% ايرك قريتس الاسطوري %

[الشبث]

كل متابع للدوري السعودي وللأعلام الهلالي الطاغي

على الاجواء الرياضيه السعوديه يلاحظ مدى تعظيم وتكبير الكاتب الهلالي

لحجم المدرب ايرك قريتس

وكأنه افضل مدرب في العالم

وكأن الانديه الاخرى لم تحضر مدربين عالميين

بل ان المتلقي البسيط الغير مطلع بشكل كبير على تاريخنا الرياضي

يعتقد ان ايرك قريتس هو اول مدرب اجنبي حضر الى السعوديه


مافيه شك ان اريك قريتس وفق في تحقيق الدوري السعودي بفارق

نقطي كبير عن اقرب منافسيه


ولكن

الم تخدمه ظروف الفرق الاخرى ؟

الم يكن محظوظاً بلاعبين اجانب يعتبرون هم قوة الفريق


الجميع شاهد تخبط قريتس في مباراته امام الاهلي الاماراتي بسبب

غياب ويلهامسون





ام لانه كان مدرباً لمرسيليا الفرنسي يكون اسطورياً


سؤال بسيط


ماذا حقق هذا المدرب مع مرسيليا ؟





وللعلم



وبالمصادفه فقط




في موسم 1994 م


احضر نادي النصر المدرب الفرنسي جان فرنانديز مدرب مرسيليا الفرنسي

في عام 1993 م


والجميع يعلم انه حقق مع مرسيليا بطولة ابطال الدوري الاوربي بفوزه

على الميلان 1 / 0 في انجاز لم يحققه اي فريق فرنسي حتى يومنا هذا


وحقق الدوري مع النصر مع ان الظروف كانت ضده بأبتعاد اغلب نجوم النصر


مثل وليد الطرير

ومرحوم المرحوم

وماجد عبدالله

ولم يستفد الا من لاعبين اجنبيين فقط هم حسين ازميجاني واوهين

كيندي . بعد ان خسر خدمات اداما سيسي





هو الاعلام الهلالي


من يريده يرفعه الى السماء




وتقلدوا تحيتي

[عبدالله الجعيثن]

هلا ابو ماجد...وينك ياخي





من زماااان عن تواجدك المثري ....بمضيف الجثري!!!<<<<والله اني شاعر:)




ابو ماجد...ياخي تشوف هالهلاليين



ماصارت...هم بس اللي بالساحه




انت شفت مباراة النصر الاخيره




ياولد...عزالله ياعنده جمهور


قسم يالملعب غدا اصفر من اوله لاخره

[ابو ضاري]

^
^
^
الجعيثن اطلع من السالفه




هلا وغلا بالغالي ابو ماجد


صحيح ان الهلال فقد ويلهامسن في مباراه الاهلي

لكن لا يمنع ان المدرب اجرى كل الاحتياطات لكن السبب في الاعبين حماسهم قل وعطائهم ايضا قل

والمدرب صراحه قمه لانه انهزم في مباريتين على مدار بطواتين انا مالوم هذا المدرب لكن الوم اللي يلعبون داخل المستطيل الاخضر

وحقق مع الهلال انجاز

[الشبث]

هلا ابو غااازي


ياخي انت توك تعرف جمهور الشمس


يخرش هههههههههههههه





اما هالهلاليين


الله ....



خله على الله بس هههههههههههه





وتقلد تحيتي

[الشبث]

هلا ابو ضاري يالله حيوه



شف يالغالي


المدرب قيرتس مدرب كبير مافيها كلام


لكن مثله مثل اي مدرب

والهلال ماراح يوقف على هالمدرب


وفي مباراة الاهلي هو اللي يتحمله


يا اخي انت تقدمت بهدف

تروح تسحب نيفيز وتنزل الغنام ليش ؟

نفيز وسط متقدم يساند الهجوم

والغنام مدافع

كان من المفترض سحب ياسر اللي كان نايم طول المباراة وادخال الغنام



ثم


خالد عزيز موجود بالاحتياط ليش ما لعبه ؟


ولا فلسفه


جمهور الهلال يموت بس يحقق هالبطوله وهو يتفلسف ؟




بعدين اخوي ابو ضاري لاحظ تغييراته

ادخل الغامدي والغنام وهم محاور ارتكاز دفاعيين

وكان عنده من البدايه رادوي


يعني ثلاث محاور

وباقي من لاعبين الوسط نواف العابد اللي نزل بدال الشلهوب ( نفس الدور )

هذا يعني انه عزل الهجوم عن الوسط

وبكذا تحرك الفريق الاماراتي الضعيف وتجراء الى ان سجل هدف التعادل



وتقلد تحيتي

[سلطااان السويري]

ابو غازي <<<<< ياخي بك عرق نصراوي ههههههههههههههههههههههههه

||||

هلا بالابطاي ابو ماجد

ابو ماجد فريق الهلال فريق كبير سواء بقيريتس ولا بغيره

ولكن الحقيقه تقال قيريتس مدرب من الطراز الاول

صحيح لديه بعض الاخطاء لانعلم ماهو الدافع من ورائها


ولاكن لكل مدرب وجهه نظر


ابو ماجد اقول بس سلملي على مدربكم الحفله هههههههههههههههههههههه

الا ماودك نحضر مباراتهم بالامارات:thumb:


لاهنت ابو ماجد

[ســـعود]

الشبث

ياعزيزي ماكتبت يمثل وجهة نظرك وأحترم وجهة نظرك بما اني هلالي

و لأنك ترى من منظارك ولأن ميولك طغى عليك فأن كل الهلالين لايبالون بما كتبت او ان كان قرتس لم ينجز شي لي مارسيليا لأنه
هو الان يحقق البطولات للهلال وهاذا هو الاهم لنا

مع كل الاحترام والتقدير تحياتي لك

[شمس آلع ـآلمي]

طــرح موضوع رااقي وراائع, إسلوب مميــز, وبجد موضوع شيــق ويلفت الأنظــآر.. :thumb:




الشبث.. كلام سليــم..! لكن أكيد فيه ناس {مع} وفيه ناس {ضد} وجهة نظرك..



وبصرااحه وجهة نظرك تثبت مدى فكرك الكروي العالي>>وبدون مجامله :thumb:




بس ماخليت لنا شيء عشان نرد على موضوعك.. :)



وقريتس مدرب محظوووووظ :315r:



بس محظووظ >> {من الدرجه الاولى} << خخخخخخخخ




فعــلآ محظوظ..!! لأنـه يملك لاعبين أجانب {يشيلو الفريق}


وغيابهم يأثر على الفريق الهلالي



وأكيد ظروف الأنديه الاخرى خدمته وبشكل كبير..




,,,






...




أخوي الشبث , أتفق معك بما كتب قلمك {الأسطـــوري..}:3ajebni:





وبجـد ماخليت لنا شيء نرد فيه على موضوعك ..:)




بآلتوفيق يا كـابــتـن الرياضي.. >> ولاتغيب عن فريق المضيف الرياضي بدون عذر!!:) ههههههههه





..





..





..






..





.. """" *** وين الجثري ما رد على الموضوع..؟! يبي يغيب عن الفريق بعد..!؟ ههههههه






مـــــع ودي.. rooose2

[أحمد]

^

^

انا جيت

بس مو عشان انتقد ابو ماجد

انا جيت عشان استفيد من النقاش مع استاذ من اساتذة الرياضة في هذا المنتدى



هلا والله بالعشير


ياخي وينك



المضيف افتقد وجودك وافتقد قلمك



بس انا بكثر ماانا اتفق معك بنقاط فانا اختلف معك ايضاً <<<<< نص ساعة لين طلعت هالجملة




الاعلام الهلالي يتفنن في تمرير اي معلومة تخدمة على عقول المشجعين الهلاليين وخصوصاً متابعي (المحايدة) الجزيرة بغض النظر عن صحة هالمعلومة او افتقادها للصحة المهم ان تخدم هذا الاعلام الطاغي


والاعلام الهلالي بامكانة تصعيد اي مشكلة تخص الفرق المنافسة وبامكانة تشتيت ذهن المشجع عن كارثة يجب ان تناقش واكبر دليل سالفة ( الحركة اللا أخلاقية) خخخخ



لاكن بخصوص المدرب ايرك جيرتس مااحد ينكر ان ضروف الاندية المنافسة ضمنت له ولفريقة التتويج المبكر مع العلم ان الهلال يستحق هالبطولة لاكن قبل ثلاث جولات من النهاية هذي يبيلها وقفة !!


صحيح ان الاجانب خدموه وبالاخص ويلهامسون مع العلم ان جيرتس طلب من الادارة الهلالية الاستغناء عنه في بداية الموسم




بس يبقى مدرب كبير درب اعرق الاندية الاوربية وحقق معها النتائج الجيدة


فقد حقق الدوري التركي مع غلطة سراي اذا ماني غلطان


وحقق الدوري البلجيكي مع فريق مايحظرني اسمة


ونقل مرسيليا نقله فنية هائلة واصبح الفريق ينافس ليون وبوردو بعد سنوات ضياع طويلة



وهاهو في الهلال يقدم كرة جميلة مقرونة بنتائج ايجابية









ابو ماجد رص علي شوي واهون عن هالسوالف خخخخخخخ



تري مكاسي يابو ماجد ويعلم الله ان وجودك له نكهه خاصة

[وفاء الرمالي]

:a:بـــــــــــــــــــــــــــــــــــــ� �ــختصارالزعيم يبقى زعيم سواء مع قيرتس او غيرة والزعيم لايتاثر بغياب احد ولكن لكل جواد كبوة اشكرك على موضوعك لكن تعتبر وجهت نظر ولازم نحترمها بالتوفيق للزعيم غدا

[ريال الفسحه]

يالربع بينن الفاهم :)

[أحمد]

^

^

لا بذمتي

بينن اللي وقت مباراة الهلال والنصر حاطة على العربية ومقصرن الصوت خخخخخ



ياهلا والله بالعشير

[الحنشل]

^
^

و الله من وسع الذمة عندكم اثنينكم





ابو ماجد



مثل ما قلت ... قرينيس مدرب مابه كلام



و الهلال أصلاً ما يحتاج مدرب ... يعني لو اسم مدرب يكفي



و اذا هي على الإعلام .. مهي واقفه على الهلال

[شرهه]

الله حي ابو ماجد .... الله حيو الله حيو





تسجيل حضور ولي نكسه و ربما نكسات :)





تحياتي ....

[الشبث]

هلا اخوي سليطين


شف انت وامثالك اللي انا خايف منكم


لان هذا انت يا واحد هلالي تقولي جريتس مدرب من الطراز الاول

والله ما تدري منين هي هابه



وهذا طبعاً تأثير الاعلام الهلالي بعقليتك كهلالي بسيط

رح اقر السيره الذاتيه لقريتس وتعرف من اي طراز هو



صحيح الهلال فريق كبير بلاعبيه الاجانب وبعض لاعبيه المحليين

ايضاً قريتس مدرب جيد


لكنه ليس الافضل




وتقلد تحيتي

[الشبث]

ياهلا بسعود


شف وانا اخوك

صحيح اني قلت وجهة نظري

لكن انت منت مجبر تحترمها

خصوصا اذا كانت غلط

وياليت اذا كنت تخالفني بوجهة نظري تقدم كلام يلغي وجهة نظري


انا ما قللت من قريتس ولا من الهلال

انا قلت ان قريتس مدرب مثله مثل اي مدرب مر علينا

ولكن الاعلام الهلالي كبر من حجمه لانه مدرب هلالي فقط

واذا انت وباقي الهلاليين تعتبرون قريتس مدرب اسطوري لانه حقق الدوري والكأس

فيا اخي وش تقولون عن باكيتا اللي حقق خمس بطولات بموسمين






وتقلد تحيتي

[الشبث]

هلا اختي شمس العالمي


ثقي اختي اني احترم اي شخص يختلف مع وجهة نظري مهما كان اسلوب كتابته

ولولا اختلاف الاذواق لبارت السلع



انا كتبت وجهة نظر تخصني وقد يتفق معي فيها النصراويين وجماهير الانديه الاخرى غير الهلال

والمشجع الهلالي له الحق


لكن


اتمنى ان من يختلف مع يرد بوجهة نظره حتى نستفيد من النقاش



وتقلدي تحيتي

[هايس الشمري]

أبو ماجد مع احترامي لشخصيتك..


كنت احسبك محايد.. لكن بعد هالموضوع.. اتضح انك تبي تمدح النصر بس على حسااب الهلال..!!



الله يهديك يا ابو ماجد

[الشبث]

هلا وغلا بأخو وحبيبي ابو شاكر


انا اللي اتعلم منك يالابهه ههههههههههههههههه




اول شي يابو شاكر ابيك تعرف اني ما اسب قريتس ولا اقول انه ما يعرف يدرب

ولكن


انا كلامي وموضوعي كله عن النفخ الاعلامي المبالغ فيه لقريتس

وكأن ما جاء للسعوديه مدربين افضل منه


يا اخي اذا انت بنفسك تعترف ان الظروف خدمت قريتس في تحقيق بطولة الدوري

فهذا يدل انه مثله مثل غيره من المدربين اللي مروا في تاريخ الهلال




بس يبقى مدرب كبير درب اعرق الاندية الاوربية وحقق معها النتائج الجيدة

انا اختلف معك في هالجزئيه

لان القارئ للسيره الذاتيه لقريتس لا يجد اعرق الانديه الاوربيه موجوده في سجله

بل ان اكبر فريق دربه هو مرسيليا بعد ان حل بديلا للمدرب البير ايمون

وايضاً ايندهوفن الهولندي





فقد حقق الدوري التركي مع غلطة سراي اذا ماني غلطان

لا منت غلطان يالطربه

هو درب غلطه سراي ثلاث مواسم حقق البطوله في اخر سنه وقبلها المركز الثالث لموسمين


واعتقد ان تحقيقه لبطوله الدوري التركي لا يجعله اسطوره

فقد سبقه المدرب التركي الفاتح في تحقيق انجاز لغلطة سراي عندما توجه بطلا لكأس الاتحاد الاوربي

ثم بطولة السوبر الاوربي






ونقل مرسيليا نقله فنية هائلة واصبح الفريق ينافس ليون وبوردو بعد سنوات ضياع طويلة


ماعليش يابو شاكر


اما نقل مرسيليا فصعبه شوي


صحيح ان مرسيليا بعد فضيحة الرشاوي ووفاة رئيس النادي تدهورة اموره

لكن قريتس لم يدرب الفريق الا في الموسم الماضي

وفريق مرسيليا من قبلها وهو يحقق مراكز متقدمه ويشارك في بطولة دوري ابطال اوربا

هو لو رفع فريق ضعيف الى القمه نقول صحيح


لكن مرسيليا هو من رفع اسهم قريتس











ابو شاكر


ابيك تعرف اني ماني ضد قريتس


هو مدرب ممتاز

لكن انا ضد النفخ الاعلامي الغريب لكل ما يتعلق بنادي الهلال







وتقلد تحيتي

[الشبث]

هلا اختي وفاء

بالتوفيق للزعيم



لاهنتي على تقبل وجهة نظري


وتقلدي تحيتي

[الشبث]

ريالي


فديت غمازاتك



وتقلد تحيتي

[الشبث]

ههههههههههههههههههههههاااااااااااااايلي


ابو شاااااكر


قسم بالله صدقت


يارجال يحطه على برنامج حيوانات هالحيوان خخخخخخخخخخخخخخ




وتقلد تحيتي

[الشبث]

حنشووولي


ياخي انا حاس مبطي انك داهيه خخخخخخخخخخخ



وتقلد تحيتي

[ابو ضاري]

ابو ماجد الغالي

احترمك واغليك قبل رائك يالغالي

مثل ماتفضلت باكيتا حقق مع الهلال على مااظن اربع بطولات

بلاتشي-باكيتا-كوزمين-أوسكار-كاندينو-يوردانسكو مع جريتس

دربوا الهلال وحققوا معه بطولات

لاشك طريقه التدريب تختلف والاعبين يختلفون وكل مدربه له وقته وزمانه

ولكل نادي له اعلام

انظر ماذا يقولون لمحمد نور وهو لاعب لكن لاعب له خشونه وتدمير للاعبين مع ذلك يدافعون عنه اعلامه

اخيرا

الزعيم زعيم بدون الاعلام

والله يوفق الانديه السعوديه بالمشاركات الخارجيه

[الشبث]

ياهلا بخيتي الشهيب



اصلا قبل اكتب الموضوع منتظر تسفتاتس يا تسفاته خخخخخخخخخخخخخ






وتقلدي تحيتي

[الشبث]

هههههههههههههههههههههههههههههه


يا هلا بخالي هايس


حلولات لو منت خالي


تسان علووم


شف يا خالي


ردك هذا شفته كثير من الاخوان الهلاليين



يا اخوان اذا انا نصراوي ونزلت موضوع عن الهلال وانتم تدرون انه سب او استهزاء بالهلال

فليش ما تردون بحقائق وبأسلوب رياضي



انت يا خالي قلت اني متعصب وابي امدح النصر على حساب الهلال


والموضوع كله عن تمجيد الاعلام الهلالي للمدرب قريتس



يعني حتى الهلال ماله شغل









اقول فيه واحد يبيك بالنبطي




خخخخخخخخخخخخخخخخخخخخخخخ



شرفتن بهالرد يالخال



وتقلد تحيتي

[الشبث]

كلامك حلو يابو ضاري واتفق معك في غالبيته الا



في جزئية محمد نور


محمد نور هو من يتعرض للخشونه وليس خشن


ممكن يكون لاعب يستفز لكنه ليس خشن



شف مباراة الهلال والاتحاد الاخيره وشف الترفيس اللي تعرضله نور




وتقلد تحيتي

[ابو ضاري]

ابو ماجد امسح من الرسائل ابي ارسلك ماقدرت

واكلمك مايمسك الخط

ابو ماجد ابي اسالك نور مايستاهل كرت اصفر على هذه النرفزه اللي تعرض لياسر

محمد نور يستاهل ماجاه

وايضا شفته يوم يدخل بقوه على الدعيع

انا هلالي >>>>>>>>رد عقلاني

[الشبث]

ابو ضاري


النرفزه والبطاقه الصفراء صح يستاهل





لكن انه يدمر لاعبين لا






الحين امسح رسايل




ثواني



وتقلد تحيتي

[بلا عنوان]

حيالله ابو ماجد


بصراحه مو مدرب فقط بل هو مدير فني حقيقي

فعلا اول مدير فني يحضر للسعوديه ويتسلم جميع امور الفريق حتى الخصم من المرتب هو يقرر

فعلا رئيس النادي اعطاه صلاحيات لكن اكيد كانت بطلبه وهذا هو المدرب المحترم

حقق غريتس ماعجز عنه الاخرون بحسم الدوري قبل ثلاث جولات


حقق كاس ولي العهد

ومتصدر المجموعه بدوري اسيا


ايريك غريتس افضل مدرب او مدير فني مر على الكره السعوديه






اول فريق يحسم الدوري قبل ثلاث جولات

[الشبث]

حيالله ابو ماجد

حيالله ابو نوره




بصراحه مو مدرب فقط بل هو مدير فني حقيقي

ياليت تعتبرنا جهله وتقول لنا يابو نوره وش الفرق بين المدير الفني والمدرب


لا تقول يتخذ اجراءات خصم ومدري وشو

لانه مسبوق عليه



فعلا اول مدير فني يحضر للسعوديه ويتسلم جميع امور الفريق حتى الخصم من المرتب هو يقرر


افااا الظاهر اننا كل هالسنين نجيب سمكريه ولقاطين كور

خيرر يالحبيب


طيب قلي لاعب واحد قرر قريتس انه يخصم منه ؟



ماكان يتظاهر بقوة الشخصيه وعدم التدخل بعمله

طيب وينه عن غياب خالد عزيز عن تمارين الهلال

ياخي هذا له خطوط حمراء ما يقدر يقترب منها

يعني اي عضو شرف يزعل عليه راح يطير





حقق غريتس ماعجز عنه الاخرون بحسم الدوري قبل ثلاث جولات


قبل كذا

كان النصر هو اول فريق يحقق الدوري قبل نهايته بجولتين

ومحد سمع عن هالكلام اطلاقاً ولا حتى يدرون الناس منهو المدرب لليوم


يعني فص ملح وذاب


ثم

يا اخي خليل الزياني في موسم 1403 حقق الدوري مع الاتفاق دون اي خساره

وهذا ما عجز عنه قريتس

يعني


قل ان قريتس عجز عن تحقيق ما حققه غيره





حقق كاس ولي العهد

ههههههههههههه

حتى ولي العهد عجز عنها الاخرون

يا اخي الهلال لحاله قبل يجي قريتس حقق هالبطوله 7 مرات

يعني سبع مدربين ؟

واذا كان قريتس حقق مع الهلال بطولتين

ترى باكيتا حقق ثلاث

وترى ديمتري حقق مع الاتحاد 7 بطولات في موسمين





ومتصدر المجموعه بدوري اسيا

ليس انجاز بالنسبه للهلال نظراً لسوء مجموعته

ثم ان الهلال في الموسم الماضي مع كوزمين تصدر مجموعته وخرج من ام صلال







ابو نوره


كل هالكلام اللي انت جبته ليس جديد

والمدرب الذي يحققه ليس اسطوري كما تظهره جرائدك المفضله الجزيره والرياض والرياضيه


اعتقد انك حتى انت لم تكن مقتنع بالكلام الذي قلته في ردك

خصوصا بعد ما تقراء ردي لاني اعرف مدى جهلك

فأنت هلالي ههههههههههههه





وتقلد تحيتي

[أحمد]

على طاري جيرتس


يقولون ان الادارة استطاعت ان تقنع المدرب ايرك جيرتس بان يغير قرارة


بشأن لعب كأس خادم الحرمين الشريفين بالفريق الاساسي


بعد ان اعلن جيرتس سابقاً بانة يعتذر للجمهور الهلالي ويعلم بان هالبطولة مهمة لاكن اهدافة تنحصر بتحقيق بطولة الدوري وكأس آسيا فقط

[الشبث]

الجثري


والله من الصفق عند اهل ضرما



خخخخخخخخخخ

وتقلد تحيتي