علاج الربو

[الحنشل]

السلام عليكم ورحمة الله



أمس كالعادة .. بغيت أموووت :)



بس الله يديم لنا إسطوانة الأكسجين


صلفيق إنت تعرف اللي صنعه .. سلم عليه يا الغالي


/
/


المهم يا الربع


اليوم كلمن واحدن من الزقرت .. حول الساعة 9 الصبح << الوقت مهم لي


قال يا ابو العووود ابشر.......... لقينا علاج للربو



قلت الله يبشرك بالخير .. وشو



قال سجل عندك



/
/

1ـ ورق جوافه .. يطبخ كأنه شاي (تشرب منّه كل صباح كوب)

2ـ بذرة كرفس .. تاخذ كوب ماء حار و تحط فيه ملعقة بذرة الكرفس و تتركه لين يبرد (تشرب منّه كل مساء)

3ـ تدهن الصدر كل ليلة (لمدة اسبوعين) بدهان زين حبة البركة (و لازم زيت ابو حصان .. ليه ما الذات ابو حصان ما أدري)

4ـ تشرب نص ملعقة صغيرة من زيت حبة البركة (طبعاً لازم أبو حصان :))






//

//


عاد الحين .. أحد منكم جرب أو سمع بالوصفه هذي


لأن المجلس العالمي لعجز حارتنا .. تحفظن على الوصفه هذي


و أخلن مسؤوليتهن من التبعات المترتبة على استعمال هذه الوصفه


لكن اللي يده بالنار .. مهو مثل اللي يده بالبيبسي



و أنا يا خويكم .. أبي أغامر و أجربه

[بشير اللويش]

اخي / الحنشل

هل تعلم باني اكره هالمرض هذا فوق ما تتخيل ..؟

لأنه كان سببا / بعد إرادة الله في رحيل اعز الناس عندي


...

..

الموت واصل ،، والمنايا لها اسباب

وباسبابها يا خوك ذقت المصايب

فقدت لي عزوه // على كل الاجناب

يثني ليا من الردي صار هايب

...

..


عذرا على ازعاجك في متصفحك / في احزاني / في زفرات كيبوردي

اخوك

الراسي

[الحنشل]

ابو سلطان



أنا من يعتذر منك .. فلم أعلم بأن موضوعي سيسبب لك هذا القدر من الألم





أحسن عزاك .. و كل حي له كتاب


..............................يجيه يوم و تعتليه النصايب


لكن رسول الحق .. قرر للأصحاب


...........................إلا الهرم و الموت ماله طبايب




/

/

أقدم لك أعتذري مرة أخرى يا ابو سلطان

[شموخ شمالية]

من قبلي... ينقل لمضيف المنقول :)



رحم الله ميتك أخوي الراسي





وانت يالحنشل لاتغامر لين تشوف أحد جرّب هالوصفه !!

انا سمعت ان علك المر ينفع للربو




شفاك الله اخوي الحنشل


لك احترامي

[ابو ضاري]

لاهنت يالحنشل على هذا العلاج

اقول

اترك التتن يامملوح

[الحنشل]

شموووخ


وين تبين تقلعين ضمد الموضوع .. خليه بهذا أغدينا نلقى علاج


و العلاج اللي جبته أبي أجربه على نفسي .. و الشكوى لله مجبراً أخاك لا بطل


/

/


و بالنسبة للعلك المر ....... تنصح به أم سالم (العضو الدائم بمجلس عجز الحارة)



تقول إن بنته طابت عليه .. بس أنا ما جاب نتيجة معي









مشكورة على مرورك و اهتمامك

[الحنشل]

الله لا يهينك يا ابو ضاري


الا ما معك ولاعة :)

[فرانسيسكا]

وعليكم السلام ورحمة الله وبركاته
صبحك الله بالخير اخوي الحنشل
اسأل الله العظيم ان يشفيك ويعافيك
ونصيحة لا تجرب الوصفة
ولا تثق بوصفة غير مجربة
وهذا اللي وصف لك ماشاء الله برفسور
يعرف فصيلة دمك وعنده تقرير كامل عن حالتك ؟
راجع طبيب موثوق منه
ربي يعافيك

[الحنشل]

الله يعافيك يا فرنسيسكا


و مشكورة على حرصك


لكن عاد المضظر يسوي أي شي

[الكاتم]

عود المسمار
فقط العيدان بدون الراس من 6 الى 10 عيدان انقعهن بالماء بالليل وغط الكوب واتركه للصبح
وان قمت لصلاة الفجر اشرب المنقوع ورح صل وادع ربك يشفيك وتشفى ان شاء الله>>استمر من 15 يوم الى شهر واترك المنقوع والا الصلاة لا تتركه :)
اما وصفتك فهي مثل لبن العصفور وين القى مكوناته:puzzled: اخاف عقب ما تجربه تصير مثل العجوز اللي تشحذك التتن:315r:

[شرهه]

حنشووولا >>على قاف شعبولا



جربه بالله و اذا جاب نتيجه معك علمن >>>الربو لاعبن به لعب






ابو سلطان ... الله يرحم ميتك ...





والله يا انني بلعت العافيه ..

[بعد ملي]

ماتشوف شر اخوي الحنشل..

واتمنى الاخوان يفيدوك

[صلفيق]

هلا والله ومليون غلا بالحنشل..


صلفيق إنت تعرف اللي صنعه .. سلم عليه يا الغالي

اكتشف الأكسجين لأول مرة من قبل الصيني زو زينج هونج عام 800 قبل الميلاد، وقد أطلق عليه "إكسير الحياة".
وفي عام 1773 أعيد اكتشاف الأكسجين عن طريق العالم السويدي كارل ويليام شيلي، ولم ينشر أعماله الا في العام 1777 أي بعد عام
واحد من نشر أعمال العالم جوزيف بريستلي الذي اكتشف هذا الغاز عام 1774، ونشر اكتشافه عام 1776. حيث سجل له الأكتشاف .

وكل الثلاثة يسلمون عليك ،، ويقولون : الله يسلمك من كل شر.


/
/

1ـ ورق جوافه .. يطبخ كأنه شاي (تشرب منّه كل صباح كوب)

2ـ بذرة كرفس .. تاخذ كوب ماء حار و تحط فيه ملعقة بذرة الكرفس و تتركه لين يبرد (تشرب منّه كل مساء)

3ـ تدهن الصدر كل ليلة (لمدة اسبوعين) بدهان زين حبة البركة (و لازم زيت ابو حصان .. ليه ما الذات ابو حصان ما أدري)

4ـ تشرب نص ملعقة صغيرة من زيت حبة البركة (طبعاً لازم أبو حصان :))

و أنا يا خويكم .. أبي أغامر و أجربه


سلامتك ألف سلامة أخوي الحنشل
وياعلّك ماتشوف شر ان شاءالله ..


شوف حنشل..
ورق الجوافة ـ كثيرون من مدحوا هذا ،، والطريقة هي كالتالي:
تقطع الأوراق داكنة الخضرة ، وتغسل جيدا بالماء من كلا الجهتين.
تقطّع كل ورقة الى أجزاء. ومن ثم نضع الجميع في ماء بارد ،،،
ونضعها على نار هادئة حتى تغلي [وانتبه لاتتركها تغلي كثيرا]..
يعني فوح واحد كافي.
ثم يصفى الماء [مقدار كوب] ويحلّى بالعسل. ويشرب صباحا ومساءا.

وبالهنأ والشفأ.

**********

بذرة كرفس ـ لم يأتي فيما ذكره الهنود القدماء أي ذكر للكرفس في معالجة الصدر.
وفيما قرأت لـ:
جون جيرارد ، لم يذكر غير أنه يطرد البلغم من الصدر ، ولم يذكر فعل
الكرفس أو بذوره على الممرات التنفسية.
أبن البيطار ، في كتابه "الجامع لمفردات الأغذية والأدوية" لم يذكر أيضا فعالية لهذا الكرفس
على الجهاز التنفسي .
الأنطاكي ، في تذكرته أيضا لم يذكر هو الآخر أية دلائل تذكر على فعل الكرفس أو تأثيره على
الجهاز التنفسي.

وكل الكتب التي ذكرت ـ أجمعت على تأثير حسن وفعّال للكرفس وبذوره على الكبد والكلى
والمجاري البولية ، وكذلك على الجهاز التناسلي والجنسي >>>>
{وهذا بعديييييين أذكره لك ـ ـ اذا تعديت الخمسينات راح تحتاجه :a:.


ولكن .. ان كنت تريد رأيي ، وتضرب بعجز الحارة عرض الحائط.. عليك بما ذكره الأخ الكاتم ،
الا وهو "أعواد القرنفل" تنقع بالماء 10 أعواد منزوعة الزهرة [الرأس]، من المساء ،، وعند
الصباح تصفّي الماء وتشربه ، وتفعل هذا يوميا لمدة اسبوعين. وبعدها تعال نتسابق أنا
واياك..!
والا أوراق الجوافة وبنفس الطريقة ما ذكرت أعلاه.

أتمنى لك شفاءا بإذن الله سريعا
وياعلّك ماتشوف شر.
وسلامتك ياعزوتي


لك كل الأحترامات،،،

[بشير اللويش]

ابو سلطان



أنا من يعتذر منك .. فلم أعلم بأن موضوعي سيسبب لك هذا القدر من الألم





أحسن عزاك .. و كل حي له كتاب


..............................يجيه يوم و تعتليه النصايب


لكن رسول الحق .. قرر للأصحاب


...........................إلا الهرم و الموت ماله طبايب




/

/

أقدم لك أعتذري مرة أخرى يا ابو سلطان

الغلا .. الحنشل

بالعكس ... لم اتضايق وربي

ولكن وضحت لك اني اكره هالمرض بالذات من جميع الامراض والسبب قلته لك.

وموضوعك مبروك .. كتبنا بتين وانت رديت عليهن:)

دمت بخير ياجبل

الراسي

[الحنشل]

الكاتم


أم ضحوي (رئيسة مجلس العجز بدورته الحالية)


أيدت وصفتك .. و شاركته أم فريح بالقرار


و العضوتين هذولي بالذات ... أمي تثق بتوصياتهن بشكل غير طبيعي



نبي نجرب .. و الله يكتب به الشفاء



مشكووووور يا جدي

[الحنشل]

شرهه


إنتي مهو بس الربووو لاعب فيك ... الدنيا بكبرة مشخبطه على وجهك




نبي جرب طب الكاتم ... عقبين نجرب الطب اللي جبته

[الحنشل]

بعد ملي


الشر ما يجيك ... و الإخوااان ما قصرووووا


الله يعطيهم العافيه

[الحنشل]

العشيييير



جعل الشر ما يجيك



و معلومات قيمه .. أبي أعطيه أمي من شان توري عجز الحارة إنه مثقفه




و نبي نجرب طب الكاتم .. و أبي أسابقك عقبه


من المضيف الطبي لين المضيف الإسلامي



الله يعطيكم العافيه جميع ... ما قصرتوووووا

[الحنشل]

الغلا .. الحنشل

بالعكس ... لم اتضايق وربي

ولكن وضحت لك اني اكره هالمرض بالذات من جميع الامراض والسبب قلته لك.

وموضوعك مبروك .. كتبنا بتين وانت رديت عليهن:)

دمت بخير ياجبل

الراسي


ابو سلطان .. يا بعد قلبي قلبك



دمت عشيراً لي .. و أخاً نفتخر به

[أمير القوافي]

ما تشوف شر يا الحنشل

الله يكتب لك الصحة انشالله

تقبل مروري ...

[ابوهجرالويباري]

ياعلوهـ اولوهـ (البناخي صايرن دختور؟؟)
الله يجزاك خير يالبناخي على طرح الموضوع واسال الله العلي العضيم ان يشفيك ويشفي مرضى المسلمين..
ومن ناحية عجز الحارهـ جب طاريهن كلهن الا (الامبراطورهـ ام فريح الله يشفيه) ترا اثور بك (محارمنا يابناخيي...)
جررررب هالوصفه منت خاسرن شي لان العلاج الشعبي ان ما نفع ماضر >>>شعندوهـ الفاهم ههههههههههه
لك التقدير لبناخي .... تقبل مروري.

[طلال]

ماتشوف شر الحنشل :)

وهالوصفه الله يستر منه :)

شـ صار عليه ، بشر ؟! :)


الله يعافيك من الشر

[الحنشل]

أمير القوافي

ما يجيك الشر يا الغالي .. و المقصد الفايده للجميع

[الحنشل]

خالي


الله يسلمك .. و ما تشوف شر خالووو




و أبشرك إن أم فريح طلعت من الطبيب .. و الحين باسطه فراشه بالحوش و مدزعيه


و حوله أم صحن و أم فهيد و أم عايد و أم سالم و أم خليف و أم منيس


و كلن وحده منهن جايبه معه صرة .. تخبر ما عندهن سوالفنا فطاير و حلويات

[الحنشل]

طلال


ما يجيك الشر يا العشير


ياخوي من جربت العلاج وهو ينقطع عنّا العجاج


لكن أقرب عجّه تجي .. أعلمك وش وقع الفلتر

[سلطااان السويري]

الوصفه سامعن به يالحنشل


وجربه واحدن من العيال وتحسن بالحيل


لاكن ماستمر عليه ورجعتله الحساسيه



لاهنت يالعشير

[الحنشل]

سلطان


الله يبشرك بالخير ... لا يكون بس ابو خليف

[شنقل]

خلك من الوصفات


العلاج عندي



ارسله ع جوالك

[سلام]

ماتشوووووووووف شر حنشل


لكن ودناا تجرب منشان نستفييد ههههههههههههه


انتبة مو اي خلطة تأخذها انت جربها ع شنقل وان ماجاة شي جربها ع نفسك خخخخخخخخ



ماتشووف شر وربي يكفكم شر الامرااض


دمتم بخيير

[الشمـــ نور ــــري]

1ـ ورق جوافه .. يطبخ كأنه شاي (تشرب منّه كل صباح كوب)


^
^
^
انا ما نفعني بس نفعت الوغداان اللي بهم ربوو





الربو<__آآخ يالربو لاعب بحسبتي ومطيح حظي:wallah_hoo:

وربي ماله علاج ودخل الصيف وهذي المصيبه العظمى لي جونا دمار غبار ورطوبه وين اللي يذبح مع بعض:za3lan:

[الحنشل]

شنقل


و الله ما عندك الا الضعوي


مار لا اشوف رقمك

[الحنشل]

سلام .... الشر ما يجيك


و التجارب تبون تسمعون به ... تسان ما شول كراعي

[الحنشل]

نووور


العلاجات هذي مو شرط تنفع مع كل الناس



لكن أنا الحين أجرب علاج وصفه لي الكاتم


10 حبات قرنفل (منزوع الزهر) ... تنقع بماء و تشربينهن الصبح



و الحمد لله تقل صارت صحتي أحسن



بس للحين ما جانا عجاج من شان أجرب

[الشمـــ نور ــــري]

^
^
ان شالله اني بجربه من اليوم..

[الحنشل]

^
^
هذا كل الشعب طلعوا عاهات:)


الله يستر بستره

[الحنشل]

يا الربع


ماش .......... طب الكاتم ما نفع


الله حق تحسنت شوي ... بس مع أول موجة غبار



مسابق أنا وجدتي على الإسطوانه



/
\
/
\



على شان كذا ..... نبي نجرب العلاج الأول






نوافيكم بالتفاصيل بعد 14 يوم

[ليلى بنت عبدالعزيز]

اول شي الوقايه قبل العلاج
التتن تتركه عشان تطيب
والاهم عشان امك وابوك و زوجتك وعيالك
يافرحتهم اذا تركت الدخان:)



ومكان تواجدك يكنس يوميا وكل ماغبرت شغل المكنسه واكنس :315r:
وفراشك ينشر كل يوم في الشمس
او تفتح الدريشه وخل الشمس تدخل الغرفه
وغرفه نومك يفضل سيراميك والستاير تكون شرايح ابعد عن الموكيت لانه يثير الحساسيه
وتقوم تحط بغرفه نومك مرطب جو
انصحك بها النوع جربت كثير وهذا اجودهن وتلقاه في الصيدليات
http://up.arab-x.com/Apr10/Bnj30241.jpg (http://up.arab-x.com/)


وابتعد عن العطور
وعند النوم تكون بوضع الجلوس
واذا زادت الحاله معك خل اي احد يسوي مساج على الظهر وهو تدليك العمود الفقري بربت من الرقبه حتى اخر الظهر


العلاج


وصفه الجوافه تراها ميه ميه ومجربتها
وانصحك بشرب الحلبه مفيده جدا للصدر
و كل ملعقه الصبح وملعقه المساء من الرشاد
او ملعقه صغيره من عود القسط على كاس ماء طول الليل ويشرب الصبح على الريق
ووصفه اخوي الكاتم صحيحه بس مو كل مناسب له ممكن يكون الشخص فيه تجلط بالدم او ارتفاع بالضغط





ومعليش على الاطاله :)
بس طولت والله معانيه من الربو من عيالي


الله يشفيك ويشفيهم ويشفي مرضى المسلمين

[شرهه]

^


ياويلي يبي لوه شغل


اجلس بربوي ولا اعمل هالعمول :(

[الحنشل]

^
^

إنتي على شحم ... الموضوع لي وشو له تدسين خشيمك


/
\
/


أم محمد .. الله يعطيك العافيه


أدري هذا من حرصك .. بس و الله بعد صعب أسوي اللي تقولينه :)



و الله يشفي محمد و أخوانه .. و يوظف أمهم

[شرهه]

^

سقها سقها



اقول لا يكثر و يا منك لقيت علاج سهل و ينفع علمن :)



>>ماسكتن عليه ممسك :)

[الحنشل]

^
^

أبشري طال عمرك << ذالن إنه تفضحه





شرهه

وش أبشرك به ...... العلاج جاب مفعوله




اليوم على العجاج اللي ضاربن رفحاء ... ما قربت للإسطوانه




ياربي لك الحمد





يا الله خوذي الوصفه وجربيه