه بوثيقه رسميه ، والمناصحه هذه تبيان وجهة نظري . ولا اعتقد ان يتم مناصحة من هو على حقّ

/

انا العنوان شاهدته لي فتره ، واعتقدت ان هناك رادو شمري ، قلت هذه حركه من الشباب هناك او معلّق رياضي يتحدّث باللهجه الشمريه ، لم اظن ان الامر له بعد : ديني و سياسي واجتماعي وكروي ، والياء المضافه هي ياء الملكيه :)

/

يعني .. عرفت منكم السالفه .

وبالاخير ..

ان شاء الله مايطلع عضو بمضايف شمر :)

ابوهجرالويباري

31-03-2010, 15:56

ومن الحب ماقتل >>> مدري شدخل امه هههههههههههههههههههههههههههههه
ع العموم من وجهة نضري انه رجال وسمى ولده حنا وش دخلنا بوهـ ..
كلن يصلح سيارتوهـ ويدز له>>> شعندوهـ المصلح الاجتماعي ؟؟
خلاص من هنا ورايح انا بغير اسم هجوووورهـ وبسمي (كوندليزا رايس اللي رجت العررب)..!
تقبلو مرور ابو كوندليزا ههههههههههههههههه

الشبث

31-03-2010, 15:56

ابو هجر

تصدق اني شاك ان منصور هو اللي مسوي ولده رادوي خخخخخخخخخخخخخ

سلم عليه وقله تعال للرياضي حطيتك بوجهي الشبث ما يقولك شي

ههههههههههههههههه

وتقلد تحيتي

الشبث

31-03-2010, 15:59

كلامك سليم يابو سلطان لاهنت

بس حلوه رادو شمري :)

ابو كوندليزا رايس شلونك خخخخخخخخخ

وتقلدوا تحيتي

ابوهجرالويباري

31-03-2010, 16:00

منصووووور ...
يقووووول لك ...
مهو انا الي يسمي كذا ومهو خبيلن مثل بعض الناس يسوي كذا ..
وبالنسبه للرياضي تركوهـ من زمان والسبب الناس اللي تغلط وتسب بالرياضي مثل اللي حصل بالموضوع هذا وانت على راسهم ..
ولاكن عالعموم مابي اكمل كلامي ولابي اغلط وانا رافعن نفسي عن مثل اللي تسويه ..

اللهم بلغت >>> اللهم فاشهد ..

ابوهجرالويباري

31-03-2010, 16:02

الله يعافيك >>>>:3ajebni:
الظاهر ابي اثبتها علي ههههههههههههههههههههههههههههههههههه
خلاص يالشبث انت والاعضاء عازمكم ع التمايم حقات الاسم الجديد >>>> ههههههه بغيت اقول الطهار هههههههههه تذكرت انها انثى الله يصلحها ..

εïз خزامى εïз

31-03-2010, 16:08

متعصصصب بقوووووه http://www.mshaerdafah.com/vb/images/s1/k4/l1%20(6).gif
رادوي الشمري نككككته ههههههههhttp://www.mshaerdafah.com/vb/images/s1/k1/ka12%20(39).gif
الله لآيبلآنآ http://www.mshaerdafah.com/vb/images/s1/k4/l1%20(5).gif

εïз خزامى εïз

31-03-2010, 16:12

وش تحسون فيه...!؟

استغفر الله بسس

ابوهجرالويباري

31-03-2010, 16:16

خزامى >>> داخلتن على كيفران ؟؟؟
لاسلام ولا كلام ..
وفوق كذا تستغفرين ؟؟ والله:3ajeeb:

ابوهجرالويباري

31-03-2010, 16:26

ابو كندليزا هنا ...
هل من احد براسه حرش >>> بنتي قاطمتن دول ومهي اطيب مني وانا ابوهـ ..!
قال رادوووي قال (يعني من عقلوهـ وغدوهـ يبي ياصل مواصيل رادوي)..

بلا عنوان

31-03-2010, 16:34

ابوهجرالويباري

31-03-2010, 16:39

صحـــيح بلا عنوان ..
كلامك بـ متمه >>
اشكرك بعنف واصرار ..
بس تبي الصحيح انا محايد ما اشجع احد >>> يشجع المنتخب ههههههههههههههههههههههه

ابوهجرالويباري

31-03-2010, 16:41

ياخي احس ان بعض الناس (طق بوهـ ثلاث عروووق حول المخيخ ليش مادري )
ههههههههههههههههههههه
ع العموم فلتحيا الكورهـ على شان هالمتعصبين يربحون شركات حبوب الضغط >>>صافطن للشركه هههههه ثم ههههههه ثم هههههههه

شرهه

31-03-2010, 17:22

ههههههههههههههههه

بلا عنوان .... الله يرجك يا شيخ

و شجاع رضمتن تدق لهاته ...

يا حيفكم يا شمر :)

الحين صارت المرجله والشجاعه ... بالكوره و بالندف والمنادف :)

يا للعار والشنار :)

برايفت للهلاليين و الشمريين اللي فوق ...

كل هذا ذالينن على مشاعر اخوكم :)

وه بس وه

ماقول الا الله يعطيكم على قد نياتكم

والاسلام صحيح مهو بس للعرب .... لكن هالسمرمدي رادوي هل هو مسلم او لا ؟؟؟؟؟ :)

راحت شمر راحت >>>>>>الله من الهياط هههههههههههه

تحياتي

سلطااان السويري

31-03-2010, 18:35

يالربع شبلاكم تعوذو من الشيطان

انا مانزلت الموضوع الا عشان تكون مناقشه اخويه بيننا

وماتاصل للتعصب ولو ادري ان الوضع يبي يصير كذا مانزلت الموضوع

واشكر جميع من مر ولاهنتو

وفاء الرمالي

31-03-2010, 18:59

:3ajebni::3ajebni:حلوووووووووووووووووووووووووو اسم رادوي لانه هلالي وبعدبرد كبدي بمحمد نور الله يخليه له ويتربى بعزة كيفه ولده ويسميه اللي يبي :mabrook:والف مبروك فوز الزعيم مشكور على نقلك هالخبريهrooose2rooose2

القعيطي

31-03-2010, 21:22

بصراحه ياجماعه حنا عرب معروفين نسمي على الشجاع

والطيب ورادوي شجاع وطيب

الي يقول كافر ياخي الكافر فكنا من شر المسلم

نور الي تبلى الاعبين وجاه الي يوقفه عند حده

صحيح بالرياضه المفروض مافيه مضاربات

لاكن ياجماعه الشجاع اذا زعل ينعمي مايشوف الصح من الغلط

وهذا الي حصل مع رادوي كفى الله الاعبين غضب رادوي

لا حول الحين صارت الشجاعه بي كرة القدم

خلاص على كذا انا اشوف شخص في حرب بين كفار ومسلمين ويعجبني واسمي ولدي عى اسمه

طبعا الشخص يكون كافر

الله يهديك

أحمد

31-03-2010, 22:40

الموضوع مقفل من قبلي وبطلب من صاحب الموضوع

كان ودي كل واحد يقول راية وناقش الراي الاخر

بس اللي اشوفة ان البعض يحاول مصادرة الراي الاخر

والبعض يحاول الاصطياد بالماء العكر وادخال اسم الادارة او اسمي في هالموضوع

على العموم اللي يبي الرياضي الرياضي يبية واللي مايبي الرياضي ماحنا منتظرين جيته ابد بسلامتة

وسلامتكم